Tag: نواز شریف

اسلام آباد : احتساب عدالت نے مسلم لیگ ن کے قائد نواز شریف کے صاحبزادوں حسن اور حسین نواز کی بریت کی درخواستوں پر فیصلہ محفوظ کرلیا، جو دو بجے سنایا جائے گا۔

تفصیلات کے مطابق احتساب عدالت کے جج ناصر جاوید رانا نے نواز شریف کے صاحبزادوں حسن نواز، حسین نواز کی بریت کی درخواستوں پر سماعت کی۔

حسن اور حسین نواز کی جانب سے قاضی مصباح الحسن ایڈوکیٹ عدالت پیش ہوئے جبکہ پلیڈر رانا محمد عرفان بھی عدالت کے روبرو پیش ہوئے۔

احتساب عدالت نے ڈپٹی پراسیکوٹر نیب سے استفسارکیا بریت کی درخواست پر آپکی رپورٹ آنی تھی، اس کیس میں سپریم کورٹ کا فیصلہ رکاوٹ نہیں، عدالت اس کیس کا فیصلہ کرسکتی ہے۔

احتساب عدالت نے ڈپٹی پراسیکیوٹر نیب اظہر مقبول سے مکالمہ کرتے ہوئے کہا ہم آپ کا بیان ریکارڈ کرلیتے ہیں، جس پر اظہرمقبول نے کہا آپ میرا بیان ریکارڈ کرلیں ، یہ کیس نیب ترامیم سے متعلق نہیں ہے، اس کیس میں اسلام آباد ہائیکورٹ نے نواز شریف ، مریم نواز، کیپٹن صفدر کی حد تک فیصلہ بھی کرچکی۔

ڈپٹی پراسیکیوٹر نیب نے مزید بتایا کہ لیگ شپ ریفرنس میں ملزمان ٹرائل کورٹ سے بری ہو چکے ہیں، نیب نے ٹرائل کورٹ کے فیصلے کے خلاف اپیل فائل کی، اکتیس نومبر 2023 کو نیب نے اپنی اپیل واپس لے لی۔

اظہر مقبول کا کہنا تھا کہ العزیزیہ ریفرنس میں ملزمان کو ٹرائل کورٹ سے سزا ہوئی، بارہ دسمبر 2203 کو نواز شریف کو اسلام آباد ہائیکورٹ نے بری کیا اور ٹرائل کورٹ کے فیصلے کو کالعدم قرار دیا تاہم نیب کی جانب سے اسلام آباد ہائیکورٹ کے فیصلے کو چیلنج بھی نہیں کیا گیا۔

ڈپٹی پراسیکیوٹر نیب نے کہا کہ ایون فیلڈ،فلیگ شپ اور العزیزیہ ریفرنسز کے معاملے پر حسن اور حسین نواز کے خلاف کیس کو چلانا وقت کا ضیاع ہو گا ، حسن اور حسین نواز کو ریفرنسز سے بری کیا جائے۔

احتساب عدالت نے حسن نواز، حسین نواز کی بریت کی درخواستوں پر فیصلہ محفوظ کرلیا، عدالت دو بجے حسن نواز ، حسین نواز کی درخواست بریت پر فیصلہ سنائےگی۔

اسلام آباد :قومی اسمبلی کے افتتاحی اجلاس کے دوران مسلم لیگ ن کے قائد نواز شریف پر ایک نامعلوم شخص نے بوتل پھینک دی۔

تفصیلات کے مطابق قومی اسمبلی کے افتتاحی اجلاس کے دوران مسلم لیگ ن کے قائد نواز شریف کی جانب بوتل اچھالی گئی۔

رول آف ممبرز کے دستخط کے دوران نواز شریف پر بوتل پھینکی گئی تاہم خوش قسمتی سے اچھالی گئی بوتل نوازشریف کے اوپر سے گزر گئی۔

اس سے قبل قومی اسمبلی کا اجلاس ہنگامہ آرائی سے شروع ہوا،ن لیگ اور سنی اتحاد کونسل کے ممبران اسپیکر ڈائس کے پاس آمنے سامنے آگئے۔

لیگی ارکان کی جانب سےایوان میں”گھڑی چور گھڑی چور "کے نعرے لگائے گئے جبکہ سنی اتحادکونسل ارکان نے ‘آئی آئی پی ٹی آئی اورکون بچائےگا پاکستان’ کے نعرے لگائے۔

سنی اتحادکونسل اراکین نے نواز شریف کیخلاف ‘چور چور’ کے بھی نعرے لگائے۔

خیال رہے شریف سات سال بعد قومی اسمبلی میں واپس آئے ہیں، انہیں الیکشن کمیشن آف پاکستان نے این اے 130 لاہور کے حلقہ این اے 130 سے فاتح قرار دیا تھا، تین بار کے سابق وزیر اعظم نے پی ٹی آئی کی حمایت یافتہ آزاد امیدوار یاسمین راشد کو شکست دی تھی۔

اسلام آباد: مسلم لیگ ن کے قائد نواز شریف نے بانی پی ٹی آئی کا آئی ایم ایف کو خط لکھنا ملک دشمنی قرار دے دیا۔

