Tag: نواز شریف

لاہور : شریف فیملی نے نواز شریف کو موجودہ حالات میں فوری وطن واپس نہ جانے کا مشورہ دے دیا۔

تفصیلات کے مطابق پنجاب اسمبلی کی تحلیل اور ممکنہ صوبائی انتخابات کے معاملے پر ن لیگ کے قائد نوازشریف کی فوری وطن واپسی کے امکانات کم ہیں۔

شریف فیملی نے نواز شریف کو موجودہ حالات میں فوری وطن واپس نہ جانے کا مشورہ دیا ہے۔

پارٹی ذرائع نے کہا کہ پارٹی کی سینئر قیادت نے نوازشریف کی فوری وطن واپسی کی درخواست کی تھی تاہم چند روز میں مریم نوازکی فوری وطن واپسی کا فیصلہ ہو گا۔

ذرائع نے بتایا تھا کہ مریم نواز واپس آکر حالات کے مطابق نواز شریف کی وطن واپسی پر آگاہ کرے گی۔

پارٹی ذرائع کا کہنا ہے کہ نواز شریف نے پارٹی رہنماؤں کو فوری طور پر انتخابات کی تیاری کی ہدایت کرتے ہوئے کہا ہے کہ پارٹی رہنما بھرپور تیاری کے ساتھ انتخابی میدان میں اتریں۔

اسلام آباد : مسلم لیگ ن کے قائد نواز شریف نے پنجاب اسمبلی میں اعتماد کے ووٹ پر سُبکی پر وفاقی وزیر داخلہ رانا ثنااللہ کو لندن بلالیا۔

تفصیلات کے مطابق وزیراعلیٰ پنجاب چوہدری پرویز الہٰی کے اسمبلی سے اعتماد کا ووٹ لینے پر ن لیگ کو سُبکی پر مسلم لیگ ن کے قائد نواز شریف نے وفاقی وزیر داخلہ رانا ثنااللہ کو لندن بلالیا۔

ملاقات میں دونوں کے درمیان پنجاب کی موجودہ سیاسی صورتحال اور آئندہ کے لائحہ عمل پر بات ہوگی۔

خیال رہے ن لیگی رہنماؤں نے دعوے کئے تھے کہ پرویزالہٰی اعتماد کا ووٹ حاصل نہیں کرسکیں گے لیکن ان دعوؤں کے برعکس وزیراعلیٰ پنجاب نے اعتماد کا ووٹ حاصل کرلیا تھا۔

یاد رہے اس سے قبل وزیراعلیٰ پنجاب چوہدری پرویز الہٰی کے اسمبلی سے اعتماد کا ووٹ لینے پر نواز شریف اور ن لیگ کی چیف آرگنائزر مریم نواز پارٹی کی صوبائی قیادت پر سخت برہمی کا اظہار کیا تھا۔

ن لیگی ذرائع نے کہا تھا کہ پنجاب میں سیاسی محاذ پر اس ناکامی کے بعد نواز شریف نے معاملے پر فوری طور پر رپورٹ طلب کرلی ہے اور پارٹی عہدیداروں سے استفسار کیا کہ یہ ناراض اراکین ووٹنگ کے لیے کیوں پہنچے، مقامی قیادت نے یہ سب کیوں مینیج نہیں کیا جس کی وجہ سے پارٹی کو ایک بار پھر سُبکی کا سامنا کرنا پڑا ہے۔

پارٹی ذرائع نے یہ بھی بتایا ہے کہ وفاقی وزیر داخلہ رانا ثنا اللہ جو ن لیگ پنجاب کے صدر بھی ہیں نے اس معاملے پر نواز شریف اور مریم نواز کو اپنی ابتدائی رپورٹ پیش کردی، جس میں مریم نواز کو فوری وطن واپسی کی تجویز دی گئی ہے۔

ذرائع کا کہنا ہے کہ رانا ثنا اللہ نے لندن میں موجود پارٹی قیادت پر واضح کردیا ہے کہ اگر مریم نواز فوری وطن واپس نہ آئیں تو پارٹی کو نقصان ہو سکتا ہے۔

لاہور : مسلم لیگ ن کے قائد نوازشریف نے اپنی اور مریم نواز کی وطن واپسی کیلئے تجاویز طلب کرلیں۔

تفصیلات کے مطابق پنجاب اسمبلی کی تحلیل اور صوبے میں ممکنہ انتخابات کے معاملے پر نواز شریف نے اپنی اور مریم نوازکی واپسی پرتجاویزطلب کر لیں۔

پارٹی ذرائع کا کہنا ہے کہ قیادت کی عدم موجودگی کی وجہ سے پارٹی کو مسائل کا سامنا ہے، اگر مرکزی قیادت وطن نہ پہنچی توآئندہ انتخابات میں ناقابل تلافی نقصان ہوسکتا ہے۔

پارٹی ارکان نے کہا ہے کہ نواز شریف، مریم نواز اور حمزہ شہباز بیرون ملک ہیں جبکہ شہباز شریف بطور وزیراعظم مصروف ہیں اور پارٹی کو وقت دینے سے قاصر ہیں۔

پارٹی ذرائع کے مطابق وزیراعلیٰ پنجاب کے اعتماد کے ووٹ کے مور پر بھی قیادت ملک میں ہوتی توحالات مختلف ہوسکتے تھے۔ .

