ARYNews.tv | Urdu – Har Lamha Bakhabar

Tag: نمبر پلیٹ

  • شہر قائد میں موٹر سائیکل اور گاڑیوں پر اصل یا اصل جیسی نمبر پلیٹ لگانا لازمی قرار

    شہر قائد میں موٹر سائیکل اور گاڑیوں پر اصل یا اصل جیسی نمبر پلیٹ لگانا لازمی قرار

    کراچی: شہر قائد میں موٹر سائیکل اور گاڑیوں پر اصل یا اصل جیسی نمبر پلیٹ لگانا لازمی قرار دے دیا گیا ہے، فینسی نمبر پلیٹس کے خلاف آپریشن کے دوران تھانوں کے احاطے ضبط شدہ موٹر سائیکلوں سے بھر گئے۔

    تفصیلات کے مطابق کراچی ٹریفک پولیس کا فینسی نمبر پلیٹس کے خلاف گرینڈ آپریشن جاری ہے، گزشتہ روز ایک ہزار سے زائد موٹر سائیکلیں ضبط کی گئیں، تھانوں کے احاطے ضبط شدہ موٹر سائیکلوں سے بھر گئے ہیں۔

    ڈی آئی جی ٹریفک پیر محمد شاہ نے بتایا کہ سرکاری سائز کی واضح نمبر پلیٹس لگانا ضروری ہے، نمبر پلیٹ واضح نہ ہونے پر بھی موٹر سائیکلیں ضبط کی گئی ہیں۔

    ان کا کہنا تھا کہ یہ کریک ڈاؤن دراصل ای چالان مرحلے کا آغاز ہے، اور اگلے ماہ سے کیمروں کے ذریعے ای چالان سسٹم شروع کر دیا جائے گا۔

    گھر میں 1 کروڑ روپے، 80 تولہ سونے کی چوری میں سابق ڈرائیور ملوث نکلا

    ڈی آئی جی ٹریفک نے بتایا کہ جاری کریک ڈاؤن کے دوران کسی کا بھی چالان نہیں کیا جا رہا ہے، شہری نمبر پلیٹس بنا کر ضبط موٹر سائیکلیں لے جا سکتے ہیں، تاہم موٹر سائیکل جس کے نام رجسٹرڈ ہوگی صرف اُسے واپس دی جائے گی، جب کہ ای چالان قانون توڑنے والے شخص کے نام اور پتے پر جائے گا۔

    انھوں نے بتایا کہ آج رکشوں کے خلاف کریک ڈاؤن ہوگا، اور کل گاڑیوں کے خلاف ایسا ہی آپریشن کریں گے، کریک ڈاؤن کا مقصد ہے کہ لوگ سرکاری سائز کی نمبر پلیٹس لگائیں۔

  • ویڈیو: موٹر سائیکل پر ڈپٹی کمشنر کے نام کی نمبر پلیٹ لگا کر گھومنے والا شخص کون نکلا؟

    ویڈیو: موٹر سائیکل پر ڈپٹی کمشنر کے نام کی نمبر پلیٹ لگا کر گھومنے والا شخص کون نکلا؟

    حیدرآباد میں موٹر سائیکل پر ڈپٹی کمشنر کے نام سے نمبر پلیٹ لگا کر گھومنے والے شخص کو یہ سفر مہنگا پڑ گیا پولیس نے پکڑ لیا۔

    حیدرآباد میں گزشتہ دنوں سوشل میڈیا پر ایک ویڈیو وائرل ہوئی جس میں ایک شخص کو موٹر سائیکل پر ڈپٹی کمشنر حیدرآباد کے نام سے نمبر پلیٹ لگا کر سڑکوں پر گھومتے دیکھا گیا۔

    ویڈیو وائرل ہوتے ہی پولیس حرکت میں آئی اور ملزم کو گرفتار کر لیا۔ جب اس سے تفتیش کی گئی تو ڈی سی آفس کا ہی خاکروب نکلا۔

