Tag: نوجوان

  • لیگی کارکنان نے اسمبلی پر حملہ کیا، عمران خان، حملہ نہیں ہوا، مریم نواز

    لیگی کارکنان نے اسمبلی پر حملہ کیا، عمران خان، حملہ نہیں ہوا، مریم نواز

    اسلام آباد: چیئرمین تحریک انصاف نے کہا ہے کہ ’’مسلم لیگ کے غنڈوں نے خیبرپختونخوا اسمبلی پر حملہ کر کے سپریم کورٹ حملے کی یاد تازہ کردی جبکہ مریم نواز نے الزام کو مسترد کرتے ہوئے کہا ہے کہ اسمبلی پر کوئی حملہ نہیں ہوا کچھ نوجوانوں نے دروازے پر مسلم لیگ کے پرچم لگائے۔

    تفصیلات کے مطابق مسلم لیگ ن کے مشتعل مظاہرین کی جانب سے خیبرپختونخوا اسمبلی کے مرکزی دروازے پر لیگی کارکنان نے پارٹی جھنڈا لگایا، جس پر چیئرمین تحریک انصاف نے سماجی رابطے کی ویب سائٹ پر ٹوئٹ میں کہا ہے کہ ’’مسلم لیگ ن کے غنڈوں نے اسمبلی پر حملہ کر کے سپریم کورٹ حملے کی یاد تازہ کردی‘‘۔

      انہوں نے کہا کہ ’’مسلم لیگ ن نے پیپلزپارٹی کے دورِ حکومت میں صدر فاروق لغاری کے گھر مارچ کیا اور ایوانِ صدر کی دیواروں پر چڑھ کر اُس کے تقدس کو بھی پامال کیا تھا‘‘۔

    کپتان کا مزید کہنا تھاکہ ’’لیگی غنڈوں کا اسمبلی پر حملہ تحریک انصاف کے رائیونڈ مارچ کو روکنے کی سازش ہے تاہم اب رائیونڈ مارچ کا ارادہ پہلے سے زیادہ پختہ ہوگیا کیونکہ تحریک انصاف کا مارچ پرامن اور آئینی طریقوں سے کیا جارہا ہے تاہم  پی ٹی آئی رائیونڈ کسی کے گھر نہیں جارہی بلکہ کرپشن کے خلاف مارچ کرے گی‘‘۔  

       

    پڑھیں:  خیبرپختونخوا سمبلی پر لیگی کارکنان کا دھاوا، پارٹی پرچم لہرا دئیے

    عمران خان نے قائد مسلم لیگ ن پر تنقید کرتے ہوئے کہا کہ ’’نوازشریف آمریت کی پیداوار ہیں انہیں جمہوریت کی اصل روح کا علم نہیں تاہم یہ اُن کا خواب ہے کہ انہیں بادشاہت کا تاج پہنایا جائے یا پھر امیرالمومنین قرار دیا جائے‘‘۔

    دوسری جانب تحریک انصاف کے سنیئر رہنماء شاہ محمود قریشی نے بھی مسلم لیگ ن کے کارکنان کی جانب سے اسمبلی پر حملے کی مذمت کرتے ہوئے کہا ہے کہ ’’کرپشن اور پاناما لیکس کے پیچھے ہٹانے کے لیے حکمراں جماعت اوچھے ہتھکنڈوں پر اتر آئی ہے مگر ہم احتساب کے بغیر کسی صورت پیچھے نہیں ہٹیں گے‘‘۔ بعد ازاں وزیر اعظم کی صاحبزادی اور مسلم لیگ ن کی رہنماء مریم نواز نے سماجی رابطے کی ویب سائٹ پر اپنے ایک ٹوئٹ میں کہا کہ ’’خیبرپختونخوا اسمبلی پر حملہ نہیں کیا گیا تاہم کچھ نوجوانوں نے دروازے پر مسلم لیگ ن کے جھنڈے لگائے جو قابل قدر نہیں ہیں‘‘۔

