ARYNews.tv | Urdu – Har Lamha Bakhabar

Tag: ننکانہ صاحب

  • وفاقی وزیر داخلہ اعجاز شاہ نے رائیونڈ محل کی چار دیواری گرانے کا اعلان کردیا

    وفاقی وزیر داخلہ اعجاز شاہ نے رائیونڈ محل کی چار دیواری گرانے کا اعلان کردیا

    ننکانہ صاحب : وفاقی وزیر داخلہ اعجاز شاہ نے کہا ہے کہ رائیونڈ محل کی دیوار پر خرچ ہونے والے قومی خزانے کے پیسے واپس نہ ہوئے تو دیوار گرا دیں گے۔

    ان خیالات کا اظہار انہوں نے ضلع ننکانہ صاحب کے شہر منڈی فیض آباد میں ڈگری کالج برائے خواتین کے افتتاح کے موقع پر تقریب سے خطاب کرتے ہوئے کیا۔

    انہوں نے کہا کہ ملکی وسائل لوٹنے والوں سے ایک ایک پائی وصول کی جائے گی، نوازشریف اور آ صف زرداری نے قومی خزانے کے اربوں روپے غیر ملکی دوروں پر خرچ کیے۔

    وفاقی وزیر داخلہ اعجاز شاہ نے نواز شریف کے گھر رائیونڈ محل کی چار دیواری پر آنے والے اخراجات کی رقم سرکاری خزانے میں جمع نہ کرائے جانے کی صورت میں اسے گرانے کا اعلان کردیا۔

    ان کا کہنا تھا کہ رائیونڈ محل کی دیوار 28کروڑ روپے قومی خزانے سے خرچ کرکے تعمیر کی گئی رائیونڈ کےگرد تعمیر دیوار پر خرچ کیے جانے والے قومی خزانے کے پیسے واپس نہ ہوئے تو دیوار گرا دیں گے۔

    نواز شریف کے گھر کی چار دیوراری پرقومی خزانے سے 28 کروڑ روپے خرچ کیے گئے۔ ان کا مزید کہنا تھا کہ نواز شریف نے غیر ملکی دوروں پر ایک ارب83 کروڑ50 لاکھ روپے جبکہ آصف زرداری نے 134دوروں پر ایک ارب 42 کروڑ 15 لاکھ روپے خرچ کیے گئے۔

  • ننکانہ صاحب: پڑوسی نے نئی نویلی دلہن کو قتل کر کے خود کشی کر لی

    ننکانہ صاحب: پڑوسی نے نئی نویلی دلہن کو قتل کر کے خود کشی کر لی

    ننکانہ صاحب: صوبہ پنجاب کے شہر ننکانہ صاحب کے علاقے شاہ پورا میں پڑوسی نے نئی نویلی دلہن کو قتل کر کے خود کشی کر لی۔

    تفصیلات کے مطابق ننکانہ صاحب میں شاہ پورا میں ایک پڑوسی نے نئی نویلی دلہن کی جان لے لی، دلہن کو قتل کرنے کے بعد اپنی جان بھی لے لی۔

    18 سال کی اقرا کی 2 دن پہلے ہی شادی ہوئی تھی، والدین سے ملنے میکے آئی تھی۔

    نئی نویلی دلہن اقرا والدین کے گھر آنے کےبعد پڑوس میں ملنے گئی تو کرامت نے پہلے اسے فائرنگ کر کے قتل کیا اور پھر خود کو گولی ما رلی۔

    پولیس کا کہنا ہے کہ شاہ پورا کے رہائشی کرامت اور دلہن اقرا کی والدہ کے درمیان جھگڑا ہوا تھا، ابتدائی معلومات کے مطابق جھگڑے کے دوران اقرا کو گولی لگی۔

