Tag: نواز شریف

اسلام آباد : توشہ خانہ نیب ریفرنس میں سابق وزیراعظم نوازشریف آج احتساب عدالت میں بھی پیش ہوں گے، عدالت نے نوازشریف کے وارنٹ معطل کرکے خود کو حوالے کرنے کا موقع دیا تھا۔

تفصیلات کے مطابق سپریم کورٹ کے فیصلےکی روشنی میں سابق وزیر اعظم سمیت ،یوسف رضاگیلانی اورآصف زرداری کیخلاف توشہ خانہ ریفرنس لہ سماعت آج ہوگی۔

احتساب عدالت کے جج محمد بشیر کیس کی سماعت کریں گے، نواز شریف اور یوسف رضا گیلانی احتساب عدالت پیش ہوں گے۔

سابق وزیراعظم یوسف رضا گیلانی احتساب عدالت پہنچ گئے تاہم سابق صدرآصف زرداری آج احتساب عدالت پیش نہیں ہوں گے۔

احتساب عدالت کے باہر اسلام آباد پولیس کی سیکیورٹی کےسخت انتظامات کئے گئے ہیں ، احتساب عدالت میں صرف متعلقہ وکلااورصحافیوں کوداخلےکی اجازت ہوگی۔

لیگی وکلاو رہنماؤں کا بھی احتساب عدالت آمد کا سلسلہ جاری ہے، سینیٹرافنان اللہ،نہال ہاشمی و دیگر احتساب عدالت پہنچ گئے، اس موقع پر نہال ہاشمی نے کہا کہ انتقام پر یقین نہیں رکھتے،انتقام نہیں انصاف ہوناچاہیے، انصاف کیلئے چیف جسٹس قاضی فائزعیسیٰ اور عدالتیں موجود ہیں

آصف زرداری کی جانب سے فاروق نائیک احتساب کی خصوصی عدالت میں پہنچ گئے ہیں، اس موقع پر فاروق ایچ نائیک کا کہنا ہے کہ آصف زرداری کی طبیعت ناساز ہے، ان کی جانب سے درخواست دی جائیگی، سپریم کورٹ کےفیصلےکےبعد یہ ریفرنس ری اوپن ہواپہلی سماعت ہے، کیس میں آصف علی زرداری کی جگہ میں پیش ہوں گا۔

یاد رہے ،نوازشریف کوعدم حاضری پرعدالت نےاشتہاری قراردےرکھاتھا، احتساب عدالت نےنوازشریف کےوارنٹ معطل کرکےخود کو حوالے کرنے کاموقع دیاتھا،عدالت نےنوازشریف کوآج عدالت میں پیش ہونےکی ہدایت کررکھی ہے۔

اسلام آباد : اسلام آباد ہائی کورٹ نے سابق وزیراعظم نواز شریف کی کل پیشی کے موقع پر سرکلر جاری کردیا، جس میں کہا انٹری کارڈ جاری ہونے والوں کو کمرہ عدالت میں داخلے کی اجازت ہوگی۔

تفصیلات کے مطابق سابق وزیراعظم نواز شریف کی کل اسلام آباد ہائی کورٹ میں پیشی سے متعلق سرکلر جاری کردیا گیا۔

جس میں کہا ہے کہ کمرہ عدالت میں صرف ان افراد کو داخلے کی اجازت ہوگی جنہیں رجسٹرار سے انٹری کارڈ جاری ہوں گے۔

سرکلر میں کہنا تھا کہ 15 پٹیشنرز، وکلا ٹیم اور 10 لا افسران کو کمرہ اور 30صحافیوں کو کمرہ عدالت میں داخلے کی اجازت ہو گی۔

یاد رہے اسلام آباد ہائیکورٹ نے العزیزیہ اور ایون فیلڈریفرنس میں نواز شریف کو وطن واپسی پر ائیرپورٹ پر گرفتار کرنے سے روک دیا تھا اور 24 اکتوبر تک حفاظتی ضمانت منظور کرلی تھی۔

چیف جسٹس عامر فاروق اور جسٹس میاں گل حسن اورنگزیب نے نواز شریف کو ایئرپورٹ پرگرفتاری سےروکنےکااحکامات جاری کئے تھے، نیب نے نواز شریف کو واپسی پر حفاظتی ضمانت دینے کے لیے کوئی اعتراض نہیں کیا۔

لاہور: پاکستان مسلم لیگ ن لاہور کے صدر ملک سیف الملوک کھوکھر کا کہنا ہے کہ لاڈلا تو اب بھی لاڈلا ہے جیل میں دیسی مرغے کھلائے جارہے ہیں۔

تفصیلات کے مطابق پاکستان مسلم لیگ ن لاہور کے صدر ملک سیف الملوک کھوکھر نے پاکستانی عوام کا شکریہ ادا کرتے ہوئے کہا کہ جس نے بھی جلسے کے لئے وقت نکالااس نے پاکستان کی بہتری کے لئے وقت نکالا، پانچ سےدس فیصد قافلے پنڈال میں پہنچ سکے۔

