Tag: نوجوت سنگھ سدھو

نوجوت سنگھ سدھو کا کرتارپور کی افتتاحی تقریب میں شرکت کا اعلان

نئی دہلی: بھارتی سیاست دان اور سابق کرکٹر نوجوت سنگھ سدھو نے کہا کہ دربار صاحب کی افتتاحی تقریب میں شرکت کے لیے بے قرار ہوں، دنیا بھر میں بسنے والے کروڑوں سکھ اپنی مقدس دھرتی کی زیارت کے لیے بےتاب ہیں۔

تفصیلات کے مطابق بھارتی سیاست دان اور سابق کرکٹر نوجوت سنگھ سدھو نے تحریک انصاف کے سینیٹر فیصل جاوید سے ٹیلیفونک رابطہ کیا اور 9 نومبر کو کرتاپور کی افتتاحی تقریب میں شرکت کا اعلان کیا۔ انہوں نے کہا کہ بابا گرونانک کے 550ویں جنم دن پر افتتاح تاریخی موقع ہے، حکومت پاکستان اور وزیراعظم عمران خان کے شکر گزار ہیں۔

سینیٹر فیصل جاوید نے نوجوت سنگھ سدھو کے اعلان کا خیر مقدم کرتے ہوئے کہا کہ وزیراعظم عمران خان 9 نومبر کو افتتاحی تقریب میں مہمان خصوصی ہوں گے۔ انہوں نے نوجوت سنگھ سدھو سمیت پوری دنیا کے سکھوں کو دربار صاحب کے افتتاح کی مبارک باد پیش کرتے ہوئے کہا کہ سدھو سمیت تمام سکھ بھائیوں کی میزبانی کے لیے تیار ہیں۔

کرتارپور راہداری کا افتتاح ، بھارتی حکومت نوجوت سنگھ سدھو کیلئے ولن بن گئی

کرتارپور کی افتتاحی تقریب میں شرکت کے لیے نوجوت سنگھ نے بھارتی حکومت کو دوسرا خط لکھ دیا جس میں کہا گیا ہے کہ گوردوارہ کرتارپور صاحب کے درشن اور افتتاحی تقریب میں شرکت کی اجازت دی جائے، کرتارپور راہداری کے ذریعے 9 نومبر کو پاکستان جانا چاہتا ہوں، کرتارپور سے جانے کی اجازت نہیں دی جاتی تو واہگہ سے جانے دیا جائے تاہم بھارتی حکومت نے سدھو کو تاحال کوئی جواب نہیں دیا۔

واضح رہے کہ حکومت پاکستان بابا گرونانک کے 550ویں یوم پیدائش کے موقع پر کرتارپور راہداری کھولنے کے لیے پُرعزم ہے، کرتارپور راہداری کی افتتاحی تقریب 9 نومبر کو ہوگی، جس میں وزیراعظم عمران خان اور آرمی چیف جنرل قمر جاوید باجوہ سمیت دیگر حکام شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

نومبر 7, 2019
کرتارپور راہداری کا افتتاح ، بھارتی حکومت نوجوت سنگھ سدھو کیلئے ولن بن گئی

نئی دہلی : بھارتی حکومت نوجوت سنگھ سدھو کو کرتارپور راہداری کے افتتاح میں شرکت کے لئے اجازت دینے میں پس و پیش کررہی ہے، وزیراعظم عمران خان نے نوجوت سنگھ سدھو کو افتتاحی تقریب میں شرکت کی دعوت دے رکھی ہے۔

تفصیلات کے مطابق کرتار پور میں گردوارے کے فقیدالمثال افتتاح کی تیاریاں زورو شور سے جاری ہیں، بھارتی حکومت سابق کرکٹر اور سیاست دان نوجوت سنگھ سدھو کے لئے ولن بن گئی، ذرائع کا کہنا ہے کہ بھارتی حکومت کرتارپور راہداری کی افتتاحی تقریب میں شرکت کے لئے سدھو کو اجازت دینے میں پس و پیش کررہی ہے۔

افتتاحی تقریب میں شرکت کے لئے نوجوت سنگھ نے بھارتی حکومت سے اجازت کے لئے دوسرا خط لکھا، بھارتی وزیر خارجہ سبرامنئیم جے شنکر کو ایک ہفتے میں دوسرا خط بھیجا گیا۔

