غیرت کے نام پر آئے دن معصوم لوگوں کے قتل کی سفاکانہ وارداتیں سامنے آتی رہتی ہیں ایک نوجوان کو بھی سر کچل کر مار دیا گیا۔
یہ افسوسناک واقعہ بھارتی ریاست تلنگانہ میں پیش آیا جہاں سوریہ پیٹ ضلع کی ایک نہر سے نوجوان کی لاش ملی۔ لاش کی شناخت 32 سالہ وڈلکونڈا کرشنا عرف بنٹی (ذات کا دلت) سے ہوئی۔
بھارتی میڈیا کے مطابق متوفی کے والد نے اپنے بیٹے کے سسرالیوں پر غیرت کے نام پر اس کے قتل کا الزام عائد کیا ہے۔
رپورٹ کے مطابق کرشنا نے چھ ماہ قبل کوٹلہ بھارگوی نامی لڑکی سے اس کے گھر والوں کی مخالفت شادی کی تھی اور تب سے داماد اور سسرالیوں کے درمیان تنازع چل رہا تھا۔
پولیس نے جب نوجوان کی بیوی سے تفتیش کی تو بھارگوی نے بتایا کہ اتوار کی شام کرشنا کو اس کے دوست مہیش کا فون آیا اور اس کے بعد وہ اپنا فون گھر پر چھوڑ کر باہر چلا گیا۔ کرشنا کی لاش بائک کے قریب ملی۔ اس کا چہرہ پتھروں سے کچلا ہوا تھا۔
سوریا پیٹ دیہی پولیس اسٹیشن کے انسپکٹر بالو نائک نے متوفی کی شناخت کی تصدیق کی اور مقدمہ درج کر کے تحقیقات شروع کر دی ہے۔
مقامی پولیس کے مطابق کرشنا کو اتوار کی رات قتل کیا گیا تھا۔ سوریہ پیٹ کے پولیس سپرنٹنڈنٹ سنپریت سنگھ نے کہا ہے کہ پہلی نظر میں یہ معاملہ غیرت کے نام پر قتل کا لگتا ہے، لیکن پولیس اس معاملے کے ہر پہلو کی جانچ کر رہی ہے۔
انہوں نے بتایا کہ مقتول کے خلاف ماضی میں بھی کچھ مقدمات درج تھے۔ اس لیے پولیس دشمنی کے زاویے سے بھی تفتیش کر رہی ہے۔
https://urdu.arynews.tv/husband-commits-suicide-after-being-tortured-by-wife/
