Tag: نورالحق قادری

پشاور: وفاقی وزیرمذہبی امورنورالحق قادری نے کہا کہ یاست مدینہ کےحوالےسے سفارشات علماء کا کام ہے۔

تفصیلات کے مطابق پشاور میں وفاقی وزیرمذہبی امورنورالحق قادری نے قومی علماء کانفرنس سے خطاب کرتے ہوئے کہا کہ پیغام پاکستان قومی علماء کی بہت بڑی کامیابی ہے۔

انہوں نے کہا کہ مدارس کی بندش سے متعلق محض پروپیگنڈا کیا جا رہا ہے، مدارس کو بند کرنے کے کسی بھی پروپیگنڈے کاحصہ نہ بنیں۔

نورالحق قادری نے کہا کہ ریاست مدینہ کے حوالے سے سفارشات علماء کا کام ہے، وزیراعظم نے اسلامی فلاحی ریاست کی بات کی، پاکستان کوآزاد فلاحی ریاست بنانا اس حکومت کی ترجیح ہے۔

ریاست مدینہ کا مطلب لوگوں کوخوشحالی دینا ہے، مفت حج کروانا نہیں ،نورالحق قادری

یاد رہے کہ یکم فروری کو وفاقی وزیرمذہبی امورنورالحق قادری کا کہنا تھا کہ ریاست مدینہ کا مطلب لوگوں کو خوشحالی دینا ہے، ریاست مدینہ کا مطلب یہ نہیں کہ لوگوں کومفت حج کراؤں، میں حج پر ضرور جاؤں گا اورانشااللہ اپنے خرچے پر جاؤں گا۔

نورالحق قادری کا کابینہ سے ناراضی کا تاثرغلط قرار دیتے ہوئے کہنا تھا کابینہ کاحصہ ہوں میں کیسے ناراض ہوں گا، ایک فون کال کے لیے کابینہ کے اجلاس سے باہر گیا تھا، جسے ناراضی ظاہرکیا گیا۔

اسلام آباد: پاکستان کی ہندو، سکھ اور مسیحی برادری نے وزارتِ مذہبی امور اسلام آباد کے آفس میں اہم اجلاس منعقد کیا، جس میں اقلیتی برادری کے مسائل زیرِ بحث لائے گئے۔

تفصیلات کے مطابق وفاقی وزیر مذہبی امور پیر نورالحق قادری نے اقلیتی برادری کی جانب سے وزارتِ مذہبی امور میں منعقد ہونے والے اجلاس میں شرکت کی۔

[bs-quote quote=”وزیر اعظم عمران خان کے وژن کی بھرپور حمایت کرتے ہیں۔” style=”style-8″ align=”left” color=”#dd3333″ author_job=”اقلیتی برادری کے قائدین کا اعلان”][/bs-quote]

نور الحق قادری نے اس موقع پر اقلیتی برادری سے کہا کہ تمام مذاہب کے مقدس مقامات پر تعلیم، صحت اور فلاحی خدمات مہیا کی جائیں گی۔

اجلاس میں وفاقی سیکرٹری مذہبی امور میاں مشتاق احمد، جوائنٹ سیکرٹری بین المذاہب ہم آہنگی طاہر احسان، سیکرٹری متروکہ املاک بورڈ طارق وزیر، اقلیتی برادری کے اراکین اسمبلی اور وزارت کے دیگر افسران نے شرکت کی۔

وفاقی وزیر مذہبی امور نور الحق قادری کا کہنا تھا کہ وزیرِ اعظم کے وژن کے مطابق متروکہ وقفِ املاک بورڈ کی تنظیم نو کی جائے گی، حکومت اقلیتی برادری کی فلاح و بہبود کے حوالے سے کافی کام کرنا چاہتی ہے۔

وفاقی وزیر کا کہنا تھا کہ وزیر اعظم پاکستان میں مذہبی سیاحت کے فروغ اور پاکستان کی اقلیتی برادری کی فلاح و بہبود کے حوالے سے کافی کام کرنا چاہتے ہیں، پاکستان بھر میں مختلف مذہبی مقامات کی حفاظت، ان کی تعمیر نو، مقامی غیر مسلم آبادی اور دیگر زائرین کو سماجی خدمات کی فراہمی کو یقینی بنانا ان کی ترجیحات میں شامل ہے۔