خط میں کہا گیا ہے کہ گوردوارہ کرتارپور صاحب کے درشن اور افتتاحی تقریب میں شرکت کی اجازت دی جائے، کرتارپور راہداری کے ذریعے نو نومبر کو جانا چاہتا ہوں، کرتارپور سے جانے کی اجازت نہیں دی جاتی تو واہگہ سے جانے دیا جائے تاہم بھارتی حکومت نےسدھو کو تاحال کوئی جواب نہیں دیا۔

مزید پڑھیں : نوجوت سنگھ سدھو کو کرتار پور راہداری کی افتتاحی تقریب میں شرکت کی دعوت

یاد رہے وزیراعظم عمران خان نے نوجوت سنگھ سدھو کو افتتاحی تقریب میں شرکت کی دعوت دی تھی ، جس پر نوجوت سنگھ سدھو نے خوشی کا اظہار کرتے ہوئے پاکستان آنے کی دعوت قبول کرلی تھی ، نوجوت سنگھ سدھو کا کہنا تھا کہ اس تاریخی تقریب میں مدعو کرنے پرعمران خان کا شکر گزار ہوں۔

نوجوت سدھو کا مزید کہنا تھا کہ نو نومبرکی تقریب میں شرکت کی سعادت حاصل کروں گا، حلف برداری پر محبت اور مہمان نوازی کا لطف کبھی بھلا نہ پاؤں گا، کرتار پور راہداری امن و محبت کی نئی علامت اور نئے پاکستان کا تحفہ ہے۔

واضح رہے کہ حکومت پاکستان بابا گرونانک کے 550ویں یوم پیدائش کے موقع پر کرتارپور راہداری کھولنے کے لیے پُرعزم ہے، کرتارپور راہداری کی افتتاحی تقریب نو نومبر کو ہوگی ، جس میں وزیراعظم عمران خان اور آرمی چیف جنرل قمر جاوید باجوہ شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

نومبر 7, 2019
بھارت، نوجوت سنگھ سدھو نے وزارت سے استعفیٰ دے دیا

نئی دہلی: بھارتی سیاست دان اور سابق کرکٹر نوجوت سنگھ سدھو نے وزیراعلیٰ امارندر سنگھ سے اختلافات کے بعد پنجاب کابینہ سے استعفیٰ دے دیا۔

تفصیلات کے مطابق نوجوت سنگھ سدھو نے اپنے ٹویٹر پیغام میں استعفیٰ پوسٹ کیا اور کہا کہ میں بطور پنجاب کابینہ استعفیٰ دیتا ہوں۔

نوجوت سنگھ سدھو نے کابینہ سے اپنے استعفے کی وجہ بیان نہیں کی تاہم بھارتی میڈیا کے مطابق ان کے وزیراعلیٰ پنجاب امارندر سنگھ سے اختلافات تھے۔

My letter to the Congress President Shri. Rahul Gandhi Ji, submitted on 10 June 2019. pic.twitter.com/WS3yYwmnPl

— Navjot Singh Sidhu (@sherryontopp) July 14, 2019

واضح رہے کہ نوجوت سنگھ سدھو اور وزیراعلیٰ پنجاب امارندر سنگھ کے درمیان اختلافات اس وقت شدت اختیار کرگئے تھے جب لوک سبھا کے انتخابات میں نوجوت سنگھ سدھو کی اہلیہ کو ٹکٹ نہیں دیا گیا تھا۔

نوجوت سنگھ سدھو گزشتہ ماہ بھی وزارت سے دستبردار ہوگئے تھے تاہم راہول گاندھی سے ملاقات کے بعد معاملات طے پاگئے تھے جس کے بعد سدھو کو وزارت توانائی دی گئی تھی تاہم انہوں نے اپنی ذمہ داریاں نہیں سنبھالی تھیں۔

یاد رہے کہ کرتارپور راہداری کے سنگ بنیاد کی تقریب میں سدھو نے پاکستان کا دورہ کیا تھا، راہداری کھولنے پر سدھو نے پاکستان کی تعریف کرتے ہوئے اسے پوری دنیا کی سکھ برادری کے لیے اچھی خبر قرار دیا تھا۔

