Tag: نوازشریف

اسلام آباد: مسلم لیگ ن کے ناراض رکن پنجاب اسمبلی نشاط ڈاہا کا کہنا ہے کہ نوازشریف خود لوٹے ہیں۔

تفصیلات کے مطابق اے آروائی نیوز کے پروگرام آف دی ریکارڈ میں ن لیگ کےناراض رکن پنجاب اسمبلی نشاط ڈاہا نے گفتگو کرتے ہوئے کہا کہ پارٹی کی اجازت کے بغیر وزیراعلیٰ پنجاب سے ملاقات کی۔

نشاط ڈاہا نے کہا کہ اپنےعلاقےمیں ترقیاتی کاموں کے لیے عثمان بزدار سے ملاقات کی، وزیراعلیٰ پنجاب عثمان بزدار سے ملاقات معمول کی بات ہے۔ انہوں نے کہا کہ مجھے پارٹی سے نکالنے کی کسی میں جرات نہیں ہے، حمزہ شہباز کو چیلنج کرتا ہوں مجھے پارٹی سے نکال کر دکھائیں۔

لیگی ایم پی اے کا کہنا تھا کہ نوازشریف خود لوٹے ہیں، ن لیگ خود لوٹے بنائے تو ٹھیک ہے کوئی اور بنائے تو غلط ہے۔ شریف برادران سے متعلق نشاط ڈاہا کا کہنا تھا کہ شریف برادران کا لندن میں قیام غلط ہے، پاکستان آنا چاہیے، میرا خیال ہے نوازشریف اور شہبازشریف سیر کرنے باہر گئے ہیں۔

انہوں نے کہا کہ ہمیں یہاں اکیلا چھوڑ کر خود دونوں بھائی باہر سیر کرنے چلےگئے، کیا پارٹی کے دیگر لوگ مرگئے ہیں کہ عطاتارڑ کو ہم پر مسلط کر دیا۔ مریم نواز سے متعلق ان کا کہنا تھا کہ وہ کیسی لیڈر ہیں،ہم سے کبھی ملاقات نہیں کی۔

لاہور: پنجاب حکومت نے مجرم نواز شریف کو وطن واپس لانے کے لیے وفاق کو مراسلہ لکھ دیا۔

تفصیلات کے مطابق پنجاب حکومت نے نوازشریف کی ضمانت میں توسیع کی درخواست مسترد کرتے ہوئے مجرم نواز شریف کے خلاف مزید کارروائی تیز کرنے کی درخواست کر دی۔

وفاقی حکومت کو لکھے گئے مراسلے میں پنجاب حکومت کا کہنا ہے کہ مجرم نواز شریف کی ضمانت میں توسیع کی درخواست مسترد کرتے ہیں۔ نوازشریف سزا پوری کرنے کے لیے خود کو قانون کے حوالے کریں۔

مراسلے میں کہا گیا ہے کہ نوازشریف پر وزیراعلیٰ پنجاب نے وزرا اور افسران کی کمیٹی بنائی، اعلیٰ سطح کی کمیٹی نے نوازشریف کے معاملے پر 3 اجلاس کیے، کمیٹی میں عطاتارڑ نے نوازشریف کی نمائندگی کی۔

مراسلے کے مطابق کمیٹی کے اجلاس میں ڈاکٹرعدنان کو بذریعہ اسکائپ شامل کیا گیا، کمیٹی اجلاس میں نوازشریف کے نمائندوں سے رپورٹس مانگی گئیں، دونوں نمائندوں نے مطلوبہ رپورٹس کے بجائے پرانی رپورٹس پر اکتفا کا کہا، رپورٹ نہیں دی گئی جس سے ثابت ہو نوازشریف اسپتال میں داخل ہیں۔

پنجاب حکومت نے مراسلے میں کہا کہ میڈیا کے ذریعے مریض کو اہل خانہ کے ہمراہ تفریح کرتے دیکھاگیا، میڈیا پر آنے والی خبروں سے مریض بظاہرصحت مندنظر آرہے ہیں، ریکارڈ سامنے رکھ کر فیصلہ کیا سزا معطلی کو برقرار نہیں رکھا جاسکتا۔

