ARYNews.tv | Urdu – Har Lamha Bakhabar

Tag: نماز

  • مسجد الحرام اور مسجد نبویؐ میں خطبہ جمعہ اور نماز کا دورانیہ مختصر کرنے کا فیصلہ

    مسجد الحرام اور مسجد نبویؐ میں خطبہ جمعہ اور نماز کا دورانیہ مختصر کرنے کا فیصلہ

    سعودی عرب حرمین میں ادارہ دینی امور کے سربراہ شیخ عبدالرحمان السدیس کا کہنا ہے کہ حج سیزن میں ضیوف الرحمان کے تحفظ کی خاطر خطبہ جمعہ اور نماز کا دورانیہ مختصرکرنے کا فیصلہ کیا گیا ہے۔

    سعودی خبر رساں ادارے کی رپورٹ کے مطابق سعودی عرب میں شدید گرمی کے باعث حرمین شریفین میں عازمین حج کی سہولت کے پیش نظر دینی امور کے سربراہ نے خصوصی ہدایت کی ہے تاکہ حجاج کو گرمی کی شدت سے بچایا جاسکے۔

    شیخ السدیس کا کہنا تھا کہ ادارہ حرمین کی جانب سے مسجد الحرام اور مسجد نبوی صلی اللہ علیہ وآلہ وسلم میں جمعہ کا خطبہ اور نماز کا دورانیہ کم کرکے 15 منٹ کردیا گیا ہے، جبکہ تمام نمازوں کے اوقات میں بھی کمی کرتے ہوئے اذان اور اقامت کے درمیان کا وقت 5 سے 10 منٹ کردیا ہے۔

    واضح رہے دنیا بھر سے لاکھوں عازمین حج اس وقت مکہ مکرمہ اور مدینہ منورہ پہنچ چکے ہیں۔ موسمِ گرما کی وجہ سے بیشتر معمر اور بیمار عازمین کو دشواری کا سامنا کرنا پڑتا ہے۔ جس کے باعث یہ فیصلہ کیا گیا ہے۔

    دوسری جانب سعودی عرب میں ذی الحج چاند نظر آ گیا ہے حج کا رکن اعظم وقوف عرفہ جمعرات 5 جون کو ادا کیا جائے گا اور عیدالاضحیٰ جمعہ 6 جون کو منائی جائے گی۔

    سعودی عرب میں ذی الحج کا چاند دیکھنے کے لیے گزشتہ روز رویت کمیٹی کا اجلاس ہوا جب کہ سعودی سپریم کورٹ نے بھی عوام سے چاند دیکھنے کی اپیل کی تھی۔

    بچوں کو حج پر لے جانے پر عائد پابندی تاحال برقرار

    عرب میڈیا کے مطابق سدیر، مکہ، تبوک، تمیر، ریاض اور دیگرعلاقوں سے چاند دیکھنے کی شہادتیں حاصل ہوئیں۔ اس کے بعد سعودی رویت ہلال کمیٹی نے ذی الحج کا چاند نظر آنے کا باضابطہ اعلان کر دیا ہے۔

  • لوگوں کی تنقید مجھے نماز پڑھنے سے نہیں روک سکتی، نصرت بروچا

    لوگوں کی تنقید مجھے نماز پڑھنے سے نہیں روک سکتی، نصرت بروچا

    بالی ووڈ اداکارہ نصرت بھروچا نے کہا ہے کہ لوگوں کی تنقید انھیں نماز پڑھنے سے نہیں روک سکتی۔

    بھارتی ذرائع ابلاغ کے ساتھ حالیہ انٹرویو میں نصرت بھروچا نے انکشاف کیا کہ انھیں اکثر اپنے لباس یا اپنے عقیدے کو لے کر لوگوں کی جانب سے تنقید کا سامنا کرنا پڑتا ہے، اس سے نمٹنے کے سوال پر نصرت بھروچا کا کہنا تھا کہ یہ چیزیں مجھے تبدیل نہیں کرسکتیں۔

    نصرت بروچا نے کہا کہ یہ تنقید مجھے مندر جانے یا نماز پڑھنے سے نہیں روکیں گی، میں دونوں ہی چیزیں کرتی رہوں گی کیونکہ یہ میرا ایمان ہے۔

