Tag: نوازشریف

کراچی: گورنر سندھ عمران اسماعیل کا کہنا ہے کہ جے یو آئی کا دھرنا آخری ہچکیاں لے رہا ہے، جےیوآئی (ف) اور مولانا صاحب سےعوام خود تنگ ہیں۔

تفصیلات کے مطابق گورنر سندھ عمران اسماعیل نے کہا کہ حکومت اور اتحادیوں کے درمیان کوئی مسئلہ نہیں ہے، چھوٹی موٹی شکایات ہوتی ہیں جو دور بھی ہوجاتی ہیں۔

عمران اسماعیل نے کہا کہ مجھے نوازشریف کی وطن چھوڑکر جانے پر رنج ہے، دعا ہے نوازشریف صحت یاب ہو کر واپس آئیں۔ انہوں نے کہا کہ جو شخص کہتا تھا مجھے کیوں نکالا اب وہ باہر نکالو پرپہنچ گیا ہے۔

گورنر سندھ عمران اسماعیل کا کہنا ہے کہ جے یو آئی کا دھرنا آخری ہچکیاں لے رہا ہے، جےیوآئی (ف) اور مولانا صاحب سےعوام خود تنگ ہیں۔

دھرنے سے عام شہریوں کو تکلیف نہیں، حافظ حمد اللہ کا دعویٰ

یاد رہے کہ گزشتہ روز جے یو آئی (ف) کے مرکزی رہنما حافظ حمد اللہ کا کہنا تھا کہ دھرنا کسی معاہدے کے تحت ختم نہیں کیا، معاہدہ یا مفاہمت ہوئی ہے تو پرویز الہیٰ خود بتا دیں۔

ق جے یو آئی (ف) کے مرکزی رہنما حافظ حمد اللہ کا کہنا تھا کہ دھرنے سے عام شہریوں کو تکلیف نہیں ہو رہی، ہم شاہراہیں دن میں بند کرتے ہیں رات کو کھول دیتے ہیں۔

حافظ حمد اللہ کا مزید کہنا تھا کہ جے یو آئی ف کا پلان بی آئندہ کے لائحہ عمل تک جاری رہے گا، پلان بی کے خاتمے کے بعد پلان سی ہوگا۔ انہوں نے کہا کہ ن لیگ اور پیپلزپارٹی پلان بی میں شامل نہیں ہیں۔

اسلام آباد: وزیراعظم کے معاون خصوصی برائے اوور سیز سید ذوالفقار عباس بخاری نے کہا ہے کہ نوازشریف سزا یافتہ مجرم ہیں کیا برطانیہ اپنی حدود میں سزا یافتہ مجرم کو کھلے دل سے قبول کرے گا؟

تفصیلات کے مطابق لاہور ہائیکورٹ کی جانب سے نوازشریف کو بیرون ملک جانے کی غیر مشروط اجازت ملنے پر زلفی بخاری نے کہا کہ نواز شریف کے بیٹے مفرور اور داماد کو سزا سنائی گئی اوراب سب سے بڑےسزا یافتہ مجرم نواز شریف خود بھی بھاگ رہے ہیں۔

زلفی بخاری نے کہا کہ نوازشریف کابیرون ملک جانا پاکستانیوں کیلئے افسوسناک ہے، نوازشریف سزا یافتہ مجرم ہیں کیا برطانیہ اپنی حدود میں سزا یافتہ مجرم کو کھلے دل سے قبول کرے گا؟

یہ بھی پڑھیں: وزیراعظم کی قانونی ٹیم کو نواز شریف سے متعلق عدالتی فیصلے کا جائزہ لینے کی ہدایت

ان کا کہنا تھا کہ ان فلائٹ فارم میں آپ کو اپنے پچھلے جرم بتانے ہوتے ہیں مگر نوازشریف کے کیس میں چند صفحات کافی نہیں ہوں گے۔

واضح رہے کہ لاہور ہائیکورٹ نے سابق وزیراعظم کا نام ای سی ایل سے نکالنے کا حکم دیتے ہوئے نوازشریف کو بیرون ملک جانے کی اجازت دی ہے۔نوازشریف کو علاج کےغرض سے 4 ہفتوں کے لیے باہر جانے کی اجازت دی گئی ہے۔

وزیراعظم عمران خان نے حکومتی قانونی کمیٹی کو نوازشریف کو بیرون ملک جانے کی غیر مشروط اجازت دینے کے عدالتی فیصلے کا جائزہ لینے اور رپورٹ وفاقی کابینہ میں پیش کرنے کی ہدایت کی ہے.

