Tag: نور الحق قادری

اسلام آباد: وزیراعظم عمران خان کا کہنا ہے کہ رمضان کے لیے حفاظتی تدابیر پر مبنی لائحہ عمل ترتیب دیا جائے، حفاظتی تدابیر کے لیے علمائے کرام سےرہنمائی لی جائے۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے وفاقی وزیر برائے مذہبی امور نور الحق قادری نے ملاقات کی۔وفاقی وزیر نے علماو مشائخ سے صدر کی زیر صدارت کل ہونے والی ملاقات سے متعلق وزیراعظم کو بریفنگ دی۔

وزیراعظم عمران خان نے کہا کہ رمضان کے لیے حفاظتی تدابیر پر مبنی لائحہ عمل ترتیب دیا جائے، حفاظتی تدابیر کے لیے علمائے کرام سے مشاورت، رہنمائی لی جائے۔

وزیراعظم کا مزید کہنا تھا کہ آئندہ ہفتے علمائے کرام سے ذاتی طور پر خود ملاقات کریں گے۔

وزیراعظم عمران خان سے معروف عالم دین مولانا طارق جمیل کی ملاقات

یاد رہے کہ گزشتہ روز وزیراعظم عمران خان سے ممتاز عالم دین مولانا طارقن جمیل نے وزیراعظم آفس میں ملاقات کی تھی۔ وزیراعظم نے مولانا طارق جمیل کی کورونا کےخلاف آگاہی مہم کو سراہتے ہوئے کہا تھا کہ کرونا کی وبا سے نمٹنے کے لیے علمائےکرام کا تعاون درکار ہے، جلد علمائے کرام کے وفد سے خود ملاقات کروں گا۔

وزیراعظم کا کہنا تھا کہ حکومتی کوششوں کا مقصد عوام کو وبا سےمحفوظ رکھنا ہے،علمائےکرام نے ہمیشہ مشکل میں حکومت کی رہنمائی کی ہے،رمضان کے پیش نظرعلما کی مشاورت سے لائحہ عمل مرتب کیاجائے گا۔

اسلام آباد: وفاقی مذہبی امور نور الحق قادری کا کہنا ہے کہ زائرین اور تاجر ایران کا سفر کم سے کم کریں۔

تفصیلات کے مطابق وفاقی دارالحکومت اسلام آباد میں وزیر مذہبی امور نورالحق قادری کی زیر صدارت اہم اجلاس ہوا جس میں معاون خصوصی ڈاکٹر ظفر مرزا، سیکریٹری مذہبی امور، شیعہ علما نے شرکت کی۔

اجلاس میں کرونا وائرس کے پیش نظر زائرین کے لیے احتیاطی اقدامات، سفری ہدایات پر غور کیا گیا۔

اس موقع پر وفاقی وزیر نور الحق قادری نے کہا کہ کرونا وائرس خطرناک وبا کی صورت میں پھیل رہا ہے، ایران جانے والے زائرین کو آگاہی کا پیغام دینا چاہتے ہی، زائرین ہوں یا تاجر، ایران کے سفر کو کم سے کم کیا جائے۔

انہوں نے کہا کہ کرونا وائرس کی روک تھام کے لیے علما سےمشاورت کی گئی، ذاتی مفادات کے بجائے قومی مفادات کو مدنظر رکھا جائے، مدارس،خطبہ جمعہ اور مجالس میں عوام کو آگاہی دی جائے۔

نور الحق قادری کا کہنا تھا کہ ہمسایہ ممالک ایران اور چین کے ساتھ کھڑے ہیں، ایرانی حکام کے ساتھ 3 دن سے پالیسی بنا رہے ہیں۔

کرونا وائرس دنیا کے لیے بڑا خطرہ بن گیا، اموات 2619 ہو گئیں

واضح رہے کہ کرونا وائرس دنیا کے لیے بڑا خطرہ بن گیا ہے، وائرس سے اموات کی تعداد 2619 ہو گئی۔

گولڑہ شریف: وفاقی وزیر برائے مذہبی امور و بین المذاہب ہم آہنگی نور الحق قادری کا کہا ہے کہ پاکستان کا وجود اولیاء کرام کے فیضان سے ہے، ختم نبوت ﷺ کا منکر کل بھی کافر تھا اور آج بھی کافر ہے۔

گولڑہ شریف میں ختم نبوت ﷺ کانفرنس سے خطاب کرتے ہوئے وفاقی وزیر کا کہنا تھا کہ حضوراکرمﷺکےنام پرقربان ہونا ہی آب حیات ہے، جو رسالت کا غلام ہوا اُسے بغیر کسی تحقیق کے مرتد قرار نہیں دیا جاسکتا۔

اُن کا کہنا تھا کہ  پاکستان کاوجودبھی اولیاکرام کےفیضان سےہے،وزیراعظم کےہوتےپاکستان کو کوئی نظریاتی اساس سےنہیں ہٹاسکتا، ہمارا اور تمام مسلمانوں کا دو ٹوک اعلان ہے کہ ختم نبوتﷺکامنکرکل بھی کافرتھااورآج بھی کافر ہے۔

اُن کا کہنا تھا کہ دنیا کا کوئی بھی نظام منکر کو مسلمان قرار نہیں دے سکتا البتہ جو شخص رسالت پر ایمان لایا اُسے بغیر تحقیق کے مرتد قرار نہیں دیا جاسکتا۔

وزیر اعظم کے معاون خصوصی زلفی بخاری کا کانفرنس سے خطاب کرتے ہوئے کہنا تھا کہ عمران خان نے ختم نبوت ﷺ اور ریاست مدینہ کی آواز بلند کی، یہ بات ہم فخر سے کہہ سکتے ہیں۔

اُن کا کہنا تھا کہ دنیاکےسامنےتحفظ ختم نبوت کیلئےاقدامات بھی وزیراعظم نےتجویزکئے،حضور اکرم ﷺ ہر مکتبہ فکر، پوری انسانیت  کے لیے بہترین نمونہ ہیں،اسلام تلوارسےنہیں اولیائےکرام کی کاوشوں سےپھیلا ہے۔