Tag: نوری آباد پاور پلانٹ ریفرنس

  • نوری آباد پاور پلانٹ ریفرنس ،  وزیر اعلیٰ سندھ کو بڑا ریلیف مل گیا

    نوری آباد پاور پلانٹ ریفرنس ، وزیر اعلیٰ سندھ کو بڑا ریلیف مل گیا

    اسلام آباد : نوری آباد پاور پلانٹ مبینہ منی لانڈرنگ کیس میں وزیراعلیٰ سندھ مراد علی شاہ سمیت تمام ملزمان کو بری کردیا گیا۔

    تفصیلات کے مطابق احتساب عدالت میں نوری آبادپاورپلانٹ منی لانڈرنگ کیس کی سماعت ہوئی ، احتساب عدالت کے جج ناصر جاوید رانا نے سماعت کی۔

    ملزمان کے وکیل بیرسٹر قاسم نواز عباسی عدالت میں پیش ہوئے، چیئرمین نیب کی جانب سے ریفرنس واپس لینے کی درخواست دائر کی گئی۔

    احتساب عدالت میں چیئرمین نیب کی ریفرنس واپس لینے کی درخواست منظور کرلی اور وزیراعلیٰ سندھ مراد علی شاہ سمیت تمام ملزمان کوبری کردیا۔

    واضح رہے کہ نیب نے وزیراعلیٰ سندھ مراد علی شاہ کیخلاف ریفرنس دائر کیا تھا، نیب ریفرنس میں وزیراعلیٰ سندھ کے خلاف توانائی منصوبوں پر خلاف ضابطہ فنڈز جاری کرنے اور سندھ میں توانائی منصوبوں میں اختیارات کے غلط استعمال کا الزام عائد کیا گیا ہے۔

    گذشتہ روز احتساب عدالت نے کڈنی ہل ریفرنس میں سلیم مانڈوی والا سمیت دیگر ملزمان کو بری کیا تھا،، 7ملزمان کیخلاف جنوری 2021 میں ریفرنس دائر کیا گیا تھا۔

  • نوری آباد پاور پلانٹ ریفرنس : وزیر اعلیٰ سندھ  پر فرد جرم کی کارروائی پھر مؤخر

    نوری آباد پاور پلانٹ ریفرنس : وزیر اعلیٰ سندھ پر فرد جرم کی کارروائی پھر مؤخر

    اسلام آباد: احتساب عدالت نے نوری آباد پاور پلانٹ ریفرنس میں وزیر اعلیٰ سندھ مراد علی شاہ پر فرد جرم کی کارروائی ایک بار پھر مؤخر کردی۔

    تفصیلات کے مطابق اسلام آباد کی احتساب عدالت میں نوری آباد پاور پلانٹ ریفرنس پر سماعت ہوئی ، عدالت نے وزیر اعلیٰ سندھ مراد علی شاہ پر فرد جرم کی کارروائی ایک بار پھر مؤخر کردی۔

    وکیل کی جانب سے کورونا وائرس کا شکار ہونے والے ملزم کی رپورٹ جمع کرائی گئی، جس پر جج اصغر علی نے ایک ہفتے کا وقت دیتے ہوئے ریمارکس دیے کہ سنا ہے ایک نیا نیب آرڈیننس بھی آیا ہے، وکیل صفائی نے بتایا کہ پرائیویٹ لوگوں کو احتساب عدالت کے دائرہ اختیار سے نکال دیا گیا ہے۔

    ریفرنس میں شریک ملزم نیازعلی شیخ نے ترمیمی آرڈیننس کے تحت بریت کی درخواست دائر کی ، جس پر عدالت نے نیب کو نوٹس جاری کرتے ہوئے جواب طلب کرلیا۔

    بعد ازاں احتساب عدالت نے نوری آباد پاور پلانٹ ریفرنس کی سماعت 17 نومبر تک ملتوی کر دی۔

  • نوری آباد پاور پلانٹ ریفرنس : مراد علی شاہ پر  7 اکتوبر کو فردِ جرم عائد ہوگی

    نوری آباد پاور پلانٹ ریفرنس : مراد علی شاہ پر 7 اکتوبر کو فردِ جرم عائد ہوگی

    اسلام آباد : احتساب عدالت نے نوری آباد پلانٹ کے غیر قانونی ٹھیکوں اور منی لانڈرنگ ریفرنس میں وزیراعلیٰ سندھ مراد علی شاہ کو فرد جرم عائد کرنے کیلئے 7 اکتوبر کو طلب کرلیا۔

    تفصیلات کے مطابق احتساب عدالت میں نوری آباد پلانٹ کے غیر قانونی ٹھیکوں اور منی لانڈرنگ ریفرنس پر سماعت ہوئی ، وزیر اعلیٰ سندھ مراد علی شاہ ،عبدالغنی مجید، خورشید انور سمیت 17 ملزمان پر فرد جرم عائد کرنے کیلئے7 اکتوبر کو طلب کرلیا۔

    عدالت کا کہنا تھا کہ مراد علی شاہ سمیت ملزمان پر آئندہ سماعت 7 اکتوبر کو فرد جرم عائد ہوگی۔

    خیال رہے نیب نے مراد علی شاہ کیخلاف 1لاکھ صفحات اور66والیمز پر مشتمل ریفرنس دائر کررکھا ہے ، نیب ریفرنس میں وزیراعلیٰ سندھ کے خلاف توانائی منصوبوں پر خلاف ضابطہ فنڈز جاری کرنے اور سندھ میں توانائی منصوبوں میں اختیارات کے غلط استعمال کا الزام عائد کیا گیا تھا۔

    نیب ریفرنس میں کہا گیا تھا کہ سندھ میں توانائی منصوبوں میں خلاف ضابطہ فنڈز جاری کئےگئے، نوری آباد پاور کمپنی، سندھ ٹرانسمیشن اینڈڈسپیچ کمپنی میں اربوں کی ہیرپھیر کی گئی ہے۔