    ملزم نے ڈپٹی کمشنرکے نام کی نمبر پلیٹ لگانے پر ہاتھ جوڑ کر معافی مانگ لی۔

    ویڈیو میں دیکھا جا سکتا ہے کہ ملزم ہاتھ جوڑ کر معافی مانگتا ہے اور کہتا ہے کہ گاڑی کے کاغذات گم ہو گئے تھے، اس لیے ڈی سی کے نام کی نمبر پلیٹ لگائی۔ غلطی ہوگئی ہے معاف کریں آئندہ نہیں لگاؤں گا۔

    اس موقع پر پولیس افسر کی آواز سنائی دیتی ہے کہ اگر آئندہ لگائی تو جس پر ملزم کہتا ہے کہ پھر جو آپ سزا دینا چاہیں دے دیجیے گا۔

  • خبردار، نمبر پلیٹ سے چھیڑ چھاڑ اب آپ کو بڑی مصیبت میں ڈال سکتی ہے

    خبردار، نمبر پلیٹ سے چھیڑ چھاڑ اب آپ کو بڑی مصیبت میں ڈال سکتی ہے

    لاہور: خبردار، نمبر پلیٹ سے چھیڑ چھاڑ اب آپ کو بڑی مصیبت میں ڈال سکتی ہے، اب ایسا کرنے والے پر مقدمہ درج ہوگا۔

    تفصیلات کے مطابق جعلی، بوگس اور نمبر پلیٹ سے چھیڑ چھاڑ کرنے پر چالان کی بجائے اب شہری کے خلاف مقدمہ درج کیا جائے گا۔

    سی ٹی او لاہور منتظر مہدی کے مطابق مقدمات موٹر وہیکل آرڈیننس 97 اے کے تحت درج ہوں گے، بوگس، نمبر پلیٹ سے چھیڑ چھاڑ کرنے والوں کو 2 سال قید، اور 2 لاکھ تک جرمانہ ہوگا۔

    منتظر مہدی کا کہنا تھا کہ مینوفیکچررز کو ایک سال قید اور ایک لاکھ تک جرمانہ ہوگا، جب کہ نمبر پلیٹس کے خلاف کریک ڈاؤن پیر سے شروع ہوگا۔

    یاد رہے کہ گزشتہ روز ایک نوسرباز کو غیر قانونی طور پر گرین نمبر پلیٹس لگانے کا شوق حوالات لے گیا ہے، ٹول ٹیکس اور ناکے سے بچنے کے لیے نوسرباز نے غیر قانونی گرین نمبر پلیٹ لگائی ہوئی تھی۔

    جب ملزم کو پکڑ لیا گیا تو وہ شرمندہ ہونے کی بجائے وارڈن کو ڈراتا دھمکاتا رہا، تاہم ملزم کے خلاف تھانہ اسلام پورہ میں مقدمہ درج کر لیا گیا۔

    سی ٹی او لاہور سید منتظر مہدی کے مطابق رواں ماہ ڈرائیونگ لائسنس ٹکٹ ختم کر کے ای پیمنٹ سسٹم شروع کر نے کا بھی فیصلہ کیا گیا ہے، ای پیمنٹ سسٹم ایک ماہ میں شروع کر دیا جائے گا۔

  • گاڑی کی نمبر پلیٹ 16 کروڑ روپے میں فروخت

    گاڑی کی نمبر پلیٹ 16 کروڑ روپے میں فروخت

    دبئی: دبئی میں ایک گاڑی کی نمبر پلیٹ 16 کروڑ روپے میں فروخت ہوئی ہے۔

    تفصیلات کے مطابق دبئی میں خصوصی نمبر پلیٹس کی نیلامی میں E 55 نمبر کی پلیٹ 16 کروڑ (3.64ملین درہم) میں فروخت ہو گئی ہے۔

    دبئی روڈز اینڈ ٹرانسپورٹ اتھارٹی کی جانب سے گزشتہ روز کاروں کی خصوصی نمبر پلیٹس کی نیلامی کی گئی، ڈبلیو 29 کی بولی دو اعشاریہ پانچ ملین درہم، جب کہ ایکس 35 کی بولی دو اعشاریہ چار ملین درہم کی رہی۔