پاکستان کے حق میں بیانات دینے کے بعد نوجوت سنگھ سدھو کو بھارتی کامیڈی پروگرام کپل شرما شو سے بھی نکال دیا گیا تھا۔

جولائی 14, 2019
بھارت، سدھو پر 72 گھنٹے کے لیے انتخابی مہم چلانے پر پابندی عائد

نئی دہلی: بھارتی الیکشن کمیشن نے نوجوت سنگھ سدھو پر 72 گھنٹوں کے لیے انتخابی مہم چلانے پر پابندی عائد کردی۔

غیرملکی خبررساں ادارے کے مطابق بھارتی الیکشن کمیشن نے نوجوت سنگھ سدھو پر پابندی انتخابی ضابطہ اخلاق کی خلاف ورزی پر عائد کی۔

نوجوت سنگھ سدھو نے 16 اپریل کو بھارتی ریاست کاتھیار میں الیکشن مہم کے دوران مسلمان ووٹرز سے درخواست کی تھی کہ وہ نریندر مودی کے خلاف ووٹ ڈال کر انہیں شکست دیں۔

واضح رہے کہ بھارت میں انتخابات کے تیسرے مرحلے کے لیے پولنگ کل سے شروع ہورہی ہے، بھارت کی 14 ریاستوں کے 115 حلقوں میں ووٹ ڈالے جائیں گے۔

مزید پڑھیں: نوجوت سنگھ سدھو کا سرقلم کرنے والے کے لئے ایک کروڑ انعام کااعلان

بھارتی انتخابات کا چوتھا مرحلہ 29 اپریل اور پانچواں 6 مئی کو ہوگا، چھٹا مرحلہ 12 مئی جبکہ ساتواں مرحلہ 19 مئی کو ہوگا۔

انتخابات میں 90 کروڑ ووٹرز حق رائے دہی استعمال کریں گے، جن میں سے 8 کروڑ 40 لاکھ ووٹرز پہلی بار ووٹ کاسٹ کریں گے۔

انتخابات کے حتمی نتائج کا اعلان بھارتی الیکشن کمیشن کی جانب سے 23 مئی کو سنایا جائے گا۔

واضح رہے کہ چند روز قبل انتخابی مہم کے دوران سابق کرکٹر اور کانگریس کے رہنما نوجوت سنگھ سدھو نے بھارتی وزیراعظم نریندر مودی کو تنقید کا نشانہ بناتے ہوئے جھوٹا نمبر ون کہا تھا۔

اپریل 22, 2019
آپ دہشت گرد اکھاڑنے گئے تھے یا درخت؟ سدھو کا مودی سے چھبتا ہوا سوال

نئی دہلی: بھارت کے سابق کرکٹر اور سیاست دان نوجوت سنگھ سدھو نے ایک بار پھر وزیرِ اعظم نریندر مودی سے سوال کر کے ان کا مضحکہ اڑایا ہے۔

تفصیلات کے مطابق پاکستانی وزیرِ اعظم عمران خان کو پسند کرنے والے بھارتی سیاست دان نوجوت سنگھ سدھو نے ٹویٹ کر کے مودی سے پوچھا ہے کہ فضائی حملے میں دہشت گرد مارنے گئے تھے، کیا مار دیے؟

سدھو نے ٹویٹر اکاؤنٹ پر لکھا کہ ’مودی، تین سو دہشت گرد مر گئے یا نہیں؟‘

سابق کرکٹر نوجوت سنگھ سدھو نے سوال کیا کہ اگر فضائی حملے میں دہشت گرد نہیں مارے گئے تو پھر اس حملے کا کیا مقصد تھا؟

یہ بھی پڑھیں: مذہبی رسومات کی ادائیگی کے لیے درجنوں سکھ یاتری پاکستان پہنچ گئے

انھوں نے وزیرِ اعظم مودی کا مضحکہ اڑاتے ہوئے کہا کہ کیا آپ دہشت گردوں کو اکھاڑنے گئے تھے یا درختوں کو؟

سدھو نے ٹویٹ کرتے ہوئے نریندر مودی پر سوالات کی بوچھاڑ کر دی، پوچھا کہ کیا پاکستان پر فضائی حملہ صرف الیکشن کے لیے شعبدہ بازی تھی؟ سدھو نے مطالبہ کیا کہ مودی فوج کو اپنی سیاست کے لیے استعمال کرنا بند کر دے۔

300 terrorist dead, Yes or No?

