Tag: نوجوانوں

کراچی: گورنر سندھ کامران ٹیسوری نے نوجوانوں کو قرعہ اندازی کے ذریعے دبئی کے 24 ٹکٹس دینے کا اعلان کردیا۔

تفصیلات کے مطابق ہاکی اسٹیڈیم میں منعقدہ میگا آئی ٹی انٹری ٹیسٹ میں ہزاروں نوجوانوں نے بھرپور شرکت کی، تقریب میں گورنر سندھ کامران ٹیسوری بھی شریک ہوئے اور نوجوانوں کی حوصلہ افزائی کی

گورنر سندھ تقریب کے دوران نوجوانوں کو قرعہ اندازی کے ذریعے دبئی کے 24 ٹکٹس دینے کا اعلان کرتے ہوئے کہا تقریب میں شریک ایک طالبہ کو عمرے کا ٹکٹ انعام میں دیا۔

کامران ٹیسوری نوجوانوں کے درمیان جاکر ان کا حوصلہ بڑھاتے رہے، تقریب سے خطاب کرتے ہوئے گورنر سندھ نے کہا کہ پہلے ہماری افواج نے بھارت کے جہاز گرائے اور اب نوجوانوں کے ساتھ مل کر بھارت کی آئی ٹی ایکسپورٹ کو گرائیں گے۔

ان کا کہنا تھا کہ آئی ٹی تعلیم کے خواہشمند نوجوانوں کے لیے گورنر ہاؤس کے دروازے ہر وقت کھلے ہیں، پوری کوشش ہے کہ نوجوان اپنے پیروں پر کھڑے ہوں اور ہم انہیں ہر ممکن تعاون فراہم کریں گے۔

یاد رہے اس سے قبل انہوں نے لیاری میں عمارت گرنے کے المناک واقعے میں جاں بحق افراد کے لواحقین کو 80 گز کا پلاٹ دینے کا اعلان کیا تھا۔

گورنر سندھ نے مطالبہ کیا تھا کہ سندھ حکومت متاثرہ خاندانوں کو 6 ماہ کا کرایہ ادا کرے اور انہیں اسی علاقے میں رہائش کے لیے گھر فراہم کیے جائیں۔

ورلڈ میمن آرگنائزیشن کے اجلاس میں  نوجوانوں کے لیے بڑ ا اعلان کیا گیا ہے۔

تفصیلات کے مطابق دبئی میں ورلڈ میمن آرگنائزیشن کے سالانہ اجلاس کے تیسرے اور آخری روز گلوبل یوتھ میٹنگ ہوئی۔

اس میٹنگ میں وائس چیئرمین مڈل ایسٹ جنید مرچنٹ نے بتایا ڈبلیو ایم او یوتھ ونگ کا بڑے ڈونرز کے ساتھ چھوٹے ڈونرز پر بھی فوکس ہوگا، یوتھ ونگ مستقبل میں انقلابی کام کرنے جا رہا ہے۔

ڈبلیو ایم او گلوبل یوتھ ونگ چیئرمین خرم کالیا نے انسپائر ایپ کے حوالے سے شرکا کو آگاہی دی، خرم کالیا نے کہا سوشل میڈیا کونٹینٹ کری ایٹرز کو برانڈ ایمبیسیڈر بنایا جائے گا۔

انسپائر ایپ کے ذریعے ڈبلیو ایم او یوتھ ونگ کو ڈیٹا بیسڈ ڈائریکٹری ملےگی، نوجوان اس ایپ میں اپنے آئیڈیاز شامل کر سکیں گے۔

اے آروائی سے خصوصی گفتگو کرتے ہوئے صدر ڈبلیو ایم او سلمان اقبال نے کہا دنیا کے ہر شعبے میں میمن کمیونٹی کے افراد ٹاپ پوزیشن پر ہیں، اس سال ڈبلیو ایم او کا تمام تر فوکس تعلیم پر ہوگا۔

کراچی: سی ویو پر ساحل پولیس اہلکاروں نے دوسرے شہر سے آنے والے نوجوانوں سے رشوت وصول کرنے لگے۔

تفصیلات کے مطابق سی ویو پر ساحل پولیس اہلکاروں نے حیدرآباد سے آئے نوجوانوں سے رشوت لی ہے،  حیدرآباد سے آئے 4 دوستوں کو پولیس نے ساحل سمندر پر روکا۔

پولیس اہلکاروں نے نوجوانوں کو روک کر دستاویزات طلب کیں، کرائے کی گاڑی ہونے پر نوجوان کے پاس دستاویزات موجود نہیں تھیں، جس پر  سب انسپکٹر رمضان نے مبینہ طورپرگاڑی چھوڑنے کے 20 ہزار مانگے۔

نوجوانوں نے 20 ہزار روپے دے کر اپنی جان چھڑائی،  واقعے پر ڈی آئی جی ساؤتھ نے انکوائری کا حکم جاری کردیا، حکام کا کہنا ہے کہ سب انسپکٹر رمضان کی ڈیوٹی مارننگ شفٹ میں لگائی تھی،  وہ نائٹ شفٹ میں کب چلا گیا اس بات کا علم نہیں ہے۔

پولیس حکام کے مطابق ایس آئی سب انسپکٹر رمضان اور متاثرہ نوجوانوں کو طلب کرلیا ہے،  پوچھ گچھ کے بعد قانونی کارروائی عمل میں لائی جائے گی۔