Tag: نوازشریف

لاہور : مسلم لیگ ن کے قائد نواز شریف نے برطانوی ہائی کمشنر سے ملاقات میں مطالبہ کیا کہ غزہ میں فوری جنگ بندی یقینی بنانے کے لیے اپنا مثبت اور بامعنی کردار ادا کرے۔

تفصیلات کے مطابق مسلم لیگ ن کے قائد نوازشریف سے برطانوی ہائی کمشنر جین میریٹ نے ملاقات کی ، ملاقات میں نوازشریف نے برطانیہ کے ساتھ پاکستان کے تاریخی تعلقات کے حوالے سے گفتگو کی جن میں تجارت اور سرمایہ کاری کا فروغ شامل ہے۔

نواز شریف نےبرطانوی ہائی کمشنرکوشاہ چارلس سوئم کی سالگرہ پرمبارک کاپیغام بھی دیا، ملاقات کے دوران سینیٹر اسحاق ڈار، مریم نواز،مریم اورنگزیب ودیگر لیگی رہنما بھی موجود تھے۔

جین میریٹ نے نواز شریف کے دونوں ممالک کے درمیان تعلقات اورمختلف شعبوں میں تعاون کے فروغ کے لئے ماضی میں اقدامات کوسراہتے ہوئے کہا کہ برطانیہ تجارت اورسرمایہ کاری میں پاکستان کابڑاشراکت دار ہے۔

مسلم لیگ ن کے قائد نواز شریف نےبرطانوی حکومت پر زور دیا کہ غزہ میں فوری جنگ بندی یقینی بنانے کے لیے اپنا مثبت اور بامعنی کردار ادا کرے، اسرائیل غزہ میں اسکولوں،اسپتالوں اور شہری آبادیوں پرحملےکررہا ہے۔

لاہور : مسلم لیگ ن کی رہنما مریم اورنگزیب نے نوازشریف کے بھرپور استقبال پرعوام کا شکریہ ادا کرتے ہوئے کہا مشکلات میں گھرے پاکستان کو نواز شریف ہی نکالیں گے۔

تفصیلات کے مطابق مسلم لیگ ن کی رہنما مریم اورنگزیب نے انسداددہشت گردی عدالت کے باہرمیڈیا سے گفتگو کرتے ہوئے کہا کہ میاں نوازشریف کا پوری قوم نے استقبال کیا، میاں نوازشریف کا استقبال کرنے پر پوری قوم کو سلام پیش کرتی ہوں۔

مریم اورنگزیب کا کہنا تھا کہ نوازشریف کے دور میں مہنگائی نہیں تھی، عوام کو یقین ہےنوازشریف پاکستان کواس مشکلات سےنکال سکتےہیں، آج بھی پاکستانی عوام کو نوازشریف سے امید ہے، آج نوجوانوں کو روزگار کی ضرورت ہے۔

ن لیگی رہنما نے کہا کہ نواز شریف کا بھرپوراستقبال کرنے پر عوام کا شکریہ ادا کرتے ہیں، نواز شریف نے ہمسائیوں کیساتھ اچھے تعلقات کی بات کی ہے، مشکلات میں گھرے پاکستان کو نوازشریف ہی نکالیں گے۔

انھوں نے بتایا کہ نوازشریف نے کہا پاکستان کسی اور ایڈونچر کا متحمل نہیں ہو سکتا، عوام کو اپنے نمائندے چننے کا حق ملنا چاہیے، نواز شریف کے اگلے پلان کے بارے میں میڈیا کو آگاہ کرتے رہیں گے۔

مریم اورنگزیب نے کہا کہ آج جو شخص 20 روپے کی روٹی لیتا ہے وہ 2017 میں 4 روپےکی روٹی لیتا تھا، آج بھی پاکستان کے عوام کی آخری امید نواز شریف ہیں۔

ان کا مزید کہنا تھا کہ پاکستان کی خدمت کرنے والا واپس آیا یے ، پاکستانی قوم نےنوازشریف کااستقبال کر کےیہ بتایاکہ انہیں ترقی اور معاشی استحکام کی ضرورت ہے۔

نگران وفاقی وزیرداخلہ سرفرازبگٹی نے کہا ہے کہ ایک ملزم کو جہاز سے گرفتار کرنے کے لیے کوئی بڑی فورس نہیں چاہیے ہوتی، نوازشریف کی گرفتاری کے لیے تیار ہیں۔

اے آر وائی کے پروگرام خبر میں گفتگو کرتے ہوئے انھوں نے کہا کہ ایئرپورٹ حساس جگہ ہے وہاں ویسے بھی مجمع کو اجازت نہیں دیں گے۔ نوازشریف کو عدالت سے ضمانت نہیں ملی تو گرفتار کریں گے۔ میرے خیال میں نواز شریف خود بھی گرفتار ہونا ہی چاہیں گے۔

سرفرازبگٹی کا کہنا تھا کہ نوازشریف ماضی میں بھی بیٹی کے ساتھ گرفتار ہونے آئے تھے۔ برصغیر کا ایک ہی لیڈر ہے جو گرفتاری سے ڈرتا ہے۔ تعصب کہیں یا کچھ اور سب کو پتہ ہے چیئرمین پی ٹی آئی گرفتاری سے ڈرتےہیں۔