سیف الملوک کھوکھر کا کہنا تھا کہ پاکستان ایشیا کاٹائیگر بننے جارہا ہے، پہلے بھی نواز شریف پاکستان کو ترقی کی طرف لے کرگئے اور اب بھی ایسا ہی ہوگا ، ہر دور میں میاں صاحب ایک بہتر پلان لائے ہیں اس بار بھی ایسا ہوگا۔

ن لیگی رہنما نے کہا کہ مجھ پر ایف آئی آر درج ہوئی میرے بچے اسکول تک نہ جاسکے ، پی ٹی آئی کو کبھی انتقامی کارروائیوں کا نشانہ نہیں بنایا گیا۔

لاڈلا تو اب بھی لاڈلا ہے جیل میں دیسی مرغے کھلائے جارہے ہیں، ہم نے کسی کو چور نہیں بنانا ہمارا ایسا کوئی ارادہ نہیں۔

لاہور : مسلم لیگ ن کے قائد میاں نواز شریف آج مری جائیں گے ، جہاں اہم سیاسی ملاقاتیں کریں گے اور کل اسلام آباد ہائی کورٹ میں پیش ہوں گے۔

تفصیلات کے مطابق وطن واپسی کے بعد مسلم لیگ ن کے قائد میاں نوازشریف نے سیاسی سرگرمیاں شروع کردیں۔

نوازشریف آج لاہور سے مری پہنچیں گے، ذرائع کا کہنا ہے کہ مری میں قیام کے انتظامات مکمل کرلیے گئے ہیں ، نواز شریف مری میں قیام کے دوران اہم سیاسی ملاقاتیں کریں گے۔

ذرائع نے بتایا کہ نوازشریف مری میں آج قیام کے بعد کل اسلام آباد ہائی کورٹ میں پیش ہوں گے۔

گزشتہ روز سابق وفاقی وزیرقانون اعظم نذیرتارڑ اور سابق وزیر خزانہ اسحاق ڈار نے نوازشریف سے جاتی امرا میں ملاقات کی، ملکی سیاسی صورتحال اور قانونی امور پر گفتگو کی گئی۔

سابق وزیراعظم شہبازشریف اور حمزہ شہباز نے فیملی ممبران کے ہمراہ نوازشریف سے ملاقات کی، نوازشریف سے قریبی رشتہ داروں نے بھی ملاقات کی اورانہیں صحتیابی اور چارسال بعد وطن واپسی پرمبارکباد دی۔

یاد رہے ہفتے کے روز سابق وزیراعظم نواز شریف 4 سال بعد پاکستان پہنچے تھے ، اسلام آباد آتے ہی سب سے پہلے انھوں نے قانونی ٹیم سے مشاورت کی اور ایئرپورٹ پر ہی ایون فیلڈاورالعزیزیہ ریفرنسز میں سزا کے خلاف اپیلوں کی درخواست پردستخط کیے اور بائیومیٹرک کے بعد لاہورروانہ ہوئے۔3

بعد ازاں نوازشریف کے جہاز نے لاہور ایئرپورٹ پرلینڈ کیا ، جہاں شہبازشریف نے استقبال کیا اور نوازشریف لاہور ایئرپورٹ سے ہیلی کاپٹر میں سوار ہو کر مینار پاکستان کے قریب شاہی قلعہ سے جلسہ گاہ پہنچے تھے۔

کراچی : مسلم لیگ ن کے سینئر رہنما نیئربخاری نے دعویٰ کیا کہ پیپلزپارٹی ووٹ نہ دیتی تو شہباز شریف کبھی وزیراعظم نہ بنتے، اب اگلے وزیراعظم نواز شریف نہیں بلاول بھٹو ہوں گے۔

تفصیلات کے مطابق مسلم لیگ ن کے سینئر رہنما نیئربخاری نے اپنے بیان میں کہا کہ ملک وقوم کی خدمت صرف پیپلزپارٹی کی تاریخ ہے، جنوری کےآخری ہفتےمیں انتخابات ہونےچاہئیں، جنوری کےآخری ہفتےمیں الیکشن نہ ہوئےتوآئین کولپیٹنےکےمترادف ہوگا۔

نیئر بخاری کا کہنا تھا کہ ن لیگ نے شہبازشریف کو وزیراعظم بنانے کیلئے منتیں کی تھیں، پیپلزپارٹی ووٹ نہ دیتی تو شہباز شریف کبھی وزیراعظم نہ بنتے، اگلے وزیراعظم نوازشریف نہیں بلاول بھٹو ہوں گے۔

پی پی رہنما نے کہا کہ پیپلزپارٹی سیاسی جماعتوں سے بات چیت کے لئے تیار ہے لیکن ریاست مخالف قومی سلامتی اداروں پر حملہ آوروں سے گفتگو نہیں ہو سکتی۔