    یہ بھی پڑھیں:  لاہور: ملزمان نے گھر میں گھس کر ماں بیٹے اور دادی کو قتل کردیا

    واضح رہے کہ لاہور میں فروری میں نامعلوم مسلح افراد نے گھر میں گھس کر دو خواتین اور ایک بچے کو چھریوں کے وار کر کے قتل کر دیا تھا، تہرے قتل کی واردات کے بعد ملزمان بہ آسانی فرار ہو گئے تھے۔

    پولیس کا کہنا تھا کہ ملزم ان کا جاننے والا تھا، ابتدائی طور پر یہ ذاتی دشمنی کا شاخسانہ لگتا ہے۔

  • کرتارپور بارڈر کھولنے کے اعلان پر پاکستان کے شکر گزار ہیں، چیئرمین سکھ کمیٹی

    کرتارپور بارڈر کھولنے کے اعلان پر پاکستان کے شکر گزار ہیں، چیئرمین سکھ کمیٹی

    ننکانہ صاحب: چیئرمین سکھ کمیٹی تارا سنگھ نے کہا ہے کہ کرتار پور بارڈر کھولنے کے اعلان پر پاکستان کے شکر گزار ہیں۔

    ان خیالات کا اظہار انہوں نے پریس کانفرنس کرتے ہوئے کیا، چیئرمین سکھ کمیٹی تارا سنگھ نے کہا ہے کہ کرتارپور بارڈر کھولنے کے اعلان پر پاکستان کے شکر گزار ہیں، دنیا بھر کے سکھ کرتارپور بارڈر کھلنے کے اعلان پر خوش ہیں۔

    سردار تارا سنگھ نے مطالبہ کیا کہ بھارتی حکومت بھی اقلیتوں کو مکمل مذہبی آزادی دے، نوجوت سنگھ سدھو کے ساتھ پاکستان سے واپسی پر بھارتی حکومت کا رویہ قابل مذمت تھا۔

    واضح رہے کہ بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر کرتارپور کوریڈور کھولنے پر شکریہ ادا کیا، سفارتی ذرائع کے مطابق بھارت کا کہنا تھا کرتارپورسے متعلق پاکستان کا موقف خوش آئند ہے۔

    دوسری جانب بھارت کی کابینہ نے کرتارپور بارڈر تک کوریڈورکی تعمیر کی منظوری دے دی ہے ، بھارتی میڈیا کے مطابق کوریڈور گورداسپور میں ڈیرہ بابا نانک سے بین الاقوامی بارڈرتک بنائی جائے گی۔

    مزید پڑھیں: وزیراعظم عمران خان28نومبرکوکرتارپورسرحدکھولنےکاافتتاح کریں گے، شاہ محمود قریشی

    وزیر خارجہ شاہ محمود قریشی نے کہا ہے کہ وزیراعظم عمران خان 28 نومبر کو کرتارپور سرحد کھولنے کا افتتاح کریں گے، اس پرمسرت موقع پر ہم پاکستان میں سکھ برادری کا خیرمقدم کرتے ہیں۔

    خیال رہے کہ رواں سال اگست میں بھارت کے سابق کرکٹر نوجوت سنگھ سدھو نے عمران خان کی حلف برداری میں شرکت کی اور آرمی چیف جنرل جاوید باجوہ مختصر ملاقات کی تھی، ملاقات میں آرمی چیف نے نوجوت سنگھ سدھو سے گرمجوشی سے مصافحہ کیا، خیریت دریافت کی اور انہیں کرتارپور کوریڈور کھولنے کی خبر سنائی تھی۔

  • بابا گرو نانک کے 549 ویں جنم دن کی 3 روزہ تقریبات: سکھ یاتریوں کی تین ٹرینیں پہنچ گئیں

    بابا گرو نانک کے 549 ویں جنم دن کی 3 روزہ تقریبات: سکھ یاتریوں کی تین ٹرینیں پہنچ گئیں

    ننکانہ صاحب: سکھوں کے روحانی پیشوا بابا گرو نانک کے 549 ویں جنم دن کی 3 روزہ تقریبات میں شرکت کے لیے سکھ یاتریوں کو لے کر تین خصوصی ٹرینیں واہگہ اسٹیشن لاہور پہنچ گئیں۔