    اُن کا مزید کہنا تھا کہ ’’نواز شریف کی واضح پالیسی ہے کہ سب کا احترام کیا جائے اور انہیں عزت دی جائے جس کو مسلم لیگ ن کے ورکرز نے پوری طرح اپنایا ہوا ہے تاہم تحریک انصاف اور عوامی تحریک کے کارکنان میں اس طرح کی کوئی بات موجود نہیں ہے‘‘۔

  • ایل سلواڈور میں نوجوانوں کی ایک دوسرے پر شعلہ باری

    ایل سلواڈور میں نوجوانوں کی ایک دوسرے پر شعلہ باری

    وسطی امریکی ملک ایل سلواڈور میں آگ کا کھیل کھیلا گیا، دنیا کے خوبصورت مقام تبت کو مذہبی تہوار کی رنگینیوں نے مزید خوبصورت بنادیا۔

    وسطی امریکی ملک ایل سلواڈور میں ایک کھیل ہے جس میں ایک دوسرے پر شعلہ باری کی جاتی ہے تین سو سالہ پرانے مذہبی تہوار کا انعقاد وسطی امریکی ملک ایل سیلواڈور میں ہوا جہاں نوجوان دو ٹیموں میں تقسیم ہوئے ۔

    3d39f60d-0e5e-447f-a3bc-3a0ec9c9fccf

    Las-Bolas-de-Fuego-fireball-festival-638690

    Las-Bolas-de-Fuego-fireball-festival-crowd-638691

    ہاتھوں پر حفاظتی دستانے چڑھائے اور ایک دوسرے کی جانب آگ کے شعلوں سے بھڑکتی گیندے پھینکتے رہے، ہر سال کی طرح اس سال بھی ایل سلواڈور کے علاقے نیجاپا میں آگ کی گیندوں سے لڑائی کا انعقاد کیا گیا۔

    دوسری جانب تبت میں بھی مذہبی تہوار شوتن کا آغاز ہوا جس میں پورے علاقے کو رنگ برنگی جھنڈیوں اور پھولوں سے سجایا گیا۔

    پوٹالہ پیلس اسکوائر کی اس خوبصورتی سے سجایا گیا ہے کہ سیاح وہاں تصوی کھینچے بغیر آگے نہیں بڑھتے، فیسٹیول میں پینٹنگ، فوٹو گرافی، کیلی گرافی سمیت مخلتف مقابلے بھی ہوئے۔

  • پاکستان کے نوجوان باکسر بننا چاہتے ہیں،عامرخان

    پاکستان کے نوجوان باکسر بننا چاہتے ہیں،عامرخان

    اسلام آباد: پاکستانی نژاد برطانوی باکسر عامر خان کا کہنا ہے کہ پاکستان اگلے تین یا چار سالوں میں بہترین باکسرز سامنے لانے میں کامیاب ہوگا جو اولمپکس تک رسائی کرسکیں گے.

    تفصیلات کے مطابق عالمی شہرت یافتہ پاکستانی نژاد برطانوی باکسر عامر خان کا کہنا تھا کہ ‘پاکستان کے نوجوان باکسر بننا چاہتے ہیں، یہاں لوگوں میں صلاحیت اور قابلیت ہے انھیں صرف مدد کی ضرورت ہے اسی لیے میں یہاں پر ہوں’.

    اسلام آباد میں پاکستان اسپورٹس بورڈ کی عامر خان باکسنگ اکیڈمی میں مقامی باکسر کے ٹریننگ سیشن کے بعد صحافیوں سے گفتگو کرتے ہوئے ان کا کہنا تھا ‘میں چاہتاہوں کہ پاکستانی باکسرز اولمپکس اور دیگر بین الاقوامی مقابلوں میں میڈلز جیتیں’۔

    عالمی شہرت یافتہ باکسر کا کہنا تھا کہ ‘میں یہاں پر پیسہ کمانے کے لیے نہیں آیا بلکہ میں یہاں پر باکسنگ میں پاکسان کو میڈلز حاصل کرنے میں مدد کرنے کی کوشش کررہاہوں’۔

