نوشہرہ : سفاک درندوں نے ایک اور ننھی کلی مسل دی، نوشہرہ میں نو سال کی بچی مبینہ زیادتی کے بعد قتل کردی گئی، نامعلوم ملزمان نے معصوم بچی کی لاش قبرستان میں پھینک دی۔
تفصیلات کے مطابق خیبر پختونخوا کے ضلع نوشہرہ کلاں میں نو سالہ بچی بدھ کو گھر سے مدرسے کے لئے گھر سے نکلی لیکن رات گئے تک واپس نہ آئی، والدین نے بچی کی گمشدگی کی رپورٹ متعلقہ تھا نے میں درج کرائی تھی۔
پولیس کے مطابق آج اس کی لاش خیشگی قبرستان سے برآمد کی گئی ہے، واقعے کی تحقیقات کے لئے کمیٹی بنا دی گئی ہے، اس حوالے سے ڈی پی او کا کہنا ہے کہ پوسٹ مارٹم رپورٹ میں بچی کے ساتھ مبینہ جنسی زیادتی کے شواہد ملے ہیں جس کے بعد اسے قتل کیا گیا۔
علاوہ ازیں گزشتہ دنوں حویلیاں میں تین سالہ بچی سے زیادتی اورقتل کیس میں اہم پیش رفت سامنے آئی ہے پولیس نے اٹھارہ مزید افراد کو حراست میں لے لیا ہے، گرفتار ملزمان کے خون کے نمونے ڈی این اے کیلئے بھجوا دیئے گئے ہیں۔
پشاور: ضلع نوشہرہ کے علاقے ازاخیل بالا میں بننے والی ایک سڑک کی لاگت پر جرمن سفیر نے اعتراض کر دیا، کہا یہ غیر معیاری سڑک اتنی مہنگی کیوں بنائی گئی۔
تفصیلات کے مطابق ازاخیل میں بننے والی سڑک پر جرمن سفیر مارٹن کوبلر نے ٹویٹ کے ذریعے سوال کرتے ہوئے کہا کہ خیبر پختونخوا میں سڑک کی تعمیر مہنگی کیوں ہے؟
[bs-quote quote=”کمیونٹی کی جانب سے بنائی گئی سڑک میں کسی قسم کے ٹیکس ادا نہیں کیے گئے، جب کہ حکومت تمام تر ٹیکس ادا کرنے کی پابند ہوتی ہے۔” style=”style-7″ align=”left” color=”#dd3333″ author_name=”شوکت یوسف زئی”][/bs-quote]
جرمن سفیر نے ٹویٹ کرتے ہوئے کہا کہ ازاخیل میں ایک کلو میٹر 12 انچ تہہ کی سڑک تیار ہوئی، جرمنی کے تعاون سے بننے والی یہ سڑک 40 لاکھ میں بنی، لیکن کے پی حکومت نے 6 انچ تہہ کی ایسی سڑک ایک کروڑ میں بنائی، کوئی بتا سکتا ہے کہ لاگت میں اتنا فرق کیوں ہے؟
کے پی کے وزیرِ اطلاعات شوکت یوسف زئی نے جرمن سفیر کے ٹویٹ پر ردِ عمل ظاہر کرتے ہوئے کہا کہ کمیونٹی کی بنائی گئی سڑک میں سیفٹی اسٹینڈرڈ اور انجینئرنگ ڈیزائن کا ذکر نہیں ہے۔
شوکت یوسف زئی نے بتایا کہ حکومت مٹیریل ٹیسٹ اور عالمی ڈیزائن کے معیار کے تحت سڑکیں بناتی ہے، کمیونٹی کی جانب سے بنائی گئی سڑک میں کسی قسم کے ٹیکس ادا نہیں کیے گئے، جب کہ حکومت تمام تر ٹیکس ادا کرنے کی پابند ہوتی ہے۔
اس سڑک کو دیکھیے جو ازاخیل بالا میں مقامی گاؤں کے لوگوں نے #Germany کے @kfwpress کے تعاون سے چالیس 40 لاکھ روپے میں بنائ یہ 1 کلو میٹر لمبی ہے اور 12 انچ موٹی ۔ اسی طرح کی سڑک @KPGovernment نے 1 کروڑ میں ناقص معیار کی( 6 انچ موٹائ) بنوائ۔ کیا آپ مجھے بتا سکتے ہیں کیوں؟؟ pic.twitter.com/8IKdTjEJPU
وزیرِ اطلاعات نے مزید کہا کہ کمیونٹی کی بنائی گئی سڑک میں کراس ڈرینیج اور نکاسی کا ذکر بھی نہیں ہے، صوبائی حکومت قوانین کے تحت رجسٹرڈ کنٹریکٹرز کو ٹھیکے فراہم کرتی ہے۔