    انھوں نے وضاحت کی کہ انھیں تنقید سے نمٹنے کی طاقت ملتی ہے کیونکہ وہ اپنے خیالات اور روح میں واضح سوچ کی حامل ہیں، بالی ووڈ اداکارہ نے بتایا کہ صرف وہ ہی نہیں بلکہ ان کا خاندان بھی انفرادی طور پر عقیدے پر عمل کرنے کی آزادی پر یقین رکھتا ہے۔

    نصرت نے کہا کہ "جہاں بھی آپ کو سکون ملتا ہے چاہے وہ مندر ہو، گرودوارہ ہو یا گرجا گھر، آپ کو وہاں جانا چاہیے، میں یہ بھی کھلے دل سے کہتا ہوں کہ میں نماز پڑھتی ہوں، وقت ملے تو دن میں پانچ وقت نماز پڑھتی ہوں۔

    حتیٰ کہ سفر کے دوران اپنی جائے نماز بھی ساتھ رکھتی ہوں، میں جہاں بھی جاتی ہوں، مجھے ایک ہی طرح کا سکون اور راحت ملتی ہے،

    نصرت بروچا نے کہا کہ میں ہمیشہ ایک ہی خدا سے جڑتی ہوں، خدا ایک ہی ہے، مختلف راستوں پر چلتے ہوئے اس ذآت سے اپنا تعلق رکھا جاسکتا ہے، میں ان تمام راستوں کو تلاش کرنا چاہتی ہوں۔

    نصرت بھروچا نے پیار کا پنچنامہ (2011)، سونو کے ٹیٹو کی سویٹی (2018) اور چھوری (2021) جیسی فلموں اداکاری سے اپنی صلاحیتوں کا لوہا منوایا تھا۔

    انھوں نے فلموں میں اپنی جاندار اداکاری بار بار اپنی استعداد کو ثابت کیا، اب وہ حال ہی میں ریلیز ہونے والی چھوری 2 میں اپنی اداکاری کی بدولت ٹرینڈ کر رہی ہیں، جس میں سوہا علی خان بھی موجود ہیں۔

  • رمضان کا آخری عشرہ: روضہ رسول ﷺ پر حاضری، ریاض الجنہ میں نماز کا شیڈول جاری

    رمضان کا آخری عشرہ: روضہ رسول ﷺ پر حاضری، ریاض الجنہ میں نماز کا شیڈول جاری

    سعودی عرب میں رمضان المبارک کا آخری عشرہ کل سے شروع ہو رہا ہے مسجد نبوی انتظامیہ نے ریاض الجنہ میں نماز کے شیڈول کا اعلان کیا ہے۔

    مسلمانوں کا ماہ مقدس رمضان المبارک اختتام کی جانب گامزن ہے۔ سعودی عرب میں کل سے اس کا آخری عشرہ شروع ہو رہا ہے۔ دنیا بھر سے زائرین کی کثیر تعداد میں آمد کے باعث مسجد نبوی ﷺ کی انتظامیہ نے آخری عشرے میں روضہ انور ﷺ پر حاضری اور ریاض الجنہ میں نماز کے لیے شیڈول جاری کر دیا ہے۔

    ادارہ امور حرمین شریفین کے جاری شیڈول کے مطابق مرد نمازیوں ک لیے روضہ شریفہ کی زیارت کا آغاز صبح 11:20 سے رات 8 بجے تک ہوگا۔

    مرد زائرین کے لیے دوسرے مرحلے میں رات 11 بجے سے 12 تک اور تیسرا مرحلہ صبح کے 2 سے 5 بجےتک ہوگا۔

    اس کے علاوہ خواتین زائرین کے لیے صبح 6 سے 11 بجے تک روضہ رسول ﷺ پر حاضری اور ریاض الجنہ میں نماز کے لیے وقت مقرر ہے۔

    ادارہ امور حرمین کا مزید کہنا ہے ریاض الجنہ میں نوافل کی ادائیگی کے لیے نسک پورٹل کے ذریعے پیشگی وقت حاصل کرنا ضروری ہے۔ اس کا مقصد اذدھام پر قابو پانا اور زیادہ سے زیادہ زائرین کو نوافل ادا کرنے کی سہولت فراہم کرنا ہے۔

