Tag: نوازشریف

لاہور: وفاقی کابینہ کی جانب سے نوازشریف کا نام ای سی ایل سے نکالنے کی مشروط منظوری دیے جانےپر مسلم لیگ(ن) کا ردعمل سامنے آگیا۔

تفصیلات کے مطابق (ن) لیگ کے رہنما خرم دستگیر نے فیصلے پر ردعمل دیتے ہوئے کہا ہے کہ کابینہ نےعدالت پرعدالت قائم کردی ہے،عدالت نوازشریف کوعلاج کرانےکیلئےضمانت دےچکی ہے، کابینہ عدالت نہیں ہے اور نیب پہلے کی عدالت میں اپنامؤقف پیش کرچکی ہے۔

انہوں نے کہا کہ کابینہ کی جانب سےدستاویزی طورپرشرائط ابھی تک نہیں ملیں،شرائط دیکھیں گےاس کےبعدعدالت جانےکافیصلہ کریں گے۔

خرم دستگیرکا کہنا تھا کہ کابینہ عدالت نہیں ہے،شرائط شرمناک ہیں جس کی مذمت کرتےہیں،ضمانت عدالت لیتی ہے اوراعلیٰ عدلیہ ضمانتیں لےچکی ہے۔

یہ بھی پڑھیں: نوازشریف کا نام ای سی ایل سے نکالنے کے معاملے پر نیب کی شرائط سامنے آگئیں

(ن) لیگ کے رہنما کا کہنا تھا کہ حکومت کوشک ہےنوازشریف کی صحت پرتوکھل کربات کرے، حکومت کی جانب سےاس قسم کی شرائط کی مذمت کرتاہوں،کابینہ نےکب کسی کیس میں زرضمانت طلب کی ہے؟2عدالتیں ضمانت لےچکی ہیں کابینہ تیسری عدالت کیوں بن گئی۔

خرم دستگیرکا مزید کہنا تھا کہ کابینہ کافیصلہ ملنےکے بعد عدالت جانےسےمتعلق کچھ نہیں کہہ سکتا ہوں۔

واضح رہے کہ وزیراعظم عمران خان کی زیر صدارت وفاقی کابینہ کے اجلاس میں سابق وزیراعظم نوازشریف کا نام ای سی ایل سے نکالنے کی مشروط کی منظوری دے دی گئی، نواز شریف کو باہر جانے کے لئے سیکیورٹی بانڈز دینا ہوں گے۔

اسلام آباد: سابق وزیراعظم نوازشریف کا نام ای سی ایل سے نکالنے کے معاملے پر نیب کی شرائط سامنے آگئی ہیں، نیب کی سفارش پر وزارت داخلہ نے نوازشریف کا نام ای سی ایل میں ڈالا تھا۔

تفصیلات کے مطابق نیب ذرائع کا کہنا ہے کہ نوازشریف کیس کی مالیت کے برابر رقم یا پراپرٹی بطورگارنٹی جمع کرائیں۔

نیب ذرائع کہنا ہے کہ بیرون ملک جانے کے بعد ملزم پرکوئی اختیارنہیں چلتا، ماضی میں بھی لوگ بیرون ملک گئے اورواپس نہیں آئے اور نہ ہی آج تک کوئی ادارہ ان کےحوالے سے کچھ نہیں کرسکا۔

العزیزیہ کیس میں نوازشریف کو مجموعی طور پر ساڑھے6ارب روپےجرمانہ کیا گیا تھا اور اب نوازشریف کو بیرون ملک جانےکیلئےاتنی ہی رقم اداکرناہوگی۔

واضح رہے کہ وزیراعظم عمران خان کی زیر صدارت وفاقی کابینہ کے اجلاس میں سابق وزیراعظم نوازشریف کا نام ای سی ایل سے نکالنے کی مشروط منظوری دے دی گئی، نواز شریف کو باہر جانے کے لئے سیکیورٹی بانڈز دینا ہوں گے۔

