ARYNews.tv | Urdu – Har Lamha Bakhabar

Tag: نوازشریف

  • نوازشریف کی جیل میں بانی پی ٹی آئی سے ملاقات کی خبریں، بیرسٹرگوہر کا اہم بیان آگیا

    نوازشریف کی جیل میں بانی پی ٹی آئی سے ملاقات کی خبریں، بیرسٹرگوہر کا اہم بیان آگیا

    اسلام آباد: مسلم لین ن کے قائد نوازشریف کی جیل میں بانی پی ٹی آئی سے ملاقات کی خبروں پر چیئرمین بیرسٹر گوہر کا اہم بیان سامنے آیا ہے۔

    چیئرمین پی ٹی آئی بیرسٹرگوہر نے کہا کہ جیل میں بانی پی ٹی آئی سے نوازشریف کی ملاقات کی خبریں قیاس آرائیاں ہیں، شہباز شریف نے مجھے مذاکرات اور بات چیت کا کہا ہے، وزیراعظم نے کہا ہمارے ساتھ براہ راست نہیں تو اسپیکر کا دفتر استعمال کریں۔

    بیرسٹر گوہر کے کہنے پر مخصوص نشستیں خالی نہیں چھوڑ سکتے، بیرسٹر عقیل ملک

    بیرسٹرگوہر نے مزید کہا کہ بات آگے بڑھانے کیلئے سنجیدہ اقدامات کی ضرورت ہوتی ہے، ہمارے پاس ابھی تک بانی پی ٹی آئی تک رسائی نہیں ہے۔

    انھوں نے کہا کہ ن لیگ یا پیپلزپارٹی کے کسی رکن سے بانی کی ملاقات کی کوئی تجویز نہیں ہے، بانی پی ٹی آئی کو کسی سے ایسے ملنےکی ضرورت ہی نہیں ہے۔

    چیئرمین تحریک انصاف نے کہا کہ مائنس بانی پی ٹی آئی سیاست کا پی ٹی آئی میں کوئی تصور ہی نہیں، بانی پی ٹی آئی کی ہدایت پرعمل ہوگا، ہماری احتجاج سے متعلق تیاری ہے۔

    https://urdu.arynews.tv/barrister-gohar-on-imran-khan/

  • ’’نوازشریف مودی کو بھارتی ٹیم پاکستان بھیجنے کے لیے قائل کریں‘‘

    ’’نوازشریف مودی کو بھارتی ٹیم پاکستان بھیجنے کے لیے قائل کریں‘‘

    پاکستان کے سابق کرکٹر کامران اکمل نے کہا ہے کہ آئی سی سی چیمپئنزٹرافی سے متعلق نوازشریف کو نریندر مودی سے بات کرنی چاہیے۔

    اے آر وائی نیوز کے گفتگو کرتے ہوئے سابق وکٹ کیپر بیٹر کا کہنا تھا کہ نوازشریف مودی کو بھارتی ٹیم پاکستان بھیجنے کے لیے قائل کریں، بھارتی وزیراعظم مودی کے نواز شریف سے اچھے تعلقات ہیں وہ ان کے گھر بھی آئے تھے۔

    کامران اکمل نے کہا کہ نوازشریف کو پاکستان کی کرکٹ کے لیے نریندرمودی سے بات کرنی چاہیے، بھارتی وزیراعظم مودی ٹیم کو پاکستان بھیجنے میں مدد کرسکتے ہیں۔

    انٹرنیشنل کرکٹ کونسل (آئی سی سی) چیمپئنز ٹرافی کے حوالے سے فیصلہ جمعے کو اپنی بورڈ میڈنگ میں کرے گا جس میں مکمل ایونٹ پاکستان میں ہونے یا ہائبرڈ ماڈل کے حوالے سے فیصلہ کیا جائے گا۔

    ’چیمپئنز ٹرافی کی قسمت کا فیصلہ دو روز بعد ہوگا‘

    آئی سی سی بورڈ میٹنگ 29 نومبر کو دبئی میں منعقد ہونے جارہی ہے جس میں چیمپئنز ٹرافی کی قسمت کا فیصلہ کیا جائے گا، میگا ایونٹ میٹنگ کے ایجنڈے میں خاص اہمیت کا حامل ہوگا۔