    یاد رہے روضہ شریفہ کا رقبہ 330 مربع میٹر ہے جس میں فی گھنٹہ 800 افراد کی گنجائش ہے۔ اوسطاً ہر وزیٹر کو دس منٹ ملتے ہیں۔

    https://urdu.arynews.tv/video-imam-kaabas-heartfelt-collective-prayer-for-palestinian-victory/

  • نماز (عبادات) کی ویڈیو بنانا اور اسے براہ راست نشر کرنا درست یا غلط؟ سعودی مفتی اعظم کا فتویٰ آ گیا

    نماز (عبادات) کی ویڈیو بنانا اور اسے براہ راست نشر کرنا درست یا غلط؟ سعودی مفتی اعظم کا فتویٰ آ گیا

    سوشل میڈیا کے دور میں لوگ عبادات کی تشہیر کرتے ہیں نماز کی ویڈیو بنانا اور براہ راست نشر کرنے سے متعلق سعودی مفتی اعظم کا فتوی آ گیا ہے۔

    سوشل میڈیا کے پھیلاؤ نے عبادات کو بھی متاثر کرنا شروع کردیا ہے اور اب لوگ اپنی عبادات بالخصوص حج وعمرہ، حرمین شریفین میں نماز کی ادائیگی کی ویڈیوز بناتے اور شیئر کرتے بلکہ اب تو لائیو سوشل میڈیا پر نشر بھی کیا جاتا ہے۔

    اس حوالے سے وزارت اسلامی امور، دعوت و رہنمائی کی طرف سے سوشل میڈیا کے ذریعے نماز اور لیکچر کی فلم بندی اور نشریات کو روکنے کا فیصلہ کیا گیا جس پر کچھ حلقوں کی جانب سے سوالات کیے گئے۔ اب سعودی عرب کے مفتی اعظم کی جانب سے اس حوالے سے دیا گیا فتویٰ سامنے آ گیا ہے۔

    سعودی خبر رساں ایجنسی ایس پی اے کے مطابق مفتی اعظم اور سینئر علما کونسل کے چیئرمین شیخ عبدالعزیز آل الشیخ نے اس کو سنگین مسئلہ قرار دیا ہے۔

    سعودی مفتی اعظم نے کووڈ مریضوں کا دوسروں سے ملنا حرام قرار دیدیا - ایکسپریس اردو

    مفتی اعظم  نے جاری کردہ فتویٰ میں کہا ہے کہ مساجد میں نماز، خطبات اور لیکچرز کی تصویر کشی کے ساتھ ساتھ نماز یا عبادات جیسے عبادات کی تصویر کشی کرنے کے احکام ہیں جو تصویر کھینچنے کی نیت اور مقصد کے مطابق مختلف ہیں۔

    انہوں نے یہاں نبی کریم صلی اللہ علیہ وسلم کا یہ فرمان نقل کیا: مَنْ سَمَّعَ سَمَّعَ اللَّهُ بِهِ وَمَنْ يُرَائِي يُرَائِي اللَّهُ بِهِ۔ یعنی ’’جو شخص شہرت کی خاطر کوئی عمل کرتا ہے تو (روز قیامت) اللہ اس شخص کو (لوگوں کے سامنے) ذلیل فرمائے گا۔ اور جو دکھلاوا کرتا ہے تو اللہ اسے (لوگوں کو) دکھلا دے گا (کہ یہ شخص ریا کار ہے) ۔

    انہوں نے مزید کہا کہ اخلاص اہم ہے اور یہ وہی چیز ہے جو صالحین کو تکلیف دیتی ہے۔ کیونکہ جو شخص جانتا ہے کہ ہر وہ عمل جس سے خدا کے رضا کی امید نہ ہو اسے کرنے والے کی طرف سے رد کر دیا جائے گا۔ قیامت کے دن اپنے آپ کو مفلس پانے سے پہلے ہی غور و فکر کرنے کی ضرورت ہے۔

    مفتی اعظم شیخ عبدالعزیز آل الشیخ نے ائمہ اور مبلغین سے اپیل کی ہے کہ وہ اخلاص پر گہری نظر رکھیں اور منافقت اور شکوک و شبہات والی اشیا سے پرہیز کریں۔ ان مشکوک اشیا میں سوشل میڈیا چینلز اور مساجد کی ویب سائٹس کے ذریعے اپنی نمازوں اور لیکچرز کو نشر کرنا اور ان کی فلم بندی کرنا شامل ہے۔

