بھارت کے اتر پردیش کے للت پور میں ایک انتہائی دلخراش واقعہ رونما ہوا، سرکاری اسپتال میں کتوں نے نوزائیدہ بچے کو بھنبھوڑ ڈالا۔
بھارتی میڈیا رپورٹس کے مطابق گزشتہ روز للت پور میڈیکل کالج میں کتے نومولود بچے کو بھنبھوڑ رہے تھے، جب تک لوگ اُسے بچانے کے لئے پہنچتے کتوں نے بچے کا سر کھا لیا تھا، اسپتال انتظامیہ نے واقعے سے لاتعلقی کا اظہار کرتے ہوئے اہل خانہ پر غفلت کا الزام لگایا ہے۔
رپورٹس کے مطابق بچے کی پیدائش اتوار (9 فروری) کو للت پور میڈیکل کالج اسپتال میں ہوئی۔ بچہ پیدائشی طور پر کم وزن اور اس کی صحت خراب تھی، جس کے باعث اسے خصوصی نوبورن کیئر یونٹ (SNCU) میں داخل کرایا گیا تھا۔
چیف میڈیکل آفیسر کے مطابق بچہ پیدائشی نقائص کے ساتھ پیدا ہوا تھا۔ اس کا وزن 1.3 کلوگرام تھا۔ جب ہم نے اسے SNCU میں منتقل کیا تو وہ زندہ تھا اور اس کے دل کی دھڑکن 80 دھڑکن فی منٹ (bpm) تھی۔ شام تک بچے کی موت ہو گئی۔ لاش لواحقین کے حوالے کر دی گئی۔
چیف میڈیکل آفیسر نے کہا کہ بچے کی خالہ نے لاش وصول کرلی تھی۔ ہمارے پاس خالہ کے انگوٹھے کے نشان کے ساتھ رسیونگ موجود ہے۔
گزشتہ روز اسپتال انتظامیہ کو ایک بچے کی سر کے بغیر لاش زمین پر پڑے ہونے کی اطلاع ملی، اسپتال انتظامیہ نے الزام لگایا ہے کہ لواحقین خود نومولود بچے کی لاش چھوڑ کر چلے گئے۔
للت پور میڈیکل کالج کے پرنسپل ڈی ناتھ نے چار ڈاکٹروں کی ایک کمیٹی تشکیل دی ہے اور 24 گھنٹے کے اندر نومولود سے متعلق مکمل تحقیقاتی رپورٹ پیش کرنے کی ہدایت کی ہے۔
افریقی ملک میں ہیضے کی وباء پھیل گئی، 108 افراد ہلاک
واضح رہے کہ یہ پہلا موقع نہیں ہے جب یہ اسپتال تحقیقات کی زد میں آیا ہو، ماضی میں بھی غفلت برتنے کی رپورٹس سامنے آچکی ہیں۔
نوزائیدہ بچوں میں سرخ خون کے خلیے اْن کی ضرورت سے زیادہ ہوتے ہیں، جب یہ زائد سرخ خون کے خلیے ٹوٹتے ہیں تو یہ بیلیروبن کو آزاد کر دیتے ہیں۔
ایسے بچے جو ابتدائی عمر میں جگر کی بیماری میں مبتلا ہو، وہ بظاہر صحتمند دکھائی دیتے ہیں، مگر بیلیروبن کی زیادہ مقدار بہنے کی صورت میں بچوں کے نظام انہضام اور جگر میں مسائل پیدا ہوسکتے ہیں، جس کے لئے نظام انہضام اور جگر کے اسپیشلسٹ ڈاکٹرز کو معائنہ کرانا ضروری ہوتا ہے۔