What was the purpose then? Were you uprooting terrorist or trees? Was it an election gimmick?

Deceit possesses our land in guise of fighting a foreign enemy.

Stop politicising the army, it is as sacred as the state.

ऊंची दुकान फीका पकवान| pic.twitter.com/HiPILADIuW

— Navjot Singh Sidhu (@sherryontopp) March 4, 2019

واضح رہے کہ 27 فروری کو پاکستان نے فضائی حدود کی خلاف ورزی پر بھارت کے دو طیارے مار گرائے تھے اور پائلٹ ابھی نندن کو گرفتار کر لیا تھا۔ بھارت نے فضائی حملے کے بعد دعویٰ کر دیا تھا کہ اس نے پاکستان میں تین سو دہشت گردوں کو مارا، بعد ازاں یہ دعویٰ جھوٹا ثابت ہو گیا۔

مارچ 4, 2019
نوجوت سنگھ سدھو کا بھارتی پائلٹ کی رہائی کے اعلان کا خیر مقدم

نئی دہلی: بھارت کے سابق کرکٹر اور سیاست دان نوجوت سنگھ سدھو نے پاکستان کی طرف سے بھارتی پائلٹ کی رہائی کے اعلان کا خیر مقدم کیا ہے۔

تفصیلات کے مطابق سابق انڈین کرکٹر اور وزیرِ اعظم عمران خان کی شخصیت کو پسند کرنے والے بھارتی سیاست دان سدھو نے وزیرِ اعظم پاکستان کی جانب سے بھارتی پائلٹ کی رہائی کا عندیہ دینے پر خوشی کا اظہار کیا۔

[bs-quote quote=”عمران خان کا خیر سگالی کا اقدام ایک ارب لوگوں کی خوشی کا سبب بنا ہے۔” style=”style-8″ align=”left” author_name=”سدھو”][/bs-quote]

نوجوت سنگھ سدھو نے عمران خان اور پی ٹی آئی کو سراہتے ہوئے ٹویٹ کیا کہ ہر بہترین عمل لوگوں کے دلوں میں اپنا راستہ خود بناتا ہے۔

سماجی رابطوں کی ویب سائٹ ٹویٹر پر سابق کرکٹر نوجوت سنگھ سدھو نے بھارتی پائلٹ کی رہائی کے اعلان کا خیر مقدم کرتے ہوئے کہا کہ عمران خان کا خیر سگالی کا اقدام ایک ارب لوگوں کی خوشی کا سبب بنا ہے۔

نوجوت سنگھ سدھو نے لکھا کہ پاکستان کے وزیرِ اعظم کے اعلان سے پوری قوم میں خوشی کی لہر دوڑ گئی ہے۔

@ImranKhanPTI Every noble act makes a way for itself… your goodwill gesture is ‘a cup of joy’ for a billion people, a nation rejoices…
I am overjoyed for his parents and loved ones.

— Navjot Singh Sidhu (@sherryontopp) February 28, 2019

سدھو نے یہ بھی کہا کہ میں بھارتی پارئلٹ کے والدین اور چاہنے والوں کی خوشی محسوس کر سکتا ہوں۔

یہ بھی پڑھیں: وزیر اعظم عمران خان کا امن کی خاطر بھارتی پائلٹ کو کل رہا کرنے کا اعلان

واضح رہے کہ وزیرِ اعظم عمران خان نے امن کی خاطر بھارتی پائلٹ کو کل رہا کرنے کا اعلان کر دیا ہے، انھوں نے کہا کہ بھارت اس سے زیادہ کشیدگی کو آگے نہ بڑھائے اور کشیدگی کم کرنے اور امن کو ہماری کم زوری نہ سمجھا جائے۔

فروری 28, 2019
سدھو بھارتی اسمبلی میں پاکستان کی حمایت میں ڈٹ گئے

چندی گڑھ : بھارتی پنجاب کی ودھان سبھا (صوبائی اسمبلی ) میں معروف بھارتی سیاست دان اور سابق کرکٹر نوجوت سنگھ سدھو پاکستان مخالف سیاست دانوں کے خلاف ڈٹ گئے۔

