Tag: نواز شریف

اسلام آباد : سابق وزیراعظم نوازشریف کی حفاظتی ضمانت کیلئے درخواست دائر کردی گئی، جس میں استدعا کی عدالت تک پہنچنے کے لیے حفاظتی ضمانت منظور کی جائے۔

تفصیلات کے مطابق ایون فیلڈ اور العزیزیہ ریفرنسز میں سابق وزیراعظم نوازشریف کی حفاظتی ضمانت کیلئے اسلام آباد ہائیکورٹ سے رجوع کرلیا گیا۔

درخواست میں کہا گیا کہ نواز شریف 21 اکتوبرکو اسلام آباد میں لینڈکریں گے، وہ اسپیشل فلائٹ سے اسلام آباد آرہے ہیں، ایون فیلڈ ریفرنس میں احتساب عدالت نے 6 جولائی 2018 کوغیرحاضری میں سزاسنائی، پٹیشنر کی اہلیہ لندن میں زیر علاج ،وینٹی لیٹر پر تھیں۔

درخواست میں بتایا گیا کہ فیصلہ سنانے کے اعلان میں تاخیر کی استدعا کی جو منظورنہ ہوئی، سزا کا فیصلہ غیرحاضری میں سنایاگیاتو پاکستان واپس آکرجیل کا سامنا ،اپیلیں دائر کیں،ریفرنس میں شریک ملزمان مریم نواز ،کیپٹن (ر)صفدر کی سزا کاالعدم قرار دیکربری کیا۔

دائر درخواست میں کہا کہ پٹیشنر کے پیش نہ ہونے کے باعث اپیل عدم پیروی پر خارج ہوئی،عدالت نے کہا جب سرینڈر کریں یا پکڑےجائیں تو اپیل دوبارہ دائر کر سکتے ہیں۔

درخواست میں استدعا کی کہ سرنڈر کے لیے حفاظتی ضمانت منظور کی جائے ، کیسز کا سامنا کرنا چاہتے ہیں ،عدالت تک پہنچنے کیلئےگرفتاری سے روکا جائے۔

نوازشریف کے وکلا نے حفاظتی ضمانت کی درخواست پر آج ہی سماعت کی استدعا کی، درخواست دائر کرنیوالے نواز شریف کے وکلامیں امجد پرویز اور اعظم تارڑ شامل تھے۔

درخواست میں نواز شریف نے اپیلیں بحال کرنے کی استدعا کردی ، اسلام آباد ہائی کورٹ نے عدم پیروی پراپیلیں خارج کر دی تھیں۔

نواز شریف کی دونوں درخواستوں کونمبر الاٹ کردیا گیا ، نواز شریف کی دونوں درخواستوں پررجسٹرار آفس نےکوئی اعتراض عائد نہیں کیا۔

اسلام آباد : مسلم لیگ ن کے قائد نواز شریف کی حفاظتی ضمانت کی درخواستیں آج دائرکی جائیں گی، نواز شریف ایون فیلڈاورالعزیزیہ ریفرنس میں سزا یافتہ ہیں۔

تفصیلات کے مطابق مسلم لیگ ن کے قائد نواز شریف کی العزیزیہ اورایون فیلڈریفرنس میں حفاظتی ضمانت کی درخواستیں آج دائرکی جائیں گی۔

ذرائع نے بتایا کہ سینئروکیل امجد پرویزدرخواستیں اسلام آبادہائیکورٹ میں دائر کریں گے۔

خیال رہے نواز شریف ایون فیلڈاورالعزیزیہ ریفرنس میں سزا یافتہ ہیں ، احتساب عدالت نے ایون فیلڈریفرنس میں نواز شریف کو 10سال قید اور 80لا کھ پاؤنڈ کی سزا اور العزیزیہ ریفرنس میں نواز شریف کو 7سال قید کی سزا سنائی تھی۔

نواز شریف کو 10سال کیلئے عوامی عہدے کیلئےبھی نااہل قراردیاگیاتھا ، بعد ازاں اسلام آبادہائیکورٹ کے 2رکنی بینچ نے نوازشریف کی اپیلوں پر سماعت کی تھی اور لندن میں قیام طویل ہونےپراسلام آباد ہائیکورٹ نے جون2021 میں نواز شریف کی اپیلیں خارج کردی تھیں۔

جدہ : پاکستان مسلم لیگ ن کے سربراہ اور سابق وزیراعظم میاں محمد نواز شریف لندن سے سعودی عرب پہنچ گئے ہیں، وہ 21 اکتوبر کو پاکستان پہنچیں گے۔

