ARYNews.tv | Urdu – Har Lamha Bakhabar

Tag: نوازشریف کی صحت

  • سیاسی اختلاف اپنی جگہ نوازشریف کی صحت کیلئے دعاگو ہوں، وزیراعظم

    سیاسی اختلاف اپنی جگہ نوازشریف کی صحت کیلئے دعاگو ہوں، وزیراعظم

    اسلام آباد : وزیراعظم عمران خان نے کہا ہے کہ سیاسی اختلاف اپنی جگہ نوازشریف کی صحت کیلئے دعاگوہوں اور متعلقہ حکام کو ہدایت کی نوازشریف کو بہترین طبی سہولتیں فراہم کی جائیں۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا سیاسی اختلاف اپنی جگہ نوازشریف کی صحت کیلئے دعاگوہوں اور متعلقہ حکام کو ہدایت کی نوازشریف کوبہترین طبی سہولتیں فراہم کی جائیں۔

    یاد رہے گذشتہ روز وزیراعظم عمران خان نے سابق وزیراعظم نواز شریف کی صحت کے معاملے پر حکومت پنجاب سے رابطہ کرکے نوازشریف کی صحت کے حوالے سے رپورٹ طلب کی تھی۔

    وزیراعظم نے وزیراعلیٰ پنجاب کو ہدایت کی نوازشریف کی فیملی سے رابطہ کیاجائے اور نوازشریف پاکستان میں جہاں چاہیں علاج کی بہترین سہولت فراہم کی جائے۔

    مزید پڑھیں : نواز شریف پاکستان میں جہاں چاہیں علاج کی سہولت فراہم کی جائے،وزیراعظم کی ہدایت

    بعد ازاں وزیراعظم عمران خان نے ہدایت دی تھی کہ مسلم لیگ ن کی نائب صدر مریم نواز کو والد نواز شریف سے ملاقات کی اجازت دیں، جس پر مریم نواز کی نواز شریف سے ملاقات کرائی گئی۔

    واضح رہے سابق وزیراعظم نواز شریف کو طبیعت بگڑنے پر اڈیالہ جیل سے لاہور کے سروسز اسپتال منتقل کیا گیا تھا، ان کے خون کے پلیٹ لیٹس میں شدید کمی ہوئی ہے۔

  • شہبازشریف کا نوازشریف کی صحت پر تشویش اور فکر کا اظہار

    شہبازشریف کا نوازشریف کی صحت پر تشویش اور فکر کا اظہار

    لاہور: اپوزیشن لیڈر شہبازشریف نے نوازشریف کی صحت پر تشویش اور فکر کا اظہار کرتے ہوئے کہا وزراای سی ایل میں نام ہونے کے باوجود بیرون ملک جاسکتے ہیں، ملک کوجوہری طاقت بنانے والے کو علاج گاہ لیجانے کی اجازت نہیں۔

    تفصیلات کے مطابق اپوزیشن لیڈر شہبازشریف نے سابق وزیراعظم نواز شریف کی صحت پر سخت تشویش کا اظہار کرتے ہوئے کہا نوازشریف کا علاج نہ کراناجرم ہے، بیمارشخص کوسیاسی انتقام کانشانہ بناناصرف کم ظرفی ہے۔

    شہبازشریف کا کہنا تھا کہ وزراای سی ایل میں نام ہونےکےباوجودبیرون ملک جاسکتے ہیں، ملک کوجوہری طاقت بنانےوالےکوعلاج گاہ لیجانےکی اجازت نہیں۔

    انہوں نے مطالبہ کیاکہ نوازشریف کو بلاتاخیرعارضہ قلب کےاسپتال منتقل کیاجائے، کسی تاخیر، غفلت اورمجرمانہ لاپرواہی کےذمہ دارعمران خان اوراُن کی حکومت ہوگی۔

    گذشتہ روز سابق وزیراعظم کی صاحبزادی مریم نواز نے دعویٰ کیا تھاکہ نوازشریف کو گزشتہ ایک ہفتے کے دوران 4 بار انجائنا کا درد اٹھا مگر حکومت انہیں کوئی طبی امداد فراہم نہیں کررہی۔

    مزید پڑھیں : حکومت کا نواز شریف کو جیل سے اسپتال منتقل کرنے کا فیصلہ، سابق وزیر اعظم کا انکار: ذرائع

