Tag: نواز شریف

مری : وزیراعظم شہباز شریف اور وزیراعلیٰ پنجاب مریم نواز دونوں مری پہنچ گئے ہیں، جہاں نواز شریف کی زیرصدارت اہم اجلاس کچھ دیر میں متوقع ہے۔

مری: مسلم لیگ ن کے قائد نواز شریف نے وزیراعظم شہباز شریف اور وزیراعلیٰ پنجاب مریم نواز کو مری طلب کر لیا ہے ،جس کے بعد وزیراعظم اور وزیراعلیٰ پنجاب دونوں مری پہنچ گئے ہیں۔

نواز شریف کی زیرصدارت اہم اجلاس کچھ دیر میں متوقع ہے، جس میں بھارتی آبی جارحیت کے سبب پنجاب میں سیلابی صورتحال کا جائزہ لیا جائے گا۔

اجلاس میں متعلقہ حکام کی جانب سے سیلابی صورتحال پر تفصیلی بریفنگ دی جائے گی۔

مزید براں اجلاس میں ملکی سیاسی اور معاشی صورتحال پر بھی غور کیا جائے گا تاکہ موجودہ چیلنجز کے لیے مناسب حکمت عملی تیار کی جا سکے۔

اس سے قبل وزیراعظم کی زیرصدارت ایک ہنگامی اجلاس میں دریائے چناب، ستلج اور راوی میں جاری سیلابی صورتحال کا جائزہ لیا گیا۔

اجلاس میں چیئرمین این ڈی ایم اے نے وزیراعظم کو متاثرہ علاقوں میں سیلاب کی موجودہ صورتحال اور انتظامات کے بارے میں تفصیلی بریفنگ دی۔

وزیراعظم نے کہا کہ سیلابی صورتحال اور بارشوں کی بروقت اطلاع نے قیمتی جانی اور مالی نقصان کو کم کیا ہے، اور اس سلسلے میں پیشگی اطلاع کے نظام کو مزید مؤثر بنانے کی ہدایت دی۔

اجلاس میں وزیراعظم نے ہدایت کی کہ گجرات، سیالکوٹ اور لاہور میں اربن فلڈنگ سے نمٹنے کے لیے فوری اقدامات کیے جائیں اور پنجاب میں سیلابی صورتحال کے پیش نظر بجلی کی بلا تعطل فراہمی کو یقینی بنایا جائے۔

وزیر مواصلات، وزیر توانائی اور چیئرمین این ایچ اے کو لاہور پہنچ کر عملی تعاون فراہم کرنے کی ہدایت بھی دی گئی۔

وزیراعظم کا کہنا تھا کہ کسی بھی صوبے میں سیلابی صورتحال پر مکمل ہم آہنگی کے ساتھ مسائل حل کیے جائیں، اور وفاقی حکومت کےپی میں حالیہ سیلاب کے پیش نظر ہر ممکن تعاون جاری رکھے گی۔

مری (20 جولائی 2025): شریف خاندان کی اہم بیٹھک میں پنجاب کابینہ سے متعلق بڑا فیصلہ کیا گیا ہے اور نواز شریف نے گرین سگنل دے دیا ہے۔

اے آر وائی نیوز کے مطابق پاکستان کے تفریحی پہاڑی مقام مری میں شریف خاندان کی اہم بیٹھک ہوئی ہے۔ اس بیٹھک میں ن لیگ کے صدر نواز شریف، وزیراعظم شہباز شریف، وزیراعلیٰ پنجاب مریم نواز، سابق وزیر اعلیٰ پنجاب حمزہ شہباز نے شرکت کی۔

ذرائع نے بتایا کہ اس اہم بیٹھک میں پنجاب کابینہ میں توسیع کا فیصلہ کیا ہے اور مجموعی طور پر مزید 10 وزرا اور مشیروں کو کابینہ میں شامل کیے جانے کا امکان ہے۔

ذرائع کے مطابق کابینہ میں شامل ہونے والے وزرا اور مشیروں کی اکثریت جنوبی پنجاب سے ہوگی اور کابینہ میں یہ توسیع آئندہ ماہ متوقع ہے۔

