اسلام آباد : پاکستان تحریک انصاف کےسربراہ عمران خان کا کہناہےکہ مسلم لیگ ن ایک بار پھرسپریم کورٹ کو نشانہ بنارہی ہے۔
تفصیلات کےمطابق چیئرمین پاکستان تحریک انصاف نے سماجی رابطے کی ویب سائٹ ٹویٹرپراپنے پیغام میں کہاکہ نوازشریف کو بچانے کےلیےن لیگ اداروں کوتباہ کررہی ہے۔
To save one man’s (NS) corruption, PMLN is destroying all state institutions, civil & mly (DawnLeaks), & now targeting SC once again
عمران خان نےایک اور ٹویٹ میں کہاکہ قطری شہزادنوازشریف کےسہارےکاآخری تنکاتھا۔قطریوں کےبغیرنوازشریف کےپاس کوئی منی ٹریل نہیں ہے۔
Qatari Prince was only straw Sharifs had to clutch on to! Without Qatari Prince Sharifs have no money trail on how money went abroad https://t.co/10j3EkEp02
واضح رہےکہ گزشتہ روزچیئرمین تحریک انصاف کےسربراہ عمران خان کا کہنا تھا کہ بھارت کے خلاف قومی ٹیم کی مایوس کن کارکردگی سے دکھ ہوا ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
اسلام آباد:وزیراعظم پاکستان کا کہناہےکہ 2013 میں حکومت کو متعدد مسائل کا سامنا تھا لیکن آج پاکستان خوشحال اور مستحکم بن چکا ہے۔
تفصیلات کےمطابق وزیراعظم نوازشریف کی زیرصدارت پارلیمنٹ ہاؤس میں مسلم لیگ ن کی پارلیمانی پارٹی کا اجلاس ہوا جس میں حکومت کی جانب سے پیش کیے جانے والے آخری بجٹ پرتبادلہ خیال کیاگیا۔
اجلاس کےدوران وزیرخزانہ اسحاق ڈار نے مسلم لیگ ن کےارکان پارلیمنٹ کو بجٹ کے خدوخال پر بریفنگ دی جبکہ بجٹ میں عوام کو ریلیف دینے کے لیے ارکان کی تجاویز بھی لی گئیں۔
وزیراعظم نوازشریف کا اجلاس کےدوران کہناتھاکہ 2013 میں ہمیں بڑے مسائل ورثے میں ملےلیکن ہم نیک نیتی کے ساتھ کام کرتے رہے۔
انہوں نےکہاکہ ہم عوام کے سامنے جوابدہ ہیں اور ہرصورت میں اصلاحات کا ایجنڈا مکمل کریں گے۔
وزیراعظم پاکستان کا کہناتھاکہ قوم فیصلہ کرے گی کہ کس نے کارکردگی دکھائی اور کس نے کچھ نہیں کیا۔ان کا کہناتھاکہ ہم نے بہت محنت کی جس کے نتیجے میں منصوبے تیزی سے مکمل ہورہے ہیں۔
واضح رہے کہ وفاقی وزیر خزانہ اسحاق ڈار آج قومی اسمبلی میں آئندہ مالی سال کے لیے بجٹ پیش کریں گے۔
اسلام آباد:وزیراعظم میاں محمد نوازشریف وفد کےہمراہ پی آئی کے خصوصی طیارے سے چین روانہ ہوگئے۔
تفصیلات کےمطابق وزیراعظم میاں محمد نوازشریف آج دورہ چین کےلیے روانہ ہوگئے۔چاروں صوبوں کےوزرائے اعلیٰ اوروفاقی وزراء اسحاق ڈار،سعدرفیق ،خرم دستگیر،احسن اقبال،وزیرمملکت انوشہ رحمان اورمشیرخارجہ سرتاج عزیز بھی ان کے ہمراہ ہیں۔
