Tag: نورا فتیحی

بالی ووڈ کی معروف ڈانسر نورا فتیحی کی سالگرہ سے قبل موت کی جھوٹی خبریں گردش کرنے لگیں۔

بھارتی میڈیا رپورٹ کے مطابق اداکارہ نورا فتیحی سے متعلق خبریں گردش وائرل ہوگئیں کہ وہ حادثے کا شکار ہوئیں جس میں ان کی موت ہوگئی ہے۔

سوشل میڈیا پر جعلی ویڈیو پھیل گئی جس میں ایک خاتون کو پہاڑ کی بلندی سے نیچے گرتے دکھایا گیا۔

وائرل ویڈیو کلپ شیئر کرنے والے صارف نے لکھا کہ ’اداکارہ نورا فتیحی کی موت بالی ووڈ کے لیے افسوسناک خبر ہے۔‘

بعدازاں بھارتی میڈیا نے نورا کے زندہ ہونے کی تصدیق کردی ہے۔

سوشل میڈیا صارفین کی جانب سے نورا فتیحی کی موت کی جھوٹی خبریں پھیلانے والے صارف پر سخت تنقید کرتے ہوئے اس کے خلاف کارروائی کا مطالبہ کیا جارہا ہے۔

واضح رہے کہ اس سے قبل بھی کسی اداکار کی موت کی جھوٹی خبریں سوشل میڈیا کی زینت بن چکی ہیں۔

بالی ووڈ کی مقبول ڈانسر نورا فتیحی نے اپنی ماضی کی ایک تصویر سوشل میڈیا پر شیئر کی ہے، جسے دیکھ مداح حیران و پریشان نظر آرہے ہیں۔

مراکشی نژاد ڈانسر نے انسٹا گرام پر اپنے اسکول کے زمانے کی ایک گروپ فوٹو پوسٹ کی جس میں انھیں پہچاننا مشکل ہورہا ہے، ابھی کے مقابلے میں ان کے چہرے کے خدوخال کافی بدلے ہوئے ہیں جبکہ وہ کافی مختلف سراپے کی مالک نظر آرہی ہیں۔

ڈانس شوز کی موجودہ جج نورا نے اپنی پوسٹ میں لکھا کہ اوہ خدایا میرے دوستوں یہ ماضی کی خاص یادیں ہیں، جب میری عمر17 سال تھی، یہ میں ہوں جو بالکل بائیں طرف کھڑی ہوں۔

نورا فیحی نے لکھا کہ میں اپنے اسکول کے ساتھیوں کے ساتھ موجود ہوں، ہم ڈانس پرفارمنس کے لیے اسٹیج پر آنے کے لیے تیار ہو رہے تھے! ہم نے اس کے لیے کئی ہفتوں تک ریہرسل کی تھی۔

انھوں نے کہا کہ اس وقت میں نے اپنی دوستوں کو وہ سب کچھ سکھایا تھا جو میں اس وقت جانتی تھی، ہم نے چند گانوں پر بیلی ڈانس فیوژن ایکٹ کیا تھا۔

View this post on Instagram

A post shared by Nora Fatehi (@norafatehi)

نورا فتیحی بتایا کہ میں نے اور میری دوستوں نے اپنے اسکول کے سامنے پرفارم کیا تھا، کچھ چیزیں کبھی نہیں بدلتی، ساتھ ہی نورا نے دل والی ایموجی بھی بنائی۔

خیال رہے کہ نورا فتیحی اب بالی ووڈ کا جانا مانا نام ہیں اور وہ ڈانس رئیلٹی شوز میں جج کے فرائض بھی انجام دے چکی ہیں۔

ماضی میں اداکارہ پر پلاسٹک سرجری کروانے کا الزام بھی لگا تھا جسے انھوں نے مسترد کردیا تھا، ان کا کہنا تھا کہ مجھے کبھی اپنے چہرے کے نقود پر شرم محسوس نہیں ہوئی اپنی قدرتی خوبصورتی اور نین نقش پر فخر ہے۔