اسلام آباد: معاون خصوصی برائے اطلاعات فردوس عاشق اعوان نے کہا کہ نوازشریف اگر پاکستان نہیں آتے تو اشتہاری قرار دیے جائیں گے۔

تفصیلات کے مطابق وفاقی دارالحکومت اسلام آباد میں ڈاکٹر فردوس عاشق اعوان نے کہا کہ نوازشریف کے پلیٹ لیٹس میں اتار چڑھاؤ میڈیا کی زینت بنتا رہا، نوازشریف کی سرجری کے حوالے سے میڈیا میں کوئی خبر نہیں آ رہی۔

معاون خصوصی کا کہنا تھا کہ علاج کرانے کی بجائے ہوٹلز میں دعوتیں اڑائی جا رہی ہیں، نوازشریف کی جہاں سرجری ہونی ہے وہاں میڈیا کو رسائی دے دیں۔

کرونا وائرس سے متعلق فردوس عاشق اعوان کا کہنا تھا کہ پاکستان میں کروناوائرس کا کوئی کیس سامنے نہیں آیا، وزیراعظم نے کرونا وائرس سے بچاؤ کے لیے ہرممکن اقدامات کی ہدایت کی۔

رانا ثنا اللہ کا نواز شریف کی واپسی سے متعلق بڑا اعلان

اس سے قبل مسلم لیگ ن کے رہنما رانا ثنا اللہ نے کہا کہ نوازشریف کی ضمانت میں حکومت سے توسیع کی کوئی توقع نہیں تھی، ہم حکومت کے پاس توسیع کے لیے جانا نہیں چاہتے تھے عدالتی حکم پر گئے، ہم نے صرف عدالت کی ہدایت پر عمل کیا ہے۔

سابق وزیر قانون پنجاب رانا ثنا اللہ کا کہنا تھا کہ چاہے 16 ہفتے ہوں یا 600 ہفتے گرز جائیں، نواز شریف صحت مند ہوں گے تو ہی وطن واپس آئیں گے۔

لاہور: پنجاب حکومت نے نوازشریف کی صحت سے متعلق بھیجاگیاخط مسترد کرتے ہوئے ن لیگ کو کل شام تک نوازشریف کی تازہ میڈیکل رپورٹس بھجوانے کی ہدایت کر دی۔

تفصیلات کے مطابق نوازشریف کی ضمانت میں توسیع سے متعلق خصوصی کمیٹی کا اجلاس وزیرقانون پنجاب راجہ بشارت کی زیرصدارت ہوا، کمیٹی میں یاسمین راشد اور ایڈیشنل چیف سیکرٹری ہوم نے بھی شرکت کی۔

اس موقع پر راجہ بشارت کا کہنا تھا کہ کمیٹی نے کل نوازشریف کے ترجمانوں کو طلب کیا تھا، تازہ رپورٹ لے کر کمیٹی کو اپنا مؤقف دینے کی ہدایت کی تھی، آج ترجمان کا جواب آیا کہ ہم نہیں آسکتے اور وقت کم ہے۔

وزیر قانون پنجاب نے کہا کہ انصاف کے تقاضے پورے کرتے ہوئے مزید24گھنٹے کا وقت دیا، رپورٹ نہیں آتی تو ہم قانون کے مطابق سفارشات مرتب کریں گے۔

پنجاب حکومت نے نوازشریف کی صحت سے متعلق بھیجاگیاخط مسترد کرتے ہوئے ن لیگ کو کل شام تک نوازشریف کی تازہ میڈیکل رپورٹس بھجوانے کی ہدایت کر دی۔

رپورٹ نہ آنے پر نوازشریف کی صحت پر قائم کمیٹی رپورٹ پنجاب حکومت کو بھجوا دے گی، کمیٹی سفارشات پر نوازشریف کی معطل سزا میں توسیع دینے نہ دینے کا فیصلہ کیا جائے گا۔

