اسلام آباد : وفاقی دارلحکومت اسلام آباد میں نوجوان نے کینیڈا کا ویزہ منظور نہ ہونے پر دلبرداشتہ ہوکر خودکشی کرلی۔
تفصیلات کے مطابق وفاقی دارلحکومت اسلام آباد میں بھارہ کہو کے علاقے میں نوجوان نے خودکشی کرلی، پولیس نے بتایا کہ خودکشی کرنے والا نوجوان افغان شہری تھا۔
پولیس کا کہنا تھا کہ بیوی کے مطابق کینیڈا کا ویزہ منظور نہ ہونے پر شوہردلبرداشتہ تھا، نوجوان اس سےپہلےبھی خودکشی کی کوشش کرچکا تھا۔
لاہور : صوبائی دارلحکومت لاہور میں لڑکی کو قتل کرنے والے نوجوان نے منڈی بہاؤالدین میں خودکشی کرلی، نوجوان مقتولہ کے ساتھ لاہورمیں پڑھتا تھا۔
تفصیلات کے مطابق صوبائی دارلحکومت لاہور میں چوہنگ کے علاقے میں باپ کے سامنے بیٹی کے قتل کے واقعے میں لڑکی کو قتل کرنے والے لڑکے نے خود کو گولی مار کر خودکشی کرلی۔
پولیس گرفتاری کیلئے منڈی بہاوالدین پہنچی تو لڑکے نے چھت پرجا کر خود کوگولی مار لی، ملزم حنان منڈی بہاوالدین کا رہائش تھا اور مقتولہ کےساتھ لاہور میں پڑھتا تھا۔
یاد رہے ملزم نے دو روز قبل سابق ڈپٹی ڈائریکٹر الیکشن کمیشن کی بیٹی کو گولی مار کر قتل کیا تھا، پولیس نے بتایا تھا کہ سولہ سالہ عیشا فاطمہ والد کے ساتھ موٹرسائیکل پر جا رہی تھی کہ جوبلی ٹاؤن کے قریب لڑکی کے سر میں گولی ماری تھی، جس سے وہ موقع پر ہی جاں بحق ہوگئی تھی۔