    تفصیلات کے مطابق ننکانہ صاحب میں بابا گرو نانک دیو جی کے 549 یومِ پیدائش کی تین روزہ تقریبات کے سلسلے میں بھارت سے 3800 سکھ یاتری پاکستان پہنچ گئے ہیں۔

    [bs-quote quote=”ہم سکھ یاتریوں کی پاکستان آمد کا خیرِ مقدم کرتے ہیں۔” style=”style-7″ align=”left” color=”#dd3333″ author_job=”ترجمان دفتر خارجہ”][/bs-quote]

    ڈی سی راجہ منصور اور چیئرمین متروکہ وقف املاک بورڈ احسان طاہر اور دیگر افسران نے سکھ یاتریوں کا استقبال کیا۔

    بھارت سے آئے سکھ یاتریوں کا کہنا تھا کہ ہمیں پاکستان کے عوام سے ہمیشہ محبت ملی ہے۔

    چیئرمین متروکہ وقف املاک بورڈ طاہر احسان کا کہنا تھا کہ حکومت کی جانب سے یاتریوں کے لیے خاطرِ خواہ انتظامات کیے گئے ہیں، ہم چاہتے ہیں کہ زیادہ سے زیادہ سکھ یاتری پاکستان آئیں۔

    یہ بھی پڑھیں:  اجمل قصاب بھارتی شہری نکلا، ڈومیسائل سامنے آنے پر انتظامیہ پریشان

    سکھ یاتری 10 روز تک پاکستان میں قیام کریں گے جب کہ مرکزی تقریب گردوارہ جنم استھان ننکانہ صاحب میں جمعے کے روز ہوگی۔

    دریں اثنا ترجمان دفترِ خارجہ نے سماجی رابطوں کی ویب سائٹ ٹویٹر پر یاتریوں کو خوش آمدید کہا، ترجمان نے ٹویٹ کیا کہ ہم سکھ یاتریوں کی پاکستان آمد کا خیرِ مقدم کرتے ہیں۔

    دفترِ خارجہ کے ترجمان ڈاکٹر فیصل نے کہا کہ سکھ یاتری بابا گرو نانک کے یومِ پیدائش کی تقریبات میں شریک ہوں گے۔

  • ننکانہ صاحب میں پولیس مقابلہ‘ 4 ڈاکو ہلاک

    ننکانہ صاحب میں پولیس مقابلہ‘ 4 ڈاکو ہلاک

    لاہور: صوبہ پنجاب کے علاقے ننکانہ صاحب میں پولیس مقابلے کے دوران 4 ڈاکو ہلاک جبکہ فائرنگ کے تبادلے میں دو شہری بھی جاں بحق ہوگئے۔

    تفصیلات کے مطابق ننکانہ صاحب کے علاقے سیدوالہ میں پولیس اور ڈاکوؤں میں ڈھائی گھنٹے تک فائرنگ کا تبادلہ ہوتا رہا۔ اس دوران 4 ڈاکو ہلاک جبکہ فائرنگ کی زد میں آکر2 شہری بھی جان کی بازی ہارگئے۔

    پولیس حکام کے مطابق مارے جانے والے ڈاکو قاسم عرف کاشی اور عمران کئی وارداتوں میں مطلوب تھے، کارروائی کے دوران دو ڈاکو فرار ہونے میں بھی کامیاب ہوگئے۔

    فائرنگ کے تبادلے میں دو بے گناہ شہری بھی گولیوں کا نشانہ بن گئے۔

    فیصل آباد میں پولیس کی فائرنگ سے 2 طالب علم جاں بحق

    یاد رہے کہ 9 اگست کو صوبہ پنجاب کے شہر فیصل آباد میں پولیس کی فائرنگ سے 2 طالب علم جاں بحق ہوگئے تھے۔