یہ بھی پڑھیں: کابینہ نے نواز شریف کا نام ای سی ایل سے نکالنے کی منظوری دے دی

قبل ازیں نواز شریف کا نام ای سی ایل سے نکالنے کے معاملے پر وفاقی وزیرقانون بیرسٹر فروغ نسیم کی زیر صدارت کابینہ کی ذیلی کمیٹی کا اجلاس ہوا، معاون خصوصی شہزاد اکبر، سیکریٹری داخلہ اعظم سلیمان ، ڈاکٹر عدنان اور عطااللہ تارڑ بھی اجلاس میں شریک ہوئے جبکہ اجلاس میں نیب کے 2نمائندے بھی موجود تھے۔

ذرائع کا کہنا ہے کہ نوازشریف کی میڈیکل رپورٹس سیکریٹری صحت پنجاب نے ذیلی کمیٹی میں پیش کی،ایک رپورٹ میں واضح لکھا ہے نواز شریف کوبیرون ملک علاج کی ضرورت ہے ، جس پر کابینہ کی ذیلی کمیٹی نے پراسیکیوٹر نیب کو طلب کر لیا۔

کمیٹی کا کہنا ہے کہ نیب پراسیکیوٹر نام ای سی ایل سے نکالنے پر واضح مؤقف پیش کریں اور چیئرمین نیب سےواضح ہدایات لے کر آئیں، ذرائع کا کہنا ہے کہ نیب نے جواب میں کہا کہ انسانی بنیاد پر نوازشریف کے بیرون ملک علاج پر اعتراض نہیں، نام ای سی ایل سے نکالنے کاحتمی فیصلہ حکومت خود کرے۔

یاد رہے نیب نے سابق وزیراعظم نواز شریف کا نام ای سی ایل سے نکالنے کی ذمہ داری وفاقی حکومت پر ڈال دی تھی اور کہا تھا کہ وفاقی حکومت مجاز اتھارٹی ہے۔

کہا جارہا تھا کہ ایگزیٹ کنٹرول لسٹ سے نام نکالنے کے معاملے پر نیب افسران میں شدید تشویش پائی جاتی ہے، قومی احتساب بیورو کے افسران نے دو ٹوک مؤقف اختیار کیا ہے کہ نوازشریف نے بیرونِ ملک بھیجنا مقصود ہے تو پلی بارگین کے بعد بھیجا جائے۔

اسلام آباد: نوازشریف کا نام ای سی ایل سے نکالنے اور بیرون ملک روانگی کے حوالے سے وفاقی کابینہ اجلاس میں ہونے والی بحث کی اندرونی کہانی سامنے آگئے۔

تفصیلات کے مطابق وزیراعظم عمران خان کی زیر صدارت ہونے والے کابینہ اجلاس میں سابق وزیراعظم نوازشریف کی بیرون ملک روانگی کا معاملہ سرفہرست رہا ہے جس میں ارکان نے بڑھ چڑھ کر اپنی رائے کا اظہار کیا۔

اجلاس میں شریک وفاقی وزیر برائے ریلوے شیخ رشید نے اے آر وائی سے بات کرتے ہوئے بتایا کہ نوازشریف کی میڈیکل رپورٹس پرکابینہ اجلاس میں بحث ہوئی ،میڈیکل رپورٹ کےمطابق نوازشریف کی طبیعت ٹھیک نہیں۔

شیخ رشید نے کہا کہ شرط رکھی گئی کہ نوازشریف فیملی بتائےگی کتنےدن کا علاج کراناہے جب کہ شریف فیملی کوبیرون ملک جانے کیلئےبانڈجمع کراناہوگا اور اکثریت نےاس فیصلےکی حمایت کی۔

یہ بھی پڑھیں: کابینہ نے نواز شریف کا نام ای سی ایل سے نکالنے کی منظوری دے دی

شیخ رشید نے بتایا کہ العزیزیہ کیس میں جوجرمانہ عائدکیاگیاتھاوہی رقم بطور گارنٹی نوازشریف سے لی جائےگی اور اگر نوازشریف اس فیصلے کے خلاف عدالت میں جانےچاہیں توانہیں کوئی نہیں روک سکتا۔