وزیراعظم میاں محمدنوازشریف کو چینی صدرشی چن پنگ نےدورےکی دعوت دی ہے۔وزیراعظم چینی صدراوروزیراعظم سےدوطرفہ تعلقات پرتبادلہ خیال کریں گے۔
وزیراعظم پاکستان کانفرنس کےدواجلاسوں سےخطاب کریں گے اوردورےمیں اقتصادی راہداری سےمتعلق کئی معاہدوں پردستخط ہوں گے۔
خیال رہےکہ وزیر اعظم نواز شریف کے دورہ چین کےلیے پی آئی اے کے دو بوئنگ طیارے مختص کیے گئے ہیں۔وزیر اعظم کی پرواز پر تعینات چار پائلٹس میں سے دو انتظامی عہدوں پر موجود پائلٹس کیپٹن عزیر خان، کیپٹن نوید عزیز بھی شامل ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
چیچہ وطنی : وزیر اعظم میاں محمد نواز شریف نے کہا ہے کہ جن لوگوں نے نئے پاکستان کا حشر دیکھنا ہے وہ خیبر پختونخواہ جاکر وہاں کی سڑکیں دیکھ لیں، ہم نے بجلی کی لوڈشیڈنگ پر قابو کیااور2018 میں لوڈشیڈنگ کا مکمل خاتمہ کردیں گے۔
ان خیالات کا اظہار انہوں نے چیچہ وطنی میں ایک بہت بڑے جلسہ عام سے خطاب کرتے ہوئے کیا، وزیر اعظم نے اپنے خطاب میں چیچہ وطنی کو موٹروے سے ملانے ،شہر کے لئے 25کروڑ کی گرانٹ، شہر کی سڑکوں کے لئے 25کروڑ، حلقہ 162کی بجلی کے لئے 10کروڑ، چیچہ وطنی کے ٹینکیکل کالج اور ووکیشنل ٹرینگ انسٹیوٹ کو اپ گریڈکرنے ،ڈگری کالج فار بوائز کے لئے ایم اے کی کلاسز کا اجراء، طالبات کے لئے بھی ایم اے کلاسز کا اجراء، ، حلقہ163, 162کے لئے سوئی گیس کی فراہمی کے اعلانات بھی کئے۔
جلسہ عام سے خطاب میں ان کا کہنا تھا کہ چیچہ وطنی اور یہاں کے لوگوں سے میرا پرانا تعلق ہے، میں آج محبت کا رشتہ مزید مضبوط کرنے آیا ہوں اور میں محبت کے اس رشتے کو ہمیشہ نبھاؤں گا۔
انہوں نے عمران خان کا نام لئے بغیر ان پر شدید تنقید کرتے ہوئے کہا کہ روز نت نئے بیانات اورالزام لگانے والوں کو پاکستان کے کلچرکا پتہ ہی نہیں ہے، الزام لگانے والے نہیں جانتے کہ احترام اور پیار کا رشتہ کیا ہوتا ہے، پاکستان میں بڑوں کا احترام اور بچوں سے پیار کیا جاتا ہے۔
وزیراعظم نوازشریف نے کہا کہ آپ کو بھی حساب دینا ہوگا، ہم بھی پانچ سال بعد اپنا حساب دیں گے، اللہ نے آپ کو صوبہ دیا ہے، لوگ دیکھ رہے ہیں کہ پنجاب میں ترقی ہورہی ہے، پنجاب میں میٹرو چل رہی ہے، بجلی کے منصوبے لگ رہے ہیں۔