    تمام بورڈ ممبرز آئی سی سی بورڈ میٹنگ میں شرکت کریں گے، امکان ہے کہ چیمپئنز ٹرافی کے حوالے سے اب تمام بورڈز ووٹنگ کریں گے۔

  • الیکشن کمیشن نے بانی پی ٹی آئی اور نوازشریف کو طلب کرلیا

    الیکشن کمیشن نے بانی پی ٹی آئی اور نوازشریف کو طلب کرلیا

    اسلام آباد : الیکشن کمیشن نے دو سابق وزرائے اعظم کو طلب کرلیا، بانی پی ٹی آئی اور میاں نواز شریف کو نوٹسز جاری کردیے گئے۔

    اے آر وائی نیوز کے مطابق اس حوالے سے الیکشن کمیشن نے ایک کاز لسٹ بھی جاری کی ہے، توہین الیکشن کمیشن کیس میں بانی پی ٹی آئی کو نوٹس جاری کیا گیا ہے۔

    رپورٹ کے مطابق الیکشن کمیشن میں میاں محمد نواز شریف کی درخواست پر سماعت 5نومبر کو ہوگی۔

    نواز شریف کی جانب سے درخواست دی گئی تھی کہ عادل بازئی نے 26 ویں آئینی ترمیم میں پارٹی پالیسی کے تحت ووٹ نہیں ڈالا۔

    الیکشن کمیشن میں عادل بازئی کے خلاف 63 اے کے تحت ریفرنس بھیجا گیا تھا جس پر اب الیکشن کمیشن نے پارٹی سربراہ مسلم لیگ نواز کو طلب کیا ہے۔

  • نواز شریف نے مولانا فضل الرحمان سے ملنے سے انکار کردیا، ذرائع

    نواز شریف نے مولانا فضل الرحمان سے ملنے سے انکار کردیا، ذرائع

    مسلم لیگ ن کے صدر میاں نوازشریف مولانا فضل الرحمان سے ملے بغیر ہی اسلام آباد سے واپس لاہور روانہ ہوگئے، اس حوالے سے ذرائع ن لیگ کا کہنا ہے کہ وہ آئینی ترمیم پر شہباز شریف کی حکمت عملی سے نالاں ہیں۔

    مسلم لیگ ن کے ذرائع نے بتایا ہے کہ نواز شریف کی جانب سے آئینی ترمیم سے متعلق مشاورتی عمل سے عدم دلچسپی کا اظہار کیا جارہا ہے۔

    ذرائع کے مطابق نواز شریف قومی اسمبلی کے اجلاس میں شرکت کے لیے آئے تھے، تاہم نواز شریف نے صدر زرداری سے ملاقات کی اور نہ ہی مولانا فضل الرحمان سے ملے۔

    وزیر اعظم شہباز شریف کی تمام تر کوششوں کے باوجود نوازشریف نے مولانا فضل الرحمان سے ملنے سے انکار کردیا۔

    ذرائع کا کہنا ہے کہ نواز شریف نے شہبازشریف سے کہا تھا کہ نئی آئینی ترمیم پر پہلے ہی مولانا کو اعتماد میں لینا چاہیے تھا، تاہم نوازشریف کا آج صبح اجلاس میں شرکت کیلئے لاہور سے دوبارہ اسلام آباد واپس آنے کا امکان ہے۔

    واضح رہے کہ قومی اسمبلی کا اجلاس آج دن ساڑھے 12 بجے تک کے لیے ملتوی کردیا گیا ہے اور ایوان میں مجوزہ آئینی ترامیم ایوان میں پیش نہ ہوسکیں۔

    اس سے قبل ذرائع اسپیکر چیمبر کا کہنا تھا کہ قومی اسمبلی میں آئینی ترامیم پیش نہیں ہوسکیں گی اس لیے قومی اسمبلی کا اجلاس پیر تک ملتوی کرنے کا فیصلہ کیا گیا ہے۔

