اداکارہ نوشین شاہ نے انکشاف کیا ہے کہ ڈپریشن میں مبتلا تھی کھانے پینے کے مسائل تھے سو نہیں سکتی تھی لیکن اب سو فیصد فٹ ہوں۔
نجی ٹی وی کے مزاحیہ پروگرام میں اداکارہ نوشین شاہ نے شرکت کی اور پہلی بار اپنی صحت اور ڈپریشن سے متعلق انکشاف کیا۔
نوشین شاہ گزشتہ ایک سال سے اسکرین سے دور تھیں اور اب وہ واپس آگئی ہیں اور ان مشکلات کا ذکر کررہی ہیں جن کا سامنا کرنا پڑا۔
انہوں نے کہا کہ صحت کے مسائل کی وجہ سے کام کرنا چھوڑ دیا تھا اور وقفہ لے لیا۔
یہ پڑھیں: والدہ میرے شوبز میں آنے کے خلاف تھیں، نوشین شاہ
اداکارہ نے کہا کہ ان کی فعالیت متاثر ہوئی ہے وہ روزمرہ زندگی کے کام نہیں کرسکتی تھیں اور جذباتی طور پر ایک تاریک دور سے گزر رہی تھیں، وہ کسی دوسرے کی خوشی محسوس نہیں کرسکتی تھیں اور ساتھ ہی اداسی بھی محسوس نہیں کرسکتی تھیں، ہر وقت خوف میں مبتلا رہتی تھیں۔
نوشین شاہ کے اس کے بعد انہوں نے مناسب علاج کروایا اور اب وہ واپس آچکی ہیں اور جلد ہی دوبارہ کام کریں گی۔
انہوں نے لوگوں پر زور دیا کہ جو اس طرح کے مسائل کا سامنا کرنا کررہے ہیں، علامات کو پہچانیں اور مدد طلب کریں۔
