Tag: نوبیاہتا جوڑا

لندن: برطانوی پولیس کی نااہلی سے نوبیاہتا جوڑا شادی کے  10 منٹ بعد ہی حادثے میں ہلاک ہوگیا۔

غیرملکی خبررساں ادارے کے مطابق 19 سالہ پیٹرک اور 18 سالہ شونا شادی کے بعد گھر سے باہر نکلے تو پولیس مشکوک گاڑی سمجھ کر ان کا پیچھا کرنے لگی، جوڑے نے گاڑی دوڑانا چاہی تو آگے جاتے ہی گاڑی حادثے کا شکار ہوگئی۔

اسپتال انتظامیہ کے مطابق پیٹرک اور شونا کو تشویش ناک حالت میں اسپتال لایا گیا تھا جہاں دونوں زخموں کی تاب نہ لاتے ہوئے دم توڑ گئے۔

پیٹرک اور شونا کے اہل خانہ کا کہنا ہے کہ نوجوان جوڑے کی چند لمحے قبل ہی شادی ہوئی تھی دونوں ایک دوسرے سے بہت محبت کرتے تھے۔

مزید پڑھیں: لندن پولیس نے دہشت گردی میں ملوث 3 افراد گرفتارکرلیے

اہل خانہ کے مطابق پیٹرک ایک اچھا شخص تھا اور وہ ویلنٹائن ڈے میں شونا کی چھوٹی بہن سینا میری کی سالگرہ میں شرکت کے لیے آرہے تھے کہ پولیس کی غفلت کے سبب ہلاک ہوگئے۔

پولیس کے مطابق گزشتہ رات 9 بجے کے قریب پولیس افسران ایک رینالٹ پرانی گاڑی کا تعاقب کررہے تھے شبے کی بنیاد پر ان کا پیچھا کیا گیا جس کی سبب حادثہ رونما ہوا۔

لندن پولیس کا کہنا ہے کہ واقعہ انتہائی افسوس ناک ہے، ہر زاوئیے سے تحقیقات کی جائیں گی، شواہد اکٹھے کرلیے گئے ہیں، سی سی ٹی وی فوٹیج بھی منگوائی گئی ہے پولیس اہل کاروں کی نااہلی ثابت ہوئی تو ان کے خلاف کارروائی عمل میں لائی جائے گی۔

ڈھاکہ : روہنگیا مسلمانوں کے پناہ گزین کیمپ میں نوجوان جوڑے کی شادی سے زندگی کی رنقیں بحال ہو گئی ہیں اور چند لمحوں کے لیے سہی مہاجرین اپنے زخم کو بھول گئے.

تفصیلات کے مطابق شادی کی سادہ سی تقریب بنگلہ دیش کے کاکس بازار میں انجام پائی جہاں برادری کے دیگر افراد کی موجودگی نوبیاہتا جوڑے نے عمر بھر کے لیے ایک دوسرے کے ساتھ زندگی کے پُر خم راستوں کو طے کرنے کا فیصلہ کیا.

بین الااقوامی خبر رساں ایجنسی کے مطابق شادی کی سادہ سی تقریب میں روایتی موسیقی کے سُر بھی بکھیرے گئے اور ڈھولک کی تھاپ پر نوجوانوں نے رقص کیا اور خواتین نے موقع کی مناسبت سے نغمات پیش کیے.

گو کہ بے وطنی اور غربت کے باعث دلہا دلہن معمولی کپڑے زیب تن کیے ہوئے تھے لیکن زندگی کے اس نہایت ہی اہم موقع پر ان کے چہرے خوشی سے شادمان تھے اور آنکھیں اچھے مستقبل کے خواب سے لیس تھیں.

دلہن ’’ شفیقہ بیگم ‘‘ اور دلہا ’’ صدام حسین ‘‘ کی شادی تقریب بانسوں سے بنے اور پلاسٹل کی شیٹس سے ڈھکے عارضی مکان میں ہوئی جہاں زندگی کی بنیادی سہولیات بھی خال خال ہی موجود ہیں.

تاہم دلہا دلہن اور ان کے اہل خانہ اس بات پر خوش ہیں کہ برمی حکومت کے مظالم سے محفوظ رہے اور زندہ یہاں تک پہنچ پائے تاہم اس موقع پر وہ ان افراد کی کمی نے ماحول سوگوار کردیا جو ہجرت کے دوران لقمہ اجل بن گئے.

خیال رہے کہ بنگلہ دیش میں واقع کٹو پالونگ مہاجر کیمپ میں اس وقت ساڑھے 6 لاکھ سے زائد روہنگیا پنا ہ گزین موجود ہیں جو اپنا گھر بار چھوڑ کر محض جان بچانے کے لیے یہاں آباد ہیں.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