  • نوازشریف قومی اسمبلی کی سیٹ دھاندلی سے جیتے، پتن رپورٹ

    نوازشریف قومی اسمبلی کی سیٹ دھاندلی سے جیتے، پتن رپورٹ

    لاہور کے حلقے این اے130 میں پنجاب کی انتخابی تاریخ کی بدترین دھاندلی بے نقاب ہوگئی، فارم 45میں ہارے ہوئے نواز شریف کو فارم 47 میں جتوایا گیا، پتن کی رپورٹ نے انتخابی نتائج پر سوالات کھڑے کردیئے۔

    پتن نے اپنی تحقیقاتی رپورٹ میں اہم انکشافات کیے ہیں، رپورٹ میں کہا گیا ہے کہ نواز شریف کو جتوانے کیلئے انتخابی عملے نے جعلی فارم 47 بنائے۔ جس سے جمع کرائے گئے فارم 45 میں غیر معمولی تضادات پیدا ہوگئے۔

    پتن رپورٹ کے مطابق حلقے میں قومی اور صوبائی ووٹنگ کے ٹرن آؤٹ میں واضح فرق پیدا ہوگیا، قومی اسمبلی کے فارم 45 میں ٹرن آؤٹ 90 سے 102 فیصد دکھایا گیا اور صوبائی اسمبلی کے فارم 45 میں وہی ٹرن آؤٹ کم ہوکر 41 فیصد ہوگیا۔

    82پولنگ اسٹیشنز پر قومی اسمبلی کا ٹرن آؤٹ اوسطاً 86 فیصد رہا تو صوبائی اسمبلی ٹرن آؤٹ کی اوسط 40 سے نیچے چلی گئی، یعنی لوگوں کی اکثریت نے قومی اسمبلی کا ووٹ تو دیا پر صوبائی کا ووٹ نہیں دیا۔

    اس حوالے سے سربراہ پتن سرور باری نے اے آر وائی نیوز کے پروگرام آف دی ریکارڈ میں گفتگو کی اور انتخابات میں ہونے والی دھاندلی کو بے نقاب کرتے ہوئے بتایا کہ عام طور پر قومی اور صوبائی اسمبلیوں کا ٹرن آؤٹ ایک جیسا ہوتا ہے۔

    ان کا کہنا تھا کہ دونوں امیدواروں کے ووٹوں میں 78 ہزار سے زائد ووٹوں کا فرق ہے۔69پولنگ اسٹیشنز کے اوپر ٹرن آؤٹ 80 فیصد سے 102 فیصد تک ہے۔ کسی طرح بھی ممکن نہیں کہ ٹرن آؤٹ میں 40 سے 45 فیصد کا فرق آجائے۔

    پتن رپورٹ میں کہا گیا ہے کہ الیکشن میں نواز شریف 166 جبکہ پی ٹی آئی امیدوار ڈاکٹر یاسمین راشد 208 فارم 45 پر فاتح تھیں۔ بعد میں فارم47 پر نواز شریف کو یاسمین راشد پر برتری دکھا دی گئی۔

    فارم 47 پر نواز شریف کے 11ہزار 817ووٹ بڑھ گئے تو یاسمین راشد کے 2845 ووٹ گھٹا دیے گئے۔ دلچسپ بات یہ ہے کہ الیکشن کمیشن آف پاکستان نے بھی ان تضادات کو حل کرنے کی زحمت گوارہ نہیں کی۔

    یاد رہے کہ این اے130 کو 376 پولنگ اسٹیشنز میں تقسیم کیا گیا تھا، 217 پی پی173 کے ساتھ مشترکہ تھے۔

  • نوازشریف کو چین کی کمیونسٹ پارٹی نے مدعو کیا ہوگا، مفتاح اسماعیل

    نوازشریف کو چین کی کمیونسٹ پارٹی نے مدعو کیا ہوگا، مفتاح اسماعیل

    سابق وزیر خزانہ مفتاح اسماعیل نے کہا ہے کہ نوازشریف کو چین کی کمیونسٹ پارٹی نے نجی دورے پر مدعو کیا ہوگا۔

    اے آر وائی نیوز کے پروگرام خبر میں گفتگو کرتے ہوئے مفتاح اسماعیل نے کہا کہ دونوں ممالک میں باضابطہ معاہدے وزیراعظم کی موجوگی میں ہی ہوسکتے ہیں، ہماری خارجہ پالیسی کا محور یہ ہوتا ہے کہ اگلا کون سا ملک قرض دے سکتا ہے۔

    مفتاح اسماعیل نے کہا کہ این ایف سی ایوارڈز پر نظرثانی کے بغیر کوئی اصلاحات کامیاب نہیں ہوسکتی۔ صوبوں کو پیسے دینے کی وجہ سے وفاق کنگلا ہوا، اس وجہ سے آج مہنگائی ہے.