    *باکسرعامرخان کی اہلیہ تھر کے رنگوں میں رنگ گئیں

    عامر خان کے نام سے اسلام آباد میں باکسنگ اکیڈمی قائم کی جاچکی ہے جہاں پر نوجوان باکسرز کو تربیت دی جاتی ہے۔

    انہوں نے دیگر شہروں کے باکسرز کو اسلام آباد میں ان کی اکیڈمی میں شامل ہونے کی دعوت دی اور کہا کہ ‘میں چاہتاہوں کہ ہرکوئی جم میں آئے اور اپنی صلاحیتوں کو بہتر بنائے’۔

    واضح رہے کہ باکسر عامر خان نے اعلان کیا وہ اپنی اکیڈمی میں پاکستانی باکسرز کی تربیت کے لیے غیرملکی کوچز کو دعوت دیں گے.

  • بلال کالونی میں سسرالیوں نے نوجوان کو زندہ جلادیا

    بلال کالونی میں سسرالیوں نے نوجوان کو زندہ جلادیا

    کراچی : بلال کالونی میں سسرالیوں نے مبینہ طور پر 37 سالہ سہیل کو زندہ جلا دیا، نوجوان دورانِ علاج دم توڑ گیا۔

    تفصیلات کےمطابق فیڈرل بی ایریا بلاک 16 صغیر سینٹر کا رہائشی سہیل اپنی ناراض بیوی کو لینے سسرال گیا تھا تاہم کچھ دیر بعد اہل خانہ کو بذریعہ کال اطلاع ملی کہ اُن کا بھائی انتقال کرگیا ہے۔

    مقتول کی ہمشیرہ کا کہنا ہے کہ ’’اُن کا بھائی اپنی بیوی کو منانے گیا تھا جہاں سے اُن کی بھابھی نے فون پر اطلاع دی کہ سہیل کو نجی اسپتال منتقل کیا ہے جہاں اُس کی طبیعت بہت ناساز ہے۔

    مقتول کی ہمشیرہ نے مزید بتایا کہ اسپتال پہنچنے پر معلوم ہوا کہ ’’سہیل کو گزشتہ رات زندہ جلایا تھا تاہم وہ زخموں کی تاب نہ لاتے ہوئے جاں بحق ہوگیا‘‘۔

    پولیس حکام نے اس بات کی تصدیق کرتے ہوئے کہا ہے کہ ملزمان کے خلاف مقدمہ درج کرلیا ہے اور بیوی سمیت 3 ملزمان کو گرفتار کرلیا ہے اور گرفتار ہونے والے افراد سے تفتیش جاری ہے۔

    اسپتال انتظامیہ نے بتایا کہ مقتول سہیل کو گزشتہ رات تشویش ناک حالت میں اسپتال لایا گیا تھا، مقتول کے جسم کا 80 فیصد حصہ جھلس چکا تھا، مقتول کو بچانے کی کافی کوشش کی گئی تاہم 37 سالہ سہیل جانبر نہ ہوسکا۔

     

  • پوکی مون گو سے خاطر خواہ مالی فائدہ نہیں ہوگا، نائنٹینڈو

    پوکی مون گو سے خاطر خواہ مالی فائدہ نہیں ہوگا، نائنٹینڈو

    کیا دنیا کے مقبول ترین گیم پوکی مون گو بنانے والی اور شیئر ہولڈز کمپنیاں بھی خاطر خواہ منافع نہیں کما سکتی یہ ہے وہ سوال جو ہر کسی کی زبان پر ہے۔

    بچوں اور بڑوں کے پسندیدہ کریکٹر پوکی مون گو کے نئے موبائل گیم ‘’پوکی مون گو‘ نے ریلیز ہوتے ہی مقبولیت کےجھنڈے گاڑ دئیے ہیں، گزشتہ دنوں ایک وقت میں اتنے زیادہ افراد نے یہ گیم ڈاؤن لوڈ کرنے کی کوشش کی کہ اس کا سرور ہی کریش کرگیا۔

    نائنٹینڈو کا کہنا ہے کہ عالمی مقبولیت کے باجود پوکی مون گو سے کچھ خاص مالی فائدہ حاصل نہیں ہوگا، اس بیان کے بعد ٹوکیو اسٹاک ایکسچینج میں کمپنی کے شئیرز کی قیمت میں سترہ فیصد کی زبردست کمی ہوئی۔

