Tag: نوازشریف

مشکل وقت ضرورہےلیکن نوازشریف کےہاتھ صاف ہیں‘ کیپٹن صفدر

اسلام آباد:کیپٹن (ر) صفدرنے کہا ہے کہ عمران خان وقت بتائےگاہم برداشت کرتےرہیں گے۔ انہوں نےکہاکہ مسلم لیگ ن پاکستان کو آگے لےکرجاناچاہتی ہے۔

تفصیلات کےمطابق اسلام آباد میں جوڈیشل اکیڈمی کےسامنے میڈیاسےبات کرتے ہوئےمسلم لیگ ن کےرکن قومی اسمبلی کیپٹن ریٹائرڈ صفدرنےکہاکہ مشکل وقت ضرورہےلیکن نوازشریف کےہاتھ صاف ہیں۔

کیپٹن ریٹائرڈ صفدر کا کہناتھاکہ سب کی کوششیں ناکام ہوجائیں گی،وزیراعظم نوازشریف ہرامتحان میں سرخروہوئے۔

دوسری جانب مسلم لیگ ن کےرہنما اور وزیراعظم کےمعاون خصوصی امیرمقام نےکہاکہ عمران خان خیبرپختونخواپرتوجہ دیں،نتھیاگلی کوچھوڑدیں۔

امیرمقام نےکہا کہ صحت،تعلیم میں تبدیلی کادعویٰ کرنےوالےکہاں ہیں۔ انہوں نےکہاکہ عمران خان بتائیں4سال میں خیبرپختونخوامیں کتنی بجلی بنائی۔

مسلم لیگ ن کےرہنما کا کہناتھاکہ عمران خان کودوسروں پرتنقیدسےپہلےشرم آنی چاہیے۔ انہوں نےکہاکہ نوازشریف نےجوروایت آج ڈالی وہ بہت اچھی بات ہے۔

امیرمقام نےعمران خان صاحب خیبربینک کی صورت حال بھی دیکھ لیں۔ انہوں نےکہاکہ عمران خان نے جس کوکرپشن پرپکڑاوہ وزیرتوآج بھی موجودہے۔

جےآئی ٹی ممبران کا قطرنہ جانا حقائق چھپانےکےمترادف ہے‘ آصف کرمانی

واضح رہےکہ اس سےقبل وزیراعظم کےمعاون خصوصی کا کہناتھاکہ جے آئی ٹی کا قطر نہ جانا حقائق کو چھپانے کے مترادف ہے، انہوں نے سوال کیا کہ جے آئی جی ہمارے اہم ترین گواہ کا بیان لینے کے لیے اب تک قطر کیوں نہیں گئے؟۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 5, 2017
جےآئی ٹی ممبران کا قطرنہ جانا حقائق چھپانےکےمترادف ہے‘ آصف کرمانی

اسلام آباد: وزیراعظم کےمعاون خصوصی آصف کرمانی کا کہناہےکہ جے آئی جی ہمارے اہم ترین گواہ کا بیان لینےکےلیےاب تک قطر کیوں نہیں گئے؟۔

تفصیلات کےمطابق جوڈیشل اکیڈمی کےسامنے میڈیا کےنمائندوں سے بات چیت کرتے ہوئےمسلم لیگ نواز کےرہنما ڈاکٹر آصف کرمانی نے کہا کہ نواز شریف کو نہیں پاکستان کو غیر مستحکم کیا جارہا ہے،نواز شریف قائد اعظم کےاصولوں کےامین ہیں، نوازشریف مضبوط اور مستحکم پاکستان کی ضمانت ہیں۔

وزیراعظم کےمعاون خصوصی کا کہناتھاکہ جے آئی ٹی کا قطر نہ جانا حقائق کو چھپانے کے مترادف ہے، انہوں نے سوال کیا کہ جے آئی جی ہمارے اہم ترین گواہ کا بیان لینے کے لیے اب تک قطر کیوں نہیں گئے؟

آصف کرمانی نےکہاکہ میرا خیال ہے کہ جے آئی ٹی دبئی میں سیر سپاٹے کےلیے گئی تھی ۔انہوں نےکہاکہ جے آئی ٹی پر قوم کے ٹیکس کا پیسہ خرچ ہو رہا ہے،قوم کے ٹیکس کے ایک ایک پیسے پیسے کا حساب لیا جائے گا،جے آئی ٹی اپنے کھاتےتیاررکھے۔