سربراہ خصوصی کمیٹی کا کہنا تھا کہ ڈاکٹر عدنان نواز شریف کے معالج نہیں ہیں، ڈاکٹر عدنان کے ویڈیو لنک بیان کی کوئی ضرورت نہیں ہے۔

لندن: اپوزیشن لیڈر و مسلم لیگ (ن) کے صدر شہباز شریف نے پاکستان واپسی کا فیصلہ کیا ہے اور آئندہ چند روز میں ان کے وطن پہنچنے کا امکان ہے۔

اے آر وائی نیوز نمائندے کے مطابق لندن میں موجود شہبازشریف کی بڑے بھائی نوازشریف سے ان کی رہائش گاہ پر ملاقات کی ہوئی جس میں طویل مشاورت کے بعد شہبازشریف کی وطن واپسی کا فیصلہ کیا گیا۔

ملاقات میں طے پایا کہ شہبازشریف اگلے چند روز میں وطن لوٹ جائیں گے جب کہ ذرائع کا کہنا ہے کہ شہبازشریف کی اگلے 2 روز میں واپسی کا امکان ہے۔

یہ بھی پڑھیں: شہباز شریف صحافی کے سوال پر غصے میں آگئے

شہبازشریف لندن میں نوازشریف کی ناسازی طبیعت کے باعث کے ان ہمراہ موجود ہیں، لندن میں ان کی موجودگی کو 2 ماہ سے زائد کا عرصہ گزر چکا ہے۔

شہبازشریف کی وطن واپسی کے حوالے سے پارٹی کے سینئر رہنما خواجہ آصف اور راناثناء اللہ عندیہ دے چکے ہیں، رہنماؤں نے متعدد بار میڈیا سے بات چیت میں شہبازشریف کی فروری کے آخری میں وطن واپسی کی پیشگوئی کی تھی۔

واضح رہے کہ 20 نومبر کو شہبازشریف اپنے بھائی نوازشریف کے ساتھ لندن پہنچے تھے، جب صحافی نے سوال کیا کہ آپ کب تک لندن میں ہیں؟ تو شہباز شریف نے برُا مان گئے اور کہا کہ آپ کہیں تو ابھی چلاجاؤں۔

اسلام آباد : تحریک انصاف کی رہنما عندلیب عباس کا کہنا ہے کہ پاناما لیکس کے ذریعے پوری دنیا میں نوازشریف کی اصلیت بتائی گئی۔

تفصیلات کے مطابق اے آروائی نیوز کے پروگرام اعتراض ہے میں گفتگو کرتے ہوئے پی ٹی آئی رہنما عندلیب عباس نے کہا کہ پاناما لیکس نے نوازشریف اور فیملی کی پوری کہانی سامنے رکھی۔

انہوں نے کہا کہ پوری دنیا میں نوازشریف اور فیملی کی تصاویر اخبارات میں چھپی، پاناما لیکس کے ذریعے پوری دنیا میں نوازشریف کی اصلیت بتائی گئی۔

تحریک انصاف کی رہنما کا کہنا تھا کہ گزشتہ 10 سالوں میں اداروں کو زنگ آلود کیا گیا،کام نہیں کرنے دیا گیا، نیب کو بھی گزشتہ 10سال زنگ لگایا گیا،کام نہیں کرنے دیا گیا۔

عندلیب عباس نے کہا کہ نیب میں اصلاحات کی کوشش کی، اپوزیشن نے ہاتھ کھڑے کر دیے، اپوزیشن چاہتی ہی نہیں ہے کسی قسم کی قانون سازی یا اصلاحات ہوں، نیب ترمیمی آرڈیننس لائے اپوزیشن نے شورمچایا، اسمبلی میں پیش کیا۔

انہوں نے کہا کہ اپوزیشن نے اسمبلی میں بھی نیب ترمیم پر کوئی مثبت جواب نہیں دیا، کوئی بھی قانون اسمبلی میں لاتے ہیں اپوزیشن پیش نہیں کرنے دیتی، اپوزیشن اتفاق کرے تو بہت سے ادارے بہتر ہو سکتے ہیں۔