    انھوں نے کہا کہ موجودہ مالی حالات کی بڑی وجہ این ایف سی ایوارڈز ہیں۔ این ایف سی ایوارڈز کی تنظیم نو نہیں ہوئی تو ملک مزید پیچھے رہ جائےگا۔

    مفتاح اسماعیل نے کہا کہ حکومت کے پاس این ایف سی ایوارڈز سے متعلق نظرثانی کا واضح مینڈیٹ نہیں ہے۔ پاکستان کو بچانا ہے تو ریاستی قوتوں کو این ایف سی ایوارڈز کی تبدیلی میں کردار ادا کرنا ہوگا۔ ریاستی قوتوں کو این ایف سی ایوارڈز تبدیلی کی ضرورت کا ادراک ہے۔

    سابق وزیر خزانہ کا کہنا تھا کہ امریکا کےعلاوہ خطے کے دیگر ممالک بھی پاک ایران گیس پائپ لائن کے خلاف ہیں۔

    انھوں نے کہا کہ اتنی پابندیوں میں نہیں لگتا کہ پاک ایران گیس پائپ لائن بن سکتی ہے۔ ہماری خارجہ پالیسی ڈر ڈر کر چلتی ہے، میرا نہیں خیال گیس پائپ لائن بن سکتی ہے۔

  • کیا نواز شریف دوبارہ پارٹی صدارت سنبھالنے جارہے ہیں ؟

    کیا نواز شریف دوبارہ پارٹی صدارت سنبھالنے جارہے ہیں ؟

    اسلام آباد : مسلم لیگ ن کے سینئررہنماؤں نے قائد نواز شریف کو پارٹی صدارت سنبھالنے کا مشورہ دے دیا تاہم اس حوالے سے ایک دو ماہ میں اس بارے میں فیصلہ ہو جائے گا۔

    تفصیلات کے مطابق مسلم لیگ ن کے قائد نواز شریف پارٹی کو ازسر نو متحرک کرنے کے لیے سرگرم ہیں ، سینئر رہنماؤں نے میاں صاحب کو پارٹی صدارت سنبھالنے کا مشورہ دے دیا ہے۔

    پارٹی کو ازسرنو متحرک کرنے سے متعلق مشاورتی اجلاس میں سینئر رہنماؤں کی جانب سے تجویز دی گئی ہےکہ حکومتی اورپارٹی عہدوں کو الگ کیا جائے، اس حوالے سے پارٹی کے سینئر رہنماعرفان صدیقی نے اے آر وائی نیوز کی خبر کی تصدیق کردی ہے۔

    عرفان صدیقی کا کہنا ہے کہ امکان ہے قائد مسلم لیگ(ن) کی پارٹی صدارت سنبھالیں گے، ایک دو ماہ میں اس بارے میں فیصلہ ہو جائے گا۔

    ن لیگ کے معتبر ذرائع کا کہنا ہے ن لیگی قائد کو دوبارہ پارٹی کا صدر بننے کا مشورہ دیا گیا ہے، وہ جلد پارٹی عیدیداروں سے ملاقاتوں کا آغاز کریں گے۔

    رہنماؤں کی اکثریت نے تجویز کے حق میں رائے دی تو جنرل کونسل اجلاس بلا کر بڑےعہدوں میں تبدیلی لائی جائے گی۔

    میاں صاحب نے پارٹی کو یہ بھی کہا ہے کہ مرکز کے بجائے پنجاب پر فوکس کریں اور صوبے میں ڈلیورکرکے ہی آئندہ انتخابات میں جاسکیں گے تاہم پارٹی اور حکومتی عہدوں کو الگ کرنے کا اطلاق مریم نواز پر نہیں ہوگا۔