وفاقی وزیر نے کہا کہ کابینہ اجلاس میں نوازشریف کوباہربھیجنےکی اجازت کافیصلہ ہوا، کابینہ نےمشروط طورپرای سی ایل سےنام نکالنےکافیصلہ کیا تاہم میاں صاحب کب جائیں گے اس بارے میں کچھ نہیں کہہ سکتا کیونکہ کابینہ میں جوفیصلہ ہوناتھاہوگیا۔

ان کا کہنا تھا کہ میں توشروع سےکہہ رہاہوں نوازشریف کوچھوڑیں جانےدیں۔

خیال رہے سابق وزیراعظم نواز شریف کا نام ای سی ایل سے نکالنے کے معاملے پر وفاقی کابینہ کی ذیلی کمیٹی کے اجلاس میں نیب کےموقف پرتحفظات کا اظہارکیا گیا، ذرائع کا کہنا تھا کہ کمیٹی نے نیب کے مؤقف پر ناپسندیدگی کااظہار کرتے ہوئے کہا نیب نے درخواست پرواضح مؤقف نہیں اپنایا جبکہ سیکریٹری صحت پنجاب نےتین میڈیکل رپورٹس پیش کیں۔

یاد رہے نیب نے سابق وزیراعظم نواز شریف کا نام ای سی ایل سے نکالنے کی ذمہ داری وفاقی حکومت پر ڈال دی تھی اور کہا تھا کہ وفاقی حکومت مجاز اتھارٹی ہے۔

کہا جارہا تھا کہ ایگزیٹ کنٹرول لسٹ سے نام نکالنے کے معاملے پر نیب افسران میں شدید تشویش پائی جاتی ہے، قومی احتساب بیورو کے افسران نے دو ٹوک مؤقف اختیار کیا ہے کہ نوازشریف نے بیرونِ ملک بھیجنا مقصود ہے تو پلی بارگین کے بعد بھیجا جائے۔

لاہور: وزیر صحت پنجاب یاسمین راشد نے کہا ہے کہ نوازشریف کے میڈیکل بورڈ کا 2 لائنوں کا جواب ناکافی ہے، میڈیکل بورڈ کا 2 لائنوں کا جواب وزارت داخلہ کو بھیجتے تو مذاق بنتا۔

تفصیلات کے مطابق لاہور میں پریس کانفرس کرتے ہوئے صوبائی وزیر یاسمین راشد نے کہا کہ نوازشریف کی بیماری کی تشخیص ہوگئی ہے، ان کی شوگر کنٹرول نہیں ہو پا رہی ہے، نوازشریف کو اسٹیرائیڈزسمیت دیگر دوائیں دی جا رہی ہیں۔

یاسمین راشد نے کہا کہ نوازشریف نے بیرون ملک علاج کے لیے وزارت داخلہ کو درخواست دی، وزارت داخلہ کی جانب سے خط آیا میڈیکل بورڈ سے رائے لی جائے، وزارت داخلہ نے صوبائی حکومت سے میڈیکل بورڈ کی رپورٹ طلب کی ہے، نامکمل رپورٹ پر میڈیکل بورڈ سے سوال جواب پوچھے ہیں۔

انہوں نے کہا کہ کہا گیا کچھ ایسی بیماریاں ہیں جن کاعلاج پاکستان میں دستیاب نہیں ہے، میڈیکل بورڈ سے پوچھا بتائیں کون سی ایسی بیماریوں کاعلاج یہاں ممکن نہیں ہے۔

وزیر صحت پنجاب نے کہا کہ نوازشریف کے سرکاری میڈیکل بورڈ کا آج ایک اور اجلاس ہوگا، میڈیکل بورڈ کی تفصیلی رپورٹ آنے پر وزارت داخلہ کو بھجوائیں گے، میڈیکل بورڈ خودمختار ہے کسی بھی ممبر سے پوچھ لیں۔

انہوں نے کہا کہ نوازشریف ہائی پروفائل مریض ہیں، ان کی بیماری سے کبھی انکار نہیں کیا، ان کی بیماری کی ہسٹری بہت لمبی چوڑی ہے، نوازشریف کو لاحق امراض کی تفصیلات سے سب واقف ہیں، نوازشریف بیمار ہیں اس معاملے پر کوئی شک نہیں کیا جاسکتا۔