ہمیں احسان نہیں انصاف چاہیے‘ آصف کرمانی

انہوں نےکہا کہ اس وقت ہمیں مضبوط اور مستحکم پاکستان کی ضرورت ہے اور نوازشریف اس کی علامت ہیں۔ ہمیں سب سے پہلے پاکستان کے مفاد کو سامنے رکھنا ہے۔

واضح رہےکہ مسلم لیگ ن کےرہنما آصف کرمانی نےکہاکہ وزیراعظم چار سال سے دھرنوں کا سامنا کر رہے ہیں اورعمران خان نے آج تک الیکشن کمیشن میں جواب جمع نہیں کرایا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 5, 2017
پانامالیکس کوکسی نےسنجیدہ نہیں لیا‘ صرف پاکستان میں سنجیدہ لیاگیا‘ سعدرفیق

لاہور: وزیرریلوے خواجہ سعد رفیق کا کہناہےمہذب ممالک میں پانامالیکس پرکچھ کیوں نہیں ہوا،پانامالیکس کاہدف پاکستان تھامنتخب وزیراعظم کوکٹہرےمیں کھڑاکیاگیا۔

تفصیلات کےمطابق وفاقی وزیرریلوے خواجہ سعد رفیق نے لاہور میں تقریب سے خطاب کرتے ہوئے کہا الیکشن سے پہلے ہمیں تعصب، انتقام اور نفرت کا نشانہ بنایا جارہا ہے، کچھ نئے اور کچھ پرانے مہرےاور کٹھ پتلیاں ہیں، بڑی مشکل سے منزل حاصل کی، ریورس گیئر نہیں لگنے دیں گے۔

سعد رفیق کا کہناتھاکہ جنہیں ہماری شکلیں پسند نہیں وہ اپنی مرضی کا پاکستان چاہتےہیں ۔جب بھی اچھاکام کرنے جاتے ہیں ہماری ٹانگیں کھینچی جاتی ہیں۔

جے آئی ٹی فیکٹ فائندںگ کمیٹی ہے انٹروگیشن کمیٹی نہ بنے، خواجہ سعد رفیق

وزیرریلوے کا کہناتھاکہ پاناما پیپرز کو کسی ملک نے سنجیدہ نہیں لیا، یہاں منتخب وزیر اعظم کو کٹہرے میں کھڑا کردیا گیا، اگر کاروبار کا پہیہ چلتا ہے تو پاکستان کو ترقی کی منزلیں سر کرنے سے روکا نہیں جا سکتا۔

سعد رفیق نے کہا کہ اگر پاکستان طاقتور ہو گا تو کیا بھارت کشمیر پر ناجائز تسلط برقرار رکھ سکے گا ؟۔

واضح رہےکہ خواجہ سعد رفیق کا کہناتھاکہ یہ نواز شریف کا یہ ہی قصور ہے کہ وہ پاکستان کا سر جھکنے نہیں دیتا۔

جولائی 2, 2017
وزیراعظم کی زیرصدارت دفترخارجہ میں اہم اجلاس

اسلام آباد: وزیراعظم میاں محمد نوازشریف کی زیرصدارت دفترخارجہ میں اہم اجلاس جاری ہے۔

تفصیلات کےمطابق وزیراعظم نوازشریف کی زیرصدارت دفترخارجہ میں اہم اجلاس جاری ہے جس میں ٹرمپ مودی ملاقات، کشمیر کی موجودہ صورت حال سمیت سعودی عرب، قطر اور افغانستان سے متعلق امور پرتبادلہ خیال کیا جارہا ہے۔

اجلاس میں وزیر خزانہ اسحاق ڈار اور مشیر خارجہ سرتاج عزیز سمیت دیگر اعلیٰ حکام موجود ہیں جبکہ اجلاس میں وزیراعظم کو سعودی عرب، قطراورافغانستان سےمتعلق معاملات پر بریفنگ دی جارہی ہے۔

وزیراعظم کی صدارت میں ہونے والے اجلاس میں چینی وزیرخارجہ کے حالیہ دورے اور مشرق وسطیٰ کی صورت حال پر بھی بات کی جائے گی۔

عالمی برادری دہشت گردی کےخلاف پاکستان کی کاوشوں کا اعتراف کرے‘ چین

یاد رہےکہ بھارتی وزیراعظم نریندر مودی اور امریکی صدر ڈونلڈ ٹرمپ کے درمیان ہونے والی ملاقات کے بعد جاری ہونے والے اعلامیے میں پاکستان سے مطالبہ کیا گیا تھا کہ وہ اپنی سرزمین دہشت گردی کے لیے استعمال ہونے سے روکے۔

