نومنتخب صدر ڈونلڈ ٹرمپ نے امریکی فورسز میں موجود ٹرانس جینڈر اہلکاروں کو نااہل قرار دیکر فوج سے نکالنے کا فیصلہ کیا ہے۔
میڈیا رپورٹ کے مطابق نومنتخب صدر ڈونلڈ ٹرمپ نے انتخابی وعدہ فوری پورا کرنے کا اعلان کردیا اور کہا کہ امریکا میں صرف دو جنس ہوں گی۔
ٹرمپ کا کہنا تھا کہ پہلے دن ٹرانس جینڈر پاگل پن کو روکنے کیلئے ایگزیکٹو آرڈر جاری کرونگا، میری صدارت کے دوران امریکا کی سرکاری پالیسی صرف دو جنس پر ہوگی۔
انہوں نے مزید کہا کہ ٹرانس جینڈرز کو فوج اور اسکولوں سے باہر نکال دونگا، میرے دور میں مردوں کو خواتین کے کھیلوں سے دور رکھا جائے گا۔
یاد رہے کہ ڈونلڈ ٹرمپ نے اپنے سابق دور میں بھی ایسا ہی ایک حکم نافذ کیا تھا جس کے باعث مسلح افواج کی میں ٹرانس جینڈرز کی بھرتیاں بند ہوگئی تھیں۔
ٹرمپ کے بعد صدر بننے والے جوبائیڈن نے یہ پابندی ختم کرکے ٹرانس جینڈرز کی امریکی فوج میں بھرتیاں شروع کردی تھیں۔
تاہم برطانوی اخبار کی رپورٹ میں یہ دعویٰ بھی کیا گیا ہے کہ اس بار ڈونلڈ ٹرمپ فوج میں پہلے سے موجود ٹرانس جینڈرز کو بھی برطرف کردیں گے۔