ان کا کہنا تھا کہ نواز شریف کی وطن واپسی میں سہولتیں فراہم کی جارہی ہیں، نگراں حکومت مسلم لیگ ن کوسہولتیں فراہم کررہی ہے، نواز شریف کو جتنا ریلیف ملا اس کی پہلےمثال نہیں ملتی، واضح ہوگیا ن لیگ عدلیہ سے ریلیف لینے کی ماہر ہے۔

اسلام آباد : سابق وزیراعظم نواز شریف نے العزیزیہ اور ایون فیلڈ ریفرنسز میں اپیلیں بحال کرنے کی درخواستوں پر دستخط کردیئے اور اپیلوں سے متعلق قانونی ٹیم کو ہدایات بھی دیں۔

تفصیلات کے مطابق تفصیلات کے مطابق ن لیگ قائد اور سابق وزیر اعظم نواز شریف 4سال بعد پاکستان پہنچ گئے، جس کے بعد ایمیگریشن ، قانونی ٹیم سے مشاورت کیلئے طیارے سے باہر گئے۔

نواز شریف نے وکلا کی ٹیم کے ساتھ ایئرپورٹ لاؤنج میں مشاورت کی اور ایون فیلڈ، العزیزیہ ریفرنسز میں اپیلوں پردستخط کردیئے۔

نوازشریف نے اپیلوں سے متعلق قانونی ٹیم کو ہدایات بھی دیں ، وکلا نے عدالت کو کہا تھا کہ نوازشریف اسلام آباد آئیں گے اور وکلا کی عدالت میں یقین دہانی پر نوازشریف دبئی سے اسلام آباد آئے۔

نواز شریف کی اسحاق ڈار اور وکلاکی لیگ ٹیم کے ساتھ ائیرپورٹ پرملاقات ہوئی، ملاقات میں ملکی سیاسی صورتحال اور پارٹی امورپر بھی تبادلہ خیال کیا گیا، اس موقع پر نواز شریف کو اسٹیٹ گیسٹ ہاؤس میں چائے پیش کی گئی۔

سابق وزیراعظم نواز شریف کی اپیلیں بحال کرنے کی درخواستیں آج یا پیر کو ہائیکورٹ میں دائر ہوں گی۔

مسلم لیگ ن کے رہنما اسحاق ڈار نے اس بار کی تصدیق کی کہ نوازشریف کابائیو میٹرک سرٹیفکیٹ بھی لیا گیا ہے اور نواز شریف نے قانونی دستاویزپر دستخط کئے اور تصدیقی کارروائی بھی مکمل ہوگئی ہے۔

بائیو میٹرک سرٹیفیکیٹ بھی لیا گیا-

قانونی دستاویزات پر دستخط لئے گئے
تصدیقی کاروآئی بھی مکمل کی گئی- pic.twitter.com/KNmtzrrVYu

— Ishaq Dar (@MIshaqDar50) October 21, 2023

اس سے قبل اسلام آبادایئرپورٹ پر میاں نواز شریف کی امیگریشن مکمل کی گئی اور پاسپورٹ پر پاکستان میں داخلےکی مہر لگائی گئی۔

لاہور : مسلم لیگ ن کے قائد نواز شریف کے جلسہ گاہ آمد کے شیڈول میں تبدیلی کردی گئی، لاہور ائیرپورٹ سے میاں نواز شریف جاتی امرا جائیں گے۔

تفصیلات کے مطابق مسلم لیگ ن کے قائد نواز شریف کے جلسہ گاہ آمد کے شیڈول میں تبدیلی کردی گئی، نواز شریف اسلام آباد آباد کے بعد لاہور ائیر پورٹ پہنچیں گے۔

نواز شریف لاہورائیر پورٹ سے بذریعہ ہیلی کاپٹر جاتی امرا جائیں گے ، جہاں آرام کے بعد شام 7 بجے جلسہ گاہ جائیں گے، نواز شریف کے ہمراہ شہباز شریف ، مریم نواز ، مریم اورنگزیب جلسہ گاہ جائیں گے۔

نواز شریف کو شاہی قلعہ میں ہیلی پیڈ سے گاڑیوں کے ذریعے جلسہ گاہ لایا جائے گا۔

خیال رہے مسلم لیگ ن کے قائد میاں نواز شریف وطن واپسی کے لئے روانہ ہوگئے ہیں ، نوازشریف کاطیارہ 10بجکر 42منٹ پر دبئی سے پاکستان روانہ ہوا۔

میاں نواز شریف کا طیارہ دبئی سے اسلام آباد لینڈ کرے گا ، جہاں مختصر قیام کے بعد لاہور ہوگا، نواز شریف کا 3 سے 4 بجے کے دوران لاہور ائیرپورٹ پہنچنے کا امکان ہے۔