    اپنے ٹویٹ میں مریم نواز نے بتایا تھاکہ نوازشریف نےکہا آئندہ وہ اپنی تکلیف کاذکریاشکایت نہیں کریں گے، تین بار وزیراعظم رہنے والے شخص کے ساتھ حکومت بے حسی کا مظاہرہ کررہی ہے۔

    بعد ازاں زیراعظم عمران خان نے انسانی ہمدردی کی بنیاد پر نوازشریف کو فوری طور پر پنجاب انسٹیٹیوٹ آف کارڈیالوجی منتقل کرنے کی ہدایت جاری کی تھی تاہم نواز شریف نے جیل سے اسپتال منتقل ہونے سے انکار کر دیا تھا۔

    خیال رہے 25 فروری کو اسلام آباد ہائی کورٹ نے طبی بنیادوں پرضمانت پررہائی سے متعلق فیصلہ سنایا تھا، فیصلے میں سابق وزیر اعظم نواز شریف کی درخواست ضمانت کو مسترد کرتے ہوئے کہا تھا نوازشریف کوایسی کوئی بیماری لاحق نہیں جس کاعلاج ملک میں نہ ہوسکے، عدالتی فیصلے کے بعد نوازشریف کو جناح اسپتال سے ایک بار پھر کوٹ لکھپت جیل منتقل کردیا گیا تھا۔

    واضح رہے گزشتہ برس 24 دسمبر کو سابق وزیر اعظم نواز شریف کے خلاف العزیزیہ اسٹیل ملز اور فلیگ شپ ریفرنسز کا فیصلہ سنایا گیا تھا، فیصلے میں نواز شریف کو العزیزیہ ریفرنس میں مجرم قرار دیتے ہوئے 7 سال قید کی جرمانے کا حکم سنایا تھا جبکہ فلیگ شپ ریفرنس میں انہیں بری کردیا گیا تھا۔

  • نوازشریف کی بیماری کا مقصد ووٹ اورہمدردیاں حاصل کرنا ہے، نعیم الحق

    نوازشریف کی بیماری کا مقصد ووٹ اورہمدردیاں حاصل کرنا ہے، نعیم الحق

    اسلام آباد : پاکستان تحریک انصاف کے رہنما نعیم الحق کا کہنا ہے کہ نوازشریف میرے ہم عمرہیں،ان کی صحت بالکل ٹھیک ہے، نوازشریف کی بیماری کا مقصد ووٹ اورہمدردیاں حاصل کرنا ہے۔

    تفصیلات کے مطابق پی ٹی آئی کے رہنما نعیم الحق نے نواز شریف کی بیماری سے متعلق خبروں پر کہا کہ نوازشریف میرے ہم عمرہیں، ان کی صحت بالکل ٹھیک ہے اور ان کی تازہ میڈیکل رپورٹ میرے پاس ہے۔

    نعیم الحق کا کہنا تھا کہ نتخابات سےپہلےایسی خبروں کا مقصد صرف ووٹروں کی ہمدردیاں اورووٹ حاصل کرنا ہے، بیماری سنگین ہوتی تو اس میں کوئی حرج نہیں لیکن رپورٹ میں ایسا کچھ نہیں۔

    انھوں نے مزید کہا کہ نوازشریف کی بیماری کے مقاصد سیاسی لگتے ہیں،  ن لیگ والے بیماری کا بہانہ بنا کر انتخابی مہمات سے توجہ ہٹا رہے ہیں

    یاد رہے کہ نواز شریف کی ناساز طبیعت کے باعث خصوصی میڈیکل ٹیم اڈیالہ جیل پہنچ گئی، جہاں طبی معائنے کیلئے نواز شریف کوسیل سے جیل اسپتال منتقل کردیا گیا ہے۔

    ذرائع کا کہنا ہے کہ میڈیکل بورڈ کی تجویز پر نوازشریف کے تفصیلی ٹیسٹ کیےجائیں گے، میڈیکل بورڈ طبی معائنے سے متعلق رپورٹ پنجاب حکومت کوپیش کرے گا، جس کے بعد ٹیسٹ نتائج کی بنیاد پر نوازشریف کی اسپتال منتقلی کا فیصلہ ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