تفصیلات کے مطابق پاکستان مسلم لیگ ن کے سربراہ اور سابق وزیراعظم میاں محمد نواز شریف وطن واپس آنے کیلئے لندن سے سعودی عرب پہنچ گئے ہیں۔

نوازشریف سعودی عرب میں قیام کے بعد دبئی جائیں گے، وہاں سے اکیس اکتوبر کو خصوصی طیارے میں دبئی سے پاکستان کےلیے اڑان بھریں گے اور چار سال بعد پاکستان پہنچیں گے۔

نوازشریف کو ایون فیلڈ سے کارکنوں نے رخصت کیا اور ہیتھرو ایئرپورٹ پاکستانی ہائی کمشنرڈاکٹر فیصل ائیرپورٹ پر رخصت کرنے آئے، نگران حکومت میں پاکستانی ہائی کمشنر کی سزا یافتہ نواز شریف سے ملاقات پر سوال اٹھ گئے ہیں۔

واضح رہے نواز شریف دو ہزار انیس میں جیل سے علاج کا کہہ کرلندن گئے تھے۔

لندن : ہیتھرو ائیرپورٹ پر نگران حکومت میں پاکستانی ہائی کمشنر ڈاکٹر محمد فیصل کی سزا یافتہ نواز شریف سے ملاقات پر سوال اٹھ گئے۔

تفصیلات کے مطابق سابق وزیر اعظم نواز شریف نے وطن واپسی کا سفرشروع کردیا ، سعودی عرب روانگی کیلئے نوازشریف لندن کے ہیتھرو ائیرپورٹ پہنچے۔

نواز شریف جب اپنی رہائشگاہ ایون فیلڈ سے نکلے تو ن لیگی کارکنوں نے انہیں رخصت کیا۔

برطانیہ میں پاکستانی ہائی کمشنر ڈاکٹر محمد فیصل نواز شریف کو رخصت کرنے ہیتھرو ائیر پورٹ آئے اور الوداعی ملاقات کی ، نگران حکومت میں پاکستانی ہائی کمشنر کی سزا یافتہ نواز شریف سے ملاقات پر سوال اٹھ گئے۔

نوازشریف سعودی عرب میں قیام کے بعد دبئی جائیں گے اور وہاں سے چار سال بعد اکیس اکتوبر کو خصوصی طیارے سے پاکستان کےلیے اڑان بھریں گے۔

خیال رہے نواز شریف دو ہزار انیس میں جیل سے علاج کابول کرلندن گئے تھے۔

مسلم لیگ ن کی چیف آرگنائزر مریم نواز کا کہنا تھا کہ عوام پریشان ، نوجوان ،مزدور،دہاڑی دار بیروزگارہے، اسی لئے نوازشریف واپس آرہا ہے، نواز شریف قوم کو پھر اچھے دن دکھائے گا۔

لاہور : ایون فیلڈ اور العزیزیہ ریفرنس میں مسلم لیگ ن کے قائد نواز شریف کی حفاظتی ضمانت 16 یا 17 اکتوبر کو دائر کیےجانے کا امکان ہے۔

تفصیلات کے مطابق مسلم لیگ ن کے قائد نواز شریف کی حفاظتی ضمانت 16 یا 17 اکتوبر کو دائر کیےجانے کا امکان ہے۔

ذرائع نے بتایا ہے کہ نواز شریف کی حفاظتی ضمانت اسلام آباد ہائیکورٹ میں دائر کی جائے گی ، نواز شریف کی قانونی ٹیم کوحفاظتی ضمانت دائر کرنے کی اجازت دے دی گئی ہے۔

اسلام آباد ہائی کورٹ کے فیصلے کی روشنی میں حفاظتی ضمانت دائرکی جائے گی، جس میں حفاظتی ضمانت منظور کرنے کی استدعا کے ساتھ عدالت میں پیش ہونے کی استدعا کی جائے گی۔

ذرائع کے مطابق نواز شریف کی ایون فیلڈ اور العزیزیہ ریفرنس میں حفاظتی ضمانت دائر کی جائے گی۔

یاد رہے نواز شریف کو ایون فیلڈ میں 10سال اور العزیز یہ 7سال سزا سنائی گئی تھی، جس کے بعد 23 جون 2021 اسلام آباد ہائی کورٹ نے عدم پیشی پر نوز شریف کی اپیلیں خارج کی تھیں اور اسلام آباد ہائی کورٹ نے نواز شریف کو اشتہاری قرار دیا تھا۔

