Tag: نوجوان اغوا

جیکب آباد: نوکری کے جھانسے میں آکر اغوا ہونے والا ایک نوجوان قتل اور دوسرا زخمی ہوگیا ، :دونوں نوجوانوں کا تعلق ملتان پنجاب سے ہے۔

تفصیلات کے مطابق جیکب آباد میں ڈاکوؤں نے نوکری دینے کا جھانسہ دیکر 2 نوجوانوں کو اغوا کرلیا۔

پولیس نے بتایا کہ اغوا کے بعد ڈاکوؤں نے ایک نوجوان کو قتل اور دوسرے کو زخمی کردیا، مقتول کی شناخت وحید احمد شیخ اور زخمی کی شناخت محمد لیمان کے نام سے ہوئی۔

حکام کا کہنا تھا کہ دونوں نوجوانوں کا تعلق ملتان پنجاب سے ہے، دونوں نوجوانوں کو زنجیروں میں جکڑ کر تیز دھار آلے سے وار کئے گئے۔

پولیس نے مزید کہا کہ لاش تعلقہ اسپتال ٹھل اورزخمی کو لاڑکانہ منتقل کردیا گیا ہے ، واقعہ تحصیل ٹھل کے سی سیکشن تھانے کی حدود میں پیش آیا۔

مزید پڑھیں : ڈاکوؤں نے کچے کے علاقے سے 3 افراد کو اغوا کرلیا

یاد رہے چند ماہ قبل ڈاکوؤں نے بچل شاہ میں کچےکےعلاقے سے 3 افراد کو اغوا کیا تھا۔

اس سے قبل پنجاب کے علاقے صادق آباد میں چک نمبر 149 کے رہائشی نوجوان علی کو چند روز قبل کچے کے ڈاکوؤں نے تھانہ صدر کی حدود سے اغوا کیا تھا اور اس کو اپنے ساتھ کچے میں لے گئے تھے۔

لاہور: شادی کا جھانسہ دے کر لاہور کے نوجوان کو گجرات میں اغوا کرلیا گیا، ذیشان کا موبائل فون اور گولیوں کے خول لوئر مال روڈ سے ملے۔

تفصیلات کے مطابق لاہور میں ہنی ٹریپ کا ایک اور واقعہ سامنے آیا، جہاں شادی کے جھانسے میں آکر لاہورکا نوجوان گجرات میں اغوا ہوگیا۔

پولیس نے بتایا کہ نجی کمپنی کے سیلز ایگزیکٹو کو بہلا پھسلا کر گجرات بلایا گیا اور اغوا کرلیا گیا جبکہ لوئرمال روڈ ستائیس سالہ ذیشان کا موبائل فون اور گولیوں کے خول ملے۔

پولیس کا کہنا تھا کہ مغوی کی سوشل میڈیا پر خاتون سے دوستی ہوئی تھی اور لڑکی کے ماموں کی کال پر ذیشان گجرات گیا۔

پولیس نے واردات کے شبہ میں دو نوجوانوں کو حراست میں لیا ہے تاہم کلوزسرکٹ فوٹیجز کی مدد سے تفتیش جاری ہے۔

پولیس کا کہنا ہے کہ مغوی نوجوان کو جلد بازیاب کروا کر ملزم کو گرفتار کرلیں گے۔