واضح رہےکہ گزشتہ روز چینی وزارت خارجہ کے ترجمان کا کہنا تھا کہ پاکستان دہشت گردی کے خلاف عالمی جنگ میں فرنٹ لائن اسٹیٹ ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جون 30, 2017
جے آئی ٹی ایک طرف اور قوم دوسری طرف جا رہی ہے، نوازشریف

لندن : وزیر اعظم نواز شریف نے کہا ہے کہ پاناما کیس کی جےآئی ٹی ہمارے بدترین مخالفین کوسن رہی ہے،
قوم کسی اورطرف اور جےآئی ٹی کسی اورطرف جارہی ہے، پاکستان میں جومعاملہ چل رہا ہے میری سمجھ سے باہر ہے۔

ان خیالات کااظہار انہوں نے لندن میں صحافیوں سے گفتگو کرتے ہوئے کیا، نواز شریف نے کہا کہ میں نے جےآئی ٹی کو کہا کیا ڈھونڈنے کی کوشش کررہےہیں؟ کیا یہ کرپشن کا کیس ہے، وہ اس بات کا جواب ہی نہیں دےسکے۔

جےآئی ٹی کو کہا کہ الزام کی حد تک ہی کوئی بات یا کوئی چیز سامنے لےآؤ لیکن ان کے پاس کچھ نہیں ہے، اس سے بڑا اور تماشہ کیا ہوگا۔

پاکستان میں جو چل رہا ہے میری سمجھ سے باہر ہے

وزیر اعظم نواز شریف نے کہا کہ ہم پر کوئی انگلی نہیں اٹھاسکتا، کرپشن سےمتعلق کچھ نہیں ہے، جےآئی ٹی کی تاریخ واٹس ایپ سےشروع ہوکرابھی تک چل رہی ہے، پاکستان میں جومعاملہ چل رہا ہے میری سمجھ سے باہر ہے۔

ان کا کہنا تھا کہ 1972سے ہمارے ذاتی کاروبار کے پیچھے گھوم رہے ہیں، میں اور میرے بچےحساب دے رہے ہیں، یہ مذاق ہے، ملک کاوقت ضائع کیا جارہاہے، مجھے یہ وقت بھی مل جاتا تو ملک اور قوم کی خدمت کررہا ہوتا۔

انہوں نے کہا کہ 1972میں میں نہ وزیراعظم تھا نہ شہبازشریف وزیراعلیٰ تھے، اس وقت ہماری فیکٹری کو نیشنلائز کرلیا گیا تھا۔

اگلا الیکشن بھی نون لیگ جیتے گی

وزیراعظم نوازشریف نے ایک سوال کے جواب میں کہا کہ سیاسی مخالفین الیکشن میں بری طرح ہارگئے، 90فیصد ضمنی الیکشن بھی ہم نے جیتے، مخالفین میں دم خم نہیں، 2018الیکشن بھی ن لیگ جیتےگی۔

انہوں نے کہا کہ سیاسی مخالفین حیلے بہانوں سے مجھے منسب سے ہٹانے کی کوشش کرتے ہیں، لیکن وہ کامیاب نہیں ہوں گے۔

امپائرکی انگلی کامطلب کیاہے؟

وزیر اعظم نے چیئرمین پی ٹی آئی عمران خان کا نام لئے بغیر کہا کہ پاکستان کے خلاف ان کےجذبات ابل رہےہیں، دھرنے کی وجہ سےچینی صدر وقت پرنہ آسکے، چینی صدرکی آمد میں تاخیر سے معیشت پرفرق پڑا۔

نوازشریف نے کہا کہ ترقی کے دشمن پاکستان کےخلاف ہوجاتےہیں، وہ اس طریقے سے سازش کاجال بننا چاہتےہیں، ان سےپوچھیں کہ امپائرکی انگلی کامطلب کیاہے؟

یہ سازشی سیاستدان ملکی ترقی کے خلاف کام کر رہے ہیں، وزیراعظم نواز شریف نے کہا کہ پاکستان ترقی کی جانب بڑھ رہاہے، لوڈشیڈنگ ہمیشہ کیلئےختم ہونےجارہی ہے، ہرماہ بجلی کا نیا کارخانہ کام کرنا شروع کررہاہے۔

جون 24, 2017
وزیراعظم نوازشریف نجی دورےپر سعودی عرب روانہ

اسلام آباد: وزیراعظم میاں محمد نوازشریف عمرہ کی ادائیگی کے لیےاہل خانہ کے ہمراہ سعودی عرب روانہ ہوگئے۔