    یاد رہے انتخابات میں ن لیگ کو سادہ اکثریت نہ ملنے کی صورت میں ن لیگی قائد نے وزیر اعظم کا عہدہ قبول نہیں کیا تھا اور وزارت عظمی کے عہدے کے لیے اپنے چھوٹے بھائی شہباز شریف کو نامزد کیا تھا، وہ پیچھے بیٹھ کر وفاق اور پنجاب کی حکومتوں کی نگرانی کریں گے۔

  • مجھے نکالنے والے چلے گئے، میں آج وہی کھڑا ہوں، نوازشریف

    مجھے نکالنے والے چلے گئے، میں آج وہی کھڑا ہوں، نوازشریف

    پاکستان مسلم لیگ ن کے قائد میاں محمد نواز کا کہنا ہے کہ مجھے نکالنے والے چلے گئے میں آج وہی آپ کے سامنے کھڑا ہوں۔

    مری میں جلسے خطاب کرتے ہوئے پاکستان مسلم لیگ ن کے قائد نے کہا کہ 1985 میں پنجاب کا وزیراعلیٰ بنا تو سب سے پہلا منصوبہ راولپنڈی سے مری روڈ کا تھا، مری میرا دوسرا گھر ہے اور یہاں کے لوگ بھی مجھے بہت پیارے ہیں۔

    نواز شریف نے کہا کہ 1950 میں پیدائش ہوئی تو 1956 میں پہلی بار مری آیا تھا، لاہور کے بعد سب سے زیادہ میں مری میں رہاہوں۔

    انہوں نے کہا کہ جب میں وزیراعظم تھا تو عوام کی خدمت کر رہا تھا، میں نے لوڈشیڈنگ کا خاتمہ کیا، ملک میں بجلی سستی کی، موٹر وے بنائی، روٹی 4 روپے کی تھی، گھی 150 روپے چینی 50 روپے کلو تھی۔

    سبزیاں 10، 10 روپے کلو، ڈالر 104 روپے اور پیٹرول 65 روپے کا تھا، انہوں نے سوال کیا کہ کیا نوازشریف کا زمانہ اچھا تھا یا یہ زمانہ اچھا ہے؟

    نوازشریف نے کہا کہ سونا 50 ہزار روپے فی تولہ تھا اور آج 2 لاکھ روپے تولہ ہے، آپ نے مجھے کیوں نکالا، جس نے نکالا اچھا کیا یا برا کیا؟

    انہوں نے کہا کہ آج وہ خود استعفیٰ دیکر گھر جا رہے ہیں، دال میں کچھ کالا ہے، چور کی داڑھی میں تنکا ہے۔ مجھے نکالنے والے چلے گئے میں آج وہی آپ کے سامنے کھڑاہوں، مجھے نکال دیا اور اس کو لائے جس نے کہا عوام کو 1 کروڑ نوکریاں دوں گا۔

    وہ کٹے، مرغیاں اور انڈے کہاں گئے؟، بلین ٹری کا جھوٹ بولا، کہاگیا کہ 50 لاکھ گھر دینگے کسی کو ملا تو بتائیں؟ نواز شریف نے کہا کہ یہ دیکھیں میرے سامنے یوتھ کھڑی ہے، ن لیگ پاکستان کو دوبارہ تعمیر کرے گی۔

    میاں نوازشریف کا جلسے خطاب میں کہنا تھا کہ پاکستان کی یوتھ ہمارے ساتھ ہے، ان شااللہ ہم مری کے چاروں طرف موٹروے بنائیں گے، میرا منصوبہ اورخواہش ہے اسلام آبادسے مری تک ٹرین لیکر آئیں۔

    خدشہ ہے الیکشن ڈے پر ن لیگ خون خرابے کی سازش کرے گی: پلوشہ خان

    انہوں نے کہا کہ اسلام آباد سے مری اور پھر مظفرآباد تک ٹرین چلائیں گے، آج یوم یکجہتی کشمیر ہے ہم کشمیریوں کیساتھ کھڑے ہیں اور ہمیشہ کھڑے رہیں گے۔

