Tag: نواز الدین صدیقی

بالی ووڈ کے معروف اداکار نواز الدین صدیقی کی سابقہ اہلیہ عالیہ صدیقی نے دوسری شادی کا اشارہ دے دیا۔

فوٹو اور ویڈیو شیئرنگ ایپ انسٹاگرام پر عالیہ صدیقی نے اپنے دوست کے ساتھ تصویر شیئر کی اور کیپشن میں لکھا کہ ’کیا مجھے خوش رہنے کا حق نہیں ہے۔‘

تاہم اب انہوں نے مذکورہ تصویر شیئر کرتے ہوئے ایک طویل پیغام لکھا اور کہا کہ ’جس رشتے کو میں قیمتی سمجھتی تھی اس سے نکلنے میں 19 برس سے زائد عرصہ لگ گیا لیکن میری زندگی میں میرے بچے ہی میری ترجیح تھے اور ہمیشہ رہیں گے۔‘

انہوں نے مزید لکھا کہ ’ کچھ رشتے ایسے ہوتے ہیں جو دوستی سے بڑھ کر ہوتے ہیں، اور یہ رشتہ وہی ہے، میں اس سے بہت خوش ہوں اور اپنی خوشی آپ کے ساتھ بانٹ رہی ہوں، کیا مجھے خوش رہنے کا حق نہیں ہے؟‘

بعد ازاں انہوں نے بھارتی میڈیا کو انٹرویو دیتے ہوئے مذکورہ تصویر میں موجود شخص کا نام لئے بغیر کہا کہ میں اپنی زندگی میں آگے بڑھ گئی ہوں اور اس شخص کے ساتھ دوستی سے بڑھ کر رشتہ ہے ہم دونوں ایک دوسرے کی بہت عزت کرتے ہیں، اس شخص کا تعلق بھارت سے نہیں بلکہ اٹلی سے ہے اور ہماری پہلی ملاقات دبئی میں ہوئی تھی۔

انہوں نے مزید کہا کہ روپیہ پیسہ کبھی بھی آپ کو خوشی نہیں دے سکتا بلکہ انسان دے سکتے ہیں اور یہ وہی انسان ہے جو مجھے خوشی دیتا ہے اور میری پرواہ کرتا ہے۔

ایک مداح کے سوال کا جاوب دیتے ہوئے عالیہ صدیقی نے کہا کہ ’بہت جلد اپنا ’سرنیم‘ تبدیل کردیں گی۔‘

خیال رہے کہ اداکار نواز الدین صدیقی اور عالیہ صدیقی طلاق کے بعد اپنے بچوں، بیٹے ’یانی‘ اور بیٹی ’شورا‘ کی تربیت و پرورش کی ذمہ داری باہمی رضا مندی سے مل کر اُٹھا رہے ہیں۔ تاہم گزشتہ کچھ عرصے سے عالیہ صدیقی اپنے سابق شوہر کے ساتھ کشیدہ تعلقات کے باعث شہ سرخیوں کا حصہ بنی ہوئی ہیں۔

بالی وُڈ اداکار نواز الدین صدیقی نے اپنی سابقہ اہلیہ عالیہ صدیقی اور اپنے بھائی کو 100 کروڑ روپے کے ہرجانے کا نوٹس بھیج دیا۔

بھارتی میڈیا کے مطابق نواز الدین صدیقی نے ممبئی ہائی کورٹ میں اپنی سابقہ اہلیہ عالیہ صدیقی عرف زینب صدیقی کے خلاف ایک ارب روپے کے ہرجانے کا کیس کیا ہے۔

انہوں نے اپنے بھائی شمس الدین صدیقی پر بھی تضحیک آمیز اور من گھڑت بیانات دینے کا الزام لگایا ہے، اداکار نے اپنی سابقہ اہلیہ اور بھائی سے تحریری معافی مانگنے کا مطالبہ بھی کیا ہے۔

مقدمے میں انہوں نے بتایا کہ شمس الدین 2008 میں اُن کے مینیجر تھے، انہوں نے اعتبار کر کے اپنے سارے مالی معاملات انہیں دے دیے۔

’اہلیہ نے بچوں کو یرغمال بنایا ہوا ہے‘ نواز الدین صدیقی نے خاموشی توڑ دی

اداکار نے یہ بھی الزام عائد کیا کہ شمس الدین نے اُن سے دھوکہ کیا اور اُن کے پیسوں سے پراپرٹی خریدی۔

نواز الدین صدیقی نے مزید الزام عائد کیا کہ جب انہیں اپنے بھائی کے فراڈ کا علم ہوا تو اس پر شمس الدین نے اُن کی سابقہ اہلیہ کو بھڑکانا شروع کر دیا کہ نواز کے خلاف جھوٹا مقدمہ درج کروایا جائے۔