    دبئی میں کاروں کی خصوصی نمبر پلیٹس کے لیے 36 ملین درہم سے زائد کی بولیاں لگائی گئیں، نیلامی میں آر ٹی اے نے سو قسم کی ڈبل، ٹرپل، چار گنا اور پانچ اعداد والے نمبروں کی بولیاں لگوائیں۔عوام کی حفاظت کو یقینی بنانے کے لیے، آر ٹی اے نے ہوٹل مینجمنٹ کے تعاون سے نیلامی کے مقام پر تمام احتیاطی تدابیر اختیار کی تھیں۔

    نیلامی میں محدود نشستیں لگائی گئی تھیں، اور بولی کی رجسٹریشن بھی ہال ہی میں کی جا رہی تھی۔

  • برطانیہ: گاڑیوں کی ممنوعہ نمبر پلیٹس کی فہرست جاری

    برطانیہ: گاڑیوں کی ممنوعہ نمبر پلیٹس کی فہرست جاری

    برطانیہ میں گاڑی کے ممنوعہ نمبر پلیٹس کی نئی فہرست جاری کی گئی ہے، حکام کی جانب سے کہا گیا ہے کہ فہرست میں شامل نمبر پلیٹس والی گاڑیوں کو روک لیا جائے گا۔

    برطانیہ کی ڈرائیور اینڈ وہیکل لائسنسنگ ایجنسی (ڈی وی ایل اے) نے گاڑیوں کی نمبر پلیٹس کی نئی فہرست جاری کی ہے اور کہا ہے کہ مذکورہ نمبر پلیٹس لگانا غیر قانونی ہوگا۔

    ایجنسی نے کچھ مخصوص اعداد اور حروف کو نمبر پلیٹس پر درج کرنا ممنوعہ قرار دیا ہے۔

    ایجنسی کے مطابق ان میں سے اکثر حروف، اعداد یا ان کا مجموعہ (کمبی نیشن) یا تو نسلی تعصب کا اظہار کرتا ہے، یا پھر سیاسی طور پر تنازعے کا سبب بن سکتا ہے۔

    ادارے کے ترجمان کا کہنا ہے کہ اکثر برطانوی شہری اپنی پسند کی پرسنلائزڈ نمبر پلیٹ چاہتے ہیں، ایسی نمبر پلیٹس کی تعداد 50 ملین کے قریب ہے۔ برطانوی شہری پرسنلائزڈ نمبر پلیٹس پر ہر سال 160 ملین پاؤنڈز خرچ کرتے ہیں۔

    ایجنسی کی جاری کردہ فہرست میں مندرجہ ذیل اعداد و حروف کے مجموعے شامل ہیں جو ممنوعہ ہیں۔