  • نوازشریف نے جو وعدے کیے ان کو پورا کیا، شہباز شریف

    نوازشریف نے جو وعدے کیے ان کو پورا کیا، شہباز شریف

    سابق وزیراعظم اور مسلم لیگ ن کے صدر شہباز شریف نے کہا ہے کہ نوازشریف نے جو وعدے کیے ان کو پورا کیا۔

    تفصیلات کے مطابق شہباز شریف کا کہنا ہے کہ نواز شریف نے راولپنڈی میں میٹرو بنانے کا اعلان کیا۔ میٹرو بننے کے بعد جو حکومت آئی اس نے راولپنڈی کیلئے کچھ نہیں کیا۔ قائد ن لیگ نے راولپنڈی شہر کی بہتری کیلئے بہت کام کیا۔

    صد ن لیگ نے کہا کہ نواز شریف نے بچے اور بچیوں کو لیپ ٹاپ دیے۔ راولپنڈی میں بجلی پر چلنے والی بسیں لائیں گے۔

    انھوں نے کہا کہ راولپنڈی کیلئے30 ارب روپے کا پانی کا منصوبہ لارہے ہیں۔ پنجاب میں نواز شریف نے اسپتالوں میں مفت دوائیں دیں۔ ایک لیڈر نے نواز شریف کو مباحثے کی دعوت دی ہے۔

    شہبازشریف کا کہنا تھا کہ8 فروری والے دن ان سب کو پتہ چل جائےگا۔ کس نے خدمت کی اور کس نے دھوکا دیا یہ سب کو پتہ ہے۔ نوازشریف کو ایک بار پھر وزیراعظم بنائیں۔

  • الیکشن سے قبل نوازشریف کا معاشی ماہرین کے ساتھ اہم مشاورتی اجلاس

    الیکشن سے قبل نوازشریف کا معاشی ماہرین کے ساتھ اہم مشاورتی اجلاس

    لاہور: مسلم لیگ ن کے قائد میاں محمد نوازشریف نے الیکشن سے قبل معاشی ماہرین کے ساتھ اہم مشاورتی اجلاس منعقعد کیا۔

    تفصیلات کے مطابق اجلاس میں ملکی معاشی مسائل کے حل کیلئے اصلاحات اور مختلف تجاویز پر غور کیا گیا۔ صدر ن لیگ شہباز شریف نے بھی اجلاس میں شرکت کی۔ اس اجلاس میں معاشی بحالی، عوام کو مہنگائی سے نجات دلانے کے معاشی منصوبے کو حتمی شکل دی گئی۔

    مشاورتی اجلاس کے دوران شرح ترقی میں اضافے، ٹیکس اصلاحات اور توانائی بحران کے خاتمے کے نکات طے کیے گئے۔ اجلاس میں بجلی اور گیس کی قیمتوں میں کمی کے نکات بھی طے کیے گئے

    اجلاس کی بریفنگ میں بتایا گیا کہ زراعت، صنعت اور آئی ٹی کی ترقی کی مراعات پر مبنی پیکج تیار کرلیےگئے ہیں۔ زراعت کیلئے خصوصی رعایت پر سولر انرجی کی فراہمی، گھریلو صارفین کو بجلی کی فراہمی میں مراعات کا تعین بھی ترجیحات میں شامل ہے۔

    اس کے علاوہ سالانہ بنیادوں پر روزگار کی فراہمی، نوجوانوں کو ہنرمند بنانے کیلئے پالیسی نکات بھی مرتب کرلیے گئے ہیں۔

    ن لیگ کے اجلاس میں تعلیم، صحت اور انفرااسٹرکچر کیلئے بڑے منصوبوں کی ترجیحات طے کی گئی ہیں۔ قومی ترقی کو تیز کرنے والے اقدامات سے مجموعی معاشی سرگرمیوں کو مرحلہ وار بڑھانے پر اتفاق کیا گیا ہے۔

    اجلاس میں معاشی منصوبہ مختلف شعبوں کے ماہرین کی تجاویز کی روشنی میں طے کیا گیا ہے۔ شرح سود میں کمی لانے، بڑی صنعتوں اور برآمدی شعبے کیلئے اصلاحات کے اصول بھی مرتب کیے گئے ہیں۔