ذرائع نے یہ بھی بتایا کہ ن لیگ کے صدر نواز شریف نے پارٹی رہنماؤں کو نہ صرف پنجاب کابینہ کی توسیع کا گرین سگنل دے دیا ہے، بلکہ نواز شریف اور مریم نواز اراکین سے ملاقاتوں میں نام بھی شارٹ لسٹ کر چکے ہیں۔

واضح رہے کہ نواز شریف گزشتہ تین روز سے مری میں کشمیر پوائنٹ باغ شہیداں میں اپنی رہائشگاہ پر قیام پذیر ہیں۔

وزیراعظم شہباز شریف بھی مری پہنچے اور ان کی دعوت پر نواز شریف اور مریم نواز ڈونگا گلی پہنچے، جہاں یہ اہم مشاورت اور فیصلہ کیا گیا۔

لاہور (13 جولائی 2025): اسپیکر قومی اسمبلی ایاز صادق کا کہنا ہے کہ نواز شریف کی حکومت ایک سازش کے تحت ختم کی گئی تھی۔

اسپیکر قومی اسمبلی ایاز صادق نے لاہور میں میڈیا سے گفتگو کرتے ہوئے کہا ہے کہ 2017 میں نواز شریف کی حکومت ایک سازش کے تحت ختم کی گئی تھی۔ اس سازش کا مقصد ملک کی ترقی کا پہیہ روکنا تھا اور یہی ہوا کہ ہماری حکومت ختم کر کے ترقی کا پہیہ روکا گیا۔

ایاز صادق نے کہا کہ ن لیگ کے بعد آنے والی پی ٹی آئی حکومت نے آئی ایم ایف معاہدے کی خلاف ورزی کی اور معیشت کو بہت نقصان پہنچایا۔ ہماری قیادت نے ایک بار پر ملک کو دیوالیہ ہونے سے بچایا ہے اور اللہ کی مہربانی سے پاکستان معاشی ترقی کے ٹریک پر چلنا شروع ہو گیا ہے۔

ان کا کہنا تھا کہ اس وقت میں چند عناصر نے ہماری قیادت کی بیماری کا مذاق اڑایا تھا، لیکن ہمارےسیاسی مخالفین آج مکافات عمل کا شکار ہیں۔

اسپیکر قومی اسمبلی کا کہنا تھا کہ وزیراعظم شہباز شریف کی قیادت میں ملک نے ترقی کا سفر شروع کر دیا ہے۔ حکومت اور مسلح افواج کی قیادت نے 10 مئی کو ہندوستان کو منہ توڑ جواب دیا۔

واضح رہے کہ 2013 کے عام انتخابات کے نتیجے میں نواز شریف نے اکثریت حاصل کر کے ریکارڈ تیسری بار پاکستان کے وزیراعظم کا منصب سنبھالا تھا۔ تاہم پچھلی دو بار کی طرح اس بار بھی وہ بطور وزیراعظم اپنی 5 سالہ مدت پوری نہ کر سکے۔

سپریم کورٹ نے جولائی 2017 میں نواز شریف کو متحدہ عرب امارات میں کام کرنے کا اقامہ ظاہر نہ کرنے کی بنیاد پر صادق اور امین کی شق کی خلاف ورزی کا مرتکب ٹھہرایا اور پانچ صفر کی اکثریت سے نہ صرف وزارت عظمیٰ کے منصب بلکہ اسمبلی سے بھی نا اہل قرار دے دیا۔

تاہم اس وقت کی اسمبلی نے اپنی 5 سالہ مدت مکمل کی اور تاہم ن لیگ کی حکومت بھی برقرار رہی۔ نواز شریف کو نا اہل قرار دیے جانے کے باعث ان ہاؤس تبدیلی لاتے ہوئے ن لیگ کے شاہد خاقان عباسی کو نیا وزیراعظم بنایا گیا۔

رانا ثنااللہ نے کہا ہے کہ وزیراعظم نے گزشتہ ڈیڑھ ماہ میں 3 بار اپوزیشن کو مذاکرات کی دعوت دی، نواز شریف بھی مذاکرات کے حق میں ہیں۔

وزیراعظم شہباز شریف کے مشیر برائے سیاسی امور رانا ثنااللہ کا کہنا ہے کہ جمہوریت میں مذاکرات سے معاملات حل ہوتے ہیں، ڈیڈلاک سے نہیں، نواز شریف مذاکرات کے حق میں ہیں، بجٹ والے دن بھی وزیراعظم نے مذاکرت کی بات کی۔

