Tag: نواز شریف

اسلام آباد: سیاسی عدم استحکام پر مسلم لیگ ن نے نئی حکمت عملی بنالی، جس کے تحت جب تک نکالا نہ جائے حکومت نہیں چھوڑنی ہے۔

تفصیلات کے مطابق سیاسی کشیدگی اور عدم استحکام نے مسلم لیگ نون کو نئی حکمت عملی بنانے پر مجبور کردیا، ذرائع نے بتایا ہے کہ اکثریتی رائے میں کہا گیا ہے کہ جب تک نکالا نہ جائے، خود حکومت نہ چھوڑی جائے۔

سیاسی عدم استحکام پر نون کی نئی حکمت عملی۔جب تک نکالا نہ جائےحکومت نہ چھوڑیں۔اتحادی چھوڑیں یا اور وجہ بنےتوحکومت سےنکلیں،پارٹی میں حکومت کرنے پر 2رائے ہونےپرحکمت عملی بنائی تنگ کیاگیا تو بیانیہ بناکرعوام میں جائیںگے۔رہنمانون۔نوازشریف نے بعض رہنماوں کو 4 ماہ میں الیکشن تیاری کاکہا pic.twitter.com/82FboiVCgG

— Naeem Ashraf Butt (@naeemashrafbut3) June 9, 2022

ن لیگ کے سینئررہنما نے اے ار وائی نیوز کو بتایا کہ اگر اتحادی جماعتیں چھوڑ جائیں یا کوئی اور وجہ سے حکومت کرنے نہ دی گئی تو پھر بیانیہ بنا کر الیکشنز کا اعلان کیاجائے گا اور بیانیہ یہی ہوگا کہ ہمیں حکومت نہیں کرنے دی گئی۔

دوسری جانب نوازشریف نے چند پارٹی اور کچھ اتحادی جماعت کےرہنماوں سے گزشتہ دوہفتوں میں اہم ملاقاتوں میں انتخابات کی تیاری کا واضح اشارہ دیا اور کہا کہ ائندہ چار ماہ میں انتخابات کے لیے تیار رہیں۔

ذرائع کے مطابق شاہد خاقان نوازشریف سے ملاقات کرکے واپس لوٹے، سعدرفیق اورجاوید لطیف بھی لندن ملاقاتوں میں شریک رہے جبکہ چند اتحادی جماعتوں کے رہنماؤں نے بھی نوازشریف سے ملاقاتیں کیں۔

لاہور : تحریک انصاف کی رہنما ڈاکٹر یاسمین راشد نے نواز شریف کو پاکستان واپس آکر علاج کرانے کی پیشکش کردی۔

تفصیلات کے مطابق تحریک انصاف کی رہنما ڈاکٹر یاسمین راشد کی نواز شریف کووطن واپس آکرعلاج کرانے کی پیشکش کرتے ہوئے کہا ہمارےملک کے ڈاکٹر بہت قابل ہیں اب تو واپس آجائیں۔

یاد رہے سابق وزیر صحت پنجاب ڈاکٹر یاسمین راشد نے نوازشریف کو پاکستان واپس آنے کا مشورہ دیتے ہوئے کہا تھا کہ اگر نواز شریف نے سیاست کرنی ہے تو ملک واپس آئیں۔

خیال رہے چند ہفتے قبل مسلم لیگ ن کے قائد نواز شریف نے حکومت چھوڑنے کا سگنل دیا تھا۔

اس سے قبل مسلم لیگ ن کے رہنما عابد شیر علی نے نواز شریف کی پاکستان واپسی کی تصدیق کرتے ہوئے کہا تھا عمران خان نے جو پاکستان کےعوام کا حال کیا ہے،اس کا حساب لیا جائے گا۔

لاہور : مسلم لیگ ن کے قائد نوازشریف نے وزیراعظم شہبازشریف کو اتحادیوں کو فوری انتخابات پر امادہ کرنے کی ہدایت کردی۔

تفصیلات کے مطابق مسلم لیگ ن کے قائد نوازشریف نے وزیراعظم شہباز شریف کو اتحادیوں کو انتخابات پر آمادہ کرنے کا ٹاسک دے دیا اور کہا اتحادیوں کو بتائیں معیشت سنبھالنے کے لیے نیا مینڈیٹ چاہیے۔

نوازشریف نےPMکواتحادیوں کو انتخابات پر امادہ کرنےکا ٹاسک دیا.سخت فیصلےاسوقت کیےجاتےہیں جب تدارک بھی ہو، فیصلےکروانے ہیں توپھر یقین دہانی انتخابات 2023میں ہوں گے،اگرعمران خان کو کنٹرول نہیں کیاجاسکتا تو پھرہمیں فوری انتخابات میں جانا ہوگا، نوازشریف۔ فیصلہ اتحادیوں کی آمادگی پر ہوگ pic.twitter.com/kQyA7j9dZ4

— Naeem Ashraf Butt (@naeemashrafbut3) May 16, 2022

ذرائع نون لیگ نے بتایا کہ عالمی اداروں سےگفتگو اور بڑے فیصلوں کے لیے لانگ ٹرم حکومت ضروری ہے۔

نواز شریف کاکہنا ہے کہ سخت فیصلے اسوقت کیے جاتے ہیں جب کچھ عرصےبعد اسکا تدارک بھی ہوسکے، یہ نہیں ہوسکتا کہ ہم سخت فیصلے بھی کریں اور چار ماہ بعد انتخابات بھی کروادیےجائیں۔