    پولیس نے دعویٰ کیا تھا کہ موٹر سائیکل سوار مشکوک ملزمان نے روکنے پر فائرنگ کی اور جوابی فائرنگ میں مارے گئے۔

    فیصل آباد میں پولیس مقابلہ‘ پولیس اہلکارشہید‘ 2 ڈاکو ہلاک

    واضح رہے کہ رواں سال 24 مارچ کو صوبہ پنجاب کے شہرفیصل آباد میں ڈاکوؤں کی فائرنگ سے اے ایس آئی شہید اورایک اہلکار زخمی ہوگیا تھا جبکہ پولیس کی جوابی کارروائی میں دو ڈاکو مارے گئے تھے۔

  • ننکانہ صاحب میں گھرکی چھت گرنےسے4 بچےجاں بحق

    ننکانہ صاحب میں گھرکی چھت گرنےسے4 بچےجاں بحق

    لاہور: ننکانہ صاحب میں مکان کی چھت گرنے سے تین بھائی اور ایک بہن سمیت 4 بچے جاں بحق جبکہ ماں اوربیٹی زخمی ہوگئیں۔

    تفصیلات کے مطابق ننکانہ صاحب کی تحصیل شاہ کوٹ میں صفدرآباد روڈ پرگھرکی چھت گرگئی جس کے نتیجے میں 3 بھائی اور ایک بہن سمیت 4 بچے جاں بحق ہوگئے۔

    ریسکیو حکام کےمطابق جس وقت یہ افسوس ناک واقعہ پیش آیا اس وقت گھر کے مکین سو رہے تھے۔

    حادثے میں ماں اور ایک بیٹی زخمی ہوئی ہیں جنہیں فوری طبی امداد کے لیےتحصیل ہیڈکوارٹراسپتال شاہ کوٹ منتقل کردیا گیا ہے۔

    باجوڑ ایجنسی میں گھر کی چھت گرنے سے6 افراد جاں بحق

    خیال رہے کہ 23 اکتوبر2017 کو باجوڑ ایجنسی کی تحصیل خار میں گھر کی چھت گرنے سے 6 افراد جاں بحق جبکہ پانچ زخمی ہوگئے تھے۔

    سوات میں مکان کی چھت گرنے سے 3افراد جاں بحق

    یاد رہے کہ رواں سال 23 مئی کو صوبہ خیبرپختونخواہ کے علاقے سوات میں مکان کی چھت گرنے سے ایک ہی خاندان کے 3 افراد جاں بحق ہوگئے تھے۔

  • حکومت فوج اورعدلیہ میں بال برابر بھی فرق نہیں، احسن اقبال

    حکومت فوج اورعدلیہ میں بال برابر بھی فرق نہیں، احسن اقبال

    ننکانہ صاحب: وزیر داخلہ احسن اقبال نے کہا ہے کہ جس قوم میں کیپٹن حسنین جیسے جوان ہوں اسے کوئی شکست نہیں دے سکتا، پاک فوج کی پشت پرحکومت اورحکومت کی پشت پرپاک فوج ہے، حکومت،فوج اور عدلیہ میں بال برابر بھی فرق نہیں۔

    یہ بات انہوں نے  شہید کیپٹن حسنین کے اہلخانہ سے تعزیت کے بعد میڈیا سے گفتگو کرتےہوئے کہی، قبل ازیں وزیر داخلہ احسن اقبال شہید کیپٹن حسنین کے اہلخانہ سے ملاقات کے لیے ننکانہ پہنچے۔

    انہوں نے شہید کے والد اوربھائیوں سے ملاقات اور تعزیت کی اور شہید کیپٹن حسنین کے لیے فاتحہ خوانی بھی  کی، وزیرداخلہ کا کہنا تھا کہ ننکانہ کی زمین نے ایسا بہادر سپوت جنم دیا جو آج قوم کا فخر ہے۔

