کراچی : ڈیفنس خیابان اتحاد میں نوجوان پرتشدد کے واقعے میں ملوث دوسرے ملزم اویس ہاشی کو گرفتار کرلیا گیا۔
تفصیلات کے مطابق کراچی کے علاقے ڈیفنس خیابان اتحاد میں نوجوان پرتشدد کے واقعے کی ویڈیو میں دیکھائی دیے جانے والے دوسرے شخص کو بھی گرفتار کرلیا گیا۔
ویڈیومیں نوجوان پر تشدد کرنے والا دوسرا شخص اویس ہاشمی ہے، پولیس نے ملزم کو واقعےکی فوٹیج کی مدد سے گرفتار کیا۔
اس حوالے سے ڈی آئی جی ساؤتھ کا کہنا تھا کہ ڈیفنس تشدد کیس میں ملوث ایک اور ملزم کو گرفتار کیا ہے ، سلمان فاروقی کیساتھ ملزم اویس بھی تشدد میں ملوث ہے۔
عینی شاہد نے بتایا کہ اویس جیپ میں موجود تھا اور شہری کو زبردستی جیپ میں بٹھایا گیا ، شہری کو سلمان فاروقی نے پکڑا اور اویس نے تشدد کا نشانہ بنایا۔
مزید پڑھیں : کراچی: ڈیفنس میں نوجوان کو تشدد کا نشانہ بنانے والا بااثر شخص سلمان فاروقی گرفتار
گذشتہ روز پولیس نے نوجوان پر تشدد کرنےوالے ملزم سلمان فاروقی کو ڈیفنس فیز ایٹ سے گرفتار کیا تھا، ہتھکڑی لگاملزم اپنی مرسڈیز چلا کر تھانے پہنچا۔
پولیس کا کہنا تھا تفتیشی افسر کار چلانا نہیں جانتاتھا اس لیے ملزم نے ڈرائیونگ سیٹ سنبھالی۔
یاد رہے موٹرسائیکل کی معمولی ٹکر پر آپے سے باہر ہوکر ملزم سلمان فاروقی نے نوجوان پرگارڈز کے ساتھ ملکر تشدد کیا تھا۔
ملزم نے گالیاں اوردھمکیاں دیں اور نوجوان کی بہن ہاتھ جوڑتی رہی لیکن ملزم کے کان پرجوں تک نہ رینگی۔
ملزم نے خواتین کو بھی دھکے دیے ساتھ ہی جان سے مارنےکی دھمکیاں دیں، تشدد اور ہجوم میں بےعزت کیا۔