    تاہم اسٹاک مارکیٹ سے ایک دن میں چھ ارب ڈالر نکل گئے، نائنٹینڈو گیم بنانے والی کمپنی پوکی مون گو اور نایئنٹیک کی شئیر ہولڈر ہے۔


    پوکے مون گو نے برطانوی نوجوان کو خودکشی کرنے سے بچالیا


    واضح رہے کہ پوکی مون گیم کا شوق پاگل پن کی تمام حدوں کو چھو چکا ہے، امریکہ میں دو دوست پوکی مون گیم میں اتنے گم ہوئے کہ وہ نوے فٹ بلند پہاڑی سے نیچے جاگرے جبکہ نیوزی لینڈ کے شہری ٹام نے تو اس گیم کے شوق میں اپنی نوکری سے ہی استعفی دے دیا۔

    پوکی مون ایک غیرحقیقی جانور نما مخلوق ہے جن کو پوکی بال میں پکڑا جاتا ہے، پکڑے جانے کے بعد پوکی اپنا درجہ بڑھاتا اور مزید طاقتور ہو جاتا ہے ۔

    واضح رہے کہ اس گیم کا آغاز 1996 میں گیم بوائے ایڈوانس کی ویڈیو گیم کے طور پر ہوا تھا اب تک پوکی مون کے 781 تصوراتی اور انفرادی کردارتخلیق کئے جاچکے ہیں۔

  • پوکیمون گو گیم جیتنے کیلئے نوجوان نے نوکری سے استعفیٰ دیدیا

    پوکیمون گو گیم جیتنے کیلئے نوجوان نے نوکری سے استعفیٰ دیدیا

    آکلینڈ: نیوزی لینڈ سے تعلق رکھنے والے ایک نوجوان نے ورچوئل ریئلٹی پر مبنی’پوکیمون گو ‘گیم جیتنے کیلئے ملازمت سے استعفیٰ دیدیا۔

    بچوں کا پسندیدہ کریکٹر پوکی مون کا نیا موبائل گیم ’پوکی مون گو ‘ریلیز ہوتے ہی عوام میں بے حد مقبول ہوگیا ہے اور اس کا بخار ان دنوں ہر ایک کے سر چڑھ کر بول رہا ہے اس گیم کا شوق پاگل پن کی تمام حدوں کو چھو چکا ہے۔

    نیوزی لینڈ سے تعلق رکھنے والے چوبیس سالہ ٹام نامی نوجوان پر ورچوئل ریئلٹی پر مبنی گیم پوکی مون گو کا بخار کچھ یوں چڑھا کہ اس نے اپنی ملازمت سے استعفیٰ دیدیا۔

    pokemon-post

    دوسری جانب امریکی ریاست فلوریڈا میں گزشتہ روز گیم پوکیمون گو کھیلنے والے دو نوجوانوں پر چور ہونے کے شبہ میں ایک شخص نے گولی چلا دی۔

    پولیس حکام کے مطابق ہفتے کے روز ایک رہائشی علاقے میں پیش آنے والے اس واقعے میں ایک شخص نے شبہ ہونے پر ان نوجوانوں کی کار کو روکنے کا اشارہ تاہم انھوں نے رکنے سے انکار کردیا جس کے بعد اس شخص نے ان کی کار پر گولی چلادی۔

    pokemon-go-1

    فائرنگ کرنے والے شخص کا کہنا ہے کہ اس نے ایک نوجوان کو کہتے سنا ’ کیا تمہیں کچھ ملا‘ جس پر اسے شبہ ہوا کہ یہ لوگ چور ہیں، فلوریڈا کے پولیس حکام نے اس واقعے کو مثال بنا کر لوگوں کو محفوظ طریقے سے یہ گیم کھیلنے کی ہدایات جاری کی ہیں۔

