لاہور : سابق وزیراعظم میاں محمد نوازشریف آج لندن روانہ ہوگئے جہاں وہ اپنی اہلیہ کلثوم نوازکی عیادت کریں گے۔
تفصیلات کے مطابق سابق وزیراعظم میاں محمد نوازشریف آج پی آئی اے کی پرواز پی کے757 کے ذریعےلندن روانہ ہوگئے جہاں وہ اپنی اہلیہ کلثوم نواز کی عیادت کریں گے۔
سابق وزیراعظم نوازشریف کے ہمراہ ان کے سیکریٹری محمد حنیف خان بھی لندن روانہ ہوگئے۔
نواز شریف کا طیارہ رن وے پر روک لیا گیا
احتساب عدالت نے نوازشریف اوربچوں کو9 اکتوبر کودوبارہ طلب کیا ہوا ہے لیکن نوازشریف کی وطن واپسی کے ٹکٹ پر4 جنوری 2018 کی تاریخ درج ہے۔
میرے بارے میں حقیقی فیصلہ این اے 120 کے عوام نے دیا، نوازشریف
یاد رہے کہ گزشتہ روز سابق وزیراعظم نواز شریف نے کہا تھا کہ میں ووٹ کے تقدس کی جنگ لڑ رہا ہوں اور کسی جماعت نے اپنے منشورپر عمل درآمد نہیں کیا لیکن ہم نے حکومت میں آکر اپنے وعدوں کو پورا کیا شاید اسی لیے ہمیں حکومت سے باہر کیا گیا۔
ملک کیسے آگے بڑھےگا، یہ کھیل تماشا 70سال سے ہوتا چلا آیا ہے،نوازشریف
واضح رہے کہ دو روز قبل مسلم لیگ ن کے بلا مقابلہ صدر منتخب ہونے کے بعد سابق وزیراعظم نواز شریف نے کہا تھا پاناما میں کچھ نہیں ملاتھا تو قوم کو صاف صاف بتا دیتے، بتا دیتے پاناما میں کچھ نہیں ملا،اقامے پر نکال رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
