اسلام آباد : فتنہ الخوارج کے سرغنہ خارجی نور ولی محسود کا چھپ کر پاکستان میں داخل ہونے کا منصوبہ بے نقاب ہوگیا، سرغنہ کا چھپ کر پاکستان آکر ویڈیو ریکارڈ کرانے کا منصوبہ ہے۔
تفصیلات کے مطابق سیکیورٹی ذرائع کی جانب کہا گیا ہے کہ فتنہ الخوارج کے سرغنہ خارجی نور ولی محسود کا چھپ کر پاکستان میں داخل ہونے کا منصوبہ بے نقاب کردیا گیا۔
سیکیورٹی ذرائع کا کہنا تھا کہ فتنہ الخوارج کا سرغنہ پاکستان آنے کی تیاریاں کررہا ہے اور اس کا چھپ کر پاکستان آکر ویڈیو ریکارڈ کرانے کا منصوبہ ہے۔
ذرائع نے کہا کہ ویڈیوریکارڈ کرانے کا مقصد یہ بتانا ہوگا کہ خارجی پاکستان میں ہے تاہم ویڈیو کو ریلیز اس وقت کیا جائے گا جب وہ افغانستان واپس بھاگ چکا ہوگا۔
ذرائع نے مزید بتایا کہ یہ خارج از امکان نہیں نور ولی افغانستان میں ہی ویڈیو ریکارڈ کراکر پاکستان میں ہونے کا دعویٰ کرے۔
یاد رہے فتنہ الخوارج کے خارجی نور ولی اور غٹ حاجی کی آڈیو لیک سامنے آئی تھی، ذرائع نے بتایا تھا کہ لیک آڈیو میں خارجی نور پاکستان سے دہشت گردوں کوواپس نہ آنے کیلئے دباؤڈال رہا ہے۔.
مزید پڑھیں : فتنہ الخوارج کے خارجی نور ولی اورغٹ حاجی کی آڈیو لیک منظر عام پرآگئی
ذرائع کا کہنا تھا کہ نے فتنہ الخوارج کے خارجی نے غٹ حاجی کو بتایا اطلاع کردوں ہماری طرف واپسی کی کسی کواجازت نہیں ، ہر کوئی خود کو تیار رکھے، راستہ بدلنے کی اجازت نہیں۔
لیک آڈیو واضح ثبوت ہے فتنہ الخوارج کے سرغنہ افغانستان میں چھپے بیٹھے ہیں اور وہیں سے دہشت گردوں کو ہدایات جاری کرتے ہیں۔
