راولپنڈی میں 17سالہ نوجوان کو ہولناک طریقے سے قتل کردیا گیا ہے۔
تفصیلات کے مطابق راولپنڈی میں ایک افسوسناک واقعہ پیش آیا ہے جہاں 17 سالہ نوجوان کے گلے پر چھری پھیر کے اسے موت کے گھاٹ اتار دیا گیا ہے۔
پولیس کا کہنا ہے کہ راولپنڈی کے ڈھوک الٰہی بخش کے علاقے میں 17 سالہ نوجوان کی شناخت راجہ طلحہ کے نام سے ہوئی اسے گلے پر چھری پھیر کر قتل کیا گیا۔
پولیس کا کہنا ہے کہ راجہ طلحہ کے نعش کو پوسٹ مارٹم کیلئے اسپتال منتقل کردیا گیا ہے ساتھ ہی واقعے کی تفتیش کی جارہی ہے۔
https://urdu.arynews.tv/pattoki-robbers-killed-young-man/
دوسری جانب خیبر پختونخوا کے ضلع مردان کے علاقے مولانا کلی فاطمہ میں فیصل آباد سے تعلق رکھنے والے ایک جوڑے کو مبینہ طور پر غیرت کے نام پر قتل کردیا گیا۔
پولیس کو دی گئی ایف آئی آر کے مطابق مقتول شخص کے بھائی مظہر اقبال نے بتایا کہ اس کا 51 سالہ بھائی ظفر اقبال کئی سال بعد فیصل آباد سے مردان واپس آیا تھا، اس کے ہمراہ اس کی بیوی فرزانہ عرف گل بی بی بھی تھیں۔
مظہر اقبال نے بیان دیا کہ یہ جوڑا اس کے گھر موجود تھا جب ملزمان نے زبردستی گھر میں داخل ہو کر اندھا دھند فائرنگ کر دی، جس کے نتیجے میں اس کا بھائی اور بھابھی موقع پر ہی جاں بحق ہو گئے، اس نے مزید کہا کہ وہ خود، اس کی بیوی اور بچے اس حملے میں بال بال بچ گئے۔