تفصیلات کے مطابق بھارت ریاست پنجاب کی ودھان سبھا میں نوجوت سنگھ سدھو کے ساتھیوں نے ان سے پاکستان مخالف نعرے لگانے کا مطالبہ کیا، تاہم سدھو نے ان کی تمام کوششوں پر پانی پھیر دیا۔

بھارتیہ جنتا پارٹی سے تعلق رکھنے والے ممبران اسمبلی کے مطالبے کے جواب میں سدھو کا کہنا تھا کہ ان کی لڑائی امن دشمنوں سے ہے بے گناہوں سے نہیں ہے۔

اجلاس کے دوران تلخ کلامی انتہا پر پہنچ گئی اور پاکستان کی مخالفت کرنے والے ممبران اسمبلی نے انتہائی نازیبا زبان بھی استعمال کی لیکن نوجوت سنگھ ڈٹے رہے اور پاکستان کے خلاف منفی بیان نہیں دیا۔

اس واقعے پر میڈیا سے گفتگو کرتے ہوئے سدھو کا کہنا تھا کہ ان کی لڑائی ان عناصر سے ہے جومسئلہ کشمیر کے حل میں رکاوٹ ہیں۔ان کا مزید کہناتھا کہ لڑائی امن کےدشمنوں سے ہونی چاہیے،بے گناہوں سے نہیں۔

امن کی حمایت سدھو کو مہنگی پڑی گئی

یاد رہے کہ نوجوت سنگھ سدھو ایک معروف بھارتی ٹی وی شو کا بھی حصہ تھے لیکن پلوامہ حملے کے بعد شو کی انتظامیہ نے انہیں پاکستان کے لیے نرم گوشہ رکھنے پر برطرف کردیا تھا۔

پلوامہ حملے کے بعد بھارتی میڈیا نے اپنی توپوں کا رخ پاکستان کی جانب کیا لیکن سابق کرکٹر اور کانگریس کے رہنما نوجوت سنگھ سدھو نے پاکستان کو مورد الزام ٹھہرانے کے بجائے ذمے داروں کو کٹہرے میں لانے کا مطالبہ کرتے ہوئے دشنام طرازی کی مذمت کی تھی۔

نوجوت سنگھ سدھو، کرکٹ کے زمانے سے پاکستان کے موجودہ وزیر اعظم عمران خان کے قریبی ساتھی سمجھے جاتے ہیں ۔ وہ وزیراعظم کی تقریبِ حلف برداری میں شرکت کرنے کے لیے بھارت سے پاکستان تشریف لائے تھے جبکہ کرتار پور بارڈر کے افتتاح کے موقع پر بھی وہ پاکستان میں منعقد ہونے والی تقریب میں خصوصی طور پر شریک تھے۔

فروری 20, 2019
بابا نانک دربار کو ورثے کا درجہ دیا جانا چاہیے: نوجوت سدھو کا وزیرِ اعظم عمران خان کو خط

اسلام آباد: وزیرِ اعظم عمران خان کو سابق بھارتی کرکٹر نوجوت سنگھ سدھو نے خط لکھ کر کہا ہے کہ کرتارپور راہ داری نے دو قوموں کو قریب کیا ہے۔

تفصیلات کے مطابق سابق بھارتی کرکٹر نوجوت سنگھ سدھو نے وزیرِ اعظم عمران خان کو خط لکھا ہے، جس میں انھوں نے کرتارپور راہ داری کھولے جانے سے متعلق بات کی۔

[bs-quote quote=”بابا نانک دربار کی مقدس سر زمین کو ورثے کا درجہ دیا جانا چاہیے۔” style=”style-7″ align=”left” color=”#dd3333″ author_name=”نوجوت سنگھ سدھو”][/bs-quote]

نوجوت سنگھ سدھو نے لکھا کہ مثبت اقدام دونوں ممالک کو امن کی طرف لے جائے گا۔

انھوں نے خط میں لکھا ’بابا نانک کی 550 ویں سال گرہ کے انتظامات کا منصوبہ مکمل ہے، گوردواروں کا ماضی، مستقبل محفوظ بنانے کے لیے خدمات پیش کرنا ہوں گی۔‘