    **70 OSS

    **70 SER

    **70 SSR

    **70 SSA

    **70 SSR

    **70 URD

    **70 WAT

    *B70 JOB

    *B70 LCK

    *B70 LKS

    *B70 MEE

    *B70 OMB

    *B70 TCH

    *B70 WJB

    *B70 WME

    *B70 WUP

    *C70 CK*

    *C70 K**

    AC70 LRD

    CO70 LRD

    *F70 FF*

    *F70 OFF

    *G70 FUC

    *G70 HEL

    *G70 HLL

    *G70 OK*

    *G70 SHT

    AH70 MO*

    UH70 MO*

    YH70 MO*

    *J70 HAD

    *K70 CK*

    *M70 NG*

    *M70 ONG

    *N70 GER

    *N70 GGA

    *N70 GGR

    *N70 GRR

    *P70 EDO

    *T70 SER

    *T70 SSR

    *T70 SSS

    TT70 WNK

    *U70 REM

    *W70 G**

    *W70 NKR

    *W70 NKS

    AA70 RYN

    AA70 YAN

    AB70 ORT

    AF70 CCK

    AF70 CKK

    AM70 FKR

    AP70 EDO

    AP70 SSY

    AR70 N**

    AR70 YNS

    AS70 HLE

    AS70 HOL

    AS70 OL*

    AS70 OLE

    BA70 ARD

    BA70 STD

    BA70 TRD

    BJ70 BOY

    BJ70 GAL

    BJ70 GRL

    BJ70 LAS

    BL70 JB*

    BL70 JJB

    BL70 JO*

    BL70 JOB

    BL70 TTO

    BL70 WJB

    BL70 WUP

    BO70 CK*

    BO70 CKS

    BO70 LOX

    BO70 OCK

    BO70 X**

    BR70 DED

    BR70 EDL

    BR70 GUN

    BR70 HTR

    BR70 KKK

    BR70 KLL

    BR70 KLR

    BR70 KLS

    BR70 MOB

    BR70 WAR

    BS70 TDS

    BS70 TDZ

    BS70 TRD

    BU70 GAR

    BU70 GER

    BU70 GGR

    BU70 GRD

    BU70 GRR

    BU70 GRS

    BU70 GRY

    CO70 N**

    CR70 PLE

    CR70 PPL

    DR70 UGS

    DR70 UGY

    EA70 DCK

    EA70 DKS

    EA70 DYK

    EA70 FWF

    EA70 GAL

    EA70 GRL

    EA70 HER

    EA70 MEE

    EA70 MME

    EA70 MOT

    EA70 MUF

    EA70 NOB

    EA70 VAG

    EA70 VAJ

    EU70 ATE

    EU70 BAD

    EU70 BOM

    EU70 FKD

    EU70 FWC

    EU70 GON

    EU70 NO*

    EU70 OFF

    EU70 OMB

    EU70 OUT

    EU70 SHT

    EU70 WAR

    EU70 YES

    FA70 APE

    FA70 GGT

    FA70 GOT

    FA70 NNY

    FA70 WAH

    FC70 KER

    FF70 FF*

    FF70 KED

    FF70 KER

    FK70 CKR

    FK70 CR*

    FK70 EXY

    FK70 KR*

    FK70 SXY

    FR70 APE

    FU70 CER

    FU70 KER

    GA70 GDD

    GA70 GED

    GA70 GER

    GA70 GGD

    GA70 GGR

    GA70 NJA

    GB70 BAD

    GB70 BOM

    GB70 DED

    GB70 DWN

    GB70 EDL

    GB70 FKD

    GB70 FKT

    GB70 GNG

    GB70 GUN

    GB70 HTR

    GB70 KKK

    GB70 KLL

    GB70 KLR

    GB70 KLS

    GB70 MOB

    GB70 SHT

    GB70 WAR

    GO70 HEL

    GO70 HLL

    GO70 SHT

    GO70 WAR

    GO70 GUN

    GO70 EUR

    GR70 PED

    GR70 PER

    GR70 PR*

    GY70 PO*

    GY70 PPD

    GY70 PPO

    HA70 SH*

    HE70 OIN

  • گاڑیوں کے یونیورسل نمبرز اور ای آکشن کا آج سے اجرا ہو گیا

    گاڑیوں کے یونیورسل نمبرز اور ای آکشن کا آج سے اجرا ہو گیا

    لاہور: صوبائی وزیر ایکسائز پنجاب حافظ ممتاز احمد نے گاڑیوں کے یونیورسل نمبر پلیٹس اور ای آکشن سسٹم کا افتتاح کر دیا۔

    تفصیلات کے مطابق آج سے گاڑیوں کے یونی ورسل نمبرز اور ای آکشن کا اجرا شروع ہو گیا، ملک بھر سے شہری گھر بیٹھے گاڑیوں کے پرکشش نمبروں کی نیلامی میں ای آکشن کے ذریعے حصہ لے سکیں گے۔

    اس سلسلے میں صوبائی وزیر کا کہنا تھا محکمہ ایکسائز کو اسمارٹ ٹیکنالوجی پر منتقل کر دیا ہے، یونیورسل نمبر سے گاڑیوں کی ری سیل میں حائل مشکلات کا خاتمہ ہوگا۔