انھوں نے کہا کہ چیئرمین پی ٹی آئی کو جیل رولز کے مطابق سہولتیں دی جارہی ہیں۔ چیئرمین پی ٹی آئی سابق وزیراعظم ہیں انھیں جیل میں سہولتیں ملنی چاہئیں۔ چیئرمین پی ٹی آئی عدالتوں کی ڈارلنگ ہیں کئی کیسز میں ریلیف لے چکے ہیں۔

ماضی میں ریاست نے ہمیشہ ماں کا کردار ادا کیا پہلی مرتبہ باپ کا کردار ادا کر رہی ہے۔ ریاست کو ہمیشہ باپ کا کردار ادا کرنا چاہیے، سافٹ رویہ نہیں رکھنا چاہیے۔

نگراں وزیرداخلہ نے کہا کہ پاکستان ایک سافٹ اسٹیٹ بن چکا ہے۔ کسی ڈیل کا حصہ تھا نہ کسی ڈیل کے بارے میں مجھے پتہ تھا۔ جولوگ ڈیل کی باتیں کر رہے ہیں وہ اس پر بات کر سکتے ہیں۔ مصالحت اچھی چیزہوتی ہے لیکن کس کے ساتھ یہ بھی اہم ہوتی ہے۔

انھوں نے کہا کہ نگراں وزیراعظم کے بیان کو سیاق وسباق سے ہٹ کر لیا گیا ہے۔ پاکستان میں ایسا ہوا ہے کہ سابق وزیراعظم جیلوں میں گئے ہیں۔ 9 مئی کو پاکستان کے خلاف آرگنائزڈ سازش ہوئی ہے۔

سرفرازبگٹی نے کہا کہ 9 مئی میں جو بھی ملوث تھے پراسیکیوشن انھیں ٹرائل کے لیے بھیج رہی ہے، الیکشن ہونے والےہیں اور 9 مئی کے واقعات کو بھلا دیا جائے ایسا نہیں ہوسکتا۔

انھوں نے کہا کہ الیکشن کی وجہ سے کسی کو چھوڑ دینا ایسا نہیں ہو سکتا، ملک میں ایک سسٹم ہے۔ جس نے 9 مئی کی سازش کی ہے کیا اس کو سزانہ دی جائے۔ چیئرمین پی ٹی آئی سے متعلق کیسز چل رہے ہیں، عدالتیں فیصلہ کریں گی۔

نگراں وزیر داخلہ نے کہا کہ چیئرمین پی ٹی آئی کوبعض کیسزمیں ریلیف بھی ملا ہے۔ چیئرمین پی ٹی آئی سے متعلق فیصلہ عدالتوں نے کرنا ہے ہم نے نہیں۔ عدالتیں فیصلہ کرسکتی ہیں چیئرمین پی ٹی آئی الیکشن سے پہلے باہر آئیں گے یا نہیں۔

نوازشریف نے ن لیگ لاہور کی قیادت کو لندن طلب کر لیا، سیف الملوک، صدریوتھ ونگ لاہور ملک فیصل کل لندن روانہ ہونگے۔

اے آر وائی نیوز کے مطابق مسلم لیگ ن کے قائد میاں محمد نوازشریف نے لاہور کی قیادت کو لندن بلا لیا ہے، سیف الملوک کھوکھراور لاہور یوتھ ونگ کے صدر ملک فیصل کل لندن کے لیے روانہ ہو جائیں گے۔

ذرائع کا کہنا ہے کہ سیف کھوکھر اور ملک فیصل نوازشریف کو لاہور کی تنظیم سازی کے حوالے سے رپورٹ پیش کریں گے۔

پارٹی ذرائع نے بتایا کہ ملاقات میں پارٹی قائد کے استقبال کے ساتھ ساتھ لاہور میں تنظیم کی تیاریوں کے سلسلے میں بھی نواز شریف کو آگاہ کیا جائے گا۔

واضح رہے کہ ن لیگ کے قائد اس سے قبل بھی اہم سیاسی مشاورت اور دیگر معاملات کے لیے پارٹی اراکین کو لندن اور دبئی طلب کرتے رہے ہیں، اب ان کے پاکستان واپس آنے کی خبروں کے بعد لاہور کی قیادت کو لندن بلایا گیا ہے۔

اسلام آباد : وزیراعظم شہباز شریف کا کہنا ہے کہ نوازشریف اگلے ماہ پاکستان واپس آکر قانون کاسامنا کریں گے اور انتخابی مہم کولیڈ کریں گے۔

تفصیلات کے مطابق وزیراعظم شہباز شریف نے نجی ٹی وی چینل پر انٹرویو دیتے ہوئے کہا کہ نوازشریف اگلے ماہ پاکستان آجائیں گے اور واپس آکر قانون کاسامنا کریں گے۔

شہباز شریف کا کہنا تھا کہ نوازشریف نہ سرپر بالٹی پہنیں گے، نہ جادوٹونہ کریں گے ، وہ نوازشریف مسلم لیگ ن کی انتخابی مہم کولیڈ کریں گے۔