انہوں نے کہاکہ کے پی کے میں اسکول، اسپتال، سٹرکیں ٹوٹی پھوٹی ہیں، نیا پاکستان دیکھنا ہے تو پشاور دیکھیں، خوشحالی دیکھنی ہے تو باقی سارا پاکستان دیکھیں،سڑکیں صرف پنجاب میں نہیں بن رہی ہیں، جو دھرنے دینے آتے ہیں ان کے صوبے میں بھی ہم سٹرکیں بنارہے ہیں۔
انہوں نے کہا کہ 1800روپے میں ملنے والی کھاد آج 1400میں دستیاب ہے، 4ہزار والی ڈی اے پی اب 2500روپے میں ملتی ہے، ٹیوب ویل کافی یونٹ 5روپے 25پیسے کا ہوگیا ہے، ہم سے بھی عوام پانچ سال کے بعد پوچھیں گے۔
آج سٹرکیں بن رہی ہیں، موٹروے آپکے قریب سے گزررہا ہے۔ موٹروے آپ کو ڈیڑھ گھنٹے میں لاہور پہنچائے گی، چیچہ وطنی سے کراچی کا سفر 7سے 8گھنٹے کا رہ جائے گا، وزیر اعظم نے کہا کہ میں خالی ہاتھ نہیں آیا، یہاں دھرنے،جھوٹ بولنے،الزام تراشی کیلئے نہیں آیا،الٹی سیدھی زبان بولنے نہیں آپ کی خدمت کے لئے آیا ہوں۔
نوازشریف نے بتایا کہ قادرآباد میں بجلی کا بہت بڑا کارخارنہ لگ رہا ہے، جس کا افتتاح اسی ماہ ہوگا، اس کے علاوہ ملک میں بجلی کے لئے درجنوں کارخانے لگ رہے ہیں، بجلی کی لوڈشیڈنگ کا جوعذاب چھوڑ کرگئے ہیں ہم اسےختم کرنے کی کوشش کررہے ہیں، لوڈشیڈنگ ہمیشہ کے لئے چلی جائے گی پھر واپس نہیں آئے گی، آپ کو سستی بجلی فراہم کریں گے۔
وزئؤیر اعظم نے چیچہ وطنی کی عوام سے کہا کہ ہم آپ کی ترقی اور خوشحالی کے لئے دن رات کام کرتے ہیں، علاوہ ازیں وزیراعظم نوازشریف نے چیچہ وطنی کے لئے گیس فراہمی کا اعلان کرتے ہوئے کہا کہ سوئی گیس منصوبے کی بنیاد رکھنے دوبارہ آپ کے پاس آؤں گا۔
لیہ : وزیراعظم نوازشریف نے ایک بار پھر لیہ تونسہ پل کاپھر اعلان کردیا، اس سےپہلے بھی اس پل کا دو مرتبہ سنگ بنیاد رکھا جاچکا ہے، نوازشریف وزیراعلٰی سے وزیراعظم بن گئے، مگر وعدہ وفا نہ ہوسکا، شہریوں نے پُل کے ایک اور سنگ بنیاد کو ڈرامہ قرار دے دیا۔
تفصیلات کے مطابق وزیر اعظم میاں نواز شریف نے 700 کروڑ روپے کی لاگت سے تیار ہونے والے لیہ تونسہ پل کا ایک بار پھر سنگ بنیاد رکھ دیا،جبکہ آج سے بتیس سال قبل بھی بحیثیت وزیر اعلیٰ پنجاب اس پل کا سنگ بنیاد رکھ چکے ہیں۔
سال انیس سو پچاسی میں نواز شریف نے وزیراعلیٰ کی حیثیت سے لیہ پل کا سنگ بنیاد رکھا اس کے بعد سال دوہزار تیرہ کے الیکشن کے دوران نواز شریف لیہ آئے پھر اسی پل کی تعمیر کا وعدہ کیا اور آج چار سال بعد نواز شریف نے بتیس سال کے بعد دوسری بار لیہ پل کا سنگ بنیاد رکھ دیا۔