  • ویڈیوز: مسجد الحرام کی تیسری توسیع کا بڑا حصہ نماز کے لیے کھول دیا گیا

    ویڈیوز: مسجد الحرام کی تیسری توسیع کا بڑا حصہ نماز کے لیے کھول دیا گیا

    رمضان المبارک میں زائرین عمرہ کی بڑی تعداد مکہ مکرمہ پہنچ رہی ہے مسجد الحرام کی تیسری توسیع کا بڑا حصہ نماز کے لیے کھول دیا گیا ہے۔

    رمضان المبارک میں مملکت سمیت دنیا بھر سے زائرین کی بڑی تعداد عمرہ ادائیگی کے لیے مسجد الحرام پہنچتی ہے۔ اس ماہ رمضان میں مسجد الھرام میں تیسری توسیع کا بڑا حصہ نماز کی ادائیگی کے لیے کھول دیا گیا ہے۔

    عاجل نیوز نے ادارے امور حرمین کی جانب سے جاری اعداد وشمار کے حوالے سے بتایا مسجد الحرام کی تیسری توسیع کا مجموعی رقبہ 12 لاکھ 14 ہزار مربع میٹر ہے۔

    تیسری توسیع کے جن حصوں کو رمضان المبارک میں فرض نمازوں اور تراویح کے لیے کھولا گیا ہے ان میں گراونڈ فلور، پہلی منزل، میزنائین، دوسری منزل اور دوسری منزل میزنائین کے ساتھ چھت کا حصہ شامل ہے۔

     

    مسجد الحرام میں کی جانے والی تیسری سعودی توسیع میں بچھائے جانے والے قالینوں کی تعداد 25 ہزار ہے جبکہ 17 ہزار واٹر کولرز بھی رکھے گئے ہیں۔

     

    اس کے علاوہ 11 ہزار 436 اضافی وضو کرنے کے مقامات ہیں۔ توسیع میں 120 نماز پڑھنے کے مقامات ہیں جبکہ 80 دروازے اور 28 لفٹیں نصب کی گئی ہیں۔

     

    یاد رہے مسجد الحرام کی تیسری توسیع کا حکم شاہ عبداللہ بن عبدالعزیز نے دیا تھا۔ یہ مسجد الحرام کی تاریخ کی سب سے بڑی توسیع ہے، جس کا آغاز جون 2010 میں ہوا تھا۔

  • اسرائیلی پابندیاں مسترد، مسجد اقصیٰ میں 80 ہزار فلسطینیوں نے نماز ادا کی

    اسرائیلی پابندیاں مسترد، مسجد اقصیٰ میں 80 ہزار فلسطینیوں نے نماز ادا کی

    غاصب اسرائیل کی پابندیاں بھی فلسطینی مسلمانوں کا جذبہ ایمانی کم نہ کر سکیں 80 ہزار فلسطینیوں نے مسجد الاقصیٰ میں نماز تراویح ادا کی۔

    غاصب صہیونی ریاست اسرائیل کی پابندیاں بھی فلسطینی مسلمانوں کا جذبہ ایمانی کم نہ کر سکی اور تقریباً 80 ہزار فلسطینیوں نے اسلام کی تیسری مقدس مسجد اور قبلہ اول مسجد الاقصیٰ میں نماز تراویح ادا کی۔

    عرب نیوز کے مطابق محکمہ برائے یروشلم وقف والاقصیٰ مسجد نے کہا ہے کہ 80 ہزار نمازیوں میں سے اکثریت یروشلم کے رہائشی اور اسرائیل کے فلسطینی شہریوں کی تھی، جو سنہ 1948 سے یہاں رہائش پذیر ہیں۔

    جبکہ مغربی کنارے کے مختلف شہروں سے آنے والے ہزاروں فلسطینیوں کو اسرائیلی فوج کی چیک پوسٹس پر ہی روک دیا گیا تھا۔