لاہور: لاہورہائیکورٹ کی جانب سے نوازشریف کو بیرون ملک جانے کی اجازت ملنے کے بعد شریف خاندان کی تیاریاں جاری ہیں۔

تفصیلات کے مطابق لندن کےہارلےاسٹریٹ کلینک میں نواشریف کیلئے روم بک کروالیا گیاہے ، نوازشریف کیلئے پرائیویٹ روم بک کیاگیاہے۔

خاندانی ذرائع کا کہنا ہے کہ حسین نوازڈاکٹرزکےپینل کے ساتھ مکمل رابطےمیں ہیں اور ہارلےاسٹریٹ کلینک نے دیگرماہرڈاکٹرزکی خدمات حاصل کرلی ہیں، ہارلے اسٹریٹ کلینک کے ڈاکٹرزکےبورڈمیں ماہرامراض خون، دل وگردہ شامل ہیں۔

یہ بھی پڑھیں: لاہور ہائیکورٹ نے نوازشریف کو بیرون ملک جانے کی اجازت دیدی

ادھر جاتی امراامیں میڈیکل بورڈکااجلاس جاری ہے جس میں نوازشریف کوسفرکےلیےتیارکرنےپرمشاورت کی جارہی ہے۔

ذرائع کا کہنا ہے کہ نوازشریف کی طبیعت بہترہوئی توکل یا پھر پیرتک لندن روانگی کاامکان ہے، نوازشریف پہلےلندن جائیں گے اور ڈاکٹرزنےتجویزدی تونوازشریف کسی اورملک لے جایا جائے گا۔

واضح رہے کہ لاہور ہائیکورٹ نے سابق وزیراعظم کا نام ای سی ایل سے نکالنے کا حکم دیتے ہوئے نوازشریف کو بیرون ملک جانے کی اجازت دے دی۔
نوازشریف کو علاج کےغرض سے 4 ہفتوں کے لیے باہر جانے کی اجازت دی گئی ہے۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ حکومت نےعلاج کےلیے نوازشریف کو بیرون ملک جانے کی اجازت دینےکا فیصلہ انسانی ہمدردی کی بنیادپر کیا تھا اور آج عدالت نےبھی حکومتی فیصلےکی تائیدکی ہے۔

تفصیلات کے مطابق لاہورہائیکورٹ کی جانب سے سابق وزیراعظم نوازشریف کا نام ای سی ایل سے نکالنے کے حکم پر ردعمل دیتے ہوئے معاون خصوصی فردوس عاشق اعوان نے کہا کہ عدالت کاتفصیلی فیصلہ ابھی نہیں آیا، دیکھاجائےگا کہ تفصیلی فیصلہ کیاہوتاہے۔

فردوس عاشق اعوان کا کہنا تھا کہ دیکھنا ہے تفصیلی فیصلےمیں غیرمشروط اجازت سے متعلق کیا کہا جائے گا اورتفصیلی فیصلہ دیکھنےکےبعد ہی حکومتی لیگل ٹیم مؤقف دےگی۔

یہ بھی پڑھیں: لاہور ہائیکورٹ نے نوازشریف کو بیرون ملک جانے کی اجازت دیدی

انہوں نے کہا کہ عدالت نےبھی انسانی ہمدردی کی بنیادپرفیصلہ سنایاہے، حکومت نےعلاج کےلیے نوازشریف کو بیرون ملک جانے کی اجازت دینےکا فیصلہ انسانی ہمدردی کی بنیادپر کیا تھا اور آج عدالت نےبھی حکومتی فیصلےکی تائیدکی ہے۔

واضح رہے کہ لاہور ہائیکورٹ نے سابق وزیراعظم کا نام ای سی ایل سے نکالنے کا حکم دیتے ہوئے نوازشریف کو بیرون ملک جانے کی اجازت دے دی۔

نوازشریف کو علاج کےغرض سے 4 ہفتوں کے لیے باہر جانے کی اجازت دی گئی ہے۔

اسلام آباد: اسلام آباد ہائی کورٹ نے العزیزیہ کیس میں سزا معطلی کے لیے سابق وزیراعظم نوازشریف کی جانب سے دائر کی گئی اپیل 25 ستمبر کو سماعت کے لیے مقرر کردی۔

تفصیلات کے مطابق اسلام آباد ہائی کورٹ نے نوازشریف کی اپیل 25 نومبرکو سماعت کے لیے مقرر کردی۔ ڈویژن بینج پر مشتمل جسٹس عامر فاروق، جسٹس محسن اختر کیانی اپیل کی سماعت کریں گے۔