نوجوت سنگھ کا کہنا تھا کہ کرتارپور، گرو نانک دربار عقیدت مندوں کی حاضری کا منتظر ہے، برسوں بعد کرتارپور گوردوارہ حاضری دے کر دل کو سکون ہوگا۔

انھوں نے مزید لکھا کہ بابا نانک دربار کی مقدس سر زمین کو ورثے کا درجہ دیا جانا چاہیے، کرتار پور، بابا نانک گوردوارہ کی تاریخی عمارتوں کو تبدیل نہ کیا جائے۔

یہ بھی پڑھیں: نوجوت سنگھ سدھو کا سرقلم کرنے والے کے لئے ایک کروڑ انعام کااعلان

یاد رہے کہ نوجوت سنگھ سدھو وزیرِ اعظم عمران خان کی دعوت پر گزشتہ سال نومبر کے آخری دنوں میں کرتار پور راہ داری تقریب میں شرکت کے لیے پاکستان آئے تھے۔

جس پر ہندو انتہا پسند تنظیم ہندو یووا نے نوجوت سنگھ سدھو کا سرقلم کرنے والے کے لیے ایک کروڑ انعام کا اعلان کر دیا تھا۔

جنوری 20, 2019
تحفے میں ملا حنوط شدہ پرندہ بھارت لے جانے پر نوجوت سنگھ سدھو کیخلاف شکایت درج

نئی دہلی : بھارت کے سابق کرکٹر اورسیاستدان نوجوت سنگھ سدھو دورہ پاکستان کے بعدمسلسل انتہاپسندوں کے نشانے پرہیں‌ ، تحفے میں ملا حنوط شدہ پرندہ بھارت لے جانے پرسدھو کیخلاف شکایت درج کرا دی گئی۔

تفصیلات کے مطابق بھارت میں انتہاپسندی تمام حدیں پارکرگئی، جاسوس کبوترکے بعداب حنوط شدہ پرندہ بھی انتہاپسندوں کے لئے مسئلہ بن گیا، دورہ پاکستان کے بعدسے مسلسل پاکستان دشمنوں کے تعصب کا سامنا کرتے نوجوت سنگھ سدھوکوحنوط شدہ پرندہ بھارت لے جانا مہنگا پڑگیا۔

حنوط شدہ پرندہ سدھوکوپاکستان میں تحفے کے طورپردیا گیا تھا،. جس کے خلاف شہری نے شکایت درج کرادی ہے ، شکایت میں سدھوکا حنوط شدہ پرندہ رکھنے کو وائلڈ لائف ایکٹ کی خلاف ورزی قراردیا گیا ہے۔

خیال رہے یہ پہلا موقع نہیں کہ سدھوکونشانہ بنایا گیا ہو، اس سے قبل ایک انتہاپسند ہندوتنظیم نوجوت سنگھ سدھو کا سرلانے والے کو ایک کروڑ انعام دینے کا اعلان کرچکی ہے۔

انتہا پسند تنظیم ہندو یووا کے صدر ترون سنگھ سدھو کو غدار قرار دیتے ہوئے کہا تھا ” اگر سدھو آگرہ آئے تو میں ان کے ٹکڑے ٹکڑے کردوں گا، سدھو کو پاکستان جانا چاہیے ، ہم اسے ہندوستان میں نہیں رہنے دیں گے۔

مزید پڑھیں : نوجوت سنگھ سدھو کا سرقلم کرنے والے کے لئے ایک کروڑ انعام کااعلان

یاد رہے نوجوت سنگھ سدھو وزیراعظم عمران خان کی دعوت پر کرتار پورراہداری تقریب میں شرکت کے لئے پاکستان آئے تھے ، تقریب میں خطاب کرتے ہوئے سابق بھارتی کرکٹر نوجوت سنگھ سدھو کا کہنا تھا کہ جب بھی کرتارپورصاحب کی تاریخ لکھی جائےگی عمران خان پہلانام لکھاجائے گا،یہ معجزہ ہےجو73سال میں نہیں ہواوہ3ماہ کےاندراندر ہوگیا،زندگی بھرکرتارپورکوریڈورمنصوبےپرشکرگزاررہوں گا۔

