گلگت : نلتر میں سیاحوں کی کار سو فٹ گہری کھائی میں گرنے سے پانچ افراد جاں بحق ہوگئے، جاں بحق تمام افراد کا تعلق گلگت سے ہیں۔
تفصیلات کے مطابق گلگت کے مضافاتی سیاحتی مقام نلتر کی سیر کو جانے والی فیملی کو حادثہ پیش آیا۔
موڑ کاٹتے ہوئے کار سوفٹ کھائی میں جا گری، ریسکیو ورکرز نے بتایا کار میں چھ افراد سوار تھے، انہیں شدید زخمی حالت میں پی ایچ کیو اسپتال گلگت پہنچایا گیا۔
جہاں دوران علاج پانچ افراد نے دم توڑ دیا جبکہ ایک شخص زیرعلاج ہے، مرنے والوں میں دو بچے اور دو خواتین شامل ہیں۔
حادثے کا شکار فیملی کا تعلق گلگت شہرسے ہے، فیملی عید پر پکنک منانے کار میں وادی پہنچی تھی۔
جنات کا وجود ایک حقیقت ہے، بعض جنات انسانوں کو کوئی تکلیف نہیں پہنچاتے لیکن بعض جنات اپنے تخلیے میں کسی کو برداشت نہیں کرتے اور ان کا جینا محال کردیتے ہیں۔ ایسا ہی کچھ واقعہ اداکارہ نتاشا علی کے ساتھ پیش آیا۔
تفصیلات کے مطابق اے آر وائی ڈیجیٹل کے مارننگ شو گڈ مارننگ پاکستان میں اداکارہ نتاشا علی نے اپنے ساتھ ہونے والا ایک خوفناک واقعہ سنایا۔ انہوں نے بتایا کہ وہ فیصل بخاری اور ٹیم کے ساتھ ایک شوٹ کے لیے نلتر گئی تھیں۔
وہاں رہنے کی کوئی جگہ نہیں ملی تو انہوں نے ایک زیر تعمیر گیسٹ ہاؤس کھلوایا اور وہاں رک گئے۔
نتاشا نے بتایا کہ پہلے دن شوٹ سے واپسی پر جب وہ واپس گیسٹ ہاؤس پہنچے اور رات کا کھانا لگایا جارہا تھا تو ایک ہولناک واقعہ پیش آیا، میز پر کھانے کی بڑی ہانڈیاں رکھی ہوئی تھیں اور وہ سب کھانا شروع کرنے جارہے تھے کہ اچانک پوری میز خود بخود الٹ گئی۔
اس واقعے سے سب ڈر گئے اور سب نے اگلی صبح وہاں سے نکلنے کا فیصلہ کیا، رات سونے کے لیے جب سب اپنے کمروں میں تھے تو برابر کے کمرے سے ایک چیخ سنائی دی، جب سب وہاں پہنچے تو علم ہوا کہ کمرے میں ایک شعلہ گھوم رہا تھا جو اداکار حنان کے اوپر گرا اور جب تک وہ اسے ہٹاتے ان کی ٹانگ کا ایک حصہ جل چکا تھا۔
اس کے بعد فیصل بخاری نے وہاں کھڑے ہو کر اعلان کیا کہ ہم یہاں صرف اپنے کام کے لیے آئے ہیں اور ہمارا ارادہ 2 دن رکنے کا تھا لیکن ہم کل صبح واپس جارہے ہیں، ہمیں صرف آج رات یہاں رکنے کی اجازت دی جائے۔
نتاشا کے مطابق اس کے بعد بھی خوفناک آوازوں کا سلسلہ جاری رہا۔
اس کے بعد اگلی صبح جب سب وہاں سے نکل رہے تھے تو ایک اداکار نے بتایا کہ انہوں نے وہاں کسی کا سر دیکھا تھا، اور وہ اسے دیکھ کر بالکل بے جان ہوگئے اور ان کے منہ سے آواز نہیں نکل پارہی تھی۔
گلگت بلتستان: پاکستان ایئر فورس اِسکی ریزورٹ، نلتر میں سعدیہ خان اِسکی کپ اختتام تک پہنچ گیا ہے، وادیٔ نلتر کے برف زار میں لڑکیوں کے اسکی مقابلوں نے سب کو حیران کر دیا۔
تفصیلات کے مطابق نوجوان اسکیئر مرحومہ سعدیہ خان اِسکی کپ نلتر میں خواتین کی سلالم کیٹیگری میں عمائمہ ولی نے پہلی جب کہ جیا علی نے دوسری پوزیشن حاصل کی۔ خواتین کی جائنٹ سلالم کیٹیگری میں خوشین صاحبہ نے پہلی جب کہ حمیمہ ولی نے دوسری پوزیشن حاصل کی۔
لڑکیوں کے انڈر 12 سیکنڈ اسپیڈ اسکیٹنگ مقابلے میں مشال حسین نے پہلی پوزیشن حاصل کی، لڑکیوں کی انڈر 16 کیٹیگری مقابلوں میں منہال عزیز پہلے نمبر پر رہیں، جب کہ ماسٹر کیٹیگری کی خوشین صاحبہ نے پہلی پوزیشن حاصل کر کے مقابلہ جیتا۔
چلڈرن اِسکی مقابلوں میں لڑکیوں کی انڈر 14 سلالم کیٹیگری میں مشال حسین پہلے جب کہ مریم اقبال دوسرے نمبر پر رہیں۔
لڑکوں کی انڈر 16 کیٹیگری مقابلوں میں سیف اللہ پہلے نمبر پر جب کہ زبیر علی دوسرے نمبر پر رہے، لڑکوں کی انڈر 14 کیٹیگری مقابلوں میں زمان علی پہلی پوزیشن کے حق دار رہے جب کہ ظاہر اللہ دوسری پوزیشن کے حق دار قرار پائے۔ اسکیٹنگ بوائز کیٹیگری I میں محمد اقبال پہلے نمبر پر آئے، لڑکوں کی انڈر 12 کیٹیگری مقابلوں میں مبشر پہلے نمبر پر رہے۔ ماسٹر کیٹیگری میں ضیا الرحمٰن پہلے نمبر پر رہے۔
یہ مقابلے پی اے ایف اِسکی ریزورٹ، نلتر میں 3 دن جاری رہے، پاکستان کی مختلف اِسکی ایسوسی ایشنز کے اسکیئرز نے سخت سردی میں ان مقابلوں میں حصہ لیا۔ اِسکی سے دل چسپی رکھنے والوں کی ایک بڑی تعداد اس چیمپئن شپ کو دیکھنے کے لیے آئی تھی۔
اس ایونٹ کو ایک نوجوان اسکیئر سعدیہ خان کے نام سے منسوب کیا گیا ہے جو 24 سال کی عمر میں ایک کار حادثے میں انتقال کر گئی تھی۔