    ایک سوال کے جواب میں احسن اقبال نے کہا کہ حکومت فوج اور عدلیہ میں بال برابر فرق نہیں، پاکستان کے لیے سب ایک ہیں۔

    ملک دشمنوں کی کوشش ہے کہ حکومت اور فوج میں بداعتمادی اورعدم استحکام پیدا کیاجائے لیکن انہیں اس میں کامیابی نہیں ہوگی، میں نے بیان دیا، ڈی جی آئی ایس پی آر نے اس کی وضاحت کردی اور معاملہ ختم ہوگیا۔

    مزید پڑھیں: کرم ایجنسی دھماکے میں شہید کیپٹن حسنین سپردخاک 

    چند روز قبل متنازع بیان دینے والے وزیر داخلہ بولے کہ حکومت فوج اور فوج حکومت کی پشت پر ہے، پاکستان دہشت گردی کے ساتھ ساتھ اقتصادی جنگ بھی لڑرہا ہے۔

    وزیر داخلہ کا مزید کہنا تھا کہ غیرملکیوں کی بازیابی کے بعد پوری دنیا پاک فوج کی کارروائیوں کی معترف ہے۔

  • وزیر اعظم کی اپوزیشن کو زیر تعمیر موٹر وے کا جائزہ لینے کی دعوت

    وزیر اعظم کی اپوزیشن کو زیر تعمیر موٹر وے کا جائزہ لینے کی دعوت

    ننکانہ صاحب: وزیر اعظم نواز شریف کا کہنا ہے کہ ہمارے منصوبوں کے باعث پاکستان چند سالوں میں ایشین ٹائیگر بن جائے گا۔ مخالفین دیکھیں کہ یہ اکیسیوں صدی کا نیا پاکستان ہے۔

    تفصیلات کے مطابق وزیر اعظم نواز شریف صوبہ پنجاب کے شہر ننکانہ صاحب میں ایم تھری موٹر وے کے انسپکشن کے لیے پہنچے۔ انسپکشن کے بعد انہوں نے ایک بڑے عوامی جلسے سے خطاب کیا۔

    اپنے خطاب میں وزیر اعظم کا کہنا تھا کہ آج ترقیاتی منصوبے اپنے مقررہ وقت سے پہلے ہی مکمل ہو رہے ہیں۔

    انہوں نے کہا کہ ہمارے ترقیاتی منصوبے ملک کو ایشین ٹائیگر بنانے کے لیے ہیں۔ اس کے باوجود مخالفین کو اپنا مشن جاری رکھنا ہے تو جاری رکھیں ہم ان سے گھبرانے والے نہیں۔ ترقی کا یہ سلسلہ سرحدوں کے پار بھی لے جائیں گے۔

    وزیر اعظم کا کہنا تھا کہ گوادر اور خنجراب میں 2600 کلو میٹر ہائی وے بن رہی ہے۔ ایسے منصوبے 20، 20 سال تک مکمل نہیں ہوتے تھے۔ آج 2 سال میں موٹر وے بن رہے ہیں۔

    انہوں نے اپوزیشن پارٹیوں کو دعوت دی کہ وہ آ کر زیر تعمیر موٹر وے کا دورہ کریں۔

    وزیر اعظم نے حسب معمول مخالفین کو تنقید کا نشانہ بناتے ہوئے کہا کہ ترقیاتی منصوبوں میں رکاوٹ ڈالی جارہی ہے تاکہ پاکستانی غربت کا شکار رہیں۔ یہ پاکستان کے قیمتی اثاثے ہیں۔ ’قوم کی تقدیر سے مت کھیلو‘۔

    انہوں نے اپوزیشن کو مخاطب کرتے ہوئے کہا، ’سیاست کرو، ان کے منہ سے نوالہ مت چھینو‘۔

    یاد رہے کہ چند روز قبل بھی وزیر اعظم نے پشاور موڑ تا نیو اسلام آباد ایئرپورٹ میٹرو بس منصوبے کا سنگ بنیاد رکھا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دریائےروای میں ڈوبنےوالی کشتی میں سوار50افرادکوبچالیاگیا