یہ بھی پڑھیں:  بھارت : اقلیتوں کو شہریت دینے کے بل سے مسلمان مہاجرین خارج

انھوں نے بتایا کہ متروکہ وقف املاک بورڈ کی تنظیم نو کے ذریعے اس ادارے کو مزید مستحکم کیا جائے گا، بورڈ کی آمدن سے تعلیم اور صحت جیسے فلاحی کام کیے جائیں گے، اس کام کے لیے تمام مذاہب کے عوامی نمائندوں اور مذہبی قائدین سے باقاعدہ مشاورتی عمل کا آغاز کیا جا چکا ہے۔

اقلیتی برادری کے قائدین نے مشاورتی اجلاس کا خیر مقدم کرتے ہوئے کہا وہ وزیر اعظم عمران خان کے وژن کی بھرپور حمایت کرتے ہیں اور اقلیتوں کے مذہبی مقامات کی بحالی، تعمیر نو اورسماجی خدمات کی کوششوں میں شانہ بشانہ کھڑے ہیں۔

اسلام آباد: وفاقی وزیر برائے مذہبی امور نور الحق قادری نے عوام کو خبردار کیا ہے کہ وہ سستے حج کی بات سے دھوکا نہ کھائیں اور قانونی ٹور آپریٹرز کے ذریعے درخواستیں دیں۔

تفصیلات کے مطابق وفاقی وزیر نے میڈیا سے گفتگو کرتے ہوئے کہا کہ قانونی ٹور آپریٹرز کے ذریعے درخواستیں دی جائیں، عوام فراڈ سے بچیں۔

[bs-quote quote=”پاکستان روڈ ٹو مکہ منصوبے میں شامل ہو گیا، آغاز لاہور اور کراچی سے ہوگا۔” style=”style-7″ align=”left” color=”#dd3333″ author_name=”وزیر مذہبی امور”][/bs-quote]

نور الحق قادری نے کہا کہ حج پالیسی کا اعلان ہو چکا ہے، پالیسی کی حمایت اور تنقیدی بیانات بھی سامنے آئے۔

ان کا کہنا تھا کہ نان کوٹہ ہولڈر ایک پرائیویٹ ٹور آپریٹر سستے حج کی بات کرتا ہے، یہ ایسا ہے جیسے کسی کو ڈرائیونگ نہ آئے اور کہے گاڑی چلانی ہے۔

نور الحق قادری نے کہا کہ جن کے پاس کوئی کوٹہ ہی نہیں، تو وہ حج کیسے کرا سکتے ہیں، عوام ایسے لوگوں کی باتوں میں نہ آئیں، البتہ کوٹہ ہولڈرز اگر سستا حج کراتے ہیں تو ہم حوصلہ افزائی کریں گے۔

وفاقی وزیر مذہبی امور نے کہا کہ رواں سال حج پیکج میں اضافہ ہوا ہے، اس کی وجوہ ہم بتائیں گے، سعودی حکام سے انتظامات پر ملاقات اور بات چیت ہوئی تھی، ہم نے بہتر سے بہتر حج کرانے اور انتظامات پر زور دیا ہے، سعودی حکومت نے بھی بہترین انتظامات کی یقین دہانی کرائی۔

یہ بھی پڑھیں:  لاہور ہائی کورٹ میں حج پالیسی 2019 کو چیلنج کردیا گیا

نور الحق قادری کا کہنا تھا کہ روڈ ٹو مکہ منصوبے پر سعودی حکومت کے ساتھ معاہدہ ہو گیا ہے، سعودی حکومت نے اس سال پاکستان کو روڈ ٹو مکہ منصوبے میں شامل کیا۔

انھوں نے مزید کہا کہ لاہور اور کراچی سے روڈ ٹو مکہ منصوبے کا آغاز ہوگا، سعودی حکومت ہمارے لیے ای ویزا کی فراہمی کا بندوست بھی کر رہی ہے۔۔