نیب کی اپیل نمبر دو 2019 بھی 25 نومبرکوسماعت کے لیے مقرر ہے جس میں نیب نے نوازشریف کی سزا 7 سے بڑھا کر 14 سال کرنے کی اپیل کی ہے۔ قومی احتساب بیور کی ایک اور اپیل نمبر تین 2019 بھی 25 نومبرکو سماعت کے لیے مقرر ہے، نیب نے فلیگ شپ ریفرنس میں نوازشریف کی بریت کے خلاف درخواست دائر کر رکھی ہے۔

العزیزیہ ریفرنس : نواز شریف کی ضمانت منظور

یاد رہے کہ گزشتہ ماہ اسلام آباد ہائی کورٹ نے نواز شریف کی طبی بنیاد پر ضمانت منظور کی تھی اور العزیزیہ ریفرنس میں نواز شریف کی سزا 8 ہفتے کے لیے معطل کردی تھی اور 20لاکھ روپے مچلکے جمع کرانے کاحکم دیا تھا۔

سماعت میں نواز شریف کے میڈیکل بورڈ کی جانب سے رپورٹ پیش کی گئی تھی ، ڈاکٹرزکی رپورٹ میں بتایا گیا تھا کہ نواز شریف کو دل اورگردوں کا عارضہ ہے اور ان کو پلیٹ لیٹس کا مسئلہ ہے، ہماری کوشش ہے نوازشریف کی بیماریوں کا علاج کریں۔

دوسری جانب 25 اکتوبر کو لاہور ہائی کورٹ نے چوہدری شوگر ملز کیس میں نوازشریف کی طبی بنیادوں پر درخواست ضمانت منظور کرتے ہوئے انہیں ایک کروڑ روپے کے 2 ضمانتی مچلکے جمع کروانے کا حکم دیا تھا۔

واضح رہے کہ احتساب عدالت نے 24 دسمبر 2018 کو سابق وزیراعظم نوازشریف کو العزیزیہ ریفرنس میں 7 سال قید بامشقت اور جرمانے کی سزا سنائی تھی جبکہ فلیگ شپ ریفرنس میں انہیں بری کردیا گیا تھا۔

اسلام آباد: وفاقی وزیرسائنس و ٹیکنالوجی فواد چوہدری نے سابق وزیراعظم نوازشریف کے ذاتی معالج ڈاکٹر عدنان کو حکیم قرار دے دیا۔

تفصیلات کے مطابق اے آر وائی کے پروگرام ’سوال یہ ہے‘ میں گفتگو کرتے ہوئے وزیر سائنس و ٹیکنالوجی فواد چوہدری کا کہنا تھا کہ نوازشریف کے معالج ڈاکٹر عدنان ڈاکٹر نہیں حکیم ہیں۔

فواد چوہدری نے کہا کہ نوازشریف اس وقت شریف خاندان کی تحویل میں ہیں،کچھ دن میں جاتی امراکی دیواروں پرلکھاہوگانوازشریف کورہاکرو۔

وفاقی وزیر کا کہنا تھا کہ ن لیگ کونوازشریف کےعلاج پرسنجیدگی سےتوجہ دینی چاہیے، خواجہ آصف،مریم نواز اور احسن اقبال صحت پرسیاست کررہےہیں جب کہ شہبازشریف بھی چاہتےہیں نوازشریف باہرجائیں۔

انہوں نے کہا کہ انڈیمنٹی بانڈکی رقم ہم نےنہیں عدالت نےطےکی ہے،یہ پیسہ کسی کاذاتی نہیں عوام کاہےجس کومعاف نہیں کیاجاسکتا، ہم نےوہ رقم لکھی ہےجوعدالتوں نےان پرجرمانہ عائدکیاہے، انڈیمنٹی بانڈمیں رقم لی گئی نہیں صرف لکھنےکاکہاگیاہے۔

فواد چوہدری کا کہنا تھا کہ ن لیگ کونوازشریف کےعلاج پرسنجیدگی سےتوجہ دینی چاہیے، ہم سنجیدہ سوال کرتےہیں توکہتےہیں بلیک میلنگ کررہےہیں، اصولوں کی جنگ سےانہیں کس نےروکاہے،نوازشریف سےکسی اورن لیگ رہنماکوملنےنہیں دیا جارہا اگر نوازشریف سنجیدہ بیمارہیں تواسپتال سےگھرکیوں منتقل کیاگیا۔

لاہور: مسلم لیگ ن کے قائد کے ذاتی معالج ڈاکٹرعدنان کا کہنا ہے کہ پنجاب حکومت کے میڈیکل بورڈ نے نوازشریف کے علاج کے لیے بیرون ملک کی سفارش کی۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر عدنان نے اپنے پیغام میں کہا کہ سابق وزیراعظم میاں نوازشریف کی حالت بدستور تشویش ناک ہے، پنجاب حکومت کے میڈیکل بورڈ نے علاج کے لیے بیرون ملک کی سفارش کی۔

