(3 اگست 2025):ایک اور ملک نے سرحدی کشیدگی کے خاتمے میں کردار ادا کرنے پر امریکی صدر ڈونلڈ ٹرمپ کو نوبیل امن انعام کے لیے نامزد کرنے کا اعلان کر دیا۔
غیر ملکی میڈیا رپورٹ کے مطابق کمبوڈیا نے کمبوڈیا نےامریکی صدر ڈونلڈ ٹرمپ کو نوبیل امن انعام کے لیے نامزد کرنے کا اعلان کر دیا۔
کمبوڈیا کے نائب وزیر اعظم نے کہا تھائی لینڈ کے ساتھ حالیہ سرحدی کشیدگی کے خاتمے میں ٹرمپ کا کردار قابلِ ستائش ہے، نائب وزیر اعظم نے ٹرمپ کی جانب سے امن کے فروغ، تجارتی سہولتوں میں رعایت اور برآمدی ٹیکس میں کمی جیسے اقدامات پر شکریہ ادا کیا۔
واضح رہے کہ کمبوڈیا اور تھائی لینڈ کے درمیان حالیہ کشیدگی میں تینتالیس افراد ہلاک اور تین لاکھ سے زائد افراد بے گھر ہو گئے تھے۔
یاد رہے کہ یوکرین کے ایک سینیئر قانون ساز اولیکساندر میرژکو نے ٹرمپ کو نومبر 2024 میں روس-یوکرین تنازعہ میں جنگ بندی کے لیے نامزد کیا تھا، لیکن جون 2025 میں اس نامزدگی کو واپس لے لیا۔
ٹرمپ نے کئی بار نوبل انعام نہ ملنے پر مایوسی کا اظہار کیا ہے، خاص طور پر سابق صدر باراک اوباما کے 2009 میں انعام جیتنے کے مقابلے میں، جنہیں انہوں نے تنقید کا نشانہ بنایا کہ وہ اس کے مستحق نہیں تھے۔