راولپنڈی : مسلم لیگ ن کے قائد نواز شریف کے استقبالیہ پوسٹرز پر کالا اسپرے کردیا گیا اور متعدد پوسٹرز پھاڑ دیے گئے۔

تفصیلات کے مطابق مسلم لیگ ن کی جانب سے قائد نواز شریف کے استقبال کی تیاریاں جاری ہے ، پارٹی نے مری روڈ پر نوازشریف کے استقبالیہ پوسٹرز آویزاں کئے۔

نوازشریف کے استقبالیہ پوسٹرز پر اسپرے کردیا گیا ، مری روڈ چاندنی چوک سے لیاقت باغ تک لگے پوسٹرز پر کالا اسپرے کیا گیا۔

مری روڈ پرلگے نواز شریف کے متعدد پوسٹرز بھی پھاڑ دیے گئے۔

لندن : مسلم لیگ ن کے قائد نواز شریف نے رہنماؤں سے مہنگائی کم کرنے کی تجاویز مانگ لیں اور کہا کہا ہم اقتدار میں آگئے تو عوام کو کیا اور کیسے ریلیف دیں گے۔

تفصیلات کے مطابق مسلم لیگ ن کے لندن میں ہونیوالے اجلاس کی اندرونی کہانی سامنے آگئی، ذرائع نے بتایا کہ 2 سیشن میں ہونیوالے اجلاس میں رہنماؤں نے مختلف تجاویز دیں۔

نوازشریف نے کہا خوشی ہے تمام ادارے اپنی حدود میں کام کررہے ہیں،، اگرماضی میں ایسا ہوتا توآج پاکستان کی صورتحال مختلف ہوتی۔

مسلم لیگ ن کے قائد کا کہنا تھا کہ اقتدار ملا تو اولین ترجیح عام آدمی کوریلیف فراہم کرنا ہوگا، عوام کو ریلیف نہ دے سکنے والا اقتدار بے سود ہوگا۔

انھوں نے مزید کہا کہ اقتدارسنبھالنے سے قبل تمام حقائق قوم کے سامنے رکھیں گے، ملک میں سرمایہ کاری لانے کے لئے مختلف آپشنز موجود ہیں، بیرونی دنیا بالخصوص دوست ممالک کےساتھ رابطے میں ہوں، اس حوالے سے حوصلہ افزا پیشرفت ہوئی ہے۔

نوازشریف نے اجلاس میں شرکا سے مہنگائی کم کرنے کی تجاویز مانگیں اور کہا ہم اقتدار میں آگئے تو عوام کو کیا اور کیسے ریلیف دیں گے۔

لاہور : مسلم لیگ ن کے صدر شہبازشریف نواز شریف کیلئے اہم پیغام لے کر لندن روانہ ہوگئے، کل لندن میں اہم بیٹھک ہوگی۔

تفصیلات کے مطابق مسلم لیگ ن کے صدر شہبازشریف پاکستان میں صرف ایک دن قیام کے بعد دوبارہ لندن روانہ ہوگئے ، شہبازشریف نواز شریف کیلئے اہم پیغام لے کر گئے۔

شہباز شریف رات گئے لندن پہنچیں گے ، جہاں کل لندن میں اہم بیٹھک ہوگی، جس میں صرف نواز شریف، شہباز شریف اور مریم نواز شرکت کریں گے۔

شہباز شریف کی لندن روانگی پر کئی سوالات اٹھ رہے ہیں ، شہباز شریف لندن سے پاکستان کے لیے یہ کہہ کر روانہ ہوئے تھے کہ وہ نواز شریف کا پاکستان میں استقبال کریں گے لیکن شہباز شریف کی ایک دن بعد ہی اچانک لندن واپسی کو سیاسی حلقے غیرمعمولی قراردے رہے ہیں۔

یاد رہے اس سے قبل سابق وزیراعظم شہباز شریف نے 21 اکتوبر کو نواز شریف کی پاکستان واپسی کا اعلان کرتے ہوئے کہا تھا کہ نواز شریف کا پاکستان آمد پر شاندار استقبال کیا جائے گا۔

انہوں نے کہا تھا کہ ان کے بھائی کو ایک سازش کے ذریعے اقتدار سے ہٹایا گیا اور 2018 کے عام انتخابات میں دھاندلی نے پاکستان کو خطے میں پیچھے چھوڑ دیا۔