انھوں نے کہا کہ حکومت انجینئرز کی رائے پر کم بولی لگانے والے کنٹریکٹرز کو ٹھیکے دے رہی ہے، کم بولی والے کنٹریکٹرز کو ٹھیکے دینے سے خزانے کو خاطرِ خوا بچت ہو رہی ہے۔
دریں اثنا وزیرِ اعلیٰ خیبر پختونخوا کے مشیر اجمل وزیر نے کہا کہ وہ جرمن سفیر کی بات کی تردید نہیں کرتے تاہم یہ جاننا ضروری ہے کہ کمیونٹی اور حکومتی سطح کے منصوبے میں فرق ہے، حکومتی سطح پر ٹیکس، ٹائم کوسٹ اور ٹینڈر کے مسائل ہوتے ہیں۔
نوشہرہ: خیبر پختونخوا کے ضلع نوشہرہ میں پشتو کی اسٹیج اداکارہ اور گلو کارہ ریشم خان کو ان کے شوہر نے گولی مار دی، گلو کارہ نے موقع پر ہی دم توڑ دیا۔
تفصیلات کے مطابق کے پی کے ضلع نوشہرہ سے تعلق رکھنے والی اسٹیج گلو کارہ ریشم خان گولی لگنے سے جاں بحق ہوگئیں، گولی مارنے والا شوہر فرار ہو گیا، مقتولہ اسٹیج پر اداکاری بھی کرتی تھیں۔
پولیس کا کہنا ہے کہ 35 سالہ جواں سال گلوکارہ ریشم خان کو ایک گھریلو جھگڑے کے نتیجے میں شوہر فائدہ خان نے پستول نکال کر گولی ماری، پولیس نے شوہر کے خلاف مقدمہ درج کر لیا۔
مقامی تھانے میں مقتولہ کے بھائی عبید اللہ کی رپورٹ پر درج کی گئی ایف آئی آر کے مطابق میاں بیوی کے درمیان ناچاقی تھی، راضی نامہ بھی ہوا تھا، ملزم فائدہ خان حال ہی میں بیرون ملک سے واپس آیا تھا۔
گلوکارہ کے بھائی نے پولیس کو بتایا کہ رحیم آباد کا رہائشی فائدہ خان بیوی کے ساتھ جھگڑے کی وجہ سے بیرون ملک کام کرنے چلا گیا تھا، حال ہی میں واپس آ کر شوہر نے اپنی بیوی کو بیمار باپ کی عیادت کے لیے جانے پر راضی کیا، جب وہ واپس نہیں آئے تو بھائی نے پولیس میں رپورٹ درج کرادی۔
ریشم خان مقبول اسٹیج گلو کارہ اور اداکارہ تھیں، ریشم نے نہ صرف ملک کے اندر بلکہ بیرون ملک بھی اسٹیج پرفارمنس میں نام کمایا۔
علاقے میں کام کرنے والی ایک این جی او کے جمع کردہ اعداد و شمار کے مطابق یہ 2018 میں خیبر پختونخوا میں عورتوں کے خلاف ہونے والی بیسویں پُر تشدد کاروائی ہے۔
واضح رہے کہ رواں سال فروری میں مردان میں بھی ایک گلو کارہ کو ایک نجی تقریب میں شرکت سے انکار کرنے پر گولی مار کر قتل کر دیا گیا تھا۔
یہ نہایت افسوس ناک امر ہے کہ خیبر پختونخوا میں خاتون گلو کاراؤں اور اداکاراؤں پر قاتلانہ حملے تسلسل کے ساتھ ہو رہے ہیں اور حالیہ واقعہ بھی انھی میں سے ایک ہے۔
2009 میں پشاور میں بھی ایک افسوس ناک واقعہ اس وقت پیش آیا جب ایمن اداس نامی ابھرتی ہوئی خاتون صدا کار کو اس کے بھائیوں نے گھر میں قتل کر دیا تھا۔
خیبر پختونخوا میں فنون لطیفہ سے تعلق رکھنے والی خواتین کی زندگی ہر وقت خطرے سے دوچار رہتی ہے، تاہم مقامی انتظامیہ نے اس سلسلے کو روکنے کے لیے کوئی ٹھوس اقدامات نہیں کیے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
نوشہرہ: جمعیت علمائے اسلام کے سربراہ مولانا فضل الرحمان نے کہا ہے کہ آج خیبر پختونخواہ میں سب سے زیادہ کرپشن ہے.
