اسلام آباد : سپریم کورٹ میں نیب ترامیم فیصلے کیخلاف ایک اور نظر ثانی اپیل دائر کردی گئی ،جس میں کہا سپریم کورٹ نے ہمیں سنے بغیرنیب ترامیم کیخلاف فیصلہ دیا۔
تفصیلات کے مطابق سپریم کورٹ میں نیب ترامیم فیصلے کیخلاف نظر ثانی اپیل دائر کردی گئی ، فاروق ایچ نائیک نے سابق ایم ڈی اوجی ڈی سی ایل بشارت مرزا کی جانب سے اپیل دائر کی۔
درخواست میں چیئرمین پی ٹی آئی، وفاق اور نیب کو فریق بنایا گیا اور مؤقف اپنایا گیا ہے کہ سپریم کورٹ نے ہمیں سنے بغیرنیب ترامیم کیخلاف فیصلہ دیا، احتساب عدالت نے میرے خلاف ریفرنس اینٹی کرپشن عدالت کو بھجوادیا۔
درخواست گزار کا کہنا تھا کہ نیب ترامیم کیخلاف درخواست میں کسی بنیادی حقوق کی خلاف ورزی کی نشاندہی نہیں کی گئی، نیب ترامیم کیخلاف درخواست آئینی وقانونی تقاضے پورے نہیں کرتی تھی، استدعا ہے کہ سپریم کورٹ نیب ترامیم کیخلاف 15ستمبرکافیصلہ کالعدم قراردے۔
گذشتہ روز ایڈووکیٹ فاروق ایچ نائیک نے درخواست گزار عبد الجبار کیطرف سے فیصلہ کیخلاف نظر ثانی دائر کی تھی۔
درخواست میں موقف اپنایا گیا تھا کہ سپریم کورٹ نے ہمیں سنے بغیر نیب ترامیم کیخلاف فیصلہ دیا اور نیب ترامیم کے بعد احتساب عدالت نے میرے خلاف ریفرنس اینٹی کرپشن عدالت کو بھجوادیا۔
درخواست گزار کا کہنا تھا کہ نیب ترامیم کیخلاف درخواست میں کسی بنیادی حقوق خلاف ورزی کی نشاندہی نہیں کی گئی، استدعا ہے کہ عدالت عظمیٰ نیب ترامیم کیخلاف 15 ستمبر کا فیصلہ کالعدم قرار دے۔