    واضح رہے کہ 15 ماہ کی مسلسل اسرائیلی بربریت  کے بعد اب عالمی طاقتوں کی مداخلت پر عارضی جنگ بندی ہے تاہم اسرائیل نے ماہِ رمضان میں مسجد الاقصیٰ کے حوالے سے نئی پابندیاں عائد کرتے ہوئے مقبوضہ مشرقی یروشلم کے مرکز میں واقع قدیمی شہر میں اضافی فوج تعینات کر دی تھی۔

    اس کے علاوہ ماہ رمضان میں مسجد الاقصیٰ میں مسلمانوں کا داخلہ اور نماز جمعہ میں نمازیوں کی تعداد بھی کم کر دی گئی ہے۔

    https://urdu.arynews.tv/israel-restrictions-at-al-aqsa-for-ramadan/

  • اس عمر میں جاکر نماز اور حیا کی اہمیت کو سمجھا ہے، انوشے اشرف

    اس عمر میں جاکر نماز اور حیا کی اہمیت کو سمجھا ہے، انوشے اشرف

    اداکارہ و ماڈل انوشے اشرف کا کہنا ہے کہ اس عمر میں جاکر انہوں نے نماز اور حیا کی اہمیت کو سمجھا ہے۔

    اداکارہ انوشے اشرف نے حال ہی میں ایک پوڈ کاسٹ میں شرکت کی اور نجی زندگی سمیت دیگر موضوعات پر اپنی رائے کا اظہار کیا۔

    انہوں نے کہا کہ پوری زندگی میری والدہ اور خالہ کہتی ہیں کہ نماز پڑھو لیکن اس وقت ہم نماز سے بھاگتے تھے، وہ کہتی تھیں کہ نماز نہیں پڑھی تو کھانا نہیں ملے گا لیکن ہم لوگ نماز سے بھاگتے تھے۔

    اداکارہ نے کہا کہ اس عمر میں جاکر دل سے نماز اور حیا کی اہمیت کو سمجھا ہے اور عمرے کی ادائیگی کی ہے۔

    اُنہوں نے کہا کہ نماز کی پابندی یا کسی کو کس طرح کے کپڑے پہننے چاہئیں، اس بارے میں زبردستی نہیں کی جا سکتی۔

    انوشے اشرف نے یہ بھی کہا کہ یہ سب انسان زندگی میں صرف تب ہی سمجھتا ہے جب اللّٰہ بندے کو ہدایت دیتا ہے، اس لیے ہمیں دوسروں کی سوچ اور ان کے انتخاب کا احترام کرنا چاہیے۔

    پوڈکاسٹ میں انہوں نے سیاست پر بھی خیالات کا اظہار کیا اور کہا کہ سیاست بہت خراب چیز ہے، وہاں جاتے ہے اچھا شخص بھی برا ہوجاتا ہے، نہ چاہتے ہوئے بھی وہ ایسی پالیسیز کا حصہ بن جاتا ہے، جو اسے پسند نہیں ہوتیں۔

    ماڈل کا کہنا تھا کہ اچھی بات ہے کہ نوجوان سیاست میں آ رہے ہیں اور نوجوانوں کو مزید سیاست میں آنا چاہیے لیکن افسوس کی بات یہ ہے کہ سیاست میں جاتے ہی ہر شخص غلط پالیسیز اور سسٹم کا حصہ بن جاتا ہے۔

    انوشے اشرف نے انکشاف کیا کہ ان کی والدہ شہید محترمہ بینظیر بھٹو کی بڑی مداح تھیں، وہ ان کے ہر جلسے اور پروگرام میں جاتی تھیں اور انہیں بھی کسی حد تک بینظیر بھٹو کی سیاست پسند تھی۔

  • طالبان کا باجماعت نماز نہ پڑھنے والے ملازمین کیلیے سزا کا اعلان

    طالبان کا باجماعت نماز نہ پڑھنے والے ملازمین کیلیے سزا کا اعلان

    (more…)

  • فلسطینی رمضان کی تیاری کیسے کرتے ہیں؟ شہید مساجد میں نماز پڑھنے کی جگہ کم پڑ گئی (ویڈیو)

    فلسطینی رمضان کی تیاری کیسے کرتے ہیں؟ شہید مساجد میں نماز پڑھنے کی جگہ کم پڑ گئی (ویڈیو)

