وزیر داخلہ رانا ثنااللہ نے کہا ہے کہ اس میں کوئی شک نہیں کہ ہم مہنگائی میں کمی نہیں لاسکے جو تباہی عمران حکومت نے کی ابھی تک اس کو کنٹرول کیا ہے۔
وزیر داخلہ رانا ثنااللہ نے لاہور میں میڈیا سےگفتگو کرتے ہوئے کہا آنے والے وقت میں میں مہنگائی کو کنٹرول کرینگے، جب الیکشن میں جائیں گے تو حقائق سامنے رکھیں گے، بتائیں گے کہ یہ تباہی 6 ماہ میں نہیں ہوئی بلکہ تین سال کی ہے، امید ہےکہ عوامم ہماری بات مانیں گے۔
وزیر داخلہ کا کہنا تھا کہ نوازشریف الیکشن مہم کرینگے تو لوگ ان کی بات سنیں گے جب کہ یہ بات طے ہے کہ پنجاب یا جنرل اسمبلی کے الیکشن نومبر یا دسمبر یا جب بھی ہوں نوازشریف واپس آئیں گے۔
وزیر داخلہ راناثنااللہ نے گفتگو کرتے ہوئے کہا سیاست میں مذاکرات کے بغیر آپ آگے نہیں بڑھ سکتے، حزب اختلاف کوبھی ساتھ لیکر چلنا پڑتا ہے۔
انہوں نے کہا کہ کل تک وہ کہتےتھےکہ میں ساتھ بیٹھنےکو تیار نہیں، اب آپ کہہ رہےہیں کہ ساتھ بیٹھنےکو تیار ہوں، عمران خان کہتےتھے ان کے ساتھ بیٹھنے سے بہتر ہے مرجاؤں۔
رانا ثنااللہ کا کہنا تھا کہ جمہوریت میں مسائل مشاورت سےحل ہوتے ہیں، 2014 سے وہ کہتا ہے میں اپنے سیاسی مخالفین کو چھوڑوں گا نہیں۔
رانا ثنااللہ کا کہنا تھا کہ اگر وہ چاہتے ہیں تو پنجاب اور کے پی اسمبلی توڑی دیں، ان کے اقدام سے وفاقی حکومت کو کوئی فرق نہیں پڑےگا، سندھ میں بھی اسمبلی برقرار رہےگی۔
رانا ثنااللہ کا کہنا تھا پنجاب میں عدم اعتماد پیش کرنی ہے یا نہیں اس پرفیصلہ نہیں ہوا، ہم اپنے قائد نواز شریف سے مشورہ لیں گے۔
انکا کہنا تھا کہ مونس و الہیٰ کے بیان نے ادارے کے موقف پر بھی ڈاؤٹ اٹھادیا ہے، انہوں نے جو بیان دیا اس کی تعریف کرتا ہوں۔
انکا مزید کہنا تھا کہ فرح گوگی نے پوسٹنگ کی وجہ سے کروڑوں روپے پنجاب سے نکالے گھڑیاں بیچ کر ملک کی عزت کو خراب کیا گیا۔