تفصیلات کےمطابق وزیراعظم پاکستان نوازشریف اپنے اہل خانہ کےہمراہ کمرشل فلائٹ سے سعودی عرب روانہ ہوگئے۔ وزیراعظم سعودی عرب میں عید منانے کے بعد 25 جون کو نجی دورے پر لندن جائیں گے،جہاں وہ طبی معائنہ کرائیں گے۔

وزیراعظم کے ہمراہ ان کے اہل خانہ بھی ہوں گے جبکہ وزیراعظم 30 جون کو لندن سے وطن واپس آئیں گے۔

خیال رہے کہ وزیراعظم کی گزشتہ برس ہارٹ سرجری ہوئی تھی اور جون میں ان کا چیک اپ ہونا تھا۔

مزید پڑھیں : وزیراعظم نواز شریف دورہ سعودی عرب مکمل کرکےاسلام آباد واپس پہنچ گئے

یاد رہے چند روز قبل بھی قطر اور خلیجی ملکوں میں بڑھتی کشیدگی کم کیلئے وزیراعظم نوازشریف آرمی چیف کے ہمراہ ایک روزہ دورےپرسعودی عرب گئے تھے، جہاں وزیراعظم نواز شریف اور سعودی فرمانروا شاہ سلمان بن عبدالعزیز کے درمیان ملاقات ہوئی تھی اور خلیجی ممالک میں جاری کشیدگی پر تبادلہ خیال کیا گیا تھا ۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جون 18, 2017
نوازشریف کوامیرالمومنین کبھی نہیں بننے دینگے، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ نواز شریف پاناما کیس سے بچ بھی گئے تو پیپلز پارٹی انہیں کبھی امیر المومنین نہیں بننے دے گی۔ جے آئی ٹی کو دھمکیاں براہ راست سپریم کورٹ پر حملہ ہے۔

ان خیالات کا اظہارانہوں نے لاہور میں میڈیا سے گفتگو کرتے ہوئے کیا، بلاول بھٹو نے کہا انہیں حیرت ہے نون لیگ کو توہین عدالت کےنوٹس کیوں نہیں ملے۔ پی پی دور میں ہر پانچ منٹ میں عدالت کا نوٹس آ جاتا تھا، یہ تقریق کیوں ہے، یہ بات میری سمجھ سے بالاتر ہے۔

ان کا کہنا تھا کہ جے آئی ٹی کو دھمکیاں براہ راست سپریم کورٹ پرحملہ کرنے کے مترادف ہے۔ وزیر اعلیٰ پنجاب شہبازشریف براہ راست سپریم کورٹ کیخلاف بولتےہیں تو اس کا نوٹس کیوں نہیں لیاجاتا؟

بلاول بھٹو کا کہنا تھا کہ نہیں معلوم اس مرتبہ حکمران قطریوں کو بچانے میں کامیاب ہونگے یاسعودی دوستی کو، بلاول بھٹو زرداری نے دعویٰ کیا کہ سینیٹ کے آئندہ انتخابات میں بھی نوازلیگ کو سرپرائزملےگا، ن لیگ کے اپنے ارکان سینیٹ الیکشن میں ان کےساتھ نہیں ہونگے۔

علاوہ ازیں لاہور میں پیپلزپارٹی نے تحریک انصاف کی وکٹ گرادی، بلاول بھٹو سے پی ٹی آئی کے سابق رہنما میاں ساجد پرویز نے ملاقات کی ہے، ذرائع کے مطابق سابق صدر پی ٹی آئی پنجاب ساجد پرویز نے پیپلزپارٹی میں شمولیت کا اعلان کیا ہے۔

جون 11, 2017
آستانہ : نوازشریف کی نریندرمودی سے ملاقات، گرمجوشی سے مصافحہ

آستانہ : شنگھائی تعاون تنظیم کے موقع پر وزیراعظم نوازشریف اور نریندرمودی نے مصافحہ کیا۔ دونوں رہنماؤں کئے درمیان خوشگوارماحول میں بات چیت ہوئی۔

تفصیلات کے مطابق قازقستان کے دارالحکومت آستانہ میں جاری شنگھائی تعاون تنظیم کے اجلاس کے دوران بھارتی وزیر اعظم نریندرمودی اور وزیراعظم میاں نوازشریف کے درمیان ایک مختصرسی ملاقات ہوئی۔

دونوں رہنماﺅں نے گرمجوشی کے ساتھ ایک دوسرے سے مصافحہ کیا اورخیریت دریافت کی۔ ملاقات میں باہمی دلچسپی کے امور پر تبادلہ خیال کیا گیا۔