انھوں نے کہا کہ سخت فیصلے کرانے بھی ہیں تویقین دہانی کرائی جائے کہ انتخابات 2023میں ہوں گے۔

نون لیگ کے قائد کا کہنا تھا کہ اگرعمران خان کو 2023 تک کنٹرول کیا جائے تو پھر ہی ہم بڑے فیصلے کریں گے ورنہ فوری انتخابات ہی موجودہ بحران کا حل ہے۔

ذرائع کے مطابق نوازشریف نے ہدایت کی حتمی فیصلہ اتحادیوں سے مشاورت اور امادگی کےبعد ہی ہوگا اور یہ اپشن بھی دی جائےگی کہ اگر اتحادی جماعتوں میں سے کسی کو واضح اکثریت نہ مل سکی تو موجودہ سیٹ اپ کی طرح انتخابات کے بعد مخلوط حکومت بھی بنائی جاسکتی ہے۔

ذرائع کا کہنا ہے کہ اس بات پر بھی غور کیاجارہا ہے کہ نگراں سیٹ اپ کے دورانیے کو بڑھایا جائے تاکہ کچھ بڑے فیصلے فوری کیے جاسکیں۔

اسلام آباد : وفاقی وزیر قانون اعظم نذیر تارڑ نے دعویٰ کیا ہے کہ نواز شریف آئندہ الیکشن سے پہلے پاکستان ضرورآئیں گے۔

تفصیلات کے مطابق وفاقی وزیر قانون سینیٹر اعظم نذیر تارڑ نے لاہور ہائیکورٹ بار کے استقبالیے سے خطاب کرتے ہوئےٓ دعویٰ کیا کہ انشا اللہ نواز شریف آئندہ الیکشن سے پہلے پاکستان ضرورآئیں گے۔

اعظم نذیر تارڑ کا کہنا تھا کہ قانون میں گنجائش موجود ہے ،ابھی ان کی صحت کےمسائل ہیں۔

وفاقی وزیر قانون نے کہا کہ قبل ازوقت الیکشن اتحادیوں کی مشاورت کیساتھ کرایا جائے گا اور الیکشن کمیشن نےبھی عام انتخابات کیلئے7،6ماہ کا وقت مانگا ہے۔

ان کا کہنا تھا کہ ایف آئی اے کی جانب سے منی لانڈرنگ کیس واپس لینے کی خبروں میں حقیقت نہیں ، شہباز شریف اور حمزہ کیسز کا سامنا کریں گے۔

استقبالیہ سے صدر سپریم کورٹ بار احسن بھون ، وائس چیئرمین پاکستان بار عبدالحفیظ اور ہائیکورٹ بار کے صدر اکبر ڈوگر نے بھی خطاب کیا۔

لاہور : مسلم لیگ ن کے قائد نوازشریف نے نون لیگ کے رہنماوں کو 2 اہم شخصیات سے ملاقات کی تفصیلات سے آگاہ کردیا جبکہ نومبر میں اہم تعیناتی کےحوالے سے بھی بات چیت کی گئی۔

تفصیلات کے مطابق لندن میں مسلم لیگ ن کے قائد نوازشریف سے نون لیگ کے اہم رہنماوں کی ملاقات کا احوال سامنے آگیا ،ذرائع ن لیگ نے بتایا کہ ملاقات میں نوازشریف نے پارٹی رہنماوں کو لندن میں چند روز قبل اہم شخصیات سے ملاقات سے متعلق تفصیلات بتائیں۔

جس کے بعد ملکی معاشی صورتحال پر وزیر خزانہ کی جانب سے بتایا گیا کہ ہمیں مشکل حالات سے نکلنے کےلیے تین سو ارب روپے کی فوری ضرورت ہے اور اس سلسلے میں سعودی عرب سے اٹھائیس فیصد ڈیفر ادائیگیوں پر جلد معاہدہ ہوجائے گا، جس کے تحت 2 ارب ڈالرز جلد ملیں گے جبکہ ائی ایم ایف سے بھی معاملات اخری مراحل میں ہیں۔

ملاقات میں یہ بھی طے ہوا کہ معاشی معاملات میں بڑے اور اہم فیصلوں پر اسحاق ڈار کی مشاورت لازمی ہوگی جبکہ نومبر میں اہم تعیناتی کےحوالے سے بھی بات چیت کی گئی۔

نون لیگ کےاہم رہنما نے اے ار وائی نیوز کو بتایا کہ وزیراعظم شہبازشریف لندن سےواپسی پر چین کا دورہ کریں گے۔

ذرائع کے مطابق پیپلپزپارٹی سے معاملات پر نون لیگ کی اکثریت نے انتخابی الائنس کی مخالفت کی تاہم میثاق جمہوریت ٹو پر عملدرامد پر سب کا اتفاق ہے۔

ذرائع نے بتایا کہ تحریک انصاف کے رہنماوں کے خلاف مقدمات بھی بنائےجائیں گے، جن میں کرپشن چارجز بھی شامل ہوں گے۔

نوازشریف کی وطن واپسی پر غور کیاگیا کہ کب اور کس طرح واپسی ہوسکتی ہے، جس پر طے ہوا کہ بجٹ کےبعد نوازشریف کی وطن واپسی کے آپشنز پر دوبارہ مشاورت کی جائے گی۔