    انھوں نے کہا موٹر وہیکل رجسٹریشن کی موجودہ سیریز ہر کیٹیگری میں ضلع کی بنیاد پر کی جا رہی تھی، رجسٹریشن کا سال نمبر پلیٹ پر دیا جاتا تھا اور الفا نومیرک اسکیم ہر سال دہرائی جاتی تھی، جس کی وجہ سے ہِٹ اینڈ رَن سچویشن میں اکثر گاڑیوں کے نمبر نوٹ کرنے میں کنفیوژن رہتی تھی، اب یونی ورسل رجسٹریشن سیریز سے سہولت کے ساتھ ساتھ ان مسائل پر قابو پانے میں مدد ملے گی۔

    صوبائی وزیر ایکسائز حافظ ممتاز احمد گاڑیوں کے یونیورسل نمبر پلیٹس اور ای آکشن سسٹم کا افتتاح کر رہے ہیں

    صوبائی وزیر کے مطابق اب یونی ورسل سیریز کے تحت تمام اضلاع میں یکساں رجسٹریشن ممکن ہو گئی ہے، عوام اور قانون نافذ کرنے والے اداروں کو نا خوش گوار حالات میں گاڑی کا نمبر رپورٹ کرنے میں آسانی ہوگی، پلیٹ اور حروف کے سائز میں اضافے سے سیف سٹی اتھارٹی کے کیمروں کی کارکردگی میں بھی بہتری آئے گی۔

    ان کا کہنا تھا کہ پنجاب بھر میں تمام گاڑیوں کو ایک جیسے یونی ورسل نمبر جاری کیے جائیں گے اور یہ صوبے بھر کے لیے ہوگا، نمبر پلیٹ بھی ایک جیسی ہوگی، تمام اضلاع کے سیریل نمبر ختم کر دیے گئے ہیں۔

    حافظ ممتاز احمد نے بتایا کہ ای آکشن کا نظام شفافیت اور سہولت پر مبنی ہے، پبلک سیکٹر میں یہ اپنی نوعیت کا پہلا جدید منصوبہ ہے، جو عوامی سہولت کے ساتھ محکمہ کے لیے ریونیو کا بھی بڑا ذریعہ ہوگا۔

    اس منصوبے کے تحت اب گاڑیوں کو AAA کے نام سے نمبر جاری کیے جائیں گے، موٹر سائیکل کی نمبر پلیٹ بھی AAA کے نام سے جاری ہوگی، موٹر سائیکل نمبروں کی سیریل 1001 تا 9999 تک جاری ہوگی، کمرشل گاڑیوں کو CAA کے نام کی سیریل جاری ہوگی، اور 1 تا 9999 تک نمبر جاری ہوں گے، سرکاری گاڑیوں کی سیریل نمبر GAA سے شروع ہوگی، ان کو 1 تا 998 تک نمبر جاری ہوں گے، سیمی گورنمنٹ گاڑیوں کو SAA کی سیریل جاری ہوگی اور ان کو 1 تا 998 تک نمبر جاری ہوں گے۔

  • نمبر پلیٹ کے ساتھ دو نمبری آپ کو بھاری نقصان پہنچا سکتی ہے

    نمبر پلیٹ کے ساتھ دو نمبری آپ کو بھاری نقصان پہنچا سکتی ہے

    ریاض: سعودی محکمہ ٹریفک نے واضح کیا ہے کہ کسی اور گاڑی کی نمبر پلیٹ استعمال کرنا ٹریفک قوانین کی خلاف ورزی ہے جس پر 5 سے 10 ہزار ریال تک جرمانہ مقرر ہے۔

    سعودی ویب سائٹ کے مطابق محکمہ ٹریفک پولیس نے سماجی رابطے کی ویب سائٹ ٹویٹر پر جاری اپنے اعلامیے میں کہا ہے کہ کسی بھی گاڑی کا مالک دوسری گاڑی کی نمبر پلیٹ استعمال نہیں کر سکتا۔ ایسا کرنے پر پابندی ہے اور اس کی خلاف ورزی پر جرمانہ مقرر ہے۔

