Tag: نوازشریف

اسلام آباد : وزیر اعظم نواز شریف اعلیٰ سطح وفد کے ہمراہ آج ترکمانستان کے دورے پر روانہ ہونگے۔

تفصیلات کےمطابق وزیراعظم نوازشریف آج دوروزہ دورے پر ترکمانستان جائیں گے۔انہیں اس دورے کی دعوت ترکمانستان کے صدر قربان علی بردی نے دی تھی۔

وزیراعظم پاکستان اپنے2روزہ دورے میں ترکمانستان کے صدر سے ملاقات کے علاوہ دارالحکومت اشک آباد میں پائیدار ٹرانسپورٹ کے بارے میں منعقدہ پہلی عالمی کانفرنس میں اپنے وفد کی قیادت بھی کریں گے۔

اقوام متحدہ کے سیکرٹری جنرل بان کی مون اور ترکمانستان مشترکہ طور پراس کانفرنس کی میزبانی کر رہے ہیں،جس میں حکومتی سربراہوں، وزرا، نجی شعبوں کے چیف، سول سوسائٹی کے رہنمااقوام متحدہ کے حکام سمیت 15مندوبین شرکت کر رہے ہیں۔

کانفرنس میں پائیدار ترقی کے ایجنڈا 2030ء کے تحت پائیدار ٹرانسپورٹ کے حوالے سے مختلف امور پر تبادلہ خیال کیا جائے گا۔

واضح رہے کہ پاکستان ٹرانسپورٹ اور مواصلاتی رابطوں کے ذریعے وسط ایشیا کی ریاستوں کے ساتھ رابطوں کے فروغ کا خواہاں ہے۔

اسلام آباد: وزیر اعظم نوازشریف کا کہناہے کہ وزیر داخلہ چوہدری نثار علی خان نے ریاست کی حفاظت کے لیے اپنافرض بخوبی نبھایا۔

تفصیلات کےمطابق وزیراعظم نوازشریف کی زیرصدارت وزیراعظم ہاؤس میں وفاقی کابینہ کااہم اجلاس جاری ہےجس میں وفاقی وزیرداخلہ،اسحاق ڈار سمیت کابینہ کے دیگر ارکان نے شریک ہیں۔

وفاقی کابینہ کے اجلاس میں پولیس ٹریننگ کالج کے شہدا اور گڈانی حادثے میں جاں بحق افراد کے بلنددرجات کے لیے دعا کرائی گئی۔

وزیراعظم نوازشریف نے کہا کہ وفاقی وزیرداخلہ نے چوہدری نثار علی خان نے ریاست کی حفاظت کےلیےاپنا فرض ادا کیا۔وزیراعظم اورکابینہ نےاسلام آبادلاک ڈاؤن معاملےسےنمٹنےپروزیرداخلہ کے کردار کوسراہا۔

اس موقع پر وفاقی وزیرداخلہ چوہدری نثار علی خان کا کہناتھا کہ میں نےاپنافرض وزیراعظم کی قیادت اوررہنمائی میں پوراکیا۔انہوں نے کہا کہ وزیراعظم کےاعتماداورغیرمشروط تعاون پران کامشکورہوں۔

وفاقی وزیرداخلہ نے کہا کہ پولیس اورایف سی کےکردارکوخراج تحسین پیش کرتاہوں۔پولیس اورایف سی قانون اورریاست کےساتھ کھڑےرہے۔

وفاقی کابینہ نے وزیراعظم کے زیرصدارت اجلاس میں بچوں کے اغواسے متعلق عالمی کنونشن کے ساتھ الحاق کی منظوری دے دی۔

خیال رہے کہ وفاقی دارالحکومت اسلام آباد میں وزیراعظم نوازشریف کی زیر صدارت ہونے والےاجلاس میں کمپنیز ترمیمی بل اور افغان مہاجرین کی واپسی پر بھی غور کیا جارہاہے۔

مزید پڑھیں: پانامہ لیکس: وزیراعظم ہاؤس میں قانونی مشاورت کے لیے اجلاس

یاد رہے کہ گزشتہ روزوزیر اعظم نوا ز شریف سے قانونی ماہرین کی ٹیم کی پانامہ لیکس میں سپریم کورٹ کو جواب دینے کے لیے مشاورت کی گئی تھی۔وزیراعظم کے زیرِ صدارت اجلاس میں سپریم کورٹ میں داخل کرائے جانے والے جواب پر تبادلہ خیال کیا گیاتھا۔

مزیدپڑھیں:پاکستان تحریک انصاف آج یوم تشکر منارہی ہے

واضح رہے کہ پاناما لیکس کی تحقیقات سے متعلق دائردرخواستوں پرچیف جسٹس آف پاکستان انورظہیر جمالی کی سربراہی میں پانچ رکنی بینچ سماعت کررہا ہے۔

اسلام آباد: تحریک انصاف کے سربراہ عمران خان کا کہناہے کہ آصف زردرای منافق نہیں تھا اس نے کبھی نہیں کہا کہ پیسے واپس لائیں گے،نوازشریف اور شہباز شریف منافق ہیں۔

تفصیلات کےمطابق پاکستان تحریک انصاف کے چیئرمین عمران خان نے بنی گالہ کے باہر گفتگو کرتے ہوئے کہنا ہے کہ گزشتہ روز لوگوں کو گرفتار نہیں بلکہ اغوا کیا گیا۔انہوں نے کہا کہ لوگوں کو کس قانون کے تحت اٹھایاگیا۔

عمران خان کا کہناتھاکہ نوازشریف کے لیے جمہوریت یہ ہے کہ دھاندلی کرو،اقتدار میں آؤ، کرپشن کرو، پیسہ بناؤ، کیوں کہ ان کے بچے باہر بیٹھے ہیں اور کاروبار بھی باہر ہیں۔

تحریک انصاف کے سربراہ عمران خان کا کہناتھاکہ آصف علی زرداری شریف برادارن کی طرح منافق نہیں تھا وہ جو بھی تھا سب کے سامنے تھا۔

چیئرمین پاکستان تحریک انصاف نے سپریم کورٹ سے مطالبہ کیا کہ وہ تحریک انصاف کے کارکنان کی گرفتاریوں پر ازخود نوٹس لے۔

عمران خان کا کہناتھا کہ وزیراعلیٰ خیبرپختونخواہ کی سربراہی میں آج خیبرپختونخواہ سے تحریک انصاف کے کارکنوں کا وفد بنی گالہ پہنچیں گا۔

یاد رہے کہ گزشتہ روز عمران خان نے اپنے پیغام میں کہا تھا کہ کارکن جیسے بھی ممکن ہو بنی گالہ پہنچیں جہاں سے 2 نومبر کو اسلام آباد کی جانب مارچ کیا جائے گا۔

عمران خان کا یہ بھی کہنا تھا کہ پی ٹی آئی کا منصوبہ اسلام آباد کو لاک ڈاؤن کرنے کا نہیں بلکہ جب 10 لاکھ لوگ دارالحکومت پہنچیں گے تو اسلام آباد خود ہی بند ہوجائے گا۔

واضح رہے کہ اسلام آباد ہائی کورٹ نے تحریک انصاف کے سربراہ عمران خان کو پونے دس بجے طلب کیا تھا۔