ان خیالات کا اظہار انھوں نے نوشہرہ میں جلسے سے خطاب کرتے ہوئے کیا۔ ان کا کہنا تھا کہ عمران خان نے خود بھی وفاق میں حکومت نہ ملنے پر شکرادا کیا تھا، اگر ایسا ہوجاتا، تو ملک کو شدید نقصان پہنچتا، ان کا کہنا تھا کہ فتح کیے لئے جمہوریت اورعوام ہی اصل ذریعہ ہیں.
متحدہ مجلس عمل کی تجدید سے متعلق انھوں نے کہا کہ مذہب اور ریاست کو الگ کرنے کی کوشش کی جاتی ہے، جو درست نہیں، ہمارے ہاں مذہبی جماعتیں اکٹھی نہ ہونے پربھی طعنہ دیا جاتا ہے.
مولانا فضل الرحمان نے کہا کہ وہ فاٹا کے انضمام کے مخالف نہیں، البتہ فاٹا کی تقدیر کا فیصلہ قبائلی عوام کو کرنا چاہیے۔
انھوں نے کہا کہ ایم ایم اے کی حکومت میں سب کم کرپشن خیبر پختونخواہ میں تھی، آج صورت حال اس کے برعکس ہے، آج سیاست دباؤ کا شکار ہے، ہم مکمل اسلامی ریاست چاہتے ہیں۔
یاد رہے کہ گذشتہ دنوں پشاور میں خطاب کرتے ہوئے مولانا فضل الرحمان نے کہا تھا کہ سربراہ مولانا فضل الرحمان نے کہا ہے کہ پاکستان بظاہر اسلامی مملکت کہلاتا ہے، مگر ریاست اور ملک کے نظام پر مذہب بیزار قوتوں کا قبضہ ہے۔
نوشہرہ : پی ٹی آئی کے دس اراکین اسمبلی نے ووٹ بیچنے کا الزام مسترد کرتے ہوئے عمران خان سے معافی مانگنے کا مطالبہ کیا ہے، انہوں نے چیف جسٹس سے ازخود نوٹس لینے کی اپیل کی۔
تفصیلات کے مطابق سینیٹ انتخاب میں ووٹ بیچنے کے الزام کا سامنا کرنے والے پاکستان تحریک انصاف کے اراکین اسمبلی بھی میدان میں آگئے۔
نوشہرہ میں پریس کانفرنس میں الزامات کا جواب دیتے ہوئے ان کا کہنا تھا کہ جھوٹے الزام پر عمران خان نے ہم سے معافی نہ مانگی تو انصاف کے حصول کے لیے عدالت سے رجوع کریں گے۔
پریس کانفرنس کرنے والوں میں وزیر اعلیٰ کے پی کے مشیر عبدالحق، قربان علی خان، وجیہ الزمان، یاسین خلیل اورنسیم حیات کے علاوہ دیگر اراکین بھی موجود تھے۔
ان کا کہنا تھا کہ تین مارچ سے ہم پر الزام تراشی کا سلسہ شروع کیا گیا، عزت اچھالنے کے بعد شوکاز نوٹس کی کوئی قانونی حیثیت نہیں رہی، عمران خان نے15دن میں معافی نہ مانگی تو عدالت جائیں گے، قربان علی خان نے پارٹی شوکاز نوٹس کو پریس کانفرنس میں پھاڑ دیا۔
انہوں نے کہا کہ میں خود چیف جسٹس سے اس معاملے کے ازخود نوٹس لینے کا مطالبہ کرتاہوں، سینیٹ انتخابات کی تحقیقات کیلئے جوڈیشل انکوائری کرائی جائے۔
