Tag: نماز جنازہ

کوئٹہ : اغوا کے بعد قتل ہونے والے تاجر کے بیٹے 10 سالہ مصور کاکڑ کی نمازجنازہ آج شام ادا کی جائے گی۔

تفصیلات کے مطابق کوئٹہ میں تاجر کے بیٹے کو اغوا کے بعد قتل کردیا گیا، دس سالہ مصور کاکڑ کی نمازجنازہ آج شام چھ بجے ہاکی گراؤنڈ میں ادا کی جائے گی۔

تاجرتنظیموں کی جانب سے آج شہر بھر میں 4 بجے احتجاجاً بازار بند کرنے کا اعلان کیا ہے۔

مصور کاکڑ کو اسکول جاتے ہوئے پندرہ نومبر دو ہزار چوبیس کی صبح اغوا کیا گیا تھا۔

وزیراعلیٰ بلوچستان بلوچستان سرفراز بگٹی کا کہنا ہے داعش کے دہشت گردوں نے معصوم بچے کو تاوان کی خاطر بے دردی سے شہید کیا، واقعے کی صرف مذمت ہی نہیں ملوث عناصر کو کیفر کردار تک پہنچانا ذمہ داری سمجھتا ہوں، واقعے میں ملوث کچھ دہشت گرد جہنم واصل ہوچکے کچھ کے گرد گھیرا تنگ ہے۔

گذشتہ روز ڈی آئی جی کوئٹہ اعتزاز احسن کا ترجمان حکومت بلوچستان شاہد رند کے ہمراہ کوئٹہ میں پریس کانفرنس کرتے ہوئے کہا دشت سے ملنے والی لاش مغوی بچے مصورخان کاکڑ کی ہے، ڈی این اے تصدیق کے بعد لاش لواحقین کے سپرد کردی گئی ہے۔

ان کا کہنا تھا کہ تحقیقات میں معلوم ہوا کہ اغواء میں کالعدم تنظیم داعش ملوث ہے ، کالعدم تنظیم داعش کی جانب سے ایران اور افغانستان کی سموں سے لواحقین کو فون آ رہے تھے۔

ڈی آئی جی کوئٹہ نے مزید بتایا تھا اغواء کاروں نے مغوی مصور کو دہشت سے اسپلنجی کے علاقے میں منتقل کیا 23 جون کو مصور کاکڑ کی قبر کا معلوم ہوا کارروائی میں ایک لاش برآمد کی گئی ، بچے کی لاشیں کی برآمدگی کے بعد والدین سے ڈی این اے کے لئے سیمپلز لئے گئے ڈی این اے کے سیمپلز برآمد ہونے والی لاش سے میچ کر گئے ہیں۔

اسلام آباد : ن لیگ طارق فضل چوہدری اپنے بیٹے کیلئے دعا کرتے ہوئے آبدیدہ ہوگئے اور کہا میرے بیٹے جیسا خاندان میں کوئی نہیں تھا ، وہ انتہائی نیک اور فرمابردار بچہ تھا۔

تفصیلات کے مطابق ٹریفک حادثے میں جاں بحق رہنما ن لیگ طارق فضل چوہدری کے بیٹے عنزہ طارق کی نماز جنازہ ادا کردی گئی، نمازِ جنازہ مسلم لیگ ن کے سیکریٹریٹ چیک شہزاد میں ادا کی گٸی۔

نمازجنازہ میں وفاقی وزراء خواجہ آصف ، رانا ثنا اللہ ، سابق وزیراعظم شاہد خاقان عباسی ، زمرد خان اور سپیکر قومی اسمبلی راجا پرویز اشرف سمیت سیاسی شخصیات سمیت شہریوں کی بڑی تعداد نےشرکت کی۔

اس موقع پر طارق فضل چوہدری نے میرے بیٹے کے جنازے میں آنیوالوں کا تہہ دل سے شکریہ ادا کرتے ہوئے کہ میرے بیٹے کی آخرت کی منزل کی مغفرت کیلئے دعا کریں۔

ن لیگی رہنما اپنے بیٹے کیلئے دعا کرتے ہوئے آبدیدہ ہو گئے اور کہا میرے بیٹے جیسا خاندان میں کوئی نہیں تھا ، عنزہ طارق انتہائی نیک اور فرمابردار بچہ تھا۔

گذشتہ روز رہنما ن لیگ طارق فضل چوہدری کا جواں سالہ بیٹا انزا طارق روڈ ایکسڈنٹ میں شدید زخمی ہوگیا تھا، جسے انتہائی تشویشناک حالت میں اسپتال منتقل کیا گیا تاہم وہ جانبر نہ ہوسکا تھا۔

پولیس حکام کا کہنا تھا کہ ٹریفک حادثہ سیونتھ ایونیو روڈ پر پیش آیا، حادثہ اس وقت ہوا جب انزاطارق کی گاڑی ایک موٹرسائیکل سوار کو بچاتے ہوئے کھمبے سے ٹکرا کر الٹ گئی تھی۔