پل کے سنگ بنیاد کے حوالے سے لیہ کے شہریوں نے اسے مذاق قرار دیتے ہوئے اپنے شدید غم و غصے کا اظہار کیا ہے ان کا کہنا ہے کہ وزیراعظم صاحب ! بتیس سال ہوگئے آپ کے وعدے کو ایک نسل گزرگئی اوراب دوسری نسل اس انتظار میں بوڑھی ہورہی ہے، خدارا تیسری نسل پر احسان کریں۔
انہوں نے کہا کہ آپ وزیراعلیٰ سے وزیراعظم بن گئے لیکن پل نہ بن سکا، پُل کا پھر سنگ بنیاد رکھنا محض ڈرامہ ہے۔ سوال یہ پیدا ہوتا ہے کہ اب یہ پل تکمیل تک پہنچ بھی پائے گا یا پھر لیہ کایہ پل 30 سال تک زیر تعمیر ہی رہے گا۔
یاد رہے کہ اس پل کی تعمیرسے لیہ اور تونسہ کے درمیان 180 کلومیٹر کا فاصلہ کم ہو کر صرف 24 کلومیٹر رہ جائے گا۔
اسلام آباد: وزیراعظم میاں محمد نوازشریف سے بھارتی اسٹیل ٹائیکون سجن جندال نے ملاقات کی ہے۔‘ ملاقات کی تفصیلات خفیہ رکھی جارہی ہیں۔
تفصیلات کےمطابق بھارتی اسٹیل ٹائیکون سجن جندال سمیت بھارت کا تین رکنی وفد خصوصی طیارے سے کابل سے اسلام آباد پہنچا تھا۔
بھارتی وفد میں سجن جندال، سوکیت سنگال،وریندرببرسنگھ شامل تھے۔ تین رکنی وفد گزشتہ رات 10بجے اسلام آباد سے مری گیا تھا۔
ذرائع کےمطابق غیراعلانیہ دورے پرآنےوالابھارتی وفد 3 گاڑیوں میں مری روانہ ہوا۔ بھارتی وفد نے وزیراعظم میاں محمد نوازشریف سے ملاقات کی۔
خیال رہےکہ کلبھوشن اوراحسان اللہ احسان کے’’را‘‘سے متعلق انکشافات کے بعدجندال کی آمدسوالیہ نشان ہے۔ بھارتی وزیرخارجہ سشماسوراج نے کلبھوشن یادیوکوبھارت کابیٹاقراردیا تھا۔
خیال رہے کہ رواں ماہ راجیہ سبھا میں خطاب کرتے ہوئے بھارتی وزیرخارجہ سشما سوراج نے پاکستان کو دھمکی دیتے ہوئے کہا تھا کہ پاکستان کلبھوشن کو سزا کے فیصلے کے نتائج پرغورکرلے، دونوں ملکوں کے تعلقات پرکیا اثر پڑے گا اس کا بھی جائزہ لے۔
یاد رہےکہ سجن جندال وزیراعظم نوازشریف کی نواسی کی شادی میں بھی شریک ہوئے تھے جبکہ نریندرمودی کو رائے ونڈ لانے میں بھی سجن جندال کا اہم کردار بتایا جاتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
شیخوپورہ : وزیراعظم نوازشریف نے کہا ہے کہ ملک کو اندھیروں میں دھکیلنے والے احتجاج کی دھمکی دے رہے ہیں، بھکی پاور پلانٹ کو صرف اٹھارہ ماہ میں مکمل کیا گیا۔
ان خیالات کا اظہار انہوں نے شیخوپورہ میں بھکی پاور پلانٹ منصوبہ کی افتتاحی تقریب سے خطاب کرتے ہوئے کیا، وزیراعظم نے کہا کہ ہم نے 18ماہ پہلے بھکی پاورپلانٹ منصوبے کاسنگ بنیاد رکھا اور اٹھارہ ماہ کے قلیل عرصے میں اتنا بڑا منصوبہ دیکھ رہے ہیں۔
اٹھارہ ماہ میں تو ایک گھر بھی تعمیر نہیں ہوتا
