Tag: نوازشریف

اسلام آباد : مسلم لیگ ن کے قائد نوازشریف کا کہنا ہے کہ عدالتی اصلاحات ہمارے آئندہ الیکشن کے منشورکا حصہ ہوں گی، اصلاحات وقت اورقوم کی ضرورت ہیں۔

تفصیلات کے مطابق سابق وزیراعظم نوازشریف نے احتساب عدالت میں غیررسمی گفتگو کرتے ہوئے کہا کہ تحریک عدل کے لیے کسی انٹرنیشنل فرم کی خدمات نہیں لی، تحریک عدل کے لیے ہمارے پاس اپنا مواد بہت ہے۔

نوازشریف نے کہا کہ ہم کوئی نیب تونہیں ہیں جوعالمی فرم کی خدمات لیں، اصلاحات کا دروازہ ہروقت کھلا رہنا چاہیے، عام حالات میں بہت ساری چیزیں سامنے نہیں آتی جبکہ امتحان کے دورمیں بہت ساری چیزیں واضح ہوجاتی ہیں۔

مسلم لیگ ن کے قائد نوازشریف نے کہا کہ مجھے مسلم لیگ ن کی صدارت سے ہٹانےکا کیا مقصد ہوسکتاہے؟ انہوں نے کہا کہ شفاف انتخابات کے لیے اپنا کردارادا کریں گے۔

سابق وزیراعظم نے کہا کہ پی پی اورپی ٹی آئی کی سیاست کا مقصد صرف عوام کو دھوکہ دینا ہے، یہ ہروقت امپائرکی انگلی کی طرف دیکھتے ہیں اور ہمیشہ سے چوردروازے سے آنے کے خواہشمند ہیں۔

نوازشریف نے کہا کہ ان کی نوبت یہ آگئی 100 اور 200 لوگوں کے جلسےکررہے ہیں، اورکریں اتحاد اور سنجرانی کو چیئرمین سینیٹ بنوائیں، انہوں نے سوال کیا کہ کون ہے یہ سنجرانی؟۔

مسلم لیگ ن کے قائد نے کہا کہ 6 لوگوں کے گروپ نے نامزد کیا وہ آتے ہی چیئرمین سینیٹ بن گیا،ان کے پیچھےجوہیں وہ سب کوپتہ ہے سینیٹ الیکشن میں ہرانا تھا تواپنے زور سے ہراتے۔

واضح رہے کہ احتساب عدالت میں سابق وزیراعظم نوازشریف، ان کی صاحبزادی مریم نواز اور داماد کیپٹن صفدر کے خلاف ایون فیلڈ ریفرنس میں واجد ضیاء کا بیان آج دوسرے روز بھی قلمبند کیا جا رہا ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد : سپریم کورٹ آف پاکستان نے مسلم لیگ ن کے قائد نوازشریف، وزیراعلیٰ پنجاب شہبازشریف کے خلاف توہین عدالت کی درخواست نمٹا دی۔

تفصیلات کے مطابق سپریم کورٹ آف پاکستان میں چیف جسٹس میاں نثار کی سربراہی میں سابق وزیراعظم نوازشریف اور شہبازشریف کے خلاف توہین عدالت کیس کی سماعت کی۔

عدالت عظمیٰ میں درخواست گزار نے موقف اختیار کیا کہ پاناما فیصلے کے بعد نوازشریف عدالتی تضحیک کرتے رہے جس پرچیف جسٹس نے ریمارکس دیے کہ جو بیانات عدالت سےمتعلق آرہے ہیں وہ ہمارے پاس موجود ہیں۔

چیف جسٹس آف پاکستان میاں ثاقب نثار نے ریمارکس دیے کہ مناسب وقت پرہم عدالت سے متعلق بیانات کو دیکھیں گے۔

دوسری جانب وزیراعلیٰ پنجاب شہبازشریف کے خلاف سپریم کورٹ میں توہین عدالت کیس کی سماعت ہوئی جس میں درخواست گزار نے کہا کہ کہ شہبازشریف نے بیان دیا ججز، جرنیلوں نے انصاف نہیں کیا۔

چیف جسٹس نے ریمارکس دیے کہ یہ بات تو سچ ہے، اس ملک کےساتھ کسی نے انصاف نہیں کیا، ہم نے حقیقی معنوں میں اپنی ذمہ داریاں ادا نہیں کیں، ذمہ داریاں ادا کی جاتیں تو آج یہ حالات نہ ہوتے۔

سپریم کورٹ آف پاکستان نے سابق وزیراعظم نوازشریف، وزیراعلیٰ پنجاب شہبازشریف کے خلاف توہین عدالت کی درخواست خارج کردی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

اسلام آباد : نا اہل سابق وزیراعظم نوازشریف کا کہنا ہے کہ رضا ربانی کا نام بطور چیئرمین سینیٹ دینے کا مقصد ہارس ٹریڈنگ سے بچنا تھا۔

تفصیلات کے مطابق مسلم لیگ ن کے قائد نوازشریف نے صحافیوں سے غیررسمی گفتگو کرتے ہوئے کہا کہ چیئرمین سینیٹ کے لیے رضا ربانی کا نام لینے کا مطلب یہ تھا کہ وہ موزوں آدمی ہیں، اپنا کام اچھے طریقے سے کرتے ہیں۔

نا اہل وزیراعظم نوازشریف نے کہا کہ ہارس ٹریڈنگ سے متعلق قانون سازی ہونی چاہیے، قانون سازی کے لیے ہم تمام جماعتوں کے ساتھ بیٹھنے کو تیار ہیں۔ انہوں نے کہا کہ پہلےسینیٹ انتخابات میں ہارس ٹریڈنگ ہوئی، اب چیئرمین، ڈپٹی چیئرمین کے لیے ہارس ٹریڈنگ افسوس کی بات ہے۔

نواشریف نے کہا کہ ہم سینیٹ کی اکثریت جماعت ہیں اور ہماراحق ہے کہ اپنا امیدوار دیں، مولانا فضل الرحمان ، حاصل بزنجو، محمود اچکزئی کو ملا کر اچھی تعداد بن جاتی ہے۔

صحافی نے نا اہل وزیراعظم نوازشریف سے سوال کیا کہ مولانا فضل الرحمان تو آصف علی زرداری کے دوست ہیں جس پر انہوں نے جواب دیا کہ فضل الرحمان ہمارے بھی دوست ہیں۔

خیال رہے کہ وفاقی دارالحکومت اسلام آباد میں احتساب عدالت کے جج محمد بشیر شریف خاندان کے خلاف ایون فیلڈ پراپرٹیز ضمنی ریفرنس کی سماعت کررہے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