مسلم لیگ ن کے قائد کے ذاتی معالج ڈاکٹرعدنان نے اپنے پیغام میں مزید کہا کہ تاخیر میاں نوازشریف کی صحت اور زندگی کے لیے نقصان دہ ہوسکتی ہے۔

Former PM #NawazSharif’s health status remains critical.
Special Medical Board of Punjab Govt. comprising of eminent medical professionals recommended travelling for medical treatment abroad to a centre of excellence.
The delay could’ve serious adverse health & life consequences. pic.twitter.com/5cypaTiWwy

— Dr. Adnan Khan (@Dr_Khan) November 15, 2019

یاد رہے ذیلی کمیٹی نے وفاقی کابینہ کے فیصلے پر قائم رہتے ہوئے نوازشریف کو بیرون ملک جانے کے لیے عائد کردہ شرائط کو برقرار رکھا تھا، کابینہ کی ذیلی کمیٹی کے سربراہ فروغ نسیم نے پریس کانفرنس کرتے ہوئے کہا تھا کہ نوازشریف کو 4 ہفتے کے لیے بیرون ملک جانے کی ون ٹائم اجازت ہوگی جبکہ نوازشریف یا شہبازشریف 7 ارب روپے کے سیکیورٹی بانڈزجمع کرائیں گے۔

بعد ازاں مسلم لیگ ن نے حکومتی فیصلہ مسترد کرتے ہوئے نوازشریف کی بیرون ملک روانگی کے لیے حکومت کی انڈیمنٹی بانڈ کی شرط کے فیصلے کے خلاف لاہور ہائی کورٹ میں درخواست دائر کردی تھی۔

اسلام آباد: مسلم لیگ ن کے رہنما خواجہ آصف کا کہنا ہے کہ نوازشریف ملک سے باہر جانا نہیں چاہتے تھے لیکن والدہ کے کہنے پر بیرون ملک علاج کے لیے تیار ہوئے۔

تفصیلات کے مطابق مسلم لیگ ن کے رکن قومی اسمبلی خواجہ آصف نے قومی اسمبلی کے اجلاس میں اظہار خیال کرتے ہوئے کہا کہ موجودہ حکومت کو 15 ماہ ہوگئے ہیں، اقتدار کی کچھ ریکوائرمنٹ ہوتی ہیں، اقتدارمیں بیٹھے لوگ مخصوص رویے اپناتے ہیں، صرف یہاں نہیں دنیا بھر میں یہی دستور ہے۔

خواجہ آصف نے کہا کہ تین بار وزیراعظم بننے والا آج زندگی اور موت کی جنگ لڑ رہا ہے، نوازشریف اس صورت حال میں بھی ووٹ کو عزت دو کی جنگ نہیں بھولے، نوازشریف کو صحت کی صورت حال پر عدالتوں نے ریلیف دیا۔

مسلم لیگ ن کے رہنما نے کہا کہ ڈاکٹرز نے میرے سامنے کا کہا جتنا علاج کرسکتے تھے ہم نے کیا، ڈاکٹرز نے کہا کہ مزید علاج کے لیے ٹیکنالوجی اور ماحول موجود نہیں ہے۔

خواجہ آصف کے مطابق سرکاری ڈاکٹرز نے کہا کہ آپ باہر جا کرعلاج کرائیں، ڈاکٹرز نے کہا کہ بیرون ملک تمام بیماریوں کا ایک چھت تلے علاج ہوسکے گا۔ انہوں نے کہا کہ ہم ضامن ہیں کہ نوازشریف واپس آئے گا، پاکستان کےعوام نوازشریف کے ضامن ہیں۔

مسلم لیگ ن کے رہنما نے دعویٰ کیا کہ عدالتی اہلکار نے لا افسر سے نوازشریف کی ضمانت کی درخواست پر پوچھا جس پر لاافسر نے جواب دیا نوازشریف مر جائے ہمارا کیا جاتا ہے۔

انہوں نے کہا کہ نوازشریف بیمار بیوی کو چھوڑ کر لندن سے واپس آیا، نوازشریف کو پتا تھا کہ پکڑا جاؤں گا جیل ہو جائے گی، اس دوران نوازشریف کی بیوی دنیا سے رخصت ہوگئی، آج میاں صاحب کو 6،5 بیماریاں لاحق ہیں، مجھے یقین ہے نوازشریف 100فیصد واپس آئے گا۔