تفصیلات کے مطابق ن لیگ کے قائد میاں نواز شریف نے پارلیمنٹ کے باہر میڈیا سے گفتگو میں بانی پی ٹی آئی کے آئی ایم ایف کو خط لکھنے سے متعلق سوال پر کہا آئی ایم ایف کو خط لکھنا ملک دشمنی کے مترادف ہے، ایسے خط وہ لکھ سکتے ہیں یہ انکا وطیرہ ہے۔

نواز شریف کا کہنا تھا کہ کوئی سیاسی جماعت ایسے خط نہیں لکھ سکتی، آپ خود ہی نتیجہ اخذ کرلیں۔

گذشتہ روز بانی پی ٹی آئی کی جانب سےآئی ایم ایف کوخط لکھا گیا تھا ، خط میں پاکستان کی غیریقینی صورتحال پر غور کی اپیل کی گئی تھی۔

خط میں کہنا تھا کہ عوامی اعتماد والی حکومت ہی گفتگو کا اختیاررکھتی ہے ، بانی پی ٹی آئی ریاست اورآئی ایم ایف ڈیل میں حائل نہیں ہونا چاہتے۔

لاہور: مسلم لیگ ن کے قائد نواز شریف کا کہنا ہے کہ آپ نے کبھی مشکلات سے گھبرانا نہیں ہے کیونکہ ناکامی کا خوف رکھنے والا شخص کبھی کامیاب نہیں ہوتا۔

تفصیلات کے مطابق لاہور میں شریف میڈیکل ٹرسٹ کے کانووکیشن کی تقریب میں مسلم لیگ ن کے قائد نواز شریف نے خطاب کرتے ہوئے آپ کی محنت نے آپ کو اس مقام پر پہنچایاہے، آپ کے والدین کو بھی آپ کی کامیابی پر مبارکباد دیتاہوں،آپ کےوالدین نے آپ کو تعلیم کے زیورسےآراستہ کیا۔

نواز شریف کا کہنا تھا کہ شریف میڈیکل کالج برسوں پہلے لگایاگیا آج یہ تناور درخت بن گیا، یہ بات قابل فخر ہے اس کالج سے مختلف بیچز فارغ التحصیل ہوئے، شریف میڈیکل کالج میں داخلے کیلئے100میرٹ پالیسی ہے، کالج میں سفارش کلچر نہیں، میرٹ کلچرکوپروان چڑھایا گیا ہے۔

سابق وزیراعظم نے کہا کہ نوجوان پاکستان کا مستقبل ہے، لگن کے بغیر کامیابی کا کوئی تصور نہیں، وہ شخص کامیاب نہیں ہوتا جس میں ناکامی کاخوف کامیابی سے زیادہ ہوں ، آپ نے کبھی گھبرانا نہیں ہے۔

ان کا کہنا تھا کہ نوجوان مجھے ملک کے روشن مستقبل کی نوید سنارہی ہے، بچے اور بچیاں ہی پاکستان کو ترقی راہ پر گامزن کرےگی،نوجوان ہی ملک کی خدمت کریں گے، نوجوانوں نے خوش کیساتھ کیساتھ ہوش سے بھی کام لینا ہے،

ن لیگی قائد نے زور دیا کہ نوجوانوں نے خود کو بدتہذیبی سے دور رکھناہے اور ایسا اخلاق رکھے تاکہ لوگ آپ کی مثال دےسکے۔نوجوانوں نے معاشرے کی بہتری کام کرنا ہے، والدین کی دعائیں ساتھ ہونگی تو کامیابی آپ کا ساتھ دیتا رہے گی۔

اسلام آباد : ن لیگ کے سینیٹر مشاہد حسین سید نے نوازشریف کو مشورہ دیا ہے کہ وزارت عظمیٰ کاعہدہ پیپلز پارٹی کو دیں اور خود صدر مملکت اور مسلح افواج کےسپریم کمانڈرکاعہدہ لیں۔

تفصیلات کے مطابق ن لیگ کے سینیٹر مشاہد حسین سید نے سماجی رابطے کی ویب سائٹ ایکس پر نوازشریف کو مشورہ دیتے ہوئے کہا کہ 1977 کے بعد انتہائی متنازع انتخابات ہوئے اب آگے کیاکریں، بہت احتجاج ہوگیا،میاں صاحب اسٹیٹس مین کا کردار اداکریں۔

مشاہد حسین سید کا کہنا تھا کہ میاں صاحب معاملات اپنے ہاتھ میں لیں،3چیزیں طے کریں اور بڑےدل کامظاہرہ کریں،وزارت عظمیٰ کاعہدہ پیپلزپارٹی کو دیں۔

ن لیگی سینیٹر نے کہا کہ نواز شریف پی ٹی آئی کی طرف مصالحت کا ہاتھ بڑھائیں اور الیکشن میں اکثریت حاصل کرنےوالی پی ٹی آئی کےمینڈیٹ کا احترام کریں۔

نواز شریف صدر مملکت اور مسلح افواج کےسپریم کمانڈرکاعہدہ لیں، مخلوط حکومت کی کھچڑی پکانے سےکام نہیں چلےگا،تباہی ہوگی، سیاسی پیوندکاری ہوئی تو1977 کے الیکشن کے بعد جیسی ٹریجڈی ہی سامنے آئے گی۔