Tag: نواز شریف

لاہور : مسلم لیگ ن کے قائد نواز شریف نے حمزہ شہباز پنجاب اسمبلی بچانے کا ٹاسک دے دیا جبکہ ن لیگ نے ارکان پنجاب اسمبلی سے تحریک عدم اعتماد پر دستخط کرالئے ہیں۔

تفصیلات کے مطابق مسلم لیگ ن کے قائد نواز شریف نے حمزہ شہباز سے ٹیلی فونک رابطہ کرکے ضروری ہدایات دے دیں۔

ذرائع نے بتایا ہے کہ ن لیگ قائد نوازشریف نے حمزہ شہباز کو پنجاب اسمبلی بچانے کا ٹاسک دے دیا ہے۔

ذرائع نے بتایا ہے کہ ن لیگ نے ارکان پنجاب اسمبلی سے تحریک عدم اعتماد پر دستخط کرالئے، ضرورت پڑنے پر وزیراعلیٰ پنجاب پرویز الہٰی کے خلاف تحریک عدم اعتماد جمع کروا دی۔

ذرائع کا کہنا تھا کہ تحریک عدم اعتماد کا مقصد پنجاب اسمبلی کوتحلیل کرنے سے روکنا ہے۔

دوسری جانب اپوزیشن جماعتوں کے درمیان مشترکہ حکمت عملی کے لئے رابطے تیز ہوگئے ہیں ، حسن مرتضیٰ کی سربراہی میں وفد حمزہ شہبازسے ملاقات کیلئےماڈل ٹاؤن پہنچا۔

ملاقات میں ایم پی اے شازیہ عابد اور دیگر ارکان اسمبلی شامل تھے، ملاقات میں پنجاب اسمبلی کے مستقبل اور موجودہ سیاسی صورت حال پر تبادلہ خیال ہوگا اور وزیراعلیٰ پنجاب کواعتماد کا ووٹ لینے سمیت دیگرآپشنز پر بھی غور کیا جائے گا۔

اسلام آباد : مسلم لیگ ن کے قائد نواز شریف نے ضمنی انتخابات میں بدترین شکست پر برہمی کا اظہار کرتے ہوئے فوری رپورٹ طلب کرلی۔

تفصیلات کے مطابق ضمنی انتخابات میں ن لیگ کی بدترین شکست پرقائد نوازشریف نے پارٹی قیادت پر برہمی کا اظہار کیا۔

ذرائع کا کہنا ہے کہ نواز شریف نے لیگی وزرا اور عہدیداران کو سخت تنبیہ کرتے ہوئے اعلیٰ قیادت سے ضمنی انتخابات میں شکست کی فوری رپورٹ طلب کرلی۔

پارٹی ذرائع نے کہا ہے کہ نوازشریف نے شکست کے اسباب جاننے کے لئے فیکٹ فائنڈنگ کمیٹی بنانے کی ہدایت کر دی۔

گذشتہ روز ضمنی الیکشن کا میدان پی ٹی آئی نے مارتے ہوئے ن لیگ، اےاین پی اورایم کیوایم کو ان کے ہوم گراؤنڈ پر دھول چٹا دی۔

تحریک انصاف نے قومی اسمبلی کی آٹھ میں سے چھ اور پنجاب اسمبلی کی دو نشستوں پر کامیابی حاصل کی۔

عمران خان ایک ساتھ چھ نشستوں پر فتح حاصل کرنے والے پہلے پاکستانی سیاست دان بن گئے۔

قومی اسمبلی کی دو نشستوں پر پیپلزپارٹی کامیاب رہی جبکہ ن لیگ قومی اسمبلی کی کوئی نشست نہ جیت سکی۔

اسلام آباد : پیپلز پارٹی کے رہنما اعتزاز احسن نے انکشاف کیا ہے کہ سپریم کورٹ کے ججوں کی تقرری نہ ہونے کے پیچھے نواز شریف کا ہاتھ ہے۔