ان کا کہنا تھا کہ کچھ لوگ ہوتے ہیں جو تاریخ بناتے ہیں، عمران خان ان میں سے ہے، اس مرتبہ پاک دھرتی سے مٹی بھی لے کر جاؤں گا، پاکستان جیوے سارا آسمان جیوے میرا یار دلدار عمران خان جیوے۔

خیال رہے اس سے قبل اگست میں نوجوت سدھو کے عمران خان کی تقریب حلف برداری میں شرکت اور آرمی چیف جنرل جاوید باجوہ سے گلے ملنے اور صدر آزاد کشمیر مسعود خان کے ساتھ بیٹھنے پر بھارتی میڈیا اور انتہا پسند آگ بگولہ ہوگئے تھے۔

جس کے بعد لدھیانہ میں مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

بھارت میں انتہاپسند ہندوتنظیم بجرنگ دل نے سدھو کے سر پر 5لاکھ روپے انعام کا اعلان بھی کیا تھا۔

دسمبر 14, 2018
نوجوت سنگھ سدھو کا سرقلم کرنے والے کے لئے ایک کروڑ انعام کااعلان

نئی دہلی : ہندو انتہا پسند تنظیم نے نوجوت سنگھ سدھو کا سرقلم کرنے والے کے لئے ایک کروڑ انعام کا اعلان کردیا، انتہاپسندتنظیم ہندو یووا کے بانی وزیراعلیٰ یوپی آدیتیہ ناتھ ہیں۔

تفصیلات کے مطابق پاکستان آنے پر بھارتی انتہا پسند ہندو نوجوت سنگھ سدھو کے جانی دشمن بن گئے اور ہندو انتہا پسند تنظیم نے نوجوت سنگھ سدھو کے قتل کا ریٹ مقرر کردیا۔

ہندو انتہا پسند تنظیم نے سدھو کا سرقلم کرنے والے کے لئے ایک کروڑ انعام کا اعلان کیا ہے ، انتہاپسندتنظیم ہندویووا کے بانی وزیراعلیٰ یوپی آدیتیہ ناتھ ہیں۔

انتہا پسند تنظیم ہندو یووا کے صدر ترون سنگھ نے کہا کہ ” اگر سدھو آگرہ آئے تو میں ان کے ٹکڑے ٹکڑے کردوں گا۔

ترون سنگھ نے سدھو کو غدار قرار دیتے ہوئے کہا کہ سدھو کو پاکستان جانا چاہیے ، ہم اسے ہندوستان میں نہیں رہنے دیں گے۔

یاد رہے نوجوت سنگھ سدھو وزیراعظم عمران خان کی دعوت پر کرتار پورراہداری تقریب میں شرکت کے لئے پاکستان آئے تھے ، تقریب میں خطاب کرتے ہوئے سابق بھارتی کرکٹر نوجوت سنگھ سدھو کا کہنا تھا کہ جب بھی کرتارپورصاحب کی تاریخ لکھی جائےگی عمران خان پہلانام لکھاجائے گا،یہ معجزہ ہےجو73سال میں نہیں ہواوہ3ماہ کےاندراندر ہوگیا،زندگی بھرکرتارپورکوریڈورمنصوبےپرشکرگزاررہوں گا۔

مزید پڑھیں : پاکستان جیوے سارا آسمان جیوے میرا یار دلدار عمران خان جیوے، سدھو

ان کا کہنا تھا کہ کچھ لوگ ہوتے ہیں جو تاریخ بناتے ہیں، عمران خان ان میں سے ہے، اس مرتبہ پاک دھرتی سے مٹی بھی لے کر جاؤں گا، پاکستان جیوے سارا آسمان جیوے میرا یار دلدار عمران خان جیوے۔

خیال رہے اس سے قبل اگست میں نوجوت سدھو کے عمران خان کی تقریب حلف برداری میں شرکت اور آرمی چیف جنرل جاوید باجوہ سے گلے ملنے اور صدر آزاد کشمیر مسعود خان کے ساتھ بیٹھنے پر بھارتی میڈیا اور انتہا پسند آگ بگولہ ہوگئے تھے۔

جس کے بعد لدھیانہ میں مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

بھارت میں انتہاپسند ہندوتنظیم بجرنگ دل نے سدھو کے سر پر 5لاکھ روپے انعام کا اعلان بھی کیا تھا۔

دسمبر 7, 2018