مشیر وزیراعظم رانا ثنااللہ نے کہا کہ ملک کو اس وقت اتحاد کی ضرورت ہے، تمام سیاسی جماعتیں چارٹر آف اکنامی پرمطمئن ہوجائیں۔

گزشتہ دنوں رانا ثنااللہ کا کہنا تھا کہ جیل میں بند کسی فرد سےمذاکرات نہیں ہوں گے، اگرمذاکرات کرنے ہیں تو بیرسٹر گوہر اور دوسرے سینئر رہنماوں کو حکومت سے کرنا ہوں گے۔

بانی پی ٹی آئی نے قاضی فائز عیسیٰ‌ کو انتہا تک پہنچا دیا، رانا ثنا اللہ

وزیراعظم کے مشیر رانا ثنا نے کہا کہ بانی پی ٹی آئی کوحق ہےحکومت کیخلاف تحریک چلانے کی کوشش کریں، وہ تحریک جوعوام کی پریشانی کا باعث بنے ایسا نہیں ہونا چاہیے۔

ان کا کہنا تھا کہ بانی پی ٹی آئی جس طرح کی تحریک چلاتے ہیں ویسے نہیں چل سکتیں، حکومتوں کیخلاف تحریکیں خود بخود چلتی ہیں اور کامیاب بھی ہوتی ہیں، بانی پی ٹی آئی اپنے کارکنان کیلئے مشکلات پیدا کریں گے۔

دریں اثنا اے آر وائی نیوز کے پروگرام آف دی ریکارڈ میں گفتگو کرتے ہوئے شرمیلافاروقی کا کہنا تھا کہ پی ٹی آئی میں مختلف دھڑے بن چکے ہیں، پی ٹی آئی صوبائی سطح پر بالکل بھی ڈیلیورنہیں کرسکی، پی ٹی آئی کے اپنے ایم پی ای زان سے بیزار ہیں۔

شرمیلا فاروقی نے کہا کہ تحریک عدم اعتماد اپوزیشن جماعتوں کا حق ہوتا ہے، پی ٹی آئی حکومت کو سوات واقعے کے بعد ذمہ داری کا مظاہرہ کرنا چاہیے تھا۔

https://urdu.arynews.tv/pti-meeting-dialogue-with-government-protest-aleema-khan/

لندن : صدر مسلم لیگ ن نواز شریف نے سیالکوٹ میں مسلم لیگ ن کی جیت کا سہرا شہباز شریف اور مریم نواز کو دے دیا۔

تفصیلات کے مطابق صدر مسلم لیگ ن میاں نوازشریف نے لندن میں میڈیا سے گفتگو کرتے ہوئے کہا کہ پوری دنیا کی نظریں مسئلہ کشمیر پر لگی ہیں، مسئلہ کشمیر حل کا متقاضی ہےاقوام متحدہ کواحساس ہوناچاہیے، اقوام متحدہ کو کشمیر اورفلسطین پراپنی قراردادوں پرعمل کرانا چاہیے۔

ن لیگی صدر کا کہنا تھا پاکستان کےعالمی سطح پروقارمیں اضافہ ہواہے، دوست ممالک نے ہمیشہ پاکستان کاساتھ دیا ہے، تمام دوست ممالک پاکستان کو سپورٹ کرتے ہیں۔

انھوں نے کہا کہ پاکستان کے حالات بہتر ہو رہے ہیں، پاکستان کے عوام کو ماضی کے مقابلے میں ریلیف مل رہا ہے۔

مزید پڑھیں : مسلم لیگ ن نے ملک کو میزائل ٹیکنالوجی دی، نواز شریف

سابق وزیراعظم کا کہنا تھا کہ شہباز شریف اور مریم نواز کے اچھے کاموں کی وجہ سے عوام نے ن لیگ کو ووٹ دیا، پنجاب حکومت مریم نواز کی سربراہی میں اچھا کام کررہی ہے۔

نوازشریف نے لندن کے مقامی اسپتال میں میڈیکل چیک اپ کرایا اور بتایا میری صحت ٹھیک ہے۔