بہاولپور: ریاست بہاولپور کے نواب نے بھی تحریک انصاف چھوڑنے کا اعلان کردیا۔
تفصیلات کے مطابق بہاولپور کے نواب پرنس بہاول خان نے بھی تحریک انصاف چھوڑنے کا اعلان کردیا ہے، انہوں نے کہا کہ 9 مئی کے واقعات کی شدید مذمت کرتا ہوں اور پی ٹی آئی سے اپنی راہیں جدا کرتا ہوں، آئندہ سیاست کا فیصلہ مشاورت سےکروں گا۔
پرنس بہاول خان عباسی کا کہنا تھا کہ قیام پاکستان کے وقت میرے پردادا نواب صادق محمد خان عباسی قائد اعظم کی ہدایات پر پاکستان کی سلامتی اور فلاح بہبود کیلئے ریاست کے خزانے کھول دیئے اور اس کی حفاظت کیلئے اپنی فوج پاکستان کی فوج میں ضم کردی تھی۔