    امریکا میں دو دوست پوکی مون گیم میں اتنے گم ہوئے کہ وہ نوے فٹ بلند پہاڑی سے نیچے جاگرے ، واضح رہے پوکی مون گو ایک ایسا گیم ہے جس میں غیر حقیقی جانور نما مخلوق کو پوکی بال میں پکڑا جاتا ہے۔

    pokemon-post-2

    پوکی مون ایک غیرحقیقی جانور نما مخلوق ہے جن کو پوکی بال میں پکڑا جاتا ہے، پکڑے جانے کے بعد پوکی اپنا درجہ بڑھاتا اور مزید طاقتور ہو جاتا ہے، اس گیم کا آغاز 1996 میں گیم بوائے ایڈوانس کی ویڈیو گیم کے طور پر ہوا تھا اب تک پوکی مون کے 781 تصوراتی اور انفرادی کردارتخلیق کئے جاچکے ہیں۔

  • کراچی:اسٹیٹ لائف بلڈنگ کی صفائی کرنے والے نوجوان کو بچالیاگیا

    کراچی:اسٹیٹ لائف بلڈنگ کی صفائی کرنے والے نوجوان کو بچالیاگیا

    کراچی : اسٹیٹ لائف بلڈنگ کی صفائی کرنے والا شخص گرنے سے بال بال بچ گیا، صفائی کرنے والا شخص توازن بگڑنے پر رسیوں سے لٹک گیا تھا.

    تفصیلات کے مطابق کراچی کے علاقے صدر میں اسٹیٹ لائف بلڈنگ صفائی کرنے والا نوجوان گرنے سے بال بال بچ گیا،صفائی کرنے والا شخص توازن بگڑنے پر رسیوں سے لٹک گیا تھا، باہمت نوجوان نے اسے اُتارا.

    شہر قائد میں اکثر بلڈنگ مالکان ملازمین کی سیکورٹی کے معاملات میں غفلت کا مظاہرہ کرتے ہیں.

    یاد دہے چند سال قبل ایک نوجوان بلڈنگ سے لٹکا تھا جسے بچایا نہیں جا سکا،ایک گھنٹے کے بعد بھی ریسکیو ذرائع نہ پہنچ سکے تھے.

  • بلاول بزرگ رہنماؤں کو بٹھا کر نوجوانوں آگے لائیں،اعتزازاحسن

    بلاول بزرگ رہنماؤں کو بٹھا کر نوجوانوں آگے لائیں،اعتزازاحسن

    کراچی: پاکستان پیپلزپارٹی کے سینئررہنماء اعتزازاحسن نے کہا ہے کہ بلاول بھٹو زرداری بزرگ رہنماؤں کو پیچھے بٹھا کر نوجوانوں آگے لائیں، پارٹی کو نوجوان رہنماؤں کی شدید ضرورت ہے۔

    ان خیالات کا اظہار انہوں نے جناح گراؤنڈ میں جلسے کے شرکاء سے خطاب کرتے ہوئے کیا، انہوں نے کہا کہ میرا اس عظیم الشان جلسے کو دیکھ کرجمہوریت اور ملکی استحکام پر یقین اور پختہ ہوگیا ہے۔

    اعتزاز احسن نے کہا کہ چیئرمین بلاول بھٹو زرداری نے کارکنان سے معافی مانگی ہے لیکن یہ معافی ہم کو  ملتان الیکشن میں ہارنے پرمانگنی چاہئے تھی،انہوں نے کہا کہ ملتان میں بد قسمتی سے پیپلزپارٹی تیسرے نمبر پر آئی ۔

    ضمنی الیکشن میں دھاندلی ہوئی لیکن اس کی آواز کہیں سے نہیں اُٹھی ، لیکن اس شکست کے بعد ہمیں یہ عزم کرنا ہے کہ آئندہ انتخاب کو ہم نے اپنی محنت لگن سے اس شکست کو فتح میں بدل دیں گے ۔

    اس کیلئے دن رات کام کرنا ہوگا، انہوں نے بلاول بھٹو زرداری سے کہا کہ نوجوانوں اور خواتین کیلئے منشور دینا ہوگا اور ان سے کیئے وعدوں کو پورا کرنا ہوگا۔