اس کے علاوہ وجیہ الزمان، یاسین خلیل اور نسیم حیات نے کہا کہ سینیٹ الیکشن میں جنہوں نے پیسے لئے وہ لوگ پرویز خٹک کے ساتھ بیٹھے ہیں، عمران خان اور پرویز خٹک کے پاس ثبوت ہیں تو سامنے لائیں، وزیراعلیٰ اوراسپیکر اسمبلی نے خود رقم کی آفر کی تھی۔
واضح رہے کہ گزشتہ دنوں تحریک انصاف کے چیئرمین عمران خان نے اپنی پارٹی کے 20 اراکین کو سینیٹ میں ووٹ بیچنے کے الزام میں شوکاز نوٹس جاری کیا تھا۔
نوشہرہ : نجی اسپتال میں ایف آئی اے ملتان نے کامیاب کارروائی کرکے غیر قانونی گردے کی فروخت اور ٹرانسپلانٹیشن میں ملوث دس ملزمان کو گرفتارکرلیا۔
تفصیلات کے مطابق نوشہرہ کے نجی اسپتال میں گردوں کی غیرقانونی پیوند کاری میں ملوث ایک اور گروہ پکڑا گیا۔ ایف آئی اے ملتان نے کامیاب کارروائی کرتے ہوئے مزید دس ملزمان گرفتار کر لئے۔
مذکورہ ملزمان کو گردوں کی غیرقانونی پیوند کاری کے دوران رنگے ہاتھوں پکڑا گیا، گردہ فروخت کرنے والے اور خریدنے والے شخص کو بھی حراست میں لے لیا گیا۔
گرفتارملزمان میں حیات آباد میڈیکل کمپلیکس کا ڈاکٹرعبدالعزیر ڈاکٹرکامران ,حشمت اللّہ نرسنگ اسسٹنٹ،چار ٹیکنیشن سمیت ڈرائیورشاہد اقبال شامل ہیں۔
ذرائع کے مطابق پچاس ہزار میں گردہ خرید کرسولہ لاکھ روپے میں آپریشن کیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
نوشہرہ : جمعیت علمائے اسلام ف کےسربراہ مولانافضل الرحمان کاکہناہےکہ جمعیت علمائے اسلام کی حکومت ہوگی تو کرپشن کی بات نہیں ہوگی۔
تفصیلات کےمطابق نوشہرہ میں جمعیت علمائے اسلام کےصد سالہ یوم تاسیس پر تین روزہ عالمی اجتماع کے آخری روز مولانا فضل الرحمان نے خطاب کےدوران کہاکہ بیرونی طاقتوں کےجانے سےہی افغانستان میں امن ہوگا۔
جمعیت علمائےاسلام ف کےسربراہ کا کہناتھاکہ پاکستان معدنیات ،تیل وگیس کےذخائرسےمالامال ہے ان سے فائدہ اٹھانےکےلیےکاروباری معاہدےکیےجائیں۔
مولانا فضل الرحمان نےکہاکہ پاکستان کو ایک آزادریاست کے طور پر دیکھنا چاہتےہیں،انہوں نےکہاکہ ملک کوغلامی سےنکلاناجمعیت علمائےاسلام کےمشن میں شامل ہے۔
جے یو آئی ف کےسربراہ کاکہناتھاکہ سیاستدان ایک دوسرےکوکرپٹ اورچورکہتےہیں یہ باوقارسیاست نہیں۔
بھارت سے تعلقات سے متعلق مولانا فضل الرحمان کاکہناتھاکہ ہم پڑوسی ممالک کےساتھ دوستانہ تعلقات چاہتےہیں،بھارت سےمعاملات مذاکرات سےحل کرنےکےخواہاں ہیں۔
اس موقع پر جمعیت علمائےاسلام ف کےسربراہ کا کہناتھامخالفین جمعیت کی مقبولیت کونہیں روک سکتے۔انہوں نےکہاکہ ہم فاٹا کے عوام کو عزت دینا چاہتےہیں۔