اس کے علاوہ نواز الدین صدیقی نے ہائی کورٹ سے درخواست کی وہ عالیہ صدیقی اور شمس الدین کو ان کے بارے میں مزید بیانات دینے سے روکیں۔

واضح رہے کہ حالیہ دنوں میں اداکار اور عالیہ صدیقی کے درمیان پراپرٹی کے تنازع پر شدید جھگڑا ہوا تھا۔

دوسری جانب ہتک عزت کے مقدمے پر نواز الدین صدیقی کے بھائی شمس الدین نے بھی اُن پر الزامات لگائے ہیں۔

اپنی ٹویٹ میں انہوں نے کہا کہ ’اداکار نے ان کی زندگی کے 11 سال برباد کیے ہیں اور 11 مزید سنگین جرائم کیے ہیں۔‘

انہوں نے نواز الدین پر یہ بھی الزام لگایا کہ وہ تین مرتبہ شادی کر چکے ہیں، انہوں نے ہندی میں لکھا کہ پیارے بھائی نواز الدین صدیقی یہ الزامات نہیں ہیں جذبات ہیں۔

اس سے قبل جنوری میں نواز الدین صدیقی اس وقت میڈیا کی زینت بنے جب اُن کی اہلیہ نے الزام لگایا تھا کہ انہیں اداکار کے گھر میں ہراسیت کا سامنا کرنا پڑ رہا ہے۔

ممبئی: بالی وڈ اداکار نواز الدین صدیقی گھریلو جھگڑوں سے تنگ آکر اپنے گھر سے ممبئی کے ہوٹل شفٹ ہوگئے۔

بھارتی میڈیا رپورٹس کے مطابق  والدہ مہر النساء صدیقی اور اہلیہ عالیہ صدیقی کے درمیان جائیداد پر جھگڑے سے تنگ آکر انہوں نے یہ قدم اٹھایا ہے ۔

 نواز الدین کے والد سے منسوب ان کے خوابوں کا گھر جس میں 6 بیڈرومز، 2 بڑے ہال اور باغ بانی کے لیے 2 کشادہ لان ہیں، اب ان کی والدہ اور اہلیہ کے جھگڑے کے باعث کسی ڈراؤنے خواب کا منظر پیش کر رہا ہے۔

’نواز الدین صدیقی کے اہلخانہ کھانے اور سونے نہیں دیتے‘

ھارتی میڈیا کے مطابق نواز الدین کے دوست کا کہنا ہے کہ اداکار جائیداد کو لے کر ہونے والے گھریلو جھگڑوں سے تنگ آکر  ہوٹل منتقل ہوگئے ہیں اور جب ان کے وکیل اس معاملے کو قانونی طور پر سُلجھا لیں گے، تب وہ واپس آجائیں گے۔

خیال رہے کہ نواز الدین کی والدہ  نے جائیداد کے تنازع پر اپنی بہو عالیہ صدیقی کے خلاف مقدمہ درج کروایا تھا۔

بھارت کے معروف اداکار نواز الدین صدیقی نے ایک حالیہ انٹرویو میں انکشاف کیا کہ وہ ساؤتھ انڈین اداکار رشبھ شیٹی سے حسد کرتے ہیں۔

بھارتی میڈیا رپورٹس کے مطابق نوازالدین نے ایک انٹرویو میں کُھل کر بات کرتے ہوئے بتایا کہ وہ رشبھ شیٹی سے حسد کرتے ہیں، تاہم، انہوں نے وضاحت دیتے ہوئے کہا کہ حسد کرنا، منفی معنوں میں نہیں ہے بلکہ وہ رشبھ شیٹی کے اچھے کام کی وجہ سے ان سے حسد کرتے ہیں۔

نواز الدین کا کہنا ہے کہ پورے ملک نے رشبھ شیٹی کے کام کو خود دیکھا اور حیران ہوں کہ کیسے رشبھ نے خاموشی سے کامیابی کے تمام ریکارڈ توڑ دیئے۔

انہوں نے کہا کہ  اب اگر کوئی اچھا کام کرتا ہے تو اس سے تھوڑی بہت جیلیسی تو ہوتی ہے لیکن یہ منفی معنوں میں نہیں ہے بلکہ مقابلہ کرنے اور اس سے بہتر پرفارم کرنے کی جستجو پیدا ہوتی ہے۔

یاد رہے کہ نواز الدین اپنی آنے والی فلم ’ہڈی‘ میں ٹرانسجینڈر کے کردار میں نظر آئیں گے۔