یاسمین راشد نے کہا کہ نوازشریف کے میڈیکل بورڈ کا 2 لائنوں کا جواب ناکافی ہے، میڈیکل بورڈ کا 2 لائنوں کا جواب وزارت داخلہ کو بھیجتے تو مذاق بنتا۔ انہوں نے کہا کہ مجھ پر کوئی دباؤ نہیں، ہمیشہ حقائق سے آگاہ کیا، میڈیکل بورڈ سے تفصیل مانگنا کوئی غلط بات نہیں ہے۔

وزیرصحت پنجاب نے کہا کہ نوازشریف کے پیٹ اسکین نہ ہونے کی وجہ شوگر کا کنٹرول نہ ہونا ہے، ڈاکٹرز رسک لینے کو تیار نہیں ہیں، بدقسمتی سے میڈیکل میں بہت ساری چیزوں کا فقدان ہے۔

لاہور: جیلوں میں 10 ہزار بیمار قیدیوں نے طبی بنیاد پر رہائی کی درخواست لاہور ہائی کورٹ میں دائر کردی، درخواست میں استدعا کی گئی ہے کہ نوازشریف کی طرح بیمار قیدیوں کو طبی بنیاد پر ضمانت دی جائے۔

تفصیلات کے مطابق لاہور ہائی کورٹ کے جسٹس رسال حسن سید نے جیلوں میں 10 ہزار بیمار قیدیوں کی طبی بنیاد پر رہائی کی درخواست کی سماعت کی۔ لاہورہائی کورٹ نے درخواست چیف سیکریٹری پنجاب کو بھجوا دی۔ عدالت نے چیف سیکریٹری پنجاب کو درخواست پر فیصلے کی ہدایت کر دی۔

عدالت میں دائر کی گئی درخواست میں کہا گیا ہے کہ جیلوں میں 10 ہزارسے زائد قیدی مختلف بیماریوں میں مبتلا ہیں، جیلوں میں قیدیوں کو علاج کی مناسب سہولتیں میسر نہیں ہیں۔ درخواست میں استدعا کی گئی ہے کہ نوازشریف کی طرح بیمار قیدیوں کو طبی بنیاد پرضمانت دی جائے۔

سابق وزیراعظم نوازشریف کی درخواست ضمانت منظور

یاد رہے کہ گزشتہ ماہ 25 اکتوبر کو لاہور ہائی کورٹ نے سابق وزیراعظم نواز شریف کی درخواست ضمانت منظور کی تھی اور ایک کروڑ روپے کے 2ضمانتی مچلکے جمع کرانے کا حکم دیا تھا، نوازشریف کی ضمانت چوہدری شوگرملز کیس میں منظور کی گئی تھی۔

میڈیکل بورڈ کے سربراہ ڈاکٹر محمود ایاز کا کہنا تھا کہ نواز شریف کے مکمل علاج پر کسی حتمی نتیجے پر نہیں پہنچے، ان کی حالت تشویش ناک ہے۔

لاہور: سابق وزیراعظم نوازشریف کا نام ایگزٹ کنٹرول لسٹ سے تاحال نہ نکالا جاسکا، ای سی ایل میں نام شامل ہونے کی وجہ سے نوازشریف کی پیر کی صبح بیرون ملک روانگی پر سوالیہ نشان لگ گیا ہے۔

تفصیلات کے مطابق شریف خاندان نے کل صبح 9 بجکر5منٹ پرلندن کی ٹکٹ بک کرارکھی ہے تاہم نوازشریف کا نام ای سی ایل میں موجود ہے۔

ای سی ایل سے نام نہ نکالے جانےپرنوازشریف کی روانگی سے متعلق بے یقینی کی صورتحال پیدا ہوگئی ہے اورشریف خاندان حکومتی فیصلے کے منتظر ہیں۔