    ٹریفک پولیس کے مطابق خلاف ورزی پر 5 ہزار ریال سے 10 ہزار ریال تک جرمانہ مقرر ہے جبکہ صحیح نمبر پلیٹ لگانے تک گاڑی کو محکمے کی تحویل میں لے لیا جائے گا۔

    خیال رہے کہ سعودی ٹریفک قانون میں یہ سہولت دی گئی ہے کہ ایک ہی مالک کی ایک گاڑی کی نمبر پلیٹ دوسری گاڑی میں منتقل کی جاسکتی ہے بشرطیکہ محکمہ ٹریفک میں اس کا اندراج کروایا گیا ہو اور اس کی فیس ادا کردی جائے۔

    ایک شرط یہ بھی ہے کہ گاڑی کا ملکیت نامہ جسے سعودی عرب میں ’رخصتہ السیر‘ کہا جاتا ہے ایک ہی مالک کے نام پر ہو۔ گاڑی کی ملکیت کی منتقلی اور رخصتہ السیر کی تجدید کے لیے مؤثر انشورنس دستاویز بھی ضروری ہے۔

    مذکورہ انشورنس گاڑی فروخت ہونے کے بعد بھی مؤثر رہتی ہے، بس نئے مالک کو انشورنس کمپنی میں نجی معلومات کا اندراج کروانا پڑتا ہے۔ انشورنس کمپنی انشورنس کے مکمل دورانیے کی پابند ہوتی ہے خواہ گاڑی کا ملکیت نامہ انشورنس سکیم کے مؤثر ہونے کے دوران ختم کیوں نہ ہوگیا ہو۔

  • کراچی: ایک ہی نمبر پلیٹ کی 3 سرکاری گاڑیوں کا استعمال

    کراچی: ایک ہی نمبر پلیٹ کی 3 سرکاری گاڑیوں کا استعمال

    کراچی: صوبہ سندھ کے دارالحکومت اور ملک کے سب سے بڑے شہر کراچی میں اندھیر نگری چوپٹ راج نافذ ہوگیا۔ قانون کے رکھوالوں نے ایک ہی نمبر پلیٹ کی 3 سرکاری گاڑیوں کا استعمال شروع کردیا۔

    تفصیلات کے مطابق اے آر وائی نیوز کے تہلکہ خیز انکشاف نے کھلبلی مچادی۔ ایس پی 068 اے کی ایک ہی نمبر پلیٹ کی تین سرکاری گاڑیوں کے استعمال کا انکشاف منظر عام پر آگیا۔

    کراچی میں 4 مہینے پہلے بھی اے آر وائی نیوز نے ڈائریکٹر اینٹی کرپشن فیصل بشیر کی کار اور جیپ پر یہی نمبر پلیٹ لگے ہونے کا انکشاف کیا تھا، مگر کسی کے کان پر جوں نہ رینگی۔

    مزید پڑھیں: سندھ اسمبلی میں سرکاری گاڑیوں کی نمبر پلیٹس غائب

    اب اسی نمبر پلیٹ کی تیسری گاڑی بھی سامنے آگئی۔ ٹریفک سیکشن کی پیٹرولنگ کار کا نمبر بھی ایس پی 068 اے نکلا۔ شاہراہ فیصل پر پیٹرولنگ کرتے ہوئے ٹریفک پولیس افسران کو بھی اس بات کی خبر نہ تھی۔

    اے آر وائی نیوز کی خبر کا ڈی آئی جی ٹریفک نے نوٹس لیتے ہوئے ذمہ داران کے خلاف کارروائی کا اعلان کردیا۔

    ڈی آئی جی ٹریفک آصف اعجاز شیخ نے اے آر وائی نیوز کی نشاندہی کو سراہتے ہوئے کہا کہ قانون سب کے لیے برابر ہے۔