ذرائع کا کہنا ہے مسلم لیگ ن کی سینئر قیادت کا اجلاس ایک دوروز میں طلب کیا جائے گا۔

لاہور: وزیر اعلیٰ پنجاب پرویز الٰہی نے اسمبلی تحلیل کی سمری بھجوادی جس کے بعد پاکستان ڈیمو کریٹک موومنٹ (پی ڈی ایم) میں کھلبلی مچ گئی ہے۔

اے آر وائی نیوز کے مطابق مسلم لیگ ن کے قائد نواز شریف، سابق صدر آصف علی زرداری اور پی ڈی ایم سربراہ مولانا فضل الرحمان کے درمیان ٹیلیفونک رابطہ ہوا ہے جس میں پنجاب کی صورت حال پر تبادلہ خیال کیا گیا ہے۔

ذرائع کا بتانا ہے کہ نواز شریف نے مولانا فضل الرحمان سے رابطہ کرکے ان کی خیریت دریافت کی، اس دوران ملکی سیاسی صورتحال، معاشی معاملات اور آئندہ عام انتخابات پر بھی تبادلہ خیال کیا گیا۔

ذرائع کا یہ بھی بتانا ہے کہ مسلم لیگ ن نے نواز شریف کو الیکشن میں جانے کا مشورہ دیا اور مریم نواز کی چند روز میں پاکستان واپسی کا امکان ہے۔

عام انتخابات کی راہ ہموارکرنے کیلئےعمران خان کی پی ڈی ایم

کیخلاف پیش قدمی

دوسری جانب عام انتخابات کی راہ ہموار کرنے کے لیے عمران خان کی پی ڈی ایم کے خلاف پیش قدمی جاری ہے، پنجاب اور کے پی کے بعد عمران خان اسلام آباد میں میدان سجانے کو تیار ہیں۔

ذرائع کا بتانا ہے کہ عمران خان نے قومی اسمبلی سے استعفوں کی منظوری کو حتمی شکل دینے کی ہدایت کردی ہے، پی ٹی آئی رہنما استعفوں کی منظوری کی حکمت عملی تیار کریں گے۔

تحریک انصاف رہنما اسپیکر قومی اسمبلی سے رابطے کریں گے اور ان کے سامنے پیش ہوکر استعفوں کی منظوری کا مطالبہ کریں گے۔

تلہ گنگ: وفاقی وزیر برائے منصوبہ بندی احسن اقبال کا کہنا ہے کہ نواز شریف عوام کی خدمت پر یقین رکھتے ہیں، چکوال کے عوام آج بھی نواز شریف سے محبت کرتے ہیں۔

اے آر وائی نیوز کے مطابق وفاقی وزیر برائے منصوبہ بندی احسن اقبال نے ورکرز کنونشن سے خطاب کرتے ہوئے کہا کہ 2013 میں جب ن لیگ نے حکومت سنبھالی تو لوڈشیڈنگ عروج پر تھی ہمارے دور حکومت میں ہی سی پیک منصوبہ آیا۔

انہوں نے کہا کہ پنجاب میں چار سال تک پی ٹی آئی کی حکومت تھی۔

احسن اقبال نے عمران خان پر تنقید کرتے ہوئے کہا کہ پنجاب میں چار سال تک بزدار کو عمران خان نے مسلط رکھا ایک منصوبہ بتائے جو بزدار سرکار نے شروع کیا ہو۔

لندن: مسلم لیگ ن کے قائد نواز شریف کا کہنا ہے کہ عمران خان کی ایماپرشہزاداکبرنےشہباز شریف پر جھوٹے الزامات لگائے لیکن اللہ نے سرخرو کیا۔

تفصیلات کے مطابق مسلم لیگ ن کے قائد نواز شریف نے ڈیلی میل کی معافی پر ردعمل دیتے ہوئے کہا کہ الله پاک نےشہباز شریف اور شریف خاندان کو سرخرو کیا ہے۔

نواز شریف کا کہنا تھا کہ عمران خان کی ایما پر شہزاد اکبر نے شہباز شریف پر جھوٹے الزامات لگائے لیکن برطانیہ کی سب سےبڑی اخبار ڈیلی میل نےعدم ثبوت کی بناپرمعافی مانگ لی۔

سابق وزیراعظم نے کہا کہ منی لانڈرنگ ، کرپشن اور کمیشن کک بیکس فنڈز کے الزام لگائے گئے، آفس کے غلط استعمال کے شہباز شریف پر جھوٹے الزامات لگائے گئے لیکن نیشنل کرائم ایجنسی پہلے ہی تحقیقات کر کے شہبازشریف کو کلین چٹ دے چکی۔

ان کا مزید کہنا تھا کہ برطانیہ میں نہ پی ایم ایل این کی حکومت ہے نہ تحریک انصاف کی ، برطانیہ ایک آزاد جمہوری ملک ہے،عوام کی حکمرانی ہے ، وہ ملک یہ کہہ رہا ہے، اس ملک کےاخبارنے معافی مانگی ہے۔

نواز شریف نے کہا کہ کسی کی معصومیت اوربے گناہی کا اس سے بڑااور کیا ثبوت ہو ، ڈیلی میل نےبغیرثبوت الزامات پر پھر معافی مانگی، عمران خان، ان کی پارٹی اور شہزاداکبر کو اپنا سر شرم سے جھکا لینا چاہیے۔