لاہور : صوبائی دارلحکومت لاہور میں 24 گھنٹے کے دوران نمونیہ سے مزید 2 افراد انتقال کرگئے، جس کے بعد پنجاب بھرمیں 18 افراد جان سے گئے۔
تفصیلات کے مطابق لاہور سمیت پنجاب بھر میں نمونیہ کیسز اور اموات کی تعداد میں اضافہ ہوگیا ، گزشتہ 24 گھنٹے کےدوران لاہورمیں نمونیہ سے مزید 2 افراد انتقال کرگئے۔
جس کے بعد گزشتہ 24 گھنٹے کے دوران پنجاب بھر میں 18 افراد جان سے گئے۔
24 گھنٹے کے دوران لاہور میں نمونیہ کےمزید 273 نئے مریض اور صوبے بھر میں نمونیہ کے مزید 1062 مریض رپورٹ ہوئے۔
لاہور میں رواں سال 19 روز کے دوران نمونیہ سے 42 افراد اور پنجاب میں رواں سال 19 دن کےدوران 162افراد نمونیہ سے جان سے گئے۔