فاٹا کےحوالے سے مولانا فضل الرحمان فاٹا کے عوام پر کوئی فیصلہ مسلط نہ کیاجائے۔ان کا کہناتھاکہ فاٹاکاجوبھی مستقبل ہواس میں عوام کی رائےضرورشامل ہو۔
اس سےقبل وزیراعظم کےمشیر انجینئر امیر مقام کاکہناتھا کہ جمعیت علما اسلام کے صد سالہ اجتماع سے پوری دنیا کو پیغام گیا کہ پاکستان میں امن ہے۔
واضح رہےکہ جے یو آئی کے اجتماع عام سے خطاب میں امیر مقام نے کہا کہ پاکستان کے حوالے مثبت تاثر ابھرا ہے کہ یہاں کے لوگ پرامن ہیں اور یہاں اتنا بڑا اجتماع ہوسکتا ہے۔
نوشہرہ : ٹریفک پولیس اہلکار نے اخلاقیات کی تمام حدیں پار کردیں، ہاتھ میں پستول لئے ٹریفک کنٹرول کرتا ہوا اہلکار خود آؤٹ آف کنٹرول ہوگیا، سفید ریش شخص کو کک مارکرگرایا اور پھر لاتیں مارتا رہا۔
تفصیلات کے مطابق کے پی کے پولیس کیسے کارنامے انجام دے سکتی ہے، نوشہرہ کے کانسٹبل نے یہ بتادیا، گزشتہ روز جمیعت علمائے اسلام کے اجتماع میں شرکت کیلئے آنے والے سفید ریش شخص کو کسی بات پرپولیس اہلکار نے پیچھے سے اچانک آکر کک مار کر گرایا اور پھر لاتیں بھی ماریں۔
تشدد کی ویڈیو سامنے آنے پر آئی جی کے پی کے نے ٹریفک وارڈن وسیم سجاد کو نوکری سے برخاست کردیا، نوشہرہ میں ٹریفک کنٹرول کرتے اہلکار اپنا غصہ کنٹرول نہیں کرسکتے۔
یاد رہے کہ اس سے قبل سال دو ہزار پندرہ میں بھی پولیس اہلکاروں نے پشاور سے آئے ہوئے نوجوانوں پر بد ترین تشدد کیا تھا۔
نوشہرہ: صوبہ خیبر پختونخواہ کے شہر نوشہرہ میں جمعیت علمائے اسلام کے صد سالہ یوم تاسیس کا باقاعدہ آغاز ہوگیا۔ اجتماع میں امام کعبہ نے نمازجمعہ پڑھائی۔
تفصیلات کے مطابق جمعیت علمائے اسلام کے 100 سال مکمل ہوگئے۔ اس سلسلے میں نوشہرہ میں تاسیس کی سہ روزہ تقریبات جاری ہیں۔
جے آئی یو کے یوم تاسیس میں شرکت کے لیے آئے مہمان خصوصی امام کعبہ الشیخ صالح بن محمد ابراہیم آل طالب اور سعودی وزیر برائے مذہبی امور صالح بن عبد العزیز الشیخ کو مولانا فضل الرحمٰن نے خوش آمدید کہا۔
امام کعبہ کا خطاب جمعہ
اجتماع کے موقع پر امام کعبہ نے خطبہ جمعہ دیتے ہوئے کہا کہ اسلام امن اور محبت کا دین ہے۔ قرآنی تعلیمات اوررسول ﷺ کی اسوہ حسنہ میں ہی فلاح ہے۔
انہوں نے کہا کہ اللہ کے ہاں اس کا مقام بلند ہے جس میں تقویٰ زیادہ ہو، جبکہ قرآن ہمیں اللہ کی رسی کو مضبوطی سے پکڑنے اور فرقہ واریت میں نہ پڑنے کا حکم دیتا ہے۔
سعودی وزیر برائے مذہبی امور کا خطاب