    دریائےروای میں ڈوبنےوالی کشتی میں سوار50افرادکوبچالیاگیا

    ننکانہ صاحب: دریائے راوی میں کشتی الٹنے سے سوسے زائدافراد لاپتہ ہوگئےتھےجن میں سے 50افراد کوبچالیاگیا ہےجبکہ باقی افراد کی تلاش کے لیے پاک فوج کے غوطہ خوروں کی امدادی کارروائیاں جا ری ہیں۔

    تفصیلات کےمطابق دریائے راوی میں ڈوبنے والی کشتی میں لاپتہ ہونے والے50افراد کو بچالیاگیاہے،جبکہ ریسکیوٹیموں اور پاک فوج کے جوانوں کی جانب سے باقی افراد کی تلاش کےلیے ریسکیو آپریشن جاری ہے۔

    دریائے راوی میں ڈوبنے والی کشتی سیداں والاسےاوکاڑہ کےگاؤں جندراکہ جارہی تھی،پانی کے بہاؤ اور،اوورلوڈنگ کے باعث کشتی بےقابوہوالٹ گئی۔

    خیال رہےکہ گزشتہ روز آئی ایس پی آر کا کہناتھاکہ آرمی چیف جنرل قمر باجوہ نے ننکانہ صاحب میں ہونے والے کشتی حادثے کے حوالے سے سرچ آپریشن کی خصوصی ہدایات جاری کیں۔

    آرمی چیف کی ہدایت کے بعد پاک فوج کے غوطہ خوروں کی خصوصی ٹیم جائے وقوعہ پر ریسکیو کے لیے پہنچ اور لوگوں کی تلاش کا کام شروع کردیاتھا۔

    واضح رہےکہ دریائے راوی میں ڈوبنے والی کشتی کے مالک سمیت دو افرادکوگرفتارکرلیاگیا،جبکہ کشتی کے دیگردومالکان فرار ہوگئے۔

  • ننکانہ صاحب: گھر میں آگ لگنے سےماں اور3بچے جاں بحق

    ننکانہ صاحب: گھر میں آگ لگنے سےماں اور3بچے جاں بحق

    لاہور: ننکانہ صاحب کے ایک گھر میں آگ لگنے سے ماں اور 3 بچے جھلس کر جاں بحق ہو گئے۔

    تفصیلات کے مطابق ننکانہ صاحب کے نواحی قصبے موڑ کھنڈا کے علاقے ملک آباد میں گیس سلنڈر میں لیکج ہونے کے باعث اچانک آگ بھڑک اٹھی جس نے پورے گھر کو اپنی لپیٹ میں لے لیا۔

    گھر میں آگ لگنے کے باعث کمرے میں سوئے ماں اور 3 بچے جن میں 14 سالہ ناظم،12 سالہ نظام اور 10 سالہ ماریہ کے نام شامل ہیں جھلس کر جاں بحق ہو گئے۔

    ننکانہ صاحب کے نواحی علاقے میں پیش آنے والے اس حادثے میں جاں بحق ہونے والے تمام افراد کی میتیں اسپتال منتقل کردی گئی ہیں۔

    مزیدپڑھیں:ڈسکہ کےگھر میں آتشزدگی،3معذور بچےجاں بحق

    یاد رہے کہ دو روز قبل ڈسکہ کے ایک گھر میں رکھے گیس سلنڈروں کےباعث آگ لگنےسےتین معذور بچے جھلس کر جاں بحق ہو گئے۔

    مزیدپڑھیں:گارمنٹس فیکٹری میں آتشزدگی،3مزدور جاں بحق

    واضح رہے کہ اس سے قبل رواں ماہ لاہور کے راوی روڈ پر واقع کپڑے کی ایک فیکٹری میں آگ لگنے سے تین مزدور جان کی بازی ہارگئےتھے۔