    غزہ: اسرائیلی فورسز کے ہاتھوں ایک ہزار سے زائد مساجد شہید ہونے کے بعد فلسطینی تنگ اور محدود جگہوں پر نماز پڑھنے پر مجبور ہو گئے ہیں۔

    الجزیرہ کے مطابق صہیونی فورسز کی وحشیانہ بمباریوں میں مساجد بڑی تعداد میں شہید ہو گئی ہیں، جس کی وجہ سے فلسطینی ایسی جگہوں پر نماز ادا کرنے پر مجبور ہیں جو بہت تنگ اور محدود ہوتی ہیں، الجزیرہ نے ایک ویڈیو بھی شیئر کی ہے جس میں فلسطینیوں کے رمضان کی تیاریوں کو دکھایا گیا ہے۔

    غزہ کی پٹی کے علاقے رفح میں الہدیٰ مسجد گزشتہ ماہ صہیونی فورسز کا نشانہ بننے کے بعد کھنڈرات میں تبدیل ہو گئی ہے۔ یہ مسجد 1952 میں تعمیر کی گئی تھی اور اس علاقے کی سب سے بڑی مساجد میں سے ایک تھی، جس میں ایک لائبریری بھی قائم تھی اور نماز پڑھنے کی جگہ اتنی وسیع تھی کہ 1,500 سے زیادہ افراد کی گنجائش تھی، تاہم یہاں اب تنگ سی جگہ میں نماز پڑھی جاتی ہے۔

    ایک رپورٹ کے مطابق 7 اکتوبر سے اسرائیلی حملوں میں غزہ میں ایک ہزار سے زائد مساجد تباہ ہو چکی ہیں۔ ایک طرف تباہی و بربادی اور موت ہے، دوسری طرف رمضان المبارک کا مہینہ ہے، تاہم فلسطینی اس حال میں بھی مقدس مہینے کی تیاری کر رہے ہیں اور تراویح کا اہتمام بھی کیا جائے گا۔

    اسرائیلی سازش بے نقاب ہوتے ہی کینیڈا اور سویڈن نے غزہ فنڈنگ بحال کر دی

    ایک شخص نے الجزیرہ کو بتایا کہ تباہ شدہ الہدیٰ مسجد میں نمازیوں کے لیے یہ چھوٹی سی جگہ یہاں کے مکینوں نے رضاکارانہ طور پر بنائی ہے، تاکہ لوگ عبادت کر سکیں۔ اس نے امید ظاہر کی کہ جلد یہ جنگ ختم ہو جائے گی اور یہ مسجد بھی بحال ہو جائے گی، کیوں کہ یہ اس علاقے کی مرکزی مسجد ہے جہاں آس پاس کے کئی علاقوں سے نمازی آتے ہیں۔

  • پاک افغان کرکٹرز کی ایک ساتھ گراؤنڈ میں نماز کی ادائیگی کی تصاویر

    پاک افغان کرکٹرز کی ایک ساتھ گراؤنڈ میں نماز کی ادائیگی کی تصاویر

    پاکستان اور افغانستان کے کرکٹرز نے ٹی 20 سیریز کے پہلے میچ سے قبل ایک ساتھ نمازِ مغرب ادا کی جس کی تصاویر افغان کرکٹ بورڈ نے شیئر کی ہے۔

    پاکستان اور افغانستان کے درمیان 3 ٹی ٹوئنٹی میچز پر مشتمل سیریز کا پہلا میچ گزشتہ روز شارجہ میں کھیلا گیا جہاں افغانستان کی ٹیم نے سیریز کے پہلے میچ میں فتح حاصل کی۔

    میچ سے قبل دونوں ٹیموں کے کھلاڑیوں نے افطار کے بعد نماز مغرب ایک ساتھ گراؤنڈ میں ادا کی، نماز کی ادائیگی کی تصویر سوشل میڈیا پر وائرل ہوگئی۔

    پہلا ٹی 20: افغانستان نے پاکستان کو 6 وکٹوں سے شکست دے دی

    اس سے قبل گزشتہ روز بھی پاک افغان ٹیموں کے کھلاڑیوں نے پریکٹس سیشن کے دوران ایک ساتھ نماز ادا کی تھی جس کی تصاویر سوشل میڈیا پر وائرل ہوئیں تھیں۔