وزیراعظم نے کہا کہ 18 ماہ میں تو ایک گھر بھی تعمیر نہیں ہوتا، لواری ٹنل 40 سال سے بن رہی ہے، ابھی تک مکمل نہیں ہوئی جبکہ لواری ٹنل کو چند سال میں مکمل کیا جاسکتا تھا۔
دن رات محنت نہ کرتے تویہ منصوبہ بھی 15سال میں مکمل ہوتا
انہوں نے بتایا کہ بھکی پاور پلانٹ پر 77ارب روپے خرچ ہوئے اور منصوبے میں 53ارب روپے کی بچت ہوئی۔ جبکہ بلوکی منصوبہ 84ارب میں مکمل ہوگا،52ارب روپے کی بچت ہوگی، حویلی بہادر شاہ کا خرچ 90ارب اوربچت 49ارب روپے ہوگی،دن رات محنت نہ کرتے تویہ منصوبہ بھی 15سال میں مکمل ہوتا
پی پی رہنماؤں کو دھمکیاں دیتے ہوئے شرم آنی چاہیئے
نواز شریف کا کہنا تھا کہ ہم نے خود اپنے آپ کو تباہ کرنے میں کوئی کسر نہیں چھوڑی، احتجاج کی دھمکی بھی وہ لوگ دے رہے ہیں جو خود لوڈشیڈنگ کے ذمہ دار ہیں، وزیر اعظم نے پی پی رہنماؤں کا نام لیے بغیر کہا کہ آپ لوگوں کو ایسی دھمکیاں دیتے ہوئے شرم آنی چاہئے، آپ کا بویا ہوا ہم کاٹ رہے ہیں، 2013میں آئے تو آتے ہی بجلی منصوبوں پرلگ گئے.
وزیراعظم نوازشریف کا کہناتھا کہ بلوکی اور حویلی بہادرشاہ کی ٹربائین میں تاخیر ہوئی ہے، چشمہ نیو کلیئر پاور پلانٹ مئی میں آرہا ہے، تربیلافور2018فروری میں کام شروع کردے گا، جبکہ نیلم جہلم منصوبہ جون تک کام کا آغاز کردے گا۔
لوڈشیڈنگ دریاؤں میں پانی کی قلت کی وجہ سے ہے
وزیراعظم نے بتایا کہ جون2018تک 8946میگاواٹ بجلی سسٹم میں شامل ہوگی،انہوں نے بھی لوڈشیڈنگ کا اعتراف کرتے ہوئے کہا کہ ملک میں لوڈشیڈنگ کی وجہ دریاؤں اورڈیموں میں پانی کی قلت ہے، لیکن بجلی کی کمی کے ذمہ داروں کے خلاف سخت ایکشن ہوگا، بجلی آنے پر اس کی طلب میں بھی اضافہ ہوگیا ہے، بجلی کے جتنے منصوبے ستّر سال میں لگے اتنے ہم نے تین سال میں لگائے۔
موٹر وے کا ذکر کرتے ہوئے ان کا کہنا تھا کہ ہمارے اس دور میں موٹروے نے لاہور سے آگے کا سفرشروع کیا ہے، کراچی سے حیدرآباد کے درمیان موٹروے پرکام جاری ہے، امید ہے 2019تک لاہور ملتان موٹروے مکمل ہوجائے گی، بلوچستان میں ہم نے سڑکوں کا جال بچھا دیا ہے، گوادر میں بڑی تیزی کے ساتھ ترقی ہورہی ہے، وزیراعظم نوازشریف نے کہا کہ میں نام نہیں لیناچاہتا صوبائی حکومتیں کچھ کرتیں تو نظربھی آتا۔
انہوں نے کہا کہ لاہور ایئرپورٹ ہم بنا کر گئے تھے، اسے چھوٹا کر دیا گیا ہے، جنہوں نے ایئرپورٹ کو چھوٹا کیا ان سے پوچھا جائے کہ ملک کو اندھیروں میں کیوں چھوڑ کر گئے۔
