بھارت کے سابق کرکٹر نوجوت سنگھ سدھو نے پاکستابی بیٹر بابر اعظم کی ناکامی اور ان پر پاکستانیوں کی تنقید پر ایک لوک داستان سنائی ہے۔
بھارتی اسپورٹس چینل پر اظہار خیال کرتے ہوئے سابق بھارتی بیٹر نے کہا کہ جب اپنے نشتر چلاتے ہیں تو بڑا چبھتا ہے، انھوں نے پرانی ہندی لوک داستان سناتے ہوئے کہا کہ ایک بڑا جرنیل تھا کھلی، اس کے راجہ نے کسی بات پر ناراض ہوکر اپنے ملک میں اسے پیل کے درخت کے ساتھ باندھ دیا۔
نوجوت سنگھ سدھو نے کہا کہ تاہم وہ جرنیل اپنے وطن سے وفادار تھا، لوگ وہاں جمع ہوئے تو انھیں کہا گیا کہ اس جرنیل کو پتھر ماریں، لوگوں نے پتھر برسائے اسے لگے مگر وہ بالکل نہیں رویا۔
انھوں نے مزید بتایا کہ پھر اس کے فوجی آئے جن کو اس نے پالا تھا، ان فوجیوں نے سوچا کہ ہم اپنے جرنیل کو پتھر کیسے ماریں گے۔
تو انھوں نے پھول اٹھا کر جرنیل کھلی کو مارا، کھلی رونے لگ گیا، کسی نے پوچھا کہ تمیں پتھر مارے گئے تم روئےنہیں اور پھول مارنے پر رو رہے ہو۔
سدھو نے کہانے کے بارے میں مزید بتایا کہ اس پر جرنیل کھلی نے جواب دیتے ہوئے کہا کہ لوگوں نے پتھر مارے مجھے ذرا برابر بھی تکلیف نہیں ہوئی، لیکن جب دوستوں نے پھول مارے تو میری روح آسمان تک جاکر روئی۔
بابر انسان ہے گرو اسے چھوڑ دو یار کھیلنے دو گرو، ویرات بھی فیل ہوا ہے، بابر بھی فیل ہوا ہے وہ ایک اچھا انسان ہے آپ کے لیے اس نے کافی رنز اسکور کیے ہیں، عزت کرنی سیکھو اپنے ہیرو کی کنارے پر کھڑے ہو کر پتھر ہی مارنے ہیں یار۔
