Tag: نواب شاہ

نواب شاہ : بال بڑےہونے پر اسکول ٹیچر نے 4 طلبا کو گنجا ہی کرڈالا، طلبا کے والدین نے اسکول انتظامیہ سے واقعے کیخلاف احتجاج کیا۔

تفصیلات کے مطابق نواب شاہ میں تاج کالونی میں واقع سرکاری بوائزاسکول میں بال بڑے ہونے پر اسکول ٹیچر نے 4 طلبہ کوگنجاہی کردیا۔

طلبا کے والدین نے اسکول انتظامیہ سے واقعے کیخلاف احتجاج کیا اور کہا بچوں کوتذلیل کا نشانہ بنایاگیاجس سے وہ ذہنی دباؤ کا شکار ہیں۔

ڈی ای او ایجوکیشن مسعود ستھو نے واقعےکانوٹس لےلیا اور اسکول ہیڈ ماسٹر سے رپورٹ طلب کرتے ہوئے ٹیچر کو رپورٹ کرنے کی ہدایت کردی۔

ڈی ای او کا کہنا ہے کہ انکوائری کمیٹی تشکیل دیکرٹیچرکےخلاف کارروائی کی جائے گی۔

نواب شاہ : رشتے کے تنازعہ پر 2 خواتین سمیت تین افراد قتل کردیئے گئے ، لڑکی نے پسند کی شادی کی تھی جس پر زرداری خاندان کے درمیان اختلاف تھا۔

تفصیلات کے مطابق نواب شاہ میں گھر میں تین افراد کو قتل کردیا گیا، پولیس نے بتایا کہ گاؤں باغ خان زرداری میں تعلقہ تھانے کی حدود میں گھر میں گھس کر کچھ مسلح افراد نے سوئے ہوئے افراد پر فائرنگ کردی، جس کے نتیجے میں دوخواتین سمیت تین افراد جاں بحق ہوگئے۔

ایس ایچ او ریاض نے کہا کہ دوخاندان کےدرمیان رشتےکےمعاملے پرتنازعہ چل رہا تھا، لڑکی نے پسند کی شادی کی تھی جس پر زرداری خاندان کے درمیان اختلاف تھا۔

ایس ایچ او کا کہنا تھا کہ لڑکےکےاہل خانہ صلح کےلئےاپنےخاندان کی لڑکی کارشتہ بھیجا تھا لیکن پھر بھی صلح کا راستہ نہیں نکل سکا تھا۔

پولیس نے کہا کہ مفرورملزمان کی تلاش جاری ہے تاہم جاں بحق خواتین اور مرد کی لاشوں کو پی ایم سی ہسپتال منتقل کردیا گیا ہے۔

تعلقہ تھانے کی حدود میں 3 افراد کے قتل کیخلاف لنک روڈ پراحتجاج کیا گیا ، احتجاج کے باعث لنک روڈ پر ٹریفک کی روانی متاثر ہوئی۔

مظاہرین نے قتل میں ملوث ملزمان کو گرفتار کرنے کا مطالبہ کرتے ہوئے کہا کہ ملزمان نے گھرمیں گھس کرفائرنگ کرکے3افرادکو قتل کیا۔

نواب شاہ: رینجرز اور چینی شہری کی گاڑیوں پر حملے میں ملوث کالعدم تنظیم کے دہشت گرد کو گرفتار کرلیا گیا۔

تفصیلات کے مطابق سی ٹی ڈی نے نواب شاہ میں کارروائی کرتے ہوئے رینجرز اور چینی شہری کی گاڑیوں پر حملے میں ملوث کالعدم تنظیم کے دہشت گرد کو گرفتار کرلیا۔

ڈی ایس پی سی ٹی ڈی نے بتایا کہ ملزم محمد حنیف عرف بلو بادشاہ جماعت اسلامی کی ریلی پرحملےمیں بھی ملوث ہے ، ملزم ریلوے ٹریک اور مارٹ پر حملے کی منصوبہ بندی کررہاتھا، ملزم سے دستی بم، دھماکا خیز مواد برآمد کرلیا ہے۔

ڈی ایس پی کا کہنا تھا کہ ملزم نے گھوٹکی ،پنوعاقل اور کراچی میں دہشت پھیلانے کے لئے حملے کئے جبکہ مختلف شہروں میں 10 مقدمات درج ہیں۔

نواب شاہ: خیرپور سے کراچی جانے والی قیدیوں کی گاڑی سے خطرناک قیدی فرار ہوگیا، پولیس نے علاقے کی ناکہ بندی کرکے قیدی کی تلاش شروع کردی ہے۔

تفصیلات کے مطابق نواب شاہ میں قاضی احمد قومی شاہراہ پر قیدیوں کی گاڑی سے خطرناک قیدی فرار ہوگیا، پولیس نے بتایا کہ قیدیوں کی گاڑی خیرپور سے کراچی جارہی تھی۔

کراچی پولیس قیدیوں کو خیرپور سے پیشی کے بعد واپس لے جارہی تھی کہ راستے میں پولیس اہلکار کھانا کھانےرکے تو حنیف نامی قیدی فرار ہوگیا۔

پولیس نے علاقے کی ناکہ بندی کرکے قیدی کی تلاش شروع کردی ہے۔

نواب شاہ : نواحی گاؤں میں پاگل کتے نے 12 افراد کو کاٹ لیا، کتے کے کاٹے کے زخمیوں میں بچے بھی شامل ہیں۔

تفصیلات کے مطابق نواب شاہ کے نواحی گاؤں میں پاگل کتے نے بارہ افراد کو کاٹ لیا، متاثرہ افراد کو سول اسپتال قاضی احمد منتقل کر دیا گیا ہے۔

اسپتال ذرائع کا کہنا ہے کہ کتے کے کاٹے کے زخمیوں میں بچے بھی شامل ہیں۔

یاد رہے چند روز قبل راولپنڈی میں پولیس لائنز ہیڈ کوارٹر میں آوارہ کتے نے پولیس اہلکار کو کاٹ لا تھا ، کتے کے کاٹنے سے پولیس اہلکار کی ٹانگوں اور پیٹ پر زخم آئے، تاہم دیگر اہلکاروں نے بھاگ کر اہلکار کی کتے سے جان بچائی۔

پولیس اہلکار کو شدید زخمی حالت میں اسپتال منتقل کیا گیا تھا جبکہ پولیس اہلکار پر حملہ کرنے والے کتے کو ایلیٹ اہلکار نے گولی مار کر ہلاک کر دیا تھا۔