اس سے قبل سعودی وزیر برائے مذہبی امور صالح بن عبد العزیز نے خطاب کرتے ہوئے کہا کہ جمعیت علمائے اسلام نے برصغیر میں مساجد کی حفاظت کی۔
انہوں نے کہا کہ سعودی عرب اور پاکستان کا رشتہ بے مثال ہے۔ سعودی عرب اور پاکستان کے رشتے کو الفاظ کی تعبیر نہیں دی جاسکتی۔ دونوں ممالک حقیقی بھائیوں کی طرح ہیں۔
سعودی وزیر کا کہنا تھا کہ پاکستان اور سعودی عرب مل کر ہر چیلنج کا سامنا کریں گے۔ ہم اور آپ ایک ہیں۔ انہوں نے کہا کہ آپ سب پاکستانیوں کو سلام پیش کرتا ہوں۔
اس موقع پر امیر جمعیت علمائے اسلام مولانا فضل الرحمٰن نے خطاب کرتے ہوئے کہا کہ عالمی ادارے کشمیر اور فلسطین کا مسئلہ حل نہ کر سکے جس کے باعث مسائل مزید بڑھ گئے۔
بعد ازاں امام کعبہ نے نماز جمعہ کی امامت کی۔
یوم تاسیس کے موقع پر پنڈال میں گھڑ سواروں نے گشت کیا جبکہ ہزاروں افراد کو کنٹرول کرنے کے لیے ڈنڈا بردار فورس بھی اپنے فرائض انجام دیتی رہی۔ نوشہرہ میں 3 روز کے لیے خیمہ بستی بھی قائم کی گئی ہے۔
پشاور: جےیو آئی کی صد سالہ تقریبات کےسلسلے میں نوشہرہ میں ہونے والےاجتماع میں امام کعبہ آج نمازجمعہ پڑھائیں گے۔
تفصیلات کےمطابق نوشہرہ میں جمعیت علمائے اسلام کےصد سالہ یوم تاسیس پر تین روزہ عالمی اجتماع میں آج امام کعبہ نماز جمعہ پڑھائیں گے۔
جمعیت علمائے اسلام ف کےسربراہ مولانا فضل الرحمان کاکہناہےکہ تین روزہ عالمی اجتماع کی تمام تر تیاریاں مکمل کر لی گئی ہیں۔نوشہرہ کےعلاقے اضاخیل میں خیموں کا شہر بسادیا گیا،عالمی اجتماع میں دنیا کے52ملکوں کےوفود شرکت کریں گے۔
مولانا فضل الرحمان کا کہناہےکہ امام کعبہ کی پاکستان آمد پوری قوم کےلیےباعث ِسعادت ہے۔
یاد رہےکہ گزشتہ روز اجتماع میں شرکت کے لیےامام کعبہ الشیخ صالح بن محمد ابراہیم آل طالب سعودی وفد کے ہمراہ پشاور پہنچے تھےجہاں ان کا پرتپاک استقبال کیا گیاتھا۔
اس موقع پر مولانا فضل الرحمان کاکہناتھاکہ امام کعبہ اجتماع میں نماز جمعہ کی امامت کریں گے۔ان کاکہناتھاکہ امام کعبہ امت مسلمہ کا مرکز ہیں اور وہ امن کا پیغام لےکر آئے ہیں۔
خیال رہےکہ امام کعبہ آج نوشہرہ میں نماز جمعہ پڑھائیں گےجس کے بعد وہ جمعیت علمائے اسلام کی صد سالہ تقریبا ت کا افتتاح کریں گے۔
واضح رہےکہ نوشہرہ میں عالمی اجتماع کی سیکورٹی کے لیے سخت انتظامات کیے گئے ہیں۔ڈرون کیمروں سے پورے اجتماع کی نگرانی کی جائے گی جبکہ پولیس اور سیکورٹی اہلکاروں کے علاوہ ہزاروں رضاکار سیکورٹی ڈیوٹی پر مامور ہیں۔