انہوں نے کہا کہ پاکستان کو آگے لے جانے کیلئے مزید محنت کرنا ہو گی، صرف 2018ء کو نہیں، 25 سال آگے دیکھ رہے ہیں۔ وزیر اعظم نے کہا کہ اقتصادی راہداری کے کئی منصوبے تعمیر ہو رہے ہیں،
ملک کو عطیم سے عظیم تر بنانا ہمارا خواب ہے، مشکل وقت میں ساتھ دینے پر چین کا شکریہ ادا کرتے ہیں۔ وزیر اعظم نے نام لئے بغیر پی پی قیادت کو شدید تنقید کا نشانہ بناتے ہوئے کہا کہ ماضی کے حکمرانوں نے کچھ کیوں نہیں کیا؟
جنہوں نے بیڑا غرق کیا وہی بڑھ چڑھ کر باتیں کر رہے ہیں۔ انہوں نے پاور پلانٹ کی تکمیل پر شہباز شریف کا خصوصی شکریہ بھی ادا کیا۔
لاہور: اسپیکر قومی اسمبلی سردار ایاز صادق نے کہا ہے کہ کلبھوشن کو رعایت نہ دینے پر تمام سیاسی جماعتیں متفق ہیں ، کرنل (ر) حبیب ظاہر کو منصوبہ بندی کے تحت اغوا کیا گیا، وزیر اعظم کا عہدہ نوازشریف کے پاس ہی رہے گا۔
لاہور میں میڈیا سے گفتگو کرتے ہوئے اسپیکر قومی اسمبلی نے کہا کہ پیر کو رضا ربانی کو منانے خوجاؤں گا اور کوشش کروں گا کہ وہ نشست سے استعفیٰ نہ دیں، چیئرمین سینٹ کا شکوہ جائز ہے اُسے دور کرنے کے لیے کوشش کی جارہی ہیں۔
انہوں نے کہا کہ وزیراعظم کی تبدیلی کی خبر صرف خوش فہمی ہے، وزیر اعظم کا عہدہ نوازشریف کے پاس ہی رہے گا اور ملک ایسے ہی ترقی کرتا رہے گا، پانامامیں کچھ ہوتاتومیں بھی ریفرنس بھیج دیتا۔
ایاز صادق نے مزید کہا کہ 16گھنٹے تونہیں مگرلوڈشیڈنگ ضرور ہورہی ہے، توقع اور ضرورت کے مطابق ڈیموں میں پانی نہیں آیا ورنہ بجلی کی قلت کا مسئلہ حل ہوجاتا۔ اُن کا کہنا تھا کہ میں اسپیکر صرف اللہ کی مہر بانی سے بنا اس لیے غیر جانبدار رہ کر کام کرتا ہوں۔
اسپیکر قومی اسمبلی نے کہا کہ ڈان لیکس کا فیصلہ جلد آجائے گا، کلبھوشن کو رعایت نہ دینے پر تمام سیاسی جماعتیں متفق ہیں۔
لاہور: وزیراعظم میاں محمد نوازشریف کا کہنا ہے کہ معاشرے میں دہشت گردوں کے سہولت کار موجود ہیں۔ ریاست ایسے لوگوں کا کھوج لگا رہی ہے اور جلد وہ اپنے انجام کو پہنچیں گے۔
تفصیلات کے مطابق لاہور میں جامعہ نعیمیہ میں وزیر اعظم نواز شریف نے خطاب کرتے ہوئے کہا کہ دنیا میں اسلام جیسے دین امن کے نام پر ظلم کا بازار گرم ہے۔ لوگوں نے اپنے مذموم مقاصد کے لیے دین کو یرغمال بنا رکھا ہے۔
نواز شریف نے کہا کہ جامعہ نعیمیہ کے دروازے دیگر مذاہب کے لوگوں کے لیے بھی کھلے ہیں۔ انہوں نے کہا کہ کیا جامعہ نعیمیہ میں خون کی ہولی کھیلنے والے انسان ہوسکتے ہیں۔