ذرائع کے مطابق دو سے تین منٹ جاری رہنے والی اس ملاقات میں بھارتی وزیراعظم نے نوازشریف سے سوال کیا کہ آپ کا آپریشن ہوا تھا اب آپ کی طبعیت کیسی ہے؟ جس پر نواز شریف نے جواب دیا کہ کافی بہتر ہوں شکریہ۔

جواباً وزیراعظم نواز شریف نے بھی مودی کی خیریت دریافت کی جبکہ دونوں رہنما مصافحہ کرتے ہوئے میڈیا کی توجہ کا مرکز بنے رہے۔

جون 9, 2017
آستانہ : نوازشریف کی افغان صدر اشرف غنی سے ملاقات

آستانہ : وزیر اعظم نواز شریف نے قازقستان میں افغان صدر سے ملاقات کی، ملاقات میں انسداد دہشت گردی اور خطے کے مسائل پر بات ہوئی۔

تفصیلات کے مطابق قازقستان کے دارالحکومت آستانہ میں وزیر اعظم میاں محمد نواز شریف اور افغان صدر کے درمیان ملاقات ہوئی جو لگ بھگ ایک گھنٹہ جاری رہی جس میں انسداد دہشت گردی اور خطے کے مسائل پر بات چیت کی گئی۔

ذرائع کے مطابق افغانستان کی جانب سے ملاقات کی درخواست کے بعد وزیراعظم پاکستان نواز شریف نے افغان صدر اشرف غنی سے ملاقات کی۔

اس موقع پر وزیراعظم نوازشریف نے کہا کہ پاکستان کسی ملک کیخلاف اپنی سر زمین استعمال ہونے کی اجازت نہیں دے گا۔

ملاقات میں افغان صدر کے ساتھ سرحد پر باڑ لگانے کے امور پر بھی بات چیت کی گئی۔ اس موقع پر مشیرخارجہ سرتاج عزیز بھی موجود تھے۔

یاد رہے کہ وزیر اعظم پاکستان میاں نواز شریف ا ن دنوں شنگھائی تعاون تنظیم (ایس سی او) کے اجلاس کے سلسلے میں قازقستان کے دورے پر ہیں۔

جون 9, 2017
ایس سی اومیں شمولیت تاریخی اہمیت کی حامل ہے، نوازشریف

آستانہ: وزیراعظم نوازشریف نے کہا ہے کہ پاکستان آج سے شنگھائی تعاون تنظیم میں مکمل رکن کی حیثیت سے شامل ہورہا ہے، یہ دن ہمارے لیے تاریخی حیثیت رکھتا ہے۔

ان خیالات کا اظہار انہوں نے آستانہ میں شنگھائی تعاون تنظیم کی سربراہ مملکت کونسل کے اجلاس سے خصوصی خطاب کرتے ہوئے کیا۔

وزیراعظم نے کہا کہ آج پاکستان کےلئے تاریخی دن ہے کیونکہ ہم نے تنظیم کےسربراہ اجلاس میں شرکت کی ہے، آج سے پاکستان مکمل رکن کی حیثیت سےتنظیم میں شامل ہورہا ہے، مکمل رکنیت کیلئے رکن ممالک کی حمایت پر ان کے مشکور ہیں۔

وزیراعظم نوازشریف نے کہا کہ اجلاس کی میزبانی پرقازقستان کے صدر،اور عوام کومبارکباد دیتا ہوں۔ وزیراعظم نوازشریف کا اجلاس سے خطاب میں مزید کہنا تھا کہ پاکستان ایس سی او چارٹر، شنگھائی اسپرٹ پرعملدرآمد کیلئےپر عزم ہے، ہمیں دہشت گردی، غربت،بے روزگاری کا خاتمہ کرنا ہے۔

رکن ملکوں میں اچھے ہمسائیگی کا آئندہ5سال کیلئے معاہدہ ہوناچاہئیے، انہوں نے کہا کہ ایس سی او کےرکن ملکوں سے ہمارےتاریخی اور ثقافتی رشتے ہیں، بھارت کو بھی ایس سی او میں شامل ہونے پرمبارکباد پیش کرتا ہوں۔

ان کا مزید کہنا تھا کہ پاکستان دہشت گردی کے خلاف جنگ لڑ رہا ہے، آج کے دورمیں معاشیات کو کلیدی حیثیت حاصل ہے، ایس سی او مستقبل میں مختلف خطوں میں رابطے کاذریعہ بنےگا، ہمیں مل کر آگے بڑھنا ہوگا۔

جون 9, 2017