تفصیلات کےمطابق پیپلز پارٹی کے رہنما اعتزاز احسن نے اے آر وائی نیوز کے پروگرم الیونتھ آور میں گفتگو کرتے ہوئے کہا کہ پاکستان میں کوئی مستقبل کی پیشگوئی نہیں کرسکتا، پاکستان میں اگر کسی چیز کا بتاسکتے ہیں تو ماضی ہے۔

اعتزازاحسن کا کہنا تھا کہ کسی نے سوچاتھا پاکستان سے بھاگا نوازشریف بیٹی کو برابر میں بیٹھاکر پریس کانفرنس کرے گا، کسی نے سو چا تھا اسی ایون فیلڈ اپارٹمنٹ سے اس طرح پریس کانفرنس کرکے منہ چڑھائے گے۔

پی پی رہنما نے انکشاف کیا کہ نوازشریف جوڈیشل اسٹرکچر میں بھی رخنہ ڈال رہے ہیں ، سپریم کورٹ کے ججوں کی تقرری نہ ہونے کے پیچھے نواز شریف کا ہاتھ ہے۔

ان کا کہنا تھا کہ سپریم جوڈیشل کونسل کے اجلاس میں پانچ ججوں کے نام گئے جو مستردکر دیے گئے، سپریم جوڈیشل کونسل میں اٹارنی جنرل، وزیر قانون، اورصدرسپریم کورٹ بار نے ججوں کے ناموں پر مخالفت کی، یہ نواز شریف کے لوگ ہیں۔

ماہر قانون نے کہا کہ حکومتی اتحاد میں صرف پیپلز پارٹی بڑے سکون سے اپنا کام کررہی ہے، ہمارےوزیرخارجہ جرمنی ،اقوام متحدہ جا رہے ہیں اپناکام کر رہے ہیں۔

نواز شریف کے حوالے سے اعتزازاحسن کا کہنا تھا کہ نوازشریف بڑی آسانی سےہرچیز سےنکل جاتےہیں ایک تقریب میں ججوں سے پوچھا ملزم کے باہر جانے کی کوئی نظیرہے۔

انھوں نے مزید کہا کہ پاکستان میں مستقبل کی کوئی پیشگوئی نہیں کی جاسکتی، کیاپتہ نومبرمیں عمران خان دوبارہ حکومت میں آجائیں، 1985 میں کوئی سوچ سکتا تھا نوازشریف 3 بار وزیراعظم بن جائیں گے ، 4 سے 6 ماہ پہلے کوئی سوچ سکتا تھا یہ لوگ آج اقتدارمیں بیٹھےہوں گے۔

اسلام آباد : مسلم لیگ ن کے رہنما حنیف عباسی نے نواز شریف کی وطن واپسی کے حوالے سے بتایا ہےکہ نومبر کے آخر یا دسمبرمیں نواز شریف اپنے لوگوں کےدرمیان ہوں گے۔

تفصیلات کے مطابق مسلم لیگ ن کے رہنما حنیف عباسی نے میڈیا سے گفتگو کرتے ہوئے کہا کہ نومبرکےآخریادسمبرمیں نوازشریف اپنےلوگوں کےدرمیان ہونگے۔

پنجاب حکومت سے متعلق حنیف عباسی کا کہنا تھا کہ پرویزالٰہی کو اعتماد کا ووٹ لینا پڑے گا اس کے اپنے لوگ ساتھ نہیں۔

عمران خان پر تنقید کرتے ہوئے ن لیگی رہنما نے کہا کہ عمران خان کے تمام جھوٹ ایکسپوز ہوں گے، اسلام آباد کسی کو فتح نہیں کرنے دیا جائے گا۔

خیال رہے لندن میں موجود مسلم لیگ (ن) کے قائد اور سابق وزیر اعظم نواز شریف کی پاکستان واپس آنے کی تیاریاں جاری ہیں۔

نواز شریف کی لیگل ٹیم جلد عدالت سے رجوع کرے گی، اس سلسلے میں سابق وزیراعظم کے پاکستان واپسی کے لیے ساتھیوں سے مشورے جاری ہیں۔

ساتھیوں سے گفتگو میں نواز شریف نے کہا تھا کہ جلد پاکستان جانا چاہتا ہوں، ایک ایک دن باہر رہنا بھاری ہے۔