وزیر اعظم نے دہشت گردوں کے خلاف فتوے جاری کرنے والے علما کو سلام پیش کیا۔ انہوں نے کہا کہ علما نے جان ہتھیلی پر رکھ کر ایسے لوگوں کے خلاف فتوے دیے۔ دہشت گردی کی بنیادیں انتہا پسندی میں ہیں جبکہ دہشت گردی کا خاتمہ علما کے کردار کے بغیر ممکن نہیں ہے۔
انہوں نے مزید کہا کہ دہشت گردوں نے جہاد جیسے پاکیزہ تصور کو مسخ کیا۔ ہمیں لوگوں کو اصل دین سے آگاہ کرنا ہے۔ دہشت گردی کے خاتمے کے لیے بیانیہ محراب اور منبر سے آنا چاہیئے۔
وزیر اعظم کی جامعہ نعیمیہ آمد پر تمام ملحقہ سڑکوں کو بند کر دیا گیا جبکہ علاقے میں موجود مارکیٹیں اور دکانیں بھی بند کروا دی گئی تھیں۔ وزیر اعظم کی آمد کے بعد متعدد طلبا کو جامعہ کے اندر جانے سے روک دیا گیا جس پر طلبا نے مشتعل ہو کر گو نواز گو کے نعرے لگائے۔
جامعہ نعیمیہ میں تقریب کے بعد وزیر اعظم نے آئی جی آفس میں پنجاب پولیس کے ڈیجیٹل سسٹم کا افتتاح کیا۔ تقریب میں وزیر اعلیٰ پنجاب، اعلیٰ پولیس حکام اور دیگر سیاسی اور سماجی شخصیات موجود تھیں۔
یاد رہے کہ دو روز قبل وزیر اعظم نواز شریف نے ٹھٹھہ کا دورہ کیا تھا جہاں انہوں نے ضلع ٹھٹھہ اور سجاول کو گیس دینے کا اعلان کرنے ساتھ ساتھ ٹھٹھہ کے لیے 500 بستروں کے اسپتال کے قیام کا اعلان بھی کیا تھا۔
اسلام آباد :وزیراعظم میاں محمد نوازشریف آج سندھ کے شہرٹھٹہ کا دورہ کریں گےجہاں وہ جلسہ عام سے خطاب کریں گے۔
تفصیلات کےمطابق وزیراعظم میاں محمدنوازشریف آج ٹھٹہ کے مکلی کرکٹ گراؤنڈ میں جلسہ عام سے خطاب کریں گے۔ اس سلسلے میں مکلی کرکٹ گراؤنڈ میں ن لیگ کے جلسے کے لیے تیاریاں مکمل کرلی گئی ہیں۔
وزیراعظم میاں نواز شریف کے جلسہ کے لیے مکلی کرکٹ گراؤنڈ میں47 فٹ لمبا اور46 فٹ چوڑا لکڑی کا اسٹیج بنایا گیا ہے۔جلسہ گاہ میں20 سے25 ہزارکرسیاں لگائی گئی ہیں۔
ریڈیو پاکستان کی رپورٹ کےمطابق وزیراعظم نوازشریف کی جانب سے ٹھٹھہ اور سجاول اضلاع کے لیے ترقیاتی منصوبوں کے اعلانات متوقع ہیں۔
ایس ایس پی کے مطابق ٹھٹھہ میں جلسہ گاہ کی سیکورٹی پرایک ہزاراہلکار مامور ہوں گے۔
یاد رہےکہ دو روز قبل وزیرِاعظم پاکستان نوازشریف نےکہاتھا کہ عراق کی جنگ میں مخالفت کے باوجود کویت کا بھرپور ساتھ دیا تھا جس کے بعد سے کویت اور پاکستان کے درمیان مستحکم تعلقات استوار ہوئے۔
واضح رہےکہ وزیراعظم نوازشریف نے کہاتھا کہ جب ہم نے حکومت سنبھالی تو حالات بہت مشکل تھے لیکن ہم ہر طرح کے چیلینجیز کا مقابلہ کیا اور نئے نئے منصبوں کا آغاز کرتے رہے جس کے بعد الحمداللہ آج پاکستان کے حالات بہت بہتر ہیں۔