اس حوالے سے وزیراعظم عمران خان کے معاون خصوصی علی نوازاعوان کا اے آر وائی کے پروگرام’ سوال یہ ہے‘ میں گفتگو کرتے ہوئے کہنا تھا کہ نوازشریف کانام ای سی ایل سےنکالنےکیلئے سمری آگئی ہے، وزارت قانون کی سمری کابینہ میں دیکھی جائےگی، وفاقی کابینہ کااجلاس منگل کوہوگا جس میں سمری پرفیصلہ کیاجائےگا۔

واضح رہے کہ نواز شریف، شہباز شریف اور ڈاکٹر عدنان کی لندن کے لیے ٹکٹ بک کرلی گئی ہیں، بک کی گئی ٹکٹ پر واپسی کی تاریخ 27 نومبر درج ہے۔

یہ بھی پڑھیں: نیب کی سفارش پر ہی نواز شریف کا نام ای سی ایل سے نکالا جائے گا، عمران خان

ذرائع کا کہنا ہے کہ لندن اور پاکستان میں ڈاکٹرز سے نوازشریف کی طبیعت کے حوالے سے مشاورت کرلی گئی ہے جبکہ لندن میں حسین نواز اور اسحاق ڈار نے انتظامات مکمل کرلیے ہیں۔

یاد رہے کہ حکومت کی جانب سے سابق وزیراعظم نواز شریف کا نام ای سی ایل سے ہٹانے کا فیصلہ کیا گیا تھا، ذرائع کا کہنا تھا کہ نوازشریف کا نام 48سے 72گھنٹوں میں ای سی ایل سے نکال دیا جائے گا۔

سابق وزیراعظم نواز شریف نے نام ای سی ایل سے نکالنے کیلئے درخواست دی تھی، درخواست نواز شریف کی فیملی کی جانب سے بیماری اور بیرون ملک علاج کرانے کی بنیاد پر دی گئی تھی ، درخواست میں کہا گیا تھا کہ نوازشریف بیرون ملک علاج کے لئے جانا چاہتے ہیں۔

لاہور: سابق وزیراعظم نوازشریف کی علاج کے لیے اتوار کو بیرون ملک روانگی پکی ہوگئی ہے اور وہ غیر ملکی ایئرلائن کی پرواز سے لندن جائیں گے۔

تفصیلات کے مطابق ذرائع کا کہنا ہے کہ نوازشریف قطر ایئرویزکی ایئر ایمبولنس سے لندن جائیں گے، قطر ایئرویز کی ایئرایمبولنس اتوار کو لاہور سے لندن روانہ ہوگی۔

ذرائع نے بتایا کہ ڈاکٹرزنے نوازشریف کوامریکا سےعلاج کرانے کا مشورہ دیا ہے، نوازشریف کے پاکستان سے لندن اور پھرامریکا جانے کا بھی امکان ہے۔

ذرائع کا کہناہے کہ نوازشریف کے ساتھ شہبازشریف بھی لندن جائیں گے جب کہ ڈاکٹرعدنان اورجنید صفدر بھی نوازشریف کے ہمراہ ہوں گے۔

لندن اور پاکستان میں ڈاکٹرز سے نوازشریف کی طبیعت کے حوالے سے مشاورت کرلی گئی ہے، لندن میں حسین نواز اور اسحاق ڈار نے انتظامات مکمل کرلیے ہیں۔

یہ بھی پڑھیں: نوازشریف کا نام ای سی ایل سے نکالنے کیلئے معاملہ نیب کوبھیج دیا گیا

واضح رہے کہ حکومت کی جانب سے سابق وزیراعظم نواز شریف کا نام ای سی ایل سے ہٹانے کا فیصلہ کرلیا گیا ہے۔

نوازشریف کا نام 48سے 72گھنٹوں میں ای سی ایل سے نکال دیا جائے گا، نواز شریف کو ایئر ایمبولینس میں بیرون ملک لے جایا جاسکتا ہے۔

یاد رہے سابق وزیراعظم نواز شریف نے نام ای سی ایل سے نکالنے کیلئے درخواست دی تھی، درخواست نواز شریف کی فیملی کی جانب سے بیماری اور بیرون ملک علاج کرانے کی بنیاد پر دی گئی تھی ، درخواست میں کہا گیا تھا کہ نوازشریف بیرون ملک علاج کے لئے جانا چاہتے ہیں۔