Tag: نوازالدین صدیقی

بالی ووڈ کے ورسٹائل اداکار نوازالدین صدیقی نے ایک ایکٹر کے لیے تعریفی پوسٹ شیئر کی ہے اور اس اداکار کے ساتھ کام کرنے کے اعزاز کہا ہے۔

سوشل میڈیا پلیٹ فارم انسٹاگرام پر اسٹوری میں نوازالدین نے سری دیوی کی اداکاری کی تعریف کی ہے اور آنجہانی اداکارہ کو یاد کیا ہے، ایک ویڈیو شیئر کی جس میں فلم موم کی جھلکیاں دکھائی گئی ہیں اور اس میں سری دیوی کے انٹرویو کا ایک مختصر کلپ بھی شامل ہے۔

سری دیوی کے ساتھ کام کرنے کے تجربے کا ذکر کرتے ہوئے نوازالدین نے کہا کہ آج بھی میں سری دیوی کو بہت یاد کرتا ہوں، میں نے ان کے ساتھ ’موم‘ میں کام کر کے بہت اچھا وقت گزارا۔

نوازالدین صدیقی نے مزید کہا کہ سری دیوی کے ساتھ فلم کرنا ایک اعزاز اور خوشی کی بات تھی۔ آپ نے میرے لیے جو اچھے الفاظ کہے ان کے لیے شکریہ۔

خیال رہے کہ بالی ووڈ فلم موم 7 جولائی 2017 کو ریلیز ہوئی تھی جو کہ ایک تھرلر فلم تھی، اس میں پاکستانی اداکارہ سجل علی سمیت تمام اداکاروں کی پرفارمنس کو خوب پذیرائی ملی تھی۔

نوازالدین نے فلم میں ایک پرائیویٹ جاسوس کا کردار ادا کیا تھا، فلم میں سری دیوی کے ساتھ اکشے کھنہ، سجل علی اور عدنان صدیقی بھی تھے جبکہ اے آر رحمان فلم کے میوزک ڈائریکٹر تھے۔

بالی ووڈ انڈسٹری میں اپنی اداکاری کی وجہ سے شہرت رکھنے والے اداکار نوازالدین صدیقی نے انڈسٹری کے تینوں ’خانز‘ کے ساتھ اپنے کام کا تجربہ شیئر کردیا۔

اداکار نوازالدین صدیقی نے حال ہی میں ایک انٹرویو میں تینوں خانز سلمان، شاہ رخ اور عامر خان کے کام کرنے سے متعلق اپنی رائے کا اظہار کیا اور ساتھ کام کرنے کا تجربہ بھی شیئر کیا۔

اداکار  نے کہا کہ میں تینوں خانز کی کامیابی سے کبھی بھی حسد میں مبتلا نہیں ہوا، دراصل میں پہلے اداکار بننا چاہتا ہوں، میری کبھی بھی سپر اسٹار بننے کی خواہش نہیں رہی۔

اس موقع پر جب پوچھا گیا کہ تینوں خانز میں سب سے بہترین کون ہے؟ تو انہوں نے صرف ایک نام لینے سے انکار کردیا اور بالی ووڈ کے تینوں سپر اسٹار کی خوبیوں پر بات شروع کردی۔

نواز الدین صدیقی نے کہا کہ سلمان خان حقیقی زندگی میں حیرت انگیز انسان ہیں وہ دیگر خانز کے مقابلے میں بہت زیادہ تفریح کرتے ہیں۔

نوازالدین صدیقی نے کہا کہ شاہ رخ خان بہت پرجوش انسان ہیں، وہ کام کو اُس وقت تک کرتے رہتے ہیں جب تک وہ مکمل نہ ہوجائے، وہ بہت محنتی انسان ہیں، عاجزی میں نے ان ہی سے سیکھی ہے۔

ان کا کہنا تھا کہ عامر خان پرفیکشنسٹ ہیں، ہمیں انہوں نے بے مثال قسم کا سنیما دیا ہے، ان کی فلم سازی وسیع اور متنوع ہے، وہ قابل ذکر انسان ہیں اور باقیوں سے بہت اوپر ہیں۔

نوازالدین صدیقی نے سلمان خان کے ساتھ بجرنگی بھائی جان اور کک میں کام کیا، شاہ رخ خان کے ساتھ انہوں نے رئیس فلم کی جبکہ عامر خان کے ساتھ فلم تلاش اور سرفروش کی تھی۔

ممبئی: بالی وڈ کے اداکار نواز الدین صدیقی کی اہلیہ کے الزام کے اداکار کا بیان بھی آگیا۔

بالی وڈ کے اداکار نواز الدین صدیقی جو ان دنوں اہل خانہ کے ساتھ جائیداد کے تنازع کے باعث شہہ سرخیوں کی زینت بنے ہوئے ہیں۔

حال ہی میں سوشل میڈیا پر ایک ویڈیو شیئر کرتے ہوئے ان کی اہلیہ نے بتایا کہ نواز الدین نے انہیں اور دونوں بچوں کو رات گئے گھر سے باہر نکال دیا ہے، اب وہ انہیں گھر میں داخل نہیں ہونے دے رہے ہیں اور وہ سڑک پر کھڑے ہیں۔

 ویڈیو میں ان کی بیٹی بلک بلک کر روتے ہوئے نظر آ رہی ہے، اب اس ویڈیو پر وضاحت دیتے ہوئے نوازالدین صدیقی نے بیان دیا ہے۔

ویڈیو: نوازالدین صدیقی نے اہلیہ اور بچوں کو گھر سے بے دخل کر دیا

بھارتی میڈیا رپورٹ کے مطابق اداکار نوازالدین نے بیوی اور بچوں کو گھر سے نکالنے کے الزام پر کہا ہے کہ عالیہ جس گھر سے بے دخل کرنے کی بات کر رہی ہیں وہ ان کا نہیں بلکہ والدہ کا ہے۔

 نوازالدین صدیقی نے کہا کہ میں نے عالیہ کو ممبئی میں 2016 میں ایک پرتعیش گھر خریدا تھا، جسے انہوں نے اپنی مرضی سے کرائے پر دے رکھا ہے، انہیں یا بچوں کو کسی نے بے دخل نہیں کیا۔

خیال رہے کہ نوازالدین صدیقی کی اہلیہ عالیہ صدیقی نے کہا ہے کہ انہیں گھر میں داخل ہونے کی اجازت نہیں ہے لیکن اداکار کی والدہ کی کیئر ٹیکر کے مطابق وہ پہلے ہی اس جائیداد کو اپنی والدہ مہر النساء صدیقی کے نام منتقل کر چکے ہیں۔

 اس لئے نواز کو کوئی حق نہیں کہ وہ انہیں اجازت نہ دیں یا نکال دیں، جائیداد میں صرف ان کے پوتے پوتیوں کو آنے کی اجازت ہے، اس کے علاوہ وہ (عالیہ) اس جائیداد میں نہیں آسکتی۔

بالی ووڈ انڈسٹری کے معروف اداکار نواز الدین صدیقی نے بالی ووڈ انڈسٹری کے زوال کی اصل وجہ زیادہ معاوضہ لینے والے اداکاروں کو قرار دیا ہے۔

ایک انٹر ویو میں انہوں نے کہا کہ بالی ووڈ انڈسٹری چلتی رہتی ہے، کوئی آئے جائے اس سے فرق نہیں پڑتا، لیکن ہاں ایک دور اب ایسا آیا ہے جس نے ہر چیز کو تبدیل کردیا ہے۔

نوزالدین نے کہا کہ پہلے بُری اسٹوری والی فلمین بھی ہٹ ہوجاتی تھی لیکن اب ایسا نہیں ہورہا اب خراب فلمیں ہٹ نہیں ہوتی لوگ دیکھتے ہی نہیں ایسی فلموں کو جس کی اسٹوری اچھی نہ ہو۔

انہوں نے کہا کہ بالی ووڈ کی فلمیں ہدایت کار اور اداکار کی وجہ سے فلاپ نہیں ہوتی بلکہ یہ فلم کی بجٹ کی وجہ سے فلاپ ہوتی ہیں۔

نوازالدین صدیقی نے کہا کہ ایک اداکار اگر ایک فلم کے لیے 100 کروڑ روپے وصول کررہا ہے تو اس صورت میں وہ اداکار فلم کو نقصان پہنچا رہا ہے، کسی بھی فلم کا بجٹ حد سے زیادہ ہوگا تو وہ فلم فلاپ ہی ہوگی۔

انہوں نے کہا کہ میری رائے یہ ہے کہ اداکاروں کو باکس آفس پر کلیکشن اور ٹکٹوں کی فروخت کے بارے میں بھی بات نہیں کرنی چاہیے یہ پروڈیوسر کی ذمہ داری ہوتی ہے۔

اداکار کا کہنا تھا کہ تاریخی طور پر پیسے نے ہمیشہ اچھے خیالات کا پیچھا کیا ہے، اگر میرے پاس ایک ایک بہترین اسٹوری ہے تو میرے پاس ٹریلین روپے آسکتے ہیں لیکن اگر ایک اسٹوری ہے اور اس کی اسٹوری اچھی نہیں ہے تو پھر یہی ٹریلین روپے میرے جیب سے کم ہوسکتی ہے اس لیے فلم کے لیے ایک بہترین استوری معنیٰ رکھتی ہے۔

واضح رہے کہ نوازالدین صدیقی کی